|
|
|
 Re: عـُـــــــــــدْنــــــــا ... (Re: ناذر محمد الخليفة)
|
سلامات يا غلامابي ..
مرحب بيك كتير في المنبر ..
وكيف الشباب في السوداتي بي طرفكم ؟!!
Quote:
أهو برلوم يستقبلك
زمان البرالمة بستقبلوهم أسع بقينا نستقبل السناير
شفتا النظام الاسفيري الجديد
|
الشغلة أساسا جايطة في المنابر الأسفيرية السودانية ..
وما عندنا حاجة إسمها برالمة وسناير في الفضاء دا ..
تسلم كتير وإنشاالله ما تشوف شر في المنبر ..
| |
 
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
التحية في البدء للأخوة بورداب القاهرة دون فرز ..
حقيقة سعدت جدا بملاقاتهم وإستضافتهم لي وتعرفي بهم عن قرب .. لقد كانوا خير أخوة وأصدقاء لي طوال فترة وجودي التي قضيتها في القاهرة بينهم ولم يفارقوني لحظة أثناء وجودي بمصر .. حيث أنهم فعلو كل ما يمكنهم من أجل جعل إقامتي وزوجتي في مصر هانئة ومريحة وبذلو من وقتهم وجهدهم الكثير ..
وحتى من لم أقابله فقد سعدت بإتصاله بي وتذليله للعديد من الصعاب التي واجهتني في القاهرة والإسكندرية ..
شنكل :
أقول لم يفارقوني لحظة للدرجة التي كادوا يفسدوا معها شهر العسل ..!
الشكر لهم فردا فردا 
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
ناذر سلامات ومشتاقيين كتير اوى اوى
كيف لامى العسولة ربنا يحفظكم لبعض وحشتونا خالص
وياسلام على مصر ام الدنيا وناس القاهرة الحلوين كلهم فرد فرد
ياسلام عليهم السر وعبدالغفار ومحمد عادل صلاح امين وقاو اسماء الحسينى وكلهم كلهم بدون فرز
اما ناس السودان حلاتم ياناس لامى وناذر وبلقيس وتنتونه تانية الكبر بس نسانى اسمها مع بلقيس (ملكة سبا)
والله سعيدة بيكم وبمعرفتى بيكم عن قرب
| |
|
|
|
|
|
|
|
|
 Re: عـُـــــــــــدْنــــــــا ... (Re: الملك)
|
العزيز العريس ناذر
الف حمد لله على سلامة رجوعك الى اهلك وقد تركت خلفك فى مصر اهل آخرين أصبحت قريب جدا من قلوبهم بفضل طيب معشرك وظرفك وطرافتك و(مقالبك) ومشاركاتك اليوميه الفاعله فى كل الجوانب الحياتيه التى نعيشها فى مصر، اذا كان ذلك تجمعا عاديا أو منتدى أو فى موقع الحزب الجمالى الجديد بشارع شريف.
ومن حسن الطالع أن تتصادف زيارتك الى مصر مع قدوم كوكبه نيره بقيادة (قايد الأسطول)!!
سوف نطلب من "البعيو" يوم السبت خلال حفلته أغنية نهديها لك أستعنا لها منه بطللب منك لو تذكر "الزمان زمانك".
نحياتى لك مرة أخرى ولمن معك فى السودان جميعا.
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
ماجدة ..
Quote: ناذر سلامات ومشتاقيين كتير اوى اوى
كيف لامى العسولة ربنا يحفظكم لبعض وحشتونا خالص
وياسلام على مصر ام الدنيا وناس القاهرة الحلوين كلهم فرد فرد
ياسلام عليهم السر وعبدالغفار ومحمد عادل صلاح امين وقاو اسماء الحسينى وكلهم كلهم بدون فرز
اما ناس السودان حلاتم ياناس لامى وناذر وبلقيس وتنتونه تانية الكبر بس نسانى اسمها مع بلقيس (ملكة سبا)
والله سعيدة بيكم وبمعرفتى بيكم عن قرب |
يا زولة أول حاجة حمدلله على السلامة .. وكيف الصحة هسي ؟!
والله فاقدينيك كتير ويوماتي بنسأل عليك بعد سفرك ..
كل الجماعة بخير وبعد سفرك الشلة بقو يسافرو واحد واحد ..
عليك الله في أحلى من الجوز عبد الغفار ومحمد عادل ديل : 
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
محمد البشرى ...
الله يسلمك يا حبيب
يا زول إنت أخبارك شنو ؟ قالو الأيامات الفاتت كنت متجدددع في الخرطوم ! أها إنشالله بس عجبتك ! عليك الله مش أحسن من الفجيرة فرع الحاج يوسف في الإمارات
بعدين تعال هنا :
دي شنو صورة البروفايل العجيبة دي :
لو قاعد لسع في الخرطوم قول عووك وخلينا نشوفك باللاي !
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
منى خوجلي ...
حمدلله على سلامة الوصول ..
Quote: حمدلله علي السلامه..
ومصر هاتضلم! |
هي ناقصة تضلم بعد سفرك !
الظاهر شفطتي كهربة القاهرة الجديدة كلها وسافرتي لأنو بعديك في قطع كهربا دور في البلد دوير ما عادي ..
ومحتاجين لي جلسة في الحسيني مرة تانية زي دي :
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
خالد المنسي ..
Quote: العريس سلام
عوداً حميد مستطاب يا رب
ألف مبروك وربنا يجعل كل ايامك عسل
لك التحية وحمد الله على سلامة العودة للمنبر
لك التقدير والاحترام
خالد |
الله يسلمك يا حبيب ..
وأهو جينا راجعين المنبر أكثر إصرارا على مواصلة ذات النهج ...
تسلم كتير ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
هبة عبد الله ..
سلامات يا دكتورة ...
Quote: عودا حميدا
و
ملـــيون مبــروك
و
بـــيت مـــال وعيـــال
و
ربــــــــــنا يبـــارك لـــيكم |
الله يبارك فبك يا وعقبال كل الجماعة بي طرفكم ..
بالمناسبة :
وين محمد هونولولو !! أظنو طول ما ظهر في المنبر !!
ولا انا غلطان ؟!!
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
روميو ...
مشتاقين والله .. أخبارك كيف ؟!!
Quote: حمدالله على السلامة
و الف مبروك
__
المنبر بطيء بجيك راجع بي رواقة. |
أنا ما عارف المنبر دا مالو مفرمل كدة ؟!! الشغلة دي ليها فترة ولا شنو ؟!!
بالمناسبة :
شكرا على وضعك لهذا البوت الرائع تحت تصرفنا بالقاهرة ..
وما نعدمك يا حبيب ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
العريس ناذر
عودا حميدا مستطاب
يااخى طولت علينا الغيبة
وخائف العروس تقول ليك بعد ده
يااناياسودانيزاونلاين
توقعنا جيتك ماليزيا
اصلوا العرسان بقوا يعسلوا
في بلاد الملايو كمان
العرس لقيتو كيف؟1
والقاهرة اكيد نورت بوجودك فيها
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
دكتور معز ...
Quote: ألف ألف مبروك يا ناذر
ربنا يهنيك ويسعدك
وبيت مال وعيال ان شاء الله
شفتك في قناة النيل الأزرق
وفرحت ليك جداً والله |
لكن ماشاء الله عليك ..
عيني باردة .. لكن عندك بورداب تبعك في القاهرة يحسدوك عليهم والله ..
شباب في غاية النبل .. أخلاق وكرم وشهامة ونبل ما عادي ..
ودا بدون مجاملة والله ..
قابلت كمية منهم في حفل ليلة العود بدار السودان بالقاهرة .. ناس في غاية الطيبة والله ..
ربنا يخليك ليهم ويخليهم ليك ..
تسلم كتير ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
ناجي الملك ..
والله ما تتصور مشتاق ليك كيف ..
عامل شنو مع الشغل ؟ّ
Quote: عارف عشان ارد عليك سمعتا الاغنية 4 مرات بدون ان تفتح الصفحة كاملة
|
ما مني والله .. من السيرفر بتاع المنبر إفتكر ...
أنا قاعد لي أكتر من ساعة في المنبر ويا دوبك رديت على أربعة ضيوف بس ..
تسلم ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
ود الخليفه
حمدا لله على السلامه
وانشاء الله حصلتوا باقى الخريف
والله الدار بعدكم اصبحت خلا وانفض السامر الرائع الذى جمعنا بكم بتسللكم واحدا تلو الاخر
وبالامس كانت الجلسه حول ترابيزه بعد ما كانت حول اربعه
وبيت مال وعيال وسعاده للابد
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
العمدة تاج السر الحسن ...
Quote: العزيز العريس ناذر
الف حمد لله على سلامة رجوعك الى اهلك وقد تركت خلفك فى مصر اهل آخرين أصبحت قريب جدا من قلوبهم بفضل طيب معشرك وظرفك وطرافتك و(مقالبك) ومشاركاتك اليوميه الفاعله فى كل الجوانب الحياتيه التى نعيشها فى مصر، اذا كان ذلك تجمعا عاديا أو منتدى أو فى موقع الحزب الجمالى الجديد بشارع شريف.
|
لولا أني أخشى ألا أعطيك حقك ومستحق من الحديث والثناء لكتبت الكثير .. ولن أنسى تلك الأيام التي قضيتها وسطكم في مصر وكنتم خير مثال للصداقة والكرم والشهامة ..
أرجو أن تبلغ عاطر تحاياي للأساتذة ثروت وفضل والأستاذة أسماء الحسيني ولأخرين بطرفكم ..
Quote: ومن حسن الطالع أن تتصادف زيارتك الى مصر مع قدوم كوكبه نيره بقيادة (قايد الأسطول)!!
سوف نطلب من "البعيو" يوم السبت خلال حفلته أغنية نهديها لك أستعنا لها منه بطللب منك لو تذكر "الزمان زمانك".
|
والله يا تاج السر لقد أفلح الأستاذ عبد الله البعيو في جلب الفرح إلى نفسي بعد ذلك الإحباط الذي أصابني من حفلة ود الأمين التي كنت أنتظرها بفارغ الصبر وكان من حسن الحظ عند رجوعنا أن وجدنا الأستاذ البعيو في الإنتظار فأفلح في إزالة الوجوم عنا بطربه الأصيل من أغاني الحقيبة وأغانيه الخاصة بأريحية وإندياح لن تمحى من ذاكرة قهاوي شارع شريف مهمل طال الزمن فكانت من أجمل سهرات القاهرة ..
صورة عبد الله البعيو الخايف عليها :
الزمان زمانك أهدي لي من فضلك نظرة في رمانك
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
أخبار الشباب ديل شنو ؟! الواحد طول ما سمع منهم حاجة ؟!
------------------------------------------------------------
عاد يا ناذر أقول ليك شنو؟الشباب عاملين فيها بزنس مان و بزنس وومن و الله قادر ، قلتا ليهم اللهم لا حسد بس يعني الفقراء و المساكين الزينا أولى بالنظر ..شغلهم دة ماخدهم شديد
تقديري
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
Quote: بالله أخبار الكوارع شنو في الحلة الجديدة ؟
سمعت إنك في الخرطوم ..
إنشاالله الشباب يكونو ما قصرو معاك في الناحية دي |
والله يا ناذر دة خبر مزيف وظلامي
والناس ديل عايزين يضيعوا علينا الكوارع
انا قاعد في الرباط وكنت مستنيك تجي تعسل بي هنا
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
حيدر كيفك ..
Quote: وخائف العروس تقول ليك بعد ده
يااناياسودانيزاونلاين
|
لا لا .. إطمن من الناحية دي لأنها هي زاتا بوردابية ومدمنة للمنبر
Quote: توقعنا جيتك ماليزيا
|
والله المفروض كدة لكن ماليزيا دي بقى الواحد يخاف منها لأنو لو جيت بي دربها إنشالله ترانسيت طوالي يقولو عليك حرامي وسارق قوت الشعب وبطيخ ..
وأنا قدامي أولاد بربي فيهم وما ناقص حاجة زي دي
لكن إنشاء الله عما قريب نغير الجواز ونجيكم بي إسم تاني لا من درى لا من شاف بس إنت أوعك تفضحني وتقول ناذر كان معانا في ماليزيا
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
الاخ الحبيب اللذيذ العزيز الاستاندر ناذر ودالخليفة
والله ياناذر برضو شايفين روحنا مقصرين معاك كتير كتير والله
وكانت اجمل الايام التى قضيناها فى القاهرة سويا
ولن ننسى تلك الايام واللحظات وستظل قهو نادى البنك الاهلى فى الذاكرة وكانت لها طعم وجمال وانت بيننا
ولن ننسى عصائر فرغلى وعصير فخفخينا و البطيخ فى الذاكرة
ولن ننسى حفلة محمد منير اللذيذه الجميلة التى وقفنا فيها حوالى ساعتين ونصف ولن ننسى تلك الجلسه على الارض فى فاصل كل اغنية
ولن ننسى حفلة مدينة السادس من اكتوبر التى كنت قاب قوسين اودنى ان تغنى فيها
ولن ننسى يابو النيز هذة الايام
التى جمعتنا بك انت ولميس وملكة سبا وشقيقتها ومنى وماجدة عوض خوجلى واسماء الحسينى والفنان البيعو
وانتظرنا جاينك قريب فى البلد
وتحياتى للميس
وقريب بطرفكم فى السودان ياحبيب
لك منى وافر التحايا
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
عبد الغفار ...
كيفك يا حبيب ..
ما تتصور فاقدك كيف ..
Quote: ود الخليفه
حمدا لله على السلامه
وانشاء الله حصلتوا باقى الخريف
والله الدار بعدكم اصبحت خلا وانفض السامر الرائع الذى جمعنا بكم بتسللكم واحدا تلو الاخر
وبالامس كانت الجلسه حول ترابيزه بعد ما كانت حول اربعه
وبيت مال وعيال وسعاده للابد |
والله أنا فاقد جلسة قهوة شريف دي بي شدة وشبط ..
بالله ما تتفارقو وخليكم ديمة متجمعين ..
سلامي الشديد للأسالذ فضل وأولاده ..
شنكل :
وسلامي لي عم وهبة شديد بالله
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
الأخ العزيز/ ناذر ، العريس ،،
ألف ألف مبروك .. والله عجبنا ليك بالحيل ،، وأمنياتنا لكما بنور السـعادة
ياخي ضــوّاليك ويالعريس ، مبروك عليك ..
بيت "كتير" مال و " دوشة" عيال ، و " طلاوة" أنجال .. وبالرفاه والبنين ..
----
ياخوي ، نحنا عرسك ده، جانا خبر ، وحضرناه في الBNtv. .. بالله ما عرفتني؟
(على قول نكتة أبوداؤود ، له الرحمة ، هزّ فيهو واحد من المعجبين ، وحيـّاه على الغنا الطاعم ، وقال ليهو : يا أبوداؤود ما عرفتني؟ .. سأله أبو داؤود أن يذكّره، فقال : يا خي لمـّان تجي في الإذاعة ، أنا الرادي ده ما بفارق اضاني ! سامعك طوالي طوالي ..) دحين يابو النـُّذُر ، أنا حضرت فرحك بالبلونايل تي في .. فهل تعرفني يا أخا الأسافير؟
شنكل ناذري !
عقبال بالبكاري ، بعد تلك السنون السبعة العجاف !
ودمتم ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
الإستاندرد محمد عادل ..
يا خي والله فاقدك وفاقد لياليك ..
Quote: الاخ الحبيب اللذيذ العزيز الاستاندر ناذر ودالخليفة
والله ياناذر برضو شايفين روحنا مقصرين معاك كتير كتير والله
وكانت اجمل الايام التى قضيناها فى القاهرة سويا
ولن ننسى تلك الايام واللحظات وستظل قهو نادى البنك الاهلى فى الذاكرة وكانت لها طعم وجمال وانت بيننا
ولن ننسى عصائر فرغلى وعصير فخفخينا و البطيخ فى الذاكرة
ولن ننسى حفلة محمد منير اللذيذه الجميلة التى وقفنا فيها حوالى ساعتين ونصف ولن ننسى تلك الجلسه على الارض فى فاصل كل اغنية
ولن ننسى حفلة مدينة السادس من اكتوبر التى كنت قاب قوسين اودنى ان تغنى فيها
ولن ننسى يابو النيز هذة الايام
التى جمعتنا بك انت ولميس وملكة سبا وشقيقتها ومنى وماجدة عوض خوجلى واسماء الحسينى والفنان البيعو
|
والله أيام لها إيقاع زي ما بيقولو ..
تتكرر إنشاء الله ..
أبشر بالخير ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
أبو جودة كيفك ...
Quote: الأخ العزيز/ ناذر ، العريس ،،
ألف ألف مبروك .. والله عجبنا ليك بالحيل ،، وأمنياتنا لكما بنور السـعادة
ياخي ضــوّاليك ويالعريس ، مبروك عليك ..
بيت "كتير" مال و " دوشة" عيال ، و " طلاوة" أنجال .. وبالرفاه والبنين ..
|
الله يبارك فيك يا حبيب .. تسلم كتير ..
Quote: ياخوي ، نحنا عرسك ده، جانا خبر ، وحضرناه في الBNtv. .. بالله ما عرفتني؟
(على قول نكتة أبوداؤود ، له الرحمة ، هزّ فيهو واحد من المعجبين ، وحيـّاه على الغنا الطاعم ، وقال ليهو : يا أبوداؤود ما عرفتني؟ .. سأله أبو داؤود أن يذكّره، فقال : يا خي لمـّان تجي في الإذاعة ، أنا الرادي ده ما بفارق اضاني ! سامعك طوالي طوالي ..) دحين يابو النـُّذُر ، أنا حضرت فرحك بالبلونايل تي في .. فهل تعرفني يا أخا الأسافير؟
|
:
زي الحنكوشة السألوها : بتعرفي الغنماية ؟ قالت ليهم ما بعرفا !! قالو ليها الغنماية ياخ ! قالت ما بعرفا .. لمن حكوها معاها قامت قالت ليهم : أنا بالجد جد ما بعرفا .. هي قالت بتعرفني
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
عـائـد عـائـد يا.....
نـاذر!
الف حـمـداللـه عـلي السـلامـة، وحـشـــــتــنا واللـه.
بالـمناسـبة انت رجـعـت لل "ـمنبـر العام" يوم وده يوم فـي التاريـخ الـعالـمـي:
" بـدأ الخليفة عبـداللـه التعايشـي فـي بناء الـطوابـي عـلي ضـفاف النيل وجـنـد لـهـذا العمـل نـحـو 5 ألف مقاتل بـجانب المزارعـيـن الذين تركوا الزراعـة لانجـاز هـذا الـمبـنـي قبل وصـول البـوارج الأنـجـليزية والتـي ضـربت امـدرمان في يوم الـجـمعـة 2 سـبتـمبـر 1898".
انا كتبت هـذا الكـلام عـلي وحـي القطـعة الفنيـة الرائـعـة الـتي صـاحـبت " بـوسـت" العـودة.
اكـرر مـودتي.
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
عـائـد عـائـد يا.....
نـاذر!
الف حـمـداللـه عـلي السـلامـة، وحـشـــــتــنا واللـه.
بالـمناسـبة انت رجـعـت لل "ـمنبـر العام" يوم 10 اغسـطـس وده يوم مـهـم فـي التاريـخ الـعالـمـي:
" بـدأ الخليفة عبـداللـه التعايشـي فـي بناء الـطوابـي عـلي ضـفاف النيل يوم 10 اغسـطـس وجـنـد لـهـذا العمـل نـحـو 5 ألف مقاتل بـجانب المزارعـيـن الذين تركوا الزراعـة لانجـاز هـذا الـمبـنـي قبل وصـول البـوارج الأنـجـليزية والتـي ضـربت امـدرمان في يوم الـجـمعـة 2 سـبتـمبـر 1898".
انا كتبت هـذا الكـلام عـلي وحـي القطـعة الفنيـة الرائـعـة الـتي صـاحـبت " بـوسـت" العـودة.
اكـرر مـودتي.
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
يا سلاااام عليك يا أستاذ بكري ..
والله جبت سيرتك في القاهرة مع الشباب وطلبت منهم يركزوا في مداخلاتك في المنبر لأنها مش مجرد مداخلات .. هي وثائق تاريخية ومعلومات قيمة قد تكون فايتة عليهم زي دي :
Quote: بالـمناسـبة انت رجـعـت لل "ـمنبـر العام" يوم وده يوم فـي التاريـخ الـعالـمـي:
" بـدأ الخليفة عبـداللـه التعايشـي فـي بناء الـطوابـي عـلي ضـفاف النيل وجـنـد لـهـذا العمـل نـحـو 5 ألف مقاتل بـجانب المزارعـيـن الذين تركوا الزراعـة لانجـاز هـذا الـمبـنـي قبل وصـول البـوارج الأنـجـليزية والتـي ضـربت امـدرمان في يوم الـجـمعـة 2 سـبتـمبـر 1898".
|
تسلم كتير على المعلومات دي ..
Quote: انا كتبت هـذا الكـلام عـلي وحـي القطـعة الفنيـة الرائـعـة الـتي صـاحـبت " بـوسـت" العـودة.
|
أنا دائما بتفاءل بي الكتيابي وهمزة سليمان عشان كدة بخت أغنية علي كيفي في البوستات الداير أكتبا بي مزاج ..
والحمد لله أهي إستعدلت مزاجك برضو لكتابة ..
تسلم كتير يا بكري ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
هجو الأقرع ..
| Quote: الاخ الكريم ، حمدلله على السلامة ، اسف للوصول متاخر ، عندنا مشكلة من كم يوم فى بطء فى الموقع والدخول صعب . شاكرا لك الاتصال وانت تغادر شمال الواحد . |
الحمد لله وصلت بالسلامة فجر البارحة ..
ومشكلة بطء الموقع أنا برضو بعاني منها هنا ..
تحياتي لي محمد والجميع ..
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
| Quote: والله أنا فاقد جلسة قهوة شريف دي بي شدة وشبط |
الأعزاء
ناذر
تاج السر
عبد الغفار
محمد عادل
في صيف 2002 زرت القاهرة في رحلة علمية و ترفيهية في نفس الوقت
و كانت إقامتي في وسط البلد بشارع شريف و تحديدا تقاطع شارع شريف مع شارع قصر النيل مقابل للبنك المركزي "عمارة ضخمة كدة"
و البورصة ... و باللفة منها شارع شواربي حيث الجنصصة و القشرات
قضيت أجمل اللحظات مع زملاء الدراسة , و لشارع شريف الوقع الأكبر نسبة للكم الهائل من المحال
لا أنسى أيضا شارع 26 يوليو و جاد " أحلى سندوتشات فول و طعمية "
و للامام قليلا من جـاد حلواني العبد " أحلى باسطة و آيسكريم "
بعد الآيسكريم طوالي على سينما ريفولي و الكبكبة أثناء المرور بدار القضاء العالى 
و كمان شارع طلعت حرب حيث المول الجميل و سينما أوديون " أول سينما دخلتها في القاهرة "
الحمد لله لسة متذكر حلتنا زمان
طبعا يا ناذر بورداب القاهرة برمجوا ليك شهر العسل كأحسن ما يكون
أحلى تحية لبورداب القاهرة ... وبعد ده يا مان عندنا ناس في مصر.... تسلمـوا
| |
|
|
|
|
|
|
|
|
|
Re: عـُـــــــــــدْنــــــــا ... (Re: ناذر محمد الخليفة)
|
يا سلااااااام يا غباشي ..
Quote: في صيف 2002 زرت القاهرة في رحلة علمية و ترفيهية في نفس الوقت
و كانت إقامتي في وسط البلد بشارع شريف و تحديدا تقاطع شارع شريف مع شارع قصر النيل مقابل للبنك المركزي "عمارة ضخمة كدة"
و البورصة ... و باللفة منها شارع شواربي حيث الجنصصة و القشرات
قضيت أجمل اللحظات مع زملاء الدراسة , و لشارع شريف الوقع الأكبر نسبة للكم الهائل من المحال
لا أنسى أيضا شارع 26 يوليو و جاد " أحلى سندوتشات فول و طعمية "
و للامام قليلا من جـاد حلواني العبد " أحلى باسطة و آيسكريم "
|
لقيتك حافظ ومتذكر والله
دي بالضبط الحتات الكنا بنتفسح فيها .. وبالذات حلواني العبد بتاع الأيسكريم داك .. صحبو حفظنا عديييل كدة لأنو كنا بنجيهو شبه يومي ...
| Quote: بعد الآيسكريم طوالي على سينما ريفولي و الكبكبة أثناء المرور بدار القضاء العالى |
أها الكبكبة دي كانت بتحصل لي برضو لمن أجي قدام دار القضاء العالي لكن ما بعد ما أكون طالع من سينما ريفولي ..
بتحصل لي بعد ما أكون طالع من عم وهبة اللي هو جم التوفيقية بي هناك
شنكل :
غايتو الدخلوها فينا ناس النظام العام في السودان بقت تخلينا نخاف ونتراجف قدام مباني دار أي قضاء في العالم حتى لو كان دار قضاء (وقدر) !!
| |
|
|
|
|
|
|
| |
ناذر محمد الخليفة
Haytham Abdulaziz
ahmed khidir
طارق جبريل
Mustafa Mahmoud
مجاهد عبد الرحمن
ماجدة عوض خوجلى
معتز القريش
محمد البشرى الخضر
Muna Khugali
غباشي
خالد علي محجوب المنسي
فيصل نوبي
Alsa7afa_30
Deng
Dr. Moiz Bakhiet
نيازي مصطفى
حاتم هاشم
يوسف الولى
حيدر حسن ميرغني
عاطف عمر
الشيخ إبراهيم الشيخ
الملك
lana mahdi
سيف الدين حسن العوض
عبدالكريم الامين احمد
mamkouna
محمد عادل
محمد أبوجودة
أبو ساندرا
شهاب الفاتح عثمان
هجو الأقرع
Kostawi
hatim
فيس بوك
تويتر
انستقرام
يوتيوب
بنتيريست