البوست أدناه نقلته من إحدى المنتديات في الشبكة (مادير أقول إسم المنتدى عشان ما ألحق أمات طه ) كاتبه الأخ الصديق أبو النون ...
أنقله هنا بعد إذنه بدون تعليق .... التعليق لي قدام ما تستعجلوا
Quote: اخيراً وبحمد الله تم مساء أمس أول لقاء لبورداب الخرطوم بحدائق الشهداء الساحرة .. و كان اللقاء احتفاء بالدكتورة ضلامية والأخ علاء الدين الذين حلا بأرض الوطن منذ عدة ايام .. وكان اللقاء مدهشاً .. تخللته قفشات من الأخت ضلامية والاخ ناذر .. وبعض المواقف الطريفة حيث لم يتلق هؤلاء الاخوة والاخوات من قبل الا على ساحات البوردات بمختلف انواعها واتجاهاتها وكان لقاء الامس اول لقاء وجهاً لوجه .\. حضر سعادة اللواء باكرا وقام بكل الترتيبات اللازمة ( ده ما شغل الجماعة) .. ثم حضر المحتفى بهم يمتطيان عربة ذات دفع رباعي .. ثم تلاهم الأخ ناذر .. ثم الاخ الشفت وحرمه المصون برفقة ابنيه ..ثم الاخ الكارب يصحبه كل من شمهروش وفوكس وأخ آخر لا اذكره لكنه بوردابي اصيل .. مع وعد من حسين ملاسي بالحضور حتى العاشرة مساء موعد مغادرتي ولم يحضر .. وكانت اللفتة الرائعة من الاخ عمرالفاروق الذي خاطب الحضور عبر الهاتف"زي موضة الايام دي" من السعودية وتحدث لاكثر من نصف ساعة مع جميع الحضور .. وبعد داك ما عارف الحصل شنو لاني مشيت وارجو من الاخوة القعدوا لغاية ما فرتكو الصيوان يتمو الباقي ..
06-05-2005, 07:19 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
يا شباب ... ما تتخلعوا من الصورة العلي اليمين دي .. في ناس طبعا لمن شافوها قلبهم وقع أظن قعدوا يستعوذوا والكلام طار ليهم ويقولوا : يا ربي النصيبة دا الجابوا تاني شنو !! الزول دا ما إرتحنا منو مالو ورانا ورانا !!
والناس الما إنخلعوا أقول ليهم :
يا شباب ما تخافوا .. دي صورتي لمن كنتا كبير
06-05-2005, 07:24 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الأخ المهندس .. وينك يا راجل !!!! إفتقدتك والله منذ أخر لقاء لنا في منزل الدبلوماسي نزار غانم !! حقيقة لا أستطيع الجزم غن كان لقاء لضلاميين ام لا !!!! فقد رأيت وجوها نيرة وقلوبا مستنيرة ويخرج الشعاع من أفواههم ...
حقيقة أنا شخصيا لا وزت من موضوع الصور ملاوزة شديدة والحمد لله طلعت سليمة مع إني توقعت أن يحضر سيادة العميد معه طاقم برنامج في ساحات الفداء
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة