|
أوفيت بوعدي ... علي دهب (علوبة) نجم عرس عمر الفاروق !!!
|
صديقي اللدود عمر الفاروق (أون لاين معاش) كان عرسه عصر اليوم ولا زال متواصلا حتى الأن ، عمر الفاروق يبدو بحالة معنوية مرتفعة ومبتهج جدا في (عصرية) زفافه ..
كنت قد وعدت عمر الفاروق بأن احضر له أشهر شخصية في حفلات الاعراس في السودان ألا وهو علي دهب الشهير بعلوبة والذي تحدثت عنه كثيرا في بوست ذكريات الحفلات وبوستات اخرى مشابهة وهاقد اوفيت بوعدي وجاء إلى الحفل علوبة الشهير بتقليعاته الجديدة والغريبة في الرقص .. وقد رجعت الان من العرس وتركت الحفل مستمرا وعمر الفاروق أخر إنبساطة وإنفعال مع الجو ، وكذا الحال بالنسبة لعلوبة ...
وحتى لا يكذبني عمر الفاروق فقد أحضرت له علوبة حتى وسط الدائرة وجعلتهما الإثنان يرقصان سويا وعرفته على عمر (ويبدو ان عمر كان يعرفه منذ مدة وعمر نفسه ارقص منه)
من بورداب سودانيز اون لا ين حضرنا انا وناجي الملك وتبلدينا وحسين ملاسي والمهندس ولم أر أحدا من بورداب المنبر المجاور (عيب علبكم والله) !!!..
بالمناسبة هنالك صور إلتقطناها لعلي دهب مع البورداب للذكرى والتاريخ وقليلين هم من يحظون بصورة مع علي دهب وسأقوم بإنزالها فور إستلامها لأن الصورة الان في كاميرا المهندس وناجي الملك ..
ألف مليون مبروك للزميل عمر الفاروق وغنشالله بيت مال وعيال ..
|
|
|
|
|
|
|
|
Re: أوفيت بوعدي ... علي دهب (علوبة) نجم عرس عمر الفاروق !!! (Re: ناذر محمد الخليفة)
|
فرانكلي يا حبيب ..
يا زول وعدك متزكرو تب ..
إنتا قربتا ولا شنو ؟؟!!
وبدون أي بوست !!! والله بختكم انا المسكين في البورد دا
حمد حامد جمعة ...
والله لكن بالمناسبة انا اكتشفت غنو العرس البي النهار أحسن من عرس الليل .. لإنو الزول ما بيكون ماخد هم إنو يرجع البيت متاخر ولا يلمو فيهو ناس الطواري بالليل لمن ما يلقى مواصلات ..
وبعدين اهم حاجة في عرس النهار .....
إنو الزول بيكشف كويس
| |
|
|
|
|
|
|
Re: أوفيت بوعدي ... علي دهب (علوبة) نجم عرس عمر الفاروق !!! (Re: tmbis)
|
وانا والله لو جاهز أغني ليهو بالرجالة كدي لكن انا ماكنت جاهز وجيت متاخر لإنو تبلدينا ساقنا معاهو عيزومة غدا بتاعة واحدة قريبتو ..
في حاجة مهمة .. صدق يا تمبس وصلنا عرس قريبة تبلدينا دا أسمع ليك فنانة بتغني وصوتا إصلو اضاني ما تغباهو مع غني سمعتو الليلة بس ...
أااااي الفنانة كانت عوضية كوجيم زاااااتا !!!!
تبلدينا حلف قال نخش نبارك للعروس وانا حلفت قلت ليهو عوضية سوجيم المداقراني في مرتي والله لو بقت أمال النور زاتا ما امشي عليها وفعلا اللك إقتنع وتبلدينا اقتنع وإتخارجنا على عرس عمر بدون ما نبارك للعروس ..
أما صورة علوبة أصبر لي شوية .. قاعدة في كمرة المهندس وناجي صورة تذكارية تاريخية تليق بمقام عرس عمر الفاروق .. بس خلي المهندس أو ناجي يجو
طبعا عثمان ضيق (مرافق علوبة) فتشت عليهو في كل حفلات الأعهراس والسمايات والطهور وسد المال وحق اللبن .. وما لميت فيهو
| |
|
|
|
|
|
|
Re: أوفيت بوعدي ... علي دهب (علوبة) نجم عرس عمر الفاروق !!! (Re: الملك)
|
الأخ ود عكر ......
Quote: لا حولللللللله هو الزول ده لسع ساكى حفلات ؟ |
علي دهب دا اهم شخصية في حفلات الخرطوم هنا والغريبة يقال والعهدة على الراوي أنك قد تراه في حفل بمنطقة العمارات ويأتي اخر ويقسم لك انه شاهده في حفل بمنطقة الكلاكلة وفي نفس الزمن !!!
يعني أمكن يكون مستنسخ !!!!
وحاتك انا من زمن كنت صغيروني وشعري مسبسب كنت بشوف علوبة دا في خفلات أهلنا ولحدي قريبات دي كنت قايلو ود عمي ولا ود خالتي وانما متذكر كويس إنو كان حاضر في عرس أخوي الكبير والكلام دا قبل 18 سنة بالضبط !!!!!
ندوية ..
Quote: كمان دكتور ياناذر ؟
الصلاة على النبى ..
لكن الكان عيان منو ؟؟
|
سلامتنا من عينك ما كان في واحد عيان اليوم داك
دا كشف من نوع تاني إنتي أطلعي منو برة هسي
ناجي ...
أنا راجيك الليلة برضو ...
| |
|
|
|
|
|
|
Re: أوفيت بوعدي ... علي دهب (علوبة) نجم عرس عمر الفاروق !!! (Re: waleedi399)
|
وليد كيفنك ..
باقي الصور لا ميها أخوك تقول داير يفتح بيها إستديو
كيمو دا أنا ما بعرفو لإني خرطومي بس لكن برضو ما أظن حا يكون معتق زي صاحبنا علوبة دا علوبة دا من أقدم ناس السودان في الشغلة دي قلت ليك دا أي عرس بتاع أهلنا حاضروا أنا لحدي قريب دا قايلو ود خالتي ولا ود عمتي لإنو بيعرف ناس بيتنا كلهم
| |
|
|
|
|
|
|
Re: أوفيت بوعدي ... علي دهب (علوبة) نجم عرس عمر الفاروق !!! (Re: waleedi399)
|
والله يا وليد أقول ليك حاجة ما بتصدقا !!!!
أول ما عمر الفاروق شاف علوبة طوالي سلم عليهو سلام أولاد دفع وطوالي عمر فكا مرتو الكان طابيهة ونزل ليك فاصل مع علوبة مسخن جنس سخانة أنا زاتي لمن إنخلعتا !!! عاينتا لي عروس عمر لقيتا هي زاتا بتعاين للمنظر مخلوعة !! أنا لمن حنيت عليها لإنو لسان حالا كان بيقول دا شنو المغترب المقطع الربنا رماني فيهو دا !! دي هسي عمايل زول محترم !! غايتو قبل ما لسان حالا يتم كلامو طوالي سحبت علوبة وزوغتو
الغريبة يا وليد الشمار كتلني قلت لي علوبة الزول دا بتعرفو ؟؟!!!! علوبة قال لي : كييييييف يا مان !! العريس دا ما ود عمتي ودي معلومة لسة ما إتأكدت منها
| |
|
|
|
|
|
|
|