|
|
|
 Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
حريف عديل كدا ياود الخالة , جبت صورة الفاروق وعشان عارفه ممكن تتسبب في تغيير لونك الى الاسود الذي يسر الشامتين قمت جبت موضوع موقع الاغاني ( قديمة) الحيلة عندك وصدقني
لو ما بركات صورة أخونا عثمان لكنت الان أسطر بوست طويل عريض أطالب بعودتك فورآ وأندد بالظلم والتسلط , وأشجب وأدين عدم الالتفات للمطالبات الكتيرة بعودة صاحب الوجه ال...
أيوبأ دقست الفاروق الذي تتلقاه المناشدات بالعودة والتنديد بعلاء السي آي أيه, ورسالة
خالدة ذات مطالبة واحدة هي عودة الفاروق ولو ما ح ترجعوه حنعلق صورته لصد كل المحاولات لنسيانه وهيهات وعاش كفاح الشعوب المنتفضة,,, ويا ناذر مش لو ركبت صورتو لو ولو ولو ولو
لولوها زي ماداير لو ما رجع عمرالفاروق ح يجي فاروق أخر وسيستمر تمرد الشعوب البوردابية
لحين اشعار اخر لك محبتي اخي ناذر وما تطول الغيبة.
| |
 
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: عبداللطيف خليل محمد على)
|
ود الجيران
| Quote: هاهاهاهاهاهاهاااااااااااااااااااااااااااااااااااااااايييي |
ده شنوده!!!!
انا قايل نفسى خاشى بوست غلط.  ..
ياحبه ده عبث طفولى
اقلع حالا
عما تفعله
ياود الجيران
ماتقول لى مش حتنازل عنك ابدا مهما يكون يامان نزل الكادر ده من وشك ليس لشى لكن الموضوع برمتو ماركب لى فى راسى خصوصا شكل الخيار ..الوضع حرج ماوقتو . .
الشى التانى
فى بوست الكلاب
ياخ انا اهرب من مداخلتك اياه تجيبها لى تحت ...
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: صديق الموج)
|
الأعزاء أعلاه ..
شكرا جزيلا للحضور وتشريف البورد ...
هشام مدني والله إبنك ناذر دا قلبو حار بس وما بيرضى الظلم ولا الإساءة عشان كدة مرات طوالي تلقاه بيكتب بي إنفعال لمن يكون شاعر إنو مظلوم لكن تأكد إنو إبنك ناذر برضو ممكن يتراجع في أي لحظا إكتشف فيها إنو غلطان في حق زول أو حا يتسبب في ضرر لي زول ودا السبب الخلاه يعدل كتير الايامات دي لإنو يوميا بتتكشف لي حقتئق جديدة ...
الخال صديق الموج ...
والله جيت في وكتك ..
تعرف انا من زمان عاجباني أغنية إسمها (تيه واتاكا) بيغنيها مبارك حسن بركات لكن صراحة ما قادر أميز كلمات الاغنية كويس فيا ربت لو نزلتها لي هنا مع المعلومات المصاحبة عن اسم الشاعر وفنانا الأصلي ..
ودمتم جميعا ..
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
Quote: يا راجل أنا علاقتي بيك كويسة جدا بس موضوع أي حاجة في أي حتة دا
حيرني في أمرك |
ناذر وأنا اتحدى أي زول يقول غير كدا
| Quote: بس الفوق دي والله ما فهمتها |
تخيل يا ناذر أنا ذاتي قريت مداخلتي عشرين مرة ما فهمت حاجة ..
اما القطيعة .. فهي بالفعل حصلت مع واحد أخونا هنا انت بتعرفوا كويس ..
زولاً عزيز .. ؟؟؟؟؟؟؟؟ أحذر من يكون يا ناذر ؟؟؟ قبل ما تجاوب غلط دا ما هو القاصدو
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
هاك يا ناذر ان شاء الله ما مرقنا منها
اولا الاغنية لعمك محمد ود الرضى وبعدين فيها بيت اعجاز عديل يا ناذر
النقوله ليك:
بقول
كفا كفاك بعاد حلماتك من كتفاك
سئل ود الرضى هل يقصد بعاد حلمات الاذن من الكتف بمعنى ان جيدها طويل
وكما قالت العرب بعيدة مهوى القرط قال لا الاثنين
اى ان حلمات الصدر بعيدات من الكتف بمعنى ناهد... ناذر احى انا
هاك القصيدة
تيه واتاكا مراض وصحاح مقله الفتاكا ظبى الرام
_________________________________
خريف وشتاك ميس يابان المصرى اتاك النسام
البى افتاكا جاب لى روايحك لى هتاكا عود يا منام
_____________________________
ما بيغباك شغفى عليك ومتى متى اصباك تذيدنى هيام
وترينى صباك وتزيدنى عتاب وحنان نتباكا على الايام
_________________________________---
لعلى اراك ضحا تتجلى بطيب واراك ولو فى منام
ويكون سمراك جوارى تيلاد وبعض امراك وبعده تنام
________________________
كفى كفاك بعاد حلماتك من كتفاك در ومدام
والراح فى فاك شعرك عاتم وبدر صفاك وحسنا دام
____________________________---
غريزة حياك عيونا تخشى جمال محياك تاخد السام
ويفوح رياك ينعشنى يجيب خمرا جالياك النسام
____________________________
زور مرضاك وخدك ناعم يذودبو فضاك جيدا جام
على بعضاك وبعضا يميس يعانق اعضاك فوق اردام
_______________________________
التجى طالباك اولى بيها انا وبغضاك الالام
تيه واقضى قضاك الاقى رضاك ورضاى فى رضاك وهذا تمام
_____________________-
المهم يا ناذر ان غم عليكم شىء نحن حاضرين اتمنى نسمعها
فى اول زيارة لنا للخرطوم كان الله قسم..ولك الود وكان محتاج
شى اخر البوست قاعد فى نفس البوست ولك ودى،،
بعدين انتبه للعيون المراض وصحاح..مش فى عيون كدة شكلها مرضانة لكن
بطلع د....الزول عيون نعسانة مجنونة كدى ووب على خالك،،،
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: bushra suleiman)
|
السلام عليكم أخ ناذر وصديق الموج
و معليش يا أخ ناذر للتخريمه دي
مره قريت قصيده ما متذكر لمنو و قصتها إنو الشاعر كان مكسر في واحده كدا مسيحيه في الحله و اهلها ما عايزينو عشان إختلاف الدين قاموا بسرعه لفقوا ليها زواج عشان ما يدخلوا في احراج مع الشاعر دا و أهلو و عزموهو الزفاف في الكنيسه فقام مسكين لما شاف صاحبتو دي مع عريسها كتب الأغنيه دي.. قصه مضحكه شديد
بقول فيها
افكر فيهو و أتأمل أراهو إتجلي و إتجمل هلالي الهل و أتكمل
لوعندك الاغنيه ممكن تكتب لينا الكلمات أكون شاكرك شديد
سلام
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: Cabo)
|
يا ولي ...
عرفتو تب ... بس إنتا قرض على كدة وتاني أوعك تعملا
الخال ود الموج ..
شكرا جزيلا على القصيدة الرائعة ولكن دعني أقول لك ان هذه القصيدة محتاجة للائحة تفسيرية عديل كدة الحقيقة كلماتا صعبا خلاص .. عملتا ليها برنت أوت وحاولت أغنيها بي لحنها الأصلي لكن الكلمات صعبة شديد وصراحة إستلمت تماما من غناءها ..
أما البيت الذي شرحته فهومعجزة الحقيبة بحق ولكني أصدقك القول انني كنت أعتقد حتى وقت قريب أن أبلغ بيت في الحقيبة هو الذي جاء ذكره في أغنية نجوم الليل والذي يقول :
لو عمري شيئا في يدي لوهبتو ليك يا سيدي ..
أما وقد جئتني بشرح البيت الذي في قصيدة تيه واتاكا وتأملت معانيه وتدبرتها فقد غيرت رأيي تماما .. وفعلا الحقيبة بها من المعجزات البلاغية ما لن يتم تكراره مرة أخرى في قصائدنا المستقبلية مهما بلغ شعراءنا من مبلغ ..
Quote: بعدين انتبه للعيون المراض وصحاح..مش فى عيون كدة شكلها مرضانة لكن
بطلع د....الزول عيون نعسانة مجنونة كدى ووب على خالك،،،
|
يا خال ... يا خال ..
أعصابك والله أنا وقعت لي تماما بس إنتا ما تتشنج تضيع وتضيعنا معاك
الرائع الإنسان بشرى ..
والله موقعك دا مبالغة عدبل وأفادني جدا وأجمل ما به تقسيمه للشعراء وأعمالهم كل على حدة .. شكرا جزيلا وما نعدمك با رائع ..
الرائع كابو ..
حقيقة انا اول مرة اضطلع للرواية الحقيقية لهذه الاغنية الرائعة وأنا حافظ الأغنية لكن بالتأكيد سيكون بها بعض الأخطاء الطفيفة نسبة لأنني لم احفظها من مصدرها الأصلي لذا فأترك الفرصة للخال صديق الموج لينزلها هنا فأستفيد معك ..
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
Quote: أما البيت الذي شرحته فهومعجزة الحقيبة بحق ولكني أصدقك القول انني كنت أعتقد حتى وقت قريب أن أبلغ بيت في الحقيبة هو الذي جاء ذكره في أغنية نجوم الليل والذي يقول :
لو عمري شيئا في يدي لوهبتو ليك يا سيدي |
ناذر تكلمت عن الاعجاز لكن تعال شوف الاعجاز البحير الزول
عمك ابراهيم العبادى عنده قصيده بقول فيها:
من فريع الحنة وزهرة التفاح هاج بلابل فكرى النسيم الفاح
وبعدين مرة فى جلسة ضمتنا انا والمرحوم ابراهيم احمد عبد الكريم
واخرون من المهتمين قام المرحوم ابراهيم قال لى يا ابو الموج
بيت عمك ابراهيم العبادى ده انا على فدر ما قريت شعر عربى لم
اجد له شبيه البيت بقول:
كل معصم جدلة والكفيفات غوف
والكتيف الهادل بالكفل مشغوف
نايمة او كان صاحية حال جلوس ووقوف
فيه لاحم ديمه منه ماله براح
بمعنى ان هذه الملهمة معاصمها(اياديها) مثل جدلات الحرير وكفوفها مثل الغوف
اى القطيفة ومن شدة ما لينة كتفها يلامس اردافها كانه شغوف بها
فى حالة كونها نايمة وصاحية وجالسة وواقفة فهى مثنية وكتفها
ملحوم بكفلها فهل لاقاك مثل هذا وهل هناك انسان بهذا اللين
يبدو وكانه مطبق.
اعجاز اخر هذه المرة من عمك ابو صلاح فى قصيدة
الدلال والغرام عيونى يا هندة جافوا المنام عيونى
بقول:
مرة الحاظها قابلونى............ ظلما اسهاما نبلونى
قالت لى ارداف تقال بلونى.. والسنون تضوى قالبه لونى
هذا جناس كامل قال بلونى وقالبه لونى
ناذر حتما ساعود..الله يدينا وقت
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
Quote: الأخوة الاعزاء ..
أحتاج وبشدة لعنوان أي موقع سوداني أو غيره به اكبر كمية من الاغاني السودانية ... مكتوبة كتابة
لانني أحتاج إليها بشدة ..
فمن يتكرم بالمساعدة ويدلني على العناوين ؟؟!! |
الأخ الكريم ناذر...
حسب معلوماتي إنت في السودان.....
لذلك أنصحك بشراء كتاب ( روائع حقيبة أم درمان ) ل ( محمد حسن علي (( الجقر )) )الصادر عن دار عزة للنشر و التوزيع.....
الكتاب بالجد موسوعة عن الغناء بمختلف انواعه... غزلي......وطني..عام....خاص......إلخ.......و تعريف بالشعر الغنائي العامي و بعض الفصحى.....
في الكتاب قصائد و أغاني تغنى بها كبار الفنانين و الفنانات لفطاحلة شعر الحقيبة..أمثال....ود الرضي... ابو صلاح...عمر البنا... خليل فرح... محمد بشير عتيق...عبد الرحمن الريح.... و غيرهم من شعراء الحقيبة و الغناء الشعبي و المعاصر.......
أرجو أن تجد فيه ضالتك....
ودي و تقديري
ممكونة
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: faisal44)
|
الخال ود الموج ...
غيبتك طولت منتظر عودتك على احر من الجمر ...
الأخت ممكونة ..
شكرا للنصيحة وسأعمل على إقتناء الكتاب بأسرع فرصة خاصة وأن كاتبه الجقر هو أحد المرجعيات الهامة والنادرة في أغاني الحقيبة وقد شهدته في المنتديات العامة الثقافية كيف انه يسكب للحضور وبكل سهولة أي كمية من المعلومات عن أغاني الحقيبة من حيث تاريخ التسجيل والشعراء وحتى الكورس والعازفين ..
الأخ فيصل ...
الرابط الذي أعطيتني إياه بحر حقيقي من الأغاني والمعلومات القيمة
شكرا جزيلا لك واظنني سأكون من زولره لأشهر طويلة قادمة ..
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: Mohamed Adam)
|
الأخ محمد أدم ..
وأنت أيضا شرفتني كثيرا بتداخلك هنا ..
Quote: لو سمحت تعطينا تعريف للأغنيه السودانيه؟ عسانا نبحث لك عنها!!..هل هي أغنية المذمار ،الحقيبه، الطنبور أم أغاني الشادوف بالربابه!!!!!!!!!.
|
حقيقة ما تطلبه شائك ومعقد وقد قتله ولا زال يقتله الباحثين بحثا وتدقيقا وتفصيلا وأنا حقيقة لا أستطيع أن امنحك إجابة شافية ومفصلة ربما قد أفعل على جرعات من خلال هذا البوست
ولكن بما ان الخال ود الموج هنا بعلمه الواسع فلنستفيد منه سويا في هذا الموضوع وأنا واثق أننا سنتلقى محاضرة شيقة عن هذا الموضوع البحر ..
لك التحايا مرة أخرى
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
Quote: ود الموج
تعال وحدثنا قليلا عن :
قال لي لازم جرحك مدة الأزمان
لا روائحي تطبك لا ولا لقمان
البداوي جروحك شفتو يا السقمان
بين عصير الندل البنضحو الرمان .. |
دى يا ناذر قصيدة عمك ابو صلاح من قليبه الجافى ولى قليبى الحان
النسيم يتردد عامل استمحان
لاروائحى يطبك لا ولا لقمان..الروائحى هو الذى يشفى من الريح وهو المس
بما فيهم الريح الاحمر(الزار) ولقمان هو لقمان الحكيم
بعدين شوف الدواء وين يا ناذر بين عصير الند وليست الندل البنضحو
الرمان ..هناك عصير برائحة الند تنضحه تلك الفاتنة يخرج من بين الرمان
الذى يحمله ذلك القوام الفارع...بس انت قول اوعدنا يارب وادى خالك معاك
يا شافع مالك داير تجنن خالك بعد كل هذه السنون،،
فى بيت بقول يا ناذر
الدوش افكارى وربا لى جنان
خمرة تمزج تينة وتسقى در اسنان
رق يسطل سمعى لهيجك الرنان
انت ناس فى دنيا ولا حور فى جنان
ناذر نصيحة اخوية لك انا مع الجديد لكن لما ما تلقى البديع من الكلام
ارجع لى الحقيبة ففها القديم الجديد..اقل شى بتكون اديت دورك فى
الارتقاء بذوق وسمع المتلقى...وخلى جلابية وابشرا لى ناس جلابية
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: صديق الموج)
|
والله يا خال انا البوست دا كنت عاملو عشان معلومات صغيرة عن المواقع السودانية لكن ما دان إنتا هنا الليلة إلا نحصل الفورة زي ما قال عمر الفاروق
اها نبدا
Quote: النسيم يتردد عامل استمحان
لاروائحى يطبك لا ولا لقمان..الروائحى هو الذى يشفى من الريح وهو المس
بما فيهم الريح الاحمر(الزار) ولقمان هو لقمان الحكيم
بعدين شوف الدواء وين يا ناذر بين عصير الند وليست الندل البنضحو
الرمان ..هناك عصير برائحة الند تنضحه تلك الفاتنة يخرج من بين الرمان
الذى يحمله ذلك القوام الفارع...بس انت قول اوعدنا يارب وادى خالك معاك |
البيحيرني ياخال شعراء الحقيبة بيجيبوا التشبيهات دي من وين ؟!!
تعرف مع تفسيرك دا أول مرة أعرف إنو في حاجة إسمها عصير الند (وكمن أعتقد قبلا أن الإسم هو الندل وأفتاني أحدهم بأن الندل هو عصير الرمان) .. ولكن هل حديثك هذا يتحدث عن عصير الند الفي الديا ولا الأخرة ؟؟!! ثم أين يجد هذا السقمان عصير الند في بلددنا الإستوائية التي لا ينبت فيها الرمان ؟؟؟؟!!!
تعرف أنا إتخايلي زولك أبو صلاح دا (دقس) المرضان داك يكون لي يوم الليلة كايس لي الند وما لامي فيهو أما إن كان يقصد أن يجده في الأخرة فأنا أدعو الله ان يهبه له ...
| Quote: يا شافع مالك داير تجنن خالك بعد كل هذه السنون،، |
هسي عليك الله منو الداير يجنن التاني
الأغاني دي أنا كنت بسمعا وبغنيها زي الببغاء مرات كتيرة ما بلقى زي تفسيراتك دي لكن بعد دا شكلي حا أبكي وإدشدش لمن أغني الغنية دي بعد الفهم دا
Quote: ناذر نصيحة اخوية لك انا مع الجديد لكن لما ما تلقى البديع من الكلام
ارجع لى الحقيبة ففها القديم الجديد..اقل شى بتكون اديت دورك فى
الارتقاء بذوق وسمع المتلقى...وخلى جلابية وابشرا لى ناس جلابية |
كلامك في العين والراس يا خال .. تسلم على النصيحة ..
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
ناذر ود الجيران
والجميع
التحايا النواضر
اسمع انا حاستغل بوستك لاغراض شخصيه
استانا
صديق الموج
ياخ مغروض لي فى كلمات اغنيه انا حافظها لكن ما خالص وكمان وداير اعرف شاعرها منو
فايرات نلقاها عندك انت براك ماشاء الله مكتبه
نستفيد مك برضو
الاغنيه بتقول
صادفنى الحبيب بى حشمه سالمتو
تركنى وحيدسهران
ليو قلبى سلمتو لانى ..لانى سالمتو
برضو اسمها رايح لي
فحتى الشباب الهنا لو فيهم واحد عارف خليهو يكتبها لينا واسمها وشاعرها..
تكونو ماقصرتو تب..
لانى سالمتو
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: ناذر محمد الخليفة)
|
Quote: اها يا خال دايرين دي :
العيون والضمرة والوريد الوافر
من محاسنك عالم الغزال النافر
على صدرك قنبل كم أسلم كافر
أها الليلة يا جنيت أنا يا كمان ودرتا إنتا
ناذر العزيز بقول ابوصلاح:
العيون والضمرة والوريد الوافر
من محاسنك عارن الغزال النافر وليس عالم
بمعنى ان عيونك الواسعة الجميلة وضمرتك ( ضميرك اى خصرك)
استعارتهن تلك الغزالة النافرة..اما من يرى ذلك الصدر الطامح الناهد
فهو يسلم من غير شك بانه لامحال مهزوم اذا ما نازل تلك الجيوش الجرارة و
هى مسلحة بكل تلك القنابل...وحتما سوف يؤمن بالخالق البديع.
ناذر يا ولد خالك براه متجرس وهو بعيد حتى عن كتبه مالك داير تعولقو
الله يهديك يا ولد..ولى عودات
معتز صادفنى الحبيب من كلمات احمد محمد الشيخ الجاغريو ولو عايز بنزلها
ليك انت تامر،،
| |
|
|
|
|
|
|
|
|
|
Re: طلب مساعدة .. موقع به أكبر كمية من الاغاني السودانية (مكتوبة ) .. (Re: معتز تروتسكى)
|
والله يا تروتسكي بوستك داك روعة عديل وانا متابعو بالجد لإنو بوست واضح وصريح جدا وغير معتاد عليه خاصة في أمور التحدث عن خصوصيات أفراد الأحزاب ..
| Quote: بنات اليسار جميلات دائما.. |
والله في دي معاك حق وانا في فترة من الفترات كان تسجيلي فاكي ومشيت لي مناضلاتكم ديل وبكيت ليهم عديل عشان يدوني فورم لكن أبوني مرة واحدة رغم تعهدي لهم بالنضال حتى سقوط واشنطن وبالثبات حتى تحديد الهوية وبالكلاش وإنها لثورة حتى النصر وكنت جادي والله لكن الله لا كسبن ابوني تب مع غني ما شين للدرجة دي وممكن أشكل معاهن فولترون ...
بس عليك الله كلمنا عن سلوك بقية عضوية بقية الأحزاب عشان تتضح الصورة ويا ريت لو ...
بديت بي سلوك عضوية ....
البعث
الحاجة التانية شفرة إيقونة النار دي ما وريتني ليها مالك !!!!!
| |
|
|
|
|
|
|
| |
ناذر محمد الخليفة
Osman M Salih
banadieha
معتز تروتسكى
الرفاعي عبدالعاطي حجر
عبداللطيف خليل محمد على
هاشم نوريت
صديق الموج
waleedi399
bushra suleiman
mamkouna
Mohamed Adam
عبير خيرى
فيس بوك
تويتر
انستقرام
يوتيوب
بنتيريست