|
|
 تجهيز لحوم الكلاب في السودان للصينيين بين الحقيقة والخيال !!
|
أولا وقبل الخوض في هذا الموضوع الغريب ، أحب أن أرجو من ذوي الأعصاب الضعيفة والذين يتميزون بخاصية الغثيان السريع أن يتخذوا إحتياطاتهم قبل قراءة هذا الموضوع كاملا ، لأنه سيكون هنالك بكل تأكيد الكثير من التفاصيل التي ستثير تقذذهم لحدها الأقصى ..
إتفقنا !! حسنا أنا أخلي نفسي من المسئولية ولنبدأ ..
مع إنفتاح النظام الحاكم على دول جنوب شرق أسيا كنتيجة طبيعية لسياسة الإستعداء التي إنتهجتها العقلية الإنقاذية ضد دول الغرب ، إمتلاء السودان بالعديد من مواطني جنسيات تلك الدول وبالأخص الصين والهند وباكستان وبنغلاديش وبعضا من مواطني الفلبين وماليزيا وسريلانكا بل وظهرت في السودان مهنة فتح مكاتب لإستقدام العمال المهرة وأيضا المربيات وخادمات المنازل وهذا مالم يكن متوافرا قبلا ..
وطبعا مع قانون الإستثمار هنا في السودان والذي يمنح المستثمر الأجنبي مزايا وتسهيلات أكثر من المستثمر الوطني !! تدفق إلى السودان جيوش جرارة من المستثمرين وأيضا العمال الاجانب وأنصاف رجال الأعمال خاصة من دول جنوب شرق أسيا المذكورة أعلاه وجميع تلكم الفئات تتمتع بدعم النظام هنا والكثير من القوانين طوعت لمصلحة بقائهم وإستمراريتهم وطبعا لا تستطيع أي جهة إنكار الدور الكبير الذي يلعبونه في سبيل تطوير البيئة الإستثمارية وجذب الشركات و رجال الأعمال لما فيه مصلحتهم ومصلحة السودان (أو هكذا يعتقد النظام القائم) مما جعل السودان حاليا أشبه بالحالة التي كانت عليها دول الخليج في السبعينات في أوائل عهدها بإكتشاف البترول ..
وطبعا فإن تلك الجيوش الجرارة من الأجانب لديها إحتياجاتها الضرورية الخاصة والتي إعتادت على توافرها في موطنها ولكنها تفتقد إليه هنا بسبب القوانين والعادات السائدة والتي تتعارض مع الإحتياجات التي يسعى إليها هؤلاء ..
وبما ان الممنوع مرغوب وبما ان السودان لا يزال يخطو أولى خطواته نحو الإنفتاح وأن الحكومة السودانية على إستعداد للتغاضي عن كثير من التجاوزات في سبيل الا تتحول بيئة السودان الإستثمارية من (جاذبة) إلى (طاردة) ، كان لا بد والحال هكذا من ظهور مهن جديدة تغطي على إحتياجات هؤلاء الأجانب مثل صناعة الخمور البلدية الفاخرة ومهنة (الدعارة عند الطلب) والتي يقوم بالتجهيز لها شبه متعهدين... ما عليك إلا الضغط على أزرار هاتفك وطلب ما تريده منه ومواصفاته المطلوبة فيأتيك طلبك حتى مكانك دون عناء !! ثم والأهم من كل ذلك والذي أنا بصدده الأن هو مهنة متعهدوا تجهيز لحوم الكلاب وأيضا حسب الطلب !! ..
الأن التركيبة السكانية في العاصمة القومية قد تغيرت تماما حيث لا يخلو حي واحد في المدن الثلاث من الوجود الأجنبي المكثف وبالذات الصينيين والهنود ،، فكيف يحصل هؤلاء والصينيين على وجه الخصوص على وجباتهم المفضلة ولحوم الكلاب هي أهمها ؟!!
في أوائل سنوات إكتشاف البترول توافد الصينيين للسودان والذين جلبوا من أجل بناء المشروعات العملاقة مثل السدود والجسور والكباري والمباني الحكومية.. كان من الملاحظ في أي حي يسكنه هؤلاء هو تناقص أعداد كلاب الحي وخاصة الضالة منها أو التي لا يوليها أصحابها العناية اللازمة وطبعا في كل الاحوال كانت أصابع الإتهام تشير للصينيين فورا دون اي دليل إثبات .. ولكن هل يستطيع الصيني التجول في الأحياء ومن ثم خطف كلبا او كلبين أمام العامة والذهاب بهما مطمئنا لمنزله أم أن هنالك وسطاء لهذا العمل ؟؟!! ....
قبل عدة اعوام كنت في زيارة لأحد أصدقائي في حي بانت الذي كان به عددا من الصينيين يقيمون به ، وفي أثناء حديثنا دخل علينا أحد أصدقاء صديقي ذاك وكان في عجلة من امره وطلب من صديقي الذهاب معه بعربته لمكان قريب ودون تردد ذهبنا معه وفي خارج المنزل وجدناه يحمل كرتونة بها عدد خمسة جراء صغيرة !! فإندهشنا وسألناه ماذا يريد أن يفعل بها ؟! ولكنه كان متعجلا وطلب منا فقط الذهاب معه ومن ثم توجهنا نحو إحدي المنازل وهناك كان بعض الصينيين في إنتظاره ودلفنا جميعا داخل حوش المنزل وأخرج لهم بضاعته الثمينة فقلبها الصينيين يمينا وشمالا وتبادلوا الجراء فيما بينهم وهم يتفحصونها بدقة (بالضبط كمن بريد شراء خروف عندنا) .. وبعد ان رطنوا بلغتهم وبدأ عليهم الرضا أخرج أحدهم مبلغ خمسين ألف جنيه وسلمها لذلك الشخص (بواقع عشرة ألف للجرو) !! مع العلم أن تلك الجراء الصغيرة لا تكفي حتى لإشباع أحدهم ولا تكفي ولا حتى لعمل (حلة شية) تكفيهم جميعا .. فإذا كانت أسعار الجراء بهذا الإرتفاع فكم سيكون سعر كلب بالغ (تني) أو (جذعة) إذا ما قارنا ذلك بالخراف !!..
طبعا كان ذلك قبل عدة اعوام ولكن تطورت هذه المهنة الان بعيدا عن أعين السلطات (أو ربما تكتفي السلطات فقط بغض طرفها عنها طالما لا يوجد شكوى رسمية تفيد بفقدان كلب) !! والان بات في حكم المؤكد أن تطور هذه المهنة ذهب ابعد من ذلك وأصبح يتم تجهيز تلك اللحوم بكاملها داخل المنازل من الذبح وحتى تقسيم وتقطيع اللحم حسب الطلب ، وربما هنالك من يطلب كوارع أو مرارة أو أم فتفت كلب !! وربما يصار جلد الكلب للدباغة لعمل المراكيب أو الشنط النسائية !! من يدري المهم ان العائد المجز من تلك المهنة يجعل كل شئ قابلا للحدوث والإمكانية ..
الشركة التي أعمل بها تمتلك مستودعا للبضاعة بمنطقة الإسطبلات بالخرطوم كان حوشه يعج بما لا يقل عن دستتين من الكلاب في مختلف الأعمار (قطيع صغير مقارنة بالخراف) !! جئت للمستودع في إحدى الأيامات بعد إنقطاع ليس بالطويل فلفت نظري عدم وجود ولا حتى جرو واحد !! وعندما سألت الخفير تردد في الإجابة أولا وبعد حدتي معه أخبرني ان الكلاب بعضها هرب والبعض الأخر قام بطرده من المستودع لأنه صار متسخا بسبب الكلاب !!!
وطبعا هناك سر كبير وراء إختفاء الكلاب من عدد من الاحياء وبالذات التي بها اسواق شعبية مثل سوق عبد المنعم في الخرطوم حيث شاهدت بأم عيني عددا من المشردين يقومون بالقبض على الكلاب وتحميلها في عربة أمجاد ينطلق بها سائقها إلى مكان مجهول هو بالضرورة معمل صغير أو جزارة متواضعة حيث يتم هنالك ذبح الكلاب وتحويلها إلى لحوم إستهلاكية ربما كان من بينها السجق والكبدة ولا استبعد الكوارع و (باسم) وهو رأس الخروف (الكلب) لمن لا يعرفه ..
أخبرني من أثق به أن المشردين يتقاضون مبلغا عبارة عن خمس ألف جنيه للكلب الواحد (وهو مبلغ كبير لتلك الشريحة التي تحدثت عنها في بوست سابق) فكم ياتري يكون سعر الكيلو من ذلك اللحم واين يذهب فاقد اللحم والذي يرجع لعدم التسويق ؟!!
بكل تأكيد ان من يمتهن حرفة كهذه (جزار كلاب أو وسيط مبيعات) يخلو تماما من الاخلاق وحتما قد يكون تذوق في إحدى الأيام لحم ما يذبحه على الأقل بدافع الفضول ووجد لنفسه مبررا يبيح له تسويق الفائض في السوق العام بدلا من ان يفسد على الرغم من أن السعر لن يكون مجزيا في حالة شراءه من قبل غير الصينيين ولكنه على كل حال لم يخسر مليما ولم يجلب لبهائمه برسيما أو علفا ولم يسرح بها في الخلاء ..
القضية خطيرة جدا وعلينا ان نجد موازنة تتيح للأجنبي توافر إحتياجاته هنا بمشروعية وأمام اعين السلطات ورقابتها ، وبين صحة المواطن والذي لا يعلم ان ذات المعدات التي أستعملت في تحضير لحومه قد أستعملت قبلا في تحضير لحوم ذات نوعية اخرى ..
قد لا يعجبه ذلك إطلاقا خاصة إذا علم ان غير قليل من لحوم تلك الكلاب قد إختلط بما إشتراه من لحوم أبقار أو خراف !!..
الشي الأكيد الان ان الاجانب يتوافدون بكثرة على السودان وهم سيحصلون على احتياجاتهم سوى شئنا ام أبينا .. ورغم جميع قائمة المحظورات فقد رأيت بأم عيني عينة من الخمر البلدي الفاخر وتعبئتها المقنعة للأجانب تذهب لهم مباشرة ودون عناء حين الطلب ، فهل نحن مستعدون لتلك المرحلة ؟؟!!
هل سنتقبل وجود جزارة او مصنع لتجهيز لحوم الكلاب بمشروعية ؟؟!!
هل سنرضى وجود مطعما يبيع حساء وارجل الضفادع على العلن وهل سنشهد قريبا مطاردة المشردين للضفادع في البرك والاوحال لتسليمها للوسطاء وأصحاب المطاعم ؟؟!!
لا حظوا أننا في مرحلة تنفيذ إتفاقية سلام يتحول بموجبها السودان إلى بلد علماني كامل رغم محاولات مسئولينا نفي ذلك .. ولاحظوا أن الجنوبيين (الطرف الثاني من الإتفاقية) يحبون تناول لحوم القرود !! فهل سنمنعهم من ذلك إذا ما ارادوا إنشاء مصنع بقلب العاصمة لتجهيز تلكم اللحوم للجنوبيين بالخرطوم أم سنتعايش مع الفكرة ؟؟!!
هل نحن مستعدين للتعايش مع فكرة وجود (بار) أو معملا صغيرا لتصنيع وتعبئة الخمور للأجانب تحت بصر السلطة ؟؟!
تذكروا لا يوجد شئ بدون ثمن فبما أننا إرتضينا وجود الاجانب هنا لخدمتنا والمساهمة في مشروعات البناء والبترول لصالحنا .. علينا إختلاق صيغة توافقية تسمح لهم بممارسة عاداتهم بحرية ودون تدخل ..
وقبل ان اختم هذا المقال أقول انني ذهبت قبل يومين إلى وسط السوق العربي وكانت الشمس ساخنة والجو حارا فشعرت بالعطش والجوع فتقدمت ناحية صف من محلات الاطعمة لتناول سندوتش شاورمة ومياه غازية ولدهشتي الشديدة وجدت الا وجود للشاورمة إطلاقا في الكافتريات !! وعند إستفساري أتتني الإجابة وهي ان السلطات قد قامت بحملة دهم مكثفة وصادرت جميع ماكينات الشاورما من المحلات ومنعت بيعها للمواطنين بمبرر ان الشاورما مكشوفة للغبار وضارة بصحة المواطن رغم أن بعض الماكينات موجودة داخل المطاعم ومحاطة بالزجاج من ثلاث جهات ولكنها لم تسلم ايضا من المصادرة ...؟؟!!!
هل تصدقون ذلك بعد ما رويته اعلاه عن تحضير لحوم الكلاب !!
لا اريد إتهام احد ولكن على السلطات ان تكون واضحة فيما يختص بصحة المواطن ، وإن كانت قد إستشعرت تسرب لحوم كلاب لماكينات الشاورما فعليها توضيح ذلك للعلن ، إذ لا يعقل ان الشاورما والتي تباع منذ قرون بتلك الطريقة وفي جميع البلدان أصبحت الأن فقط مصدرا للخطر بصحة المواطن ، ولا يعقل أيضا ان السلطات تبحث عن صحة المواطن بين ماكينات الشاورما بينما تتجاهل الخطر الحقيقي المهدد لصحته والمتمثل في إنتشار السرطانات والوبائيات بسبب الاسمدة التالفة والشكوك التي تحوم حول دفن النفايات الذرية .. مالكم كيف تحكمون ؟
لا أقول ذلك محتجا على مصادرة ماكينات الشاورما التي احبها كثيرا ، فقد إكتفيت في ذلك اليوم بسندوتش سمك وعصير جوافة ...
ألا قد بلغت اللهم فأشهد ..
|
|
 
|
|
|
|
|
|
|
 Re: تجهيز لحوم الكلاب في السودان للصينيين بين الحقيقة والخيال !! (Re: معتز تروتسكى)
|
ناذر
دبايوا
حمدالله على السلامة يازول انت حى دى سلامة..
فى سنكات وهى مدينة كان يقطنها الصينيون فى شرق السودان كانت الكلاب
تنبح طول الليل منذ مجى الجماعة ديل كثر الحديث بانهم باكلو الكلاب وكدا
وبعد زيارتى للمدينة بعد سكن الصينيين كان الكلب اذا اراد ان ينبح
يتلفت يمين شمال ويكون واقف فى كورنر للتخفى وينبح بصوت خافض لا يسمعه
الا من كان بالقرب منه بنحو نصف متر اى(هوهو) وفى احدى الروايات يهو هو
ثلاثا.
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: معتز تروتسكى)
|
الحبيب تروتسكي
دراج العاطلة والله ..
أولا الشكر الجزيل على الخدمات ..
حقيقة قد يكون الأمر عادي كما أسلفت إذا كان في إطار التصرفات الفردية ولكنني الأن أتحدث عن ظاهرة توافد شعب كامل إلينا ولديه إحتياجاته التي يطالب بها لتوفيرها ..
هذه مهنة لا اريد ان اقول أنها دخيلة لانني واثق أنها غدا قد تصبح مهنة اساسية وقد يترك الجزارون هنا ذبح الخراف والأبقار ويتحولون لذبح الكلاب لعائدها الضخم إلا انني أركز على مسألة صحة المواطن وأيضا مسألة تقنين هذه العملية والتسليم بأنه لا مناص منها كي تصبح شرعية وتحت أعين السلطات ..
الموضوع طويل ومتشبك ولكن نحتاج فقط للجرأة حتى ننفذ الفكرة ونرضى جميع الأطراف .
لك التحية وأشكرك مرة أخرى ..
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
هاشم نوريت
Quote: ناذر
دبايوا
حمدالله على السلامة يازول انت حى دى سلامة..
فى سنكات وهى مدينة كان يقطنها الصينيون فى شرق السودان كانت الكلاب
تنبح طول الليل منذ مجى الجماعة ديل كثر الحديث بانهم باكلو الكلاب وكدا
وبعد زيارتى للمدينة بعد سكن الصينيين كان الكلب اذا اراد ان ينبح
يتلفت يمين شمال ويكون واقف فى كورنر للتخفى وينبح بصوت خافض لا يسمعه
الا من كان بالقرب منه بنحو نصف متر اى(هوهو) وفى احدى الروايات يهو هو
ثلاثا. |
الله يجازيك ياخي كتلتني من الضحك الناس المعاي قالوا ناذر جنا ولا شنو ..
الحمد لله ااي أنا حي إنتا صدقتا انا لحقتا أمات طه ولا شنو
الاخ الهادي ...
شرفت البوست والله ....
والله أنا زاتي شاكي هسي يكون في ناس في الحكومة متورطين في الشغلة دي ..
أو على الأقل متسترين عليها ...
أنا والله ما عندي مانع إنشالله ياكلو الكدايس ذاتا ..
لكن داير الشغلة تكون مقننة عشان صحة المواطن والوطن ..
شكرا للمرور
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: معتز تروتسكى)
|
تروتسكي ..
كلام الاخ الهادي انا ماخدو بجدية كاملة ولا أستبعد حدوث أي شي مما ذكره ..
صدقني إذا وجدت فتوى تبيح لي ذبح الكلاب وتجهيز لحومها لدخلت في بزنس جديد
وأفتتح محلات وأسميها (أبو النيز للحوم الكلاب المجمدة) أو أي إسم جاذب ولطلبت منك مساعدتي في توريد عددا من الطباخين والجزارين الصينيين لعملية الذبح وهو بزنس ناجح هنا كما ارى حتى من غير شركة ..
ولكنني واثق في عدم وجود مثل هذه الفتوى لعلمي بنجاسة الكلب رغم ان السودانيين قديما تذوقوا لحمه في حادثة حصار الخرطوم بجيش المهدي حيث يقال ان السكان أكلوا لحوم الحمير والكلاب والقطط وحتى جلود الحيوانات !!!
ثم ما هي الانعكاسات الاخلاقية التي ستترتب على ذبح الكلاب وبيع لحومها !!!
الموضوع بحاجة لمزيد من البخث والتقصي !!!!
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
الحبيب ناذر
مساء الخير
الاشكال ليس في المتاجرة فقط بلحوم الكلاب
الاشكال في فرمها بمفرمات اللحم
وعمل النقانق
والكباب
الخ
في ماكينات و مصانع مرخص بها للحوم البقر و الخراف
وتخيل الخطر على الصحة العامة للمواطنين الذين يشترون [على عماهم]لحوم بقر و خراف مذبوحة و مقطعة و معبأة بماكينات استخدمت في تقطيع لحم الكلاب
ناهيك عن كون لحم الكلاب هذا حرام شرعا اكله
وحكومة التوجه الحضاري لا تغض الطرف بل و ربما تشجع كل هذا تحت ستار و مبرر تشجيع الاستثمار خاصة و من المعروف ان عوائد الاستثمار تذهب للجيوب و ليس لخزانة الدولة في الاغلب الاعم
والله ليك يا بلد
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: lana mahdi)
|
الغالية لنا مهدي
تحية طيبة ...Quote: الاشكال ليس في المتاجرة فقط بلحوم الكلاب
الاشكال في فرمها بمفرمات اللحم
وعمل النقانق
والكباب
الخ
في ماكينات و مصانع مرخص بها للحوم البقر و الخراف
|
وهذا هو ما احول التنبيه إليه في هذا البوست ..
بما ان أصحاب هذه المهنة لا اخلاق لهم ..
فبكل تأكيد لن يهتموا بشراء مفارم لتجهيز الكلاب فقط ..
فبكل تاكيد وبما ان همهم الربح ...
سيلجأون إلى خلط هذي بذاك ويختلط الحابل بالنابل ..
والضحية المواطن المسكين ..
Quote: ناهيك عن كون لحم الكلاب هذا حرام شرعا اكله
|
سؤال مهم أطلب من ذوي الإختصاص إفتاءنا به ....
(إذا كان لحم الكلاب محرم شرعا فهل ينطبق ذلك على تجهيزه)!!!
وما حكم الترخيص للمسلمين ولغير المسلمين بتجهيز هذا النوع من اللحم!!
أرجو الاجابة باسرع ما يمكن .. وأتعشم وجود فقه الضرورة في ثناياها !!
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: zola123)
|
الشكر الجزيل للمتداخلين ..
هشام مدني
لنا مهدي
زولة ..
أبدأ بي زولة ..
أول حاجة حمد الله على السلامة وبنك إنتي ؟؟!! الواحد طول ما شاف ليك كتابة ؟!
أها والله تعقيبك جميل بس في حاجة مهمة ..
إنو الموضوع ما مضحك ..
الموضوع خطير حدا وفيهو تهديد للصحة العامة وانا لمن بنيت عليه إفتراضاتي ما كان ساي ..
كان من واقع أشباء ملموسة وأشياء خمنتها من واقع سير الاحداث وتحليلها ..
بعدين تروتسكي فوق ذكر إنو في أمدرمان كان في جزارين بيضبحو الحمير ويسوقوا لحوما رغم عدم وجود مشترين .. أها هسي في مستهلكين للكلاب .... المانع شنو جزارين الحمير يقلبوا كلاب طالما في مستهلكين ؟؟ والمشكلة إنو بي نفس المعدات بتاعت تحضير لحوم الخرفان والبقر ودا عندو إنعكاساتو على صحة المواطن ..
كدي بما إنو البوست دا مقرف شوية عندي موقف حا احكيهو لإختبار صلاحية ناس الأعصاب الضعيفة ودا بس عشان الناس تعرف خطورة الموضوع الانا بتكلم عنو وإنشالله يا لنا يكون سندوتش البيرقر لسة معاك وإنتا يا هشام أمشي أحشي ليك أي حاجة وتعال
في واحد كدا من بلدياتنا كان بعيد عنكم عندو مشكلة في بطنو .. طوالي بيستفرغ بي سبب وبدون سبب .. قاموا اهلو جابوهو المستشفى ورقدوهو في العنبر .. ختوا قداموا كورية صغيرة كدي لزوم يستفرغ فيها وكدى .. كويس معاكم ؟ أها صاحبنا دا بقي يستفرغ في الكورة لحدي ما إتملا نصها وعملت ليها رغوة بي فوق زي رغوة عصير الليمون (يا اخوانا نزلتو السندوتشات مالكم!!) ...
أها قام جا ليك واحد شليق كدا وأروش شوية قعد جنب المريض داك والجماعة غفلوا منو شوية .. لمن إتلفتو عليهو لقوا الكورة فاضية والرغوة إتحولت من الكورة لي شنب صاحبنا داك .. ( حاسبو ما تطرشوا في الكي بورد يا جماعة!!) .. أها قاموا سألوهو يا زول الحاصل شنو ؟؟!! إتخيلو قال ليهم شنو ؟؟!!
قال (والله النشا دي سمحة خلاص .. مافي منها زيادة ؟) ..
يا أخوانا حردتو الساندوتشات ولا شنو عادي واصلو ..
لكن اعصابكم طلعت بايظة بي شكل
يا أخوانا والله اسف للطمام لكن النكتة دي كانت ضرورية عشان الناس تعرف خطورة الموضوع الانا بتكلم عنو..
يعني ما قصدي أعمل مقارنة بين أحسن لحم الكلب ولا الذ النشا ديك
هشام ولنا ... الليمون الفي التلاجة كملتوهو .. خلاص الموضوع انتهى
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
Quote: لا حظوا أننا في مرحلة تنفيذ إتفاقية سلام يتحول بموجبها السودان إلى بلد علماني كامل رغم محاولات مسئولينا نفي ذلك .. ولاحظوا أن الجنوبيين (الطرف الثاني من الإتفاقية) يحبون تناول لحوم القرود !! فهل سنمنعهم من ذلك إذا ما ارادوا إنشاء مصنع بقلب العاصمة لتجهيز تلكم اللحوم للجنوبيين بالخرطوم أم سنتعايش مع الفكرة ؟؟!!
|
الأخ ناذر
هل لديك علم شخصي بأحد أخوانا من الجنوب يأكل لحم القرود؟؟
وما علاقة هذا بإتفاقية السلام؟ والعلمانية التي ذكرتها؟ ثم ما الذي كان يمنعهم في
الفترة السابقة من تناولها في العاصمة إن كانوا يتناولونها؟ هل هي محرمة؟
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: haleem)
|
الأخ منير
سلامات وشرفت البوست
| Quote: لا حول !!! يمين من شدة طمطمة قصتك الاخيرة دي للبطن لمن بقيت اقرأ سطر وافط سطر ــ |
طيب ما كنت تكون حريف تقرا السطر العادي وتفط سطر الطمام
الأخ حليم
وينك يا راجل ؟؟!! مشتاقين والله !!
إفتقدتك وإفتقد مداخلاتك معاي في بوست إختفاء نقد ..
حمدا لله على السلامة ...
| Quote: هل لديك علم شخصي بأحد أخوانا من الجنوب يأكل لحم القرود؟؟ |
سؤال جيد رغم أنه يوحي وكأنني إختلقت هذه المعلومة لكن لا بأس ولأجيبك بهذه المعلومات التي تثبت لك أن أكل القرود عادة متجزرة لدي بعض القبائل الجنوبية ..
على ضفاف نهر الجور هناك قبيلة تسمى (جورشول) ومناطق إقامة تلك القبيلة تحديدا بين مدينتي قوقريال وواو وتنتشر أيضا حتى مدينة أويل .. ويمكننا القول أن هذه القبيلة من إحدى بطون قبيلة الشلك خاصة وأنها تتحدث لغتها ..
قبيلة جورشول لديها شغف خاص بصيد وأكل القرود ولديهم موسم معين يدعون فيه شباب القبيلة للخروج إلى الغابات وينثرون شباكهم الضخمة لصيدها ..
والحقيقة أنه ليست كل القبائل الجنوبية تأكل لحم القرود بل أن بعض تلك القبائل تضطهد القبائل التي تستسيغ لحم تلك الحيوانات وهناك قصة تراثية سأسردها في هذا الخصوص ..
هناك قبيلة مجاورة لقبيلة جورشول تنتمي للدينكا .. ورغم أن هنالك شبه تداخل بين القبيلتين إلا أن قبيلة الدينكا تلك كانت تعير على جورشول أكلهم للحم القرود .. وفي إحدى الأيام قام سلطان قبيلة جور شول بدعوة سلطان قبيلة الدينكا تلك لتناول الغداء معه وبعد أن إنتهيا من تناوله تحدثا في شأن ذم قبيلة جورشول بسبب أكلهم للحم القرود وفي نهاية النقاش أخبر زعيم قبيلة جورشول رصيفه بأن تتوقف قبيلته عن ذم جورشول لأن الطعام الذي تناولاه الان عبارة عن طبيخ لحم القرد لذا فليتوقف الذم ..
فما كان من زعيم الدينكا إلا وان أدخل اصبعه في فمه وتقيأ يكل ما أكله .. وكادت هذه الحادثة ان تشعل الحرب بين القبيلتين لولا أن تداركها الزعماء والسلاطين ..
ولكن اثار هذه الحادثة لا تزال القبيلتين تتوارثانها جيلا بعد جيل لدرجة انه في الأسواق الان شريط كاسيت يغني فيه فنان مشهور من سلالةزعيم الدينكاذاك يسمى (وبار) يلمح فيه في إحدى أغانيه لحادثةطبيخ القرد تلك ..
بجانب جورشول فهناك أيضا قبيلة (ناكورو) والتي تستوطن الإستوائية حتى مدينة جوبا ويعتبر القرد فيها من الأطعمة الشهية لديهم ..
وأرجو يا حليم ان تكون قد إكتفيت بهذه المعلومة ..
Quote: وما علاقة هذا بإتفاقية السلام؟ والعلمانية التي ذكرتها؟ ثم ما الذي كان يمنعهم في
الفترة السابقة من تناولها في العاصمة إن كانوا يتناولونها؟ هل هي محرمة؟ |
علاقة وثيقة جدا يا حليم رغم الا علاقة لسؤالك هذا بموضوع البوست ولكني أجيبك أنه في حالة ارادت بعض قبائل الجنوب التي وقعت الإتفاقية إنشاء مصنع أو مذبح للقرود ولحومها .. ماذا سيكون رأي الطرف المتشدد في الجهة المقابلة ؟؟!!
لا أدري حقيقة هل لحم القرود محرم أم لا ولكني لست واثقا من ردة فعل الشارع السوداني والطرف المتعنت في الحكومة من هذه القضية ..
أما الذي كان يمنعهم من تناول لحوم القرود في العاصمة في الفترة السابقة فالإجابة بكل بساطة أنه لا توجد قرود في العاصمة تثير شهية الإستثمار والإستهلاك بعكس وجود الأطنان الهائلة من لحوم الكلاب التي تمشي على قدمين والتي تفتح شهية المستثمرين الجدد وفاقدي الأخلاق والضمير الذين عنيتهم في البوست ....
إنتهينا من إستراحة قصيرة عن لحوم القرود ونعود لموضوع لحوم الكلاب
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: zola123)
|
الأخت زولا
تحية طيبة ...
وإنتي برضو ما فهمتي تعليقي علي كلامك لكن معليش يا ستي أمسحيها لي في وشي ..
إنتي بالله الجبتها انا قايلاها نكتة صدقي دا موقف جد جد وأنا قصدت احكيهو بس عشان الناس تعرف خطورة الموضوع ..
لكن ما تقولي لي طلعت أعصابك قوية بشككككل !!!
الناس بطنا طمت وإستفرغت في الكي بورد وإنتي ضحكتي
دي بالغتي فيها والله .. أديك وحدة من نفس النوعية لمزيد من إختبار الأعصاب ؟.
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: Mamoun Ahmed)
|
الأخ مامون
تحية طيبة ..
Quote: ناذر.. ازيك
شوف قول عني اي حاجة
انا بكره الكلاب
ياخ مرتين عاضيني كلب
وخبرك ده فيهو جانب سار بالنسبة لي
اتمني اجي الاجازة وتكونو اتو والصينيين كملتوهم [/B
|
يا راجل ماتقولي كدة !!!
أنا هسي شكيت إنك واحد من متعهدي لحوم الكلاب دي
ياخي ما حرام عليك .. كلب واحد وعضاك مرتين .. كلاب الحلة ذنبها شنو
تقعد تلم فيها للصينيين ديل
لكن أطمن تب .. إذا السلطات ما نظرت للموضوع دا بجدية والله تجي ما تلقى الكلب
اليحرسكم من الحرامية
أنا زاتي بيني وبينك بكره الكلاب خاصة البتكون لابدا ليك في الضلمة لمن تجي راجع بالليل من الكوتشينة وفي نور قدامك جاهرك ..
يا خي نوع الكلاب دي عبيط عباطة !!!! الساعة اليقول ليك هو وإنتا تكون ماشايفو والله الفي مخك يطير وقلبك يدق لي تاني يوم من الخلعة
لكن بعد دا أنا بتعاطف معاها في موضوع أكل الصينيين ليها ...
ما عشانا .. لكن عشاننا نحنا وصحتنا من إنو النجاسة الفيها تجينا..
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: عثمان حسن الزبير)
|
عثمان محمد صالح
Quote: مسا الخير
قـررت تمديد اقـامتي هـنا
و هذا كل ما فـي الأمر
عثمان |
عثمان محمد صالح
هنا دي أوعك تكون قاصد بيها في البوست دا!!!
والله بصراحة أنت لست مرحب بك بعد ما شبكت الناس كلها كلماتك ديك !!
والله يا ربي لقيت ليك علاقة بينك وبين مضمون البوست ده !!!
غايتو كدي النشوف ..
لكن قبل كدة بقول ليك ....
OUT !!!
الأخ مامون ..
يا راجل ما عندك مشكلة واننا زاتي في بيتنا مافي كلب
عشان كدة أنا حا اعما دراسة جدوى لموضوح لحوم الكلاب دا وإذا لفقت معاي
تعال نعمل شركة وكدة
الواد الطيب
| Quote: والله إذا الصينيين بياكلوا كلاب الأمن وكلاب السلطة بيكونو عملوا لينا فائدة كبيرة جدا. وبدل ما يشتروها بالقروش نديها ليهم مجانا وكما دي قلاب سمينة وضاربة اللحوم (بأنواعها) والكندشة وكده |
شرفت البوست والله وينك يا راجل ليك فترة غايب !!!
غايتو تعليقك الفوق دا مبالغة
وأنا بعلق عليهو وأقول ليك ..
لا تعليق [/B
الأخ عثمان
النسخ الفوق دا باللغة الهيروغليفية ولا شنو
ما فهمتا حاجة !!!!
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: Daoud Adam)
|
الأخ داؤود أدم
أولا ارحب بك بيننا في المنبر العام وأتمنى أن تجد بغيتك منه ..
قد لا تدري مقدار ما أفدتني به من معلومات بواسطة اللنك الذي أعطيتني إياه !!
وحقيقة هناك معلومات علمتهالأول مرة من خلال المقال الموضح باللنك والذي يقول بأن الكوريين أيضا يأكلون الكلاب ّّإذ كنت اعتقد ان الصينيين فقط هم من يفعلون ذلك !!..
ثم انني جد مندهش من صراحة كاتب المقال الاسكوتلندي الجنسية والذي عبر بكل صراحة عن إمتعاضه من اكل الكلاب ثم أضاف أيضا أن أكل الكلاب خطأ ولكنه ليس أكثر خطا من اكل الخنازير وهي مقارنة موفقة بكل المقاييس وقابلة للنقاش حولها ..
ولكنه أعطاني معلومة جديدة علي تماما وهي ان كل العالم كان يعرف بأكله للحوم الكلاب ولا ادري مدى صحة هذه المعلومة !!!
دعنا ننتقل إلى نقطة أخرى جديرة بالملاحظة وهي صور الكلاب داخل أقفاصها !! لا شك انها تحظى بأفضل رعاية ممكنة من الناحية الصحية ولا شك ان تجهيز لحومها يتم بتقنية عالية لا شك إطلاقا في فعاليتها .. ولكن عودة لكلابنا التي يتخطفها البعض من الاحياء المتسخة ومزابل القملمة لبيعها أو لتجهيز لحومها للصينيين من دون معرفة الامراض التي تحملها والوبائيات العالقة بجلودها ...
أكرر مرة أخرى أنا أقف تماما مع تلبية إحتياجات الذين قدموا للعمل عندنا ولكن شرط ذلك هو أن يتم تحت رقابة واعين السلطات حتى يقي المواطن من الشرور المترتبة على ذبح الكلاب بطريقة غير قانونية وغير أخلاقية !!!
أستأذنك أخي داوود في إفراغ المقال المثير ادناه ولك الشكر ..
Food Dogs - a talk given by Dr John Wedderburn at the Asia for Animals Conference in September 2003.
Dogs have been eaten in all parts of the world since human history began. In different places at different times dog eating has been thought of as a good thing, as a bad thing, as a healthy thing, as an unhealthy thing. Sometimes dog meat has been considered a delicacy for the rich, sometimes as food for the poor to stave off starvation. In Korea it is eaten in the summer for its cooling properties; in China it is eaten in the winter for its warming properties. Usually in China dog meat is a luxury item costing twice as much as pork and many times as much if it is cooked as a special dish. In the modern world, generally speaking, in Western countries dogs are considered to be family companions and are therefore not for eating. In the East dogs have not traditionally been seen as members of the family and thus there is not the same objection to eating them.
At this point I must declare my personal view that eating dogs is wrong. But no more wrong than eating pigs, rabbits and cows. I understand of course the arguments concerning why it is good to eat pigs and not dogs but these arguments are tenuous and, anyway, are impossible to get over to someone who has been brought up in a tradition of dog eating. I do not think we can ever convince someone to stop eating dog meat if we ourselves continue to eat pig meat.
The dog meat industry is rapidly developing from a cottage industry to factory farming dimensions. Although many of us strongly dislike the idea of dog eating however the dog is raised, we have to admit that the traditional methods of dog raising are far less objectionable than the modern methods.
Traditionally, small farmers keep a few dogs as watch dogs. These dogs breed naturally and there are always a few puppies more than is required for replacement purposes. A middle man comes round the farms from time to time, buys the puppies when they are nearly full grown (or when they are 6 weeks if they are destined to be roast suckling delicacies) and sells them to restaurants. The restaurants keep them in cages until a customer picks out a dog he would like to eat. The dog then has his head smashed in and/or his throat cut and is cooked on the spot. Not pleasant but not as bad as what is happening now.
With GATT and WTO, the Americans and Europeans now have nothing to stop them from selling modern factory farming ideas and the equipment to go with them. Any hindrance to their activities is seen as a breach of international trading agreements.
Now dog farming is becoming big business. Scientific methods are being used to improve the livestock to produce the ideal food dog. The ideal dog should be easy to breed with large healthy litters, should grow rapidly and have good tasting meat. An easy going temperament makes looking after them much easier. Many Chinese farmers have identified the St Bernard as having the best characteristics and livestock experts are experimenting with crossing different breeds to produce the ideal animal.
Last summer I visited a couple of modern food dog farms in Central China. The work of us Western animal activists is much limited in Asia by our inability to blend into the background. We desperately need local people to undertake undercover operations in slaughterhouses, medical laboratories, food dog farms, etc. However, sometimes our foreignness can be turned to advantage. For example last year I was able to pose as a research scientist interested in buying beagles and macaques and I gained entry into a huge breeding establishment in China just over the border from here. But to enter the food dog farms, I had prepared no story, hoping just to be able to sneak in quickly, take some photos and then escape - just playing the role of dumb foreigner. All went well at the first farm - I blustered my way past the manager with a few mandarin phrases and managed to get some good photos. The animals are kept in small concrete cages for their entire lives with nothing but brutality shown to them at any point. They have short lives if they are to be eaten, two or three years if they are to be used for breeding. The slaughter and skinning are done in full view of the cages. The dog meat can be cooked in many different ways - boiled, roasted, stewed with turtle and can be eaten on the spot or vacuum packed and exported around China and around the world. The skins are sold to clothing manufacturers.
When I came out of the farm unfortunately there were a couple of tough guys waiting for me - they insisted I was "invited" to meet the boss and they drove me into town. There waiting for me were the boss, the city mayor, the local communist party secretary, the head of the international trade bureau, the owner of another dog farm and, to my horror, the local school teacher who spoke good English. I could no longer get away with being dumb and had to quickly think up a story. I told them I was a breeder of large dogs in Scotland who wished to sell stock to China. I said I had read an article in the New York Times and was interested to see if I could do business. So they took me on a formal tour of another big farm and then we went for lunch at my hotel.
Lunch, paid for by the mayor, was a huge spread of practically every animal known to man - except, surprisingly, dog. My vegetarianism immediately drew suspicion and by the end of the meal several of the group were becoming hostile. However, the Lady Mayor, continued to believe in me and, as she was the highest ranking officer, the others couldn't say anything but I could see they were waiting for the meal to be finished. So, towards the end of lunch I said I had to go up to my room to the toilet. The school teacher was detailed to accompany me and he looked through my bag when I was in the toilet. He then said the dog farm bosses wanted to come up to have a private word with me so I said ok I would wait in my room - but the moment he was out of the room I was down the stairs and into a taxi. My luck was in because the taxi did not have a permit to travel to the next town so the driver took a circuitous route to avoid the police road block.
Asia desperately needs more activists willing to do undercover work. What has hampered things here has been a traditional live and let live attitude. But all it takes for evil to flourish is for good people to do nothing. Evil, when confronted, can be defeated. We must try to inspire a generation of activists to take up this challenge.
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
ناذر ليس الكورين والصينين لوحدهم
ايضا الفيتنام
والتايلاند
واغلب دول النمور الاسيويه ياكلون الكلاب..
لكن اليابانين لاياكلون لحم الكلاب الا قله فيهم لكن ليس شائعا..
يازول كان كده اخير الخنزير
ده قصه حصلت لى مع الخنزير
Quote: 5. بيبنى بينك مشرفان لكن الجوع كافر والبلد بارده .. وحكاية الاكل دى مره دخلتى فى حته لكن اخوك عشان ماعندو دين..اها كل ما اجوع انزل تحت اجيب لى سجوك جاهزه كده واللهط ..انا قلت لو لحمة اى شى تانى مامشكله وبعد ماسالتهم واتاكدته انها ما لحمة خنزيز بقيت اجيب وارتع وبعد كم شهر اكتشفتها انها خنزير .لووووووول وفى موقف تانى فى المطعم اها فى اكله كده بى بطاطس سالت قالو لى اللحمه الفيها ماخنزير وهى شديد اشيل والهط وبعدين ......
بــــــــــوســــــــت.....
|
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
Quote: ده قصه حصلت لى مع الخنزير
Quote: 5. بيبنى بينك مشرفان لكن الجوع كافر والبلد بارده .. وحكاية الاكل دى مره دخلتى فى حته لكن اخوك عشان ماعندو دين..اها كل ما اجوع انزل تحت اجيب لى سجوك جاهزه كده واللهط ..انا قلت لو لحمة اى شى تانى مامشكله وبعد ماسالتهم واتاكدته انها ما لحمة خنزيز بقيت اجيب وارتع وبعد كم شهر اكتشفتها انها خنزير .لووووووول وفى موقف تانى فى المطعم اها فى اكله كده بى بطاطس سالت قالو لى اللحمه الفيها ماخنزير وهى شديد اشيل والهط وبعدين ......
بــــــــــوســــــــت.....
|
تعرف يا تروتسكي القصة دي حصلت لي بالكربون لمن كنت في الهند يادوب لي أقل من شهر.. كنت بأمشي انا والزول الساكن معاي بنتشري السجوك من البقالة ... طبعا كنا ملاوزين من لحم الخنزير وجايين بي فهم إنو الخنزير إسمو pig .. يعني مقرضين علي الأدونا ليهو زمان في جزيرة الكنز في المتوسطة .. نمشي البقالة يقول لينا اللحم دا PORK ونحنا متكيفين إنو اللحم ما لحم خنزير .. وما كنا عارفين إنو بورك دى هو لحم الخنزير بالإنقليزي تتصور أكتر من شهر بنجيب السجوك دا وما عارفين النظرية وإستطعمنا اللحم داك جدا لحدي ما جا يوم واحد هندي مسيحي وورانا إنو البورك دا هو لحم الخنزير ... طوالي قمنا أديناهو الحلة وشالا معاهو هدية .. يكون لي هي ما خلصا
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
الاخ/ ناذل
اذكر وفى مجمع ميادين جامعة السودان القسم الجنويى وابان فترة دخول الشركات الصينية والكورية الى السودان كان هنالك حرس لهذه الميادين وكنا نذهب للتمارين ولاحظت ان الحارس لديه عدد كبير من الكلاب وعلمت بعد ذالك كان يقوم بتربيتها للشراء
اما الشىء الغريب هو وحود بعد القبائل السودانية التى تلهم لحوم الكدايس والفيران واكون معاك صريح وجود بعض الافراد من مختلف مناطق السودان وفى الخرطوم تحديدا كانوا ياكلون لحوم الكدايس المنزلية وانا شاهد على ذالك وبالنسبة للحوم الفئران طبعا تنشر فى المناطق الزراعية المطرية ويقوم العمال بأكلها وتسمى (حمام الشقوق)
بعنى الكلاب والكدايس ما قالوا اولاد عم رايك شنو
تحياتى
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: بلدى يا حبوب)
|
بلدى يا حبوب
لالالا يامان ده مامعانا..
صحى حكاية اكل الكدايس والفيران دى وكمان فى شى اسمو الصبره سمعت بيهو ..
لكن يازول اخير الواحد يبقى نباتى انا اصلو اللحوم دى انا زاتى ماعليها بالحيل
المشكله ناس الخروف والعضه ديل..
بعدين الكديس والكلاب اولاد عم لكن كل زول فصيلتو براهو...
فصيلة القطط :-
القط المنزلى -النمور -الاسود-والقط البرى ..
والكلاب:-
الكلاب المنزلى -الثعالب -الذئاب -الضباع (المرفعين -البعشوم)
بلا حمام شقوق بلا حمام جحار ..يازول ياحمام ابراج يابلاش..
بعدين حمام الشقوق ده فى مناطق الفاو-الدالى والمزوم- وكردفان - مناطق القضارف والقدمبليه وهلمجرا ديل اكتر مناطق متركز فيها حمامك ده..
وبالهنا بالشفا ..
طبعا ناذر انت عندك مداخله ماقاعد اقراها نهايئا
بفتح البوست من نهايتو..
 
تحياتى ليك ولى بلدى ياحبوب
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: معتز تروتسكى)
|
]blue] الأخ الفاضل بلدي يا حبوب
سلامات ..
أولا اشكرك جدا على المعلومات القيمة .. وقد لا حظت يا عزيزي إنك دائما ما تمدني بمعلومات تعتبر من صميم موضوع البوست .. وقد فعلت ذلك في عدة مداخلات لك في بوستاتي عن محمود عبد العزيز وزكريات الحفلات وموضوع محمد وردي أيضا على ما اذكر ...
شكرا جزيلا لك ...
يس حيرتني بي تسمية (حمام الشقوق دي)
يعني يا ربي لحم الفار هش زي بحم الحمام ولا شنو
غايتو الضاق ليهو لحم فار يشرح لينا بدون خجل
]red]تروتسكي يا ود الجيران ..
ليه بتفتح البوست من نهايتو ؟؟!!
ما شغال معاك ولا شنو ؟؟!!!
خلاص يا مان هاك اقرا البخرة دي وبعد داك بيفتح معاك من أولوا..
Quote: في واحد كدا من بلدياتنا كان بعيد عنكم عندو مشكلة في بطنو .. طوالي بيستفرغ بي سبب وبدون سبب .. قاموا اهلو جابوهو المستشفى ورقدوهو في العنبر .. ختوا قداموا كورية صغيرة كدي لزوم يستفرغ فيها وكدى .. كويس معاكم ؟ أها صاحبنا دا بقي يستفرغ في الكورة لحدي ما إتملا نصها وعملت ليها رغوة بي فوق زي رغوة عصير الليمون (يا اخوانا نزلتو السندوتشات مالكم!!) ...
أها قام جا ليك واحد شليق كدا وأروش شوية قعد جنب المريض داك والجماعة غفلوا منو شوية .. لمن إتلفتو عليهو لقوا الكورة فاضية والرغوة إتحولت من الكورة لي شنب صاحبنا داك .. ( حاسبو ما تطرشوا في الكي بورد يا جماعة!!) .. أها قاموا سألوهو يا زول الحاصل شنو ؟؟!! إتخيلو قال ليهم شنو ؟؟!!
قال (والله النشا دي سمحة خلاص .. مافي منها زيادة ؟) ..
|
أها بعد دا أقرا سااااااااكت ...
العوجة ما بتجيك تب
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
| Quote: قبل عدة اعوام كنت في زيارة لأحد أصدقائي في حي بانت الذي كان به عددا من الصينيين يقيمون به ، وفي أثناء حديثنا دخل علينا أحد أصدقاء صديقي ذاك وكان في عجلة من امره وطلب من صديقي الذهاب معه بعربته لمكان قريب ودون تردد ذهبنا معه وفي خارج المنزل وجدناه يحمل كرتونة بها عدد خمسة جراء صغيرة !! فإندهشنا وسألناه ماذا يريد أن يفعل بها ؟! ولكنه كان متعجلا وطلب منا فقط الذهاب معه ومن ثم توجهنا نحو إحدي المنازل وهناك كان بعض الصينيين في إنتظاره ودلفنا جميعا داخل حوش المنزل وأخرج لهم بضاعته الثمينة فقلبها الصينيين يمينا وشمالا وتبادلوا الجراء فيما بينهم وهم يتفحصونها بدقة (بالضبط كمن بريد شراء خروف عندنا) .. وبعد ان رطنوا بلغتهم وبدأ عليهم الرضا أخرج أحدهم مبلغ خمسين ألف جنيه وسلمها لذلك الشخص (بواقع عشرة ألف للجرو) !! مع العلم أن تلك الجراء الصغيرة لا تكفي حتى لإشباع أحدهم ولا تكفي ولا حتى لعمل (حلة شية) تكفيهم جميعا .. فإذا كانت أسعار الجراء بهذا الإرتفاع فكم سيكون سعر كلب بالغ (تني) أو (جذعة) إذا ما قارنا ذلك بالخراف !!.. |
بس الله يستر ما تكون عجبتك الحالة وسرحت يا اخوى ههههههههههههههه
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: altahir_2)
|
أخي الطاهر ....
ما بتصدق لكن اقول ليك والله فعلا فكرت في بسنس زي دا ...
قصدي بزنس مقنن يبدأ بإستخراج التراخيص والتصديقات المطلوبة مع الإستعانة بأي خبير صيني في تربية الكلاب والاخير من السهل إستجلابه بواسطة النت لدرجة انني حلمت بتحقيق ارباح طائلة وإقتنعت تماما بأنها ستكون مجزية اكثر من أي عمل اخر هنا ...
فكرت في كل شي وإستجلاب الماكينات ولم انس شيئا ولكن ...!!!!
كانت المشكلة الوحيدة والتي لا زالت تمثل عقبة هي نظرة المجتمع لذلك النوع من العمل وهل سيتقبله بسهولة ام ماذا سيحدث !!!!!
وانا عند رأيي اننا بحاجة لقوانين تلاءم حاجة الاجانب هنا مع إستصحاب رقابة السلطات !!!
صدقني يا الطاهر جميع الأجانب هنا يحصلون على إحتياجاتهم غير المشروعة بكل سهولة ومفاجاتي القادمة تتمثل في بوست كامل يحكي ما يحدث في شارع شهير بالخرطوم هو شارع الصحافة زلط وتحديدا المنطقة المحصورة ما بين محطة الغالي ومحطة حجازي .. !!!! حيث سيتعرف الناس على عادات وممارسات تحدث في هذه المنطقة بحيث لن يصدقوا أن ذلك يحدث هنا في قلب الخرطوم !!!!
فقط دعني إنتهي من جمع المعلومات اللازمة حول هذا الامر ....
لك التحايا يا عزيزي ..
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
العزيز هشام مدني
ياخي حيرتني والله !!!!
يا خليك متابع البوست من الاول يا ما تجي تخت ليك مداخلة دايرين لينا زرافة عشان نقدر نقراها
بعدين لنا مهدي البوست دا فارقتو فراق عمر الفاروق لي سودانيز أون لاين لإنو جاها طمام ماعادي مع انها ما قرت النكتة الحكيتا فوق
أما موضوع مكونات السندوتش أعلاه فانا لا أستبعد أبدا وجود مثله في السودان وبنفس المواصفات ولا زال سؤالي بلا إجابة ...
هل تم تحضير مثل ذلك السندوتش بطريقة صحية أم بواسطة سماسرة الكلاب هولاء ؟؟!!!
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: هشام مدنى)
|
الأخ الفاضل هشام مدني ...
تعرف أول مرة أشوف لي كلب مسلوخ وجاهز للبيع ...
مع إنو إتخايلي الزول الفوق دا شايل ليهو جريو ما كلب عجالي
تتصور يا هشام منظر الكلب المسلوخ بطريقة علمية زي الفوق دا عامل زي
منظر الجنين في بطن أمو من ناحية الكرفسة والتكوير حول نفسو .. لكن إتخايل لي
أصحابنا الجزارين هنا لمن يضبحوهو (بيكوجنو جنس كوجنة) يعني ما أظن بيكون منظروا زي منظر الجريو الفوق دا ..
إتخايلي منظروا بيكون زي منظر الكلب النايم وجا شافع مسلط كدة فك فوقوا طوبة من مسافة قصيرة .. بيكون منظروا بعد الضبح عندنا الكراع في حتة والراس في حتة والمصارين متدلدلة برة ... يعني الكلب الفوق دا إتخايلي لمن ضبحوهو كان هو راضي بي قسمتو وعارف مصيرو لكن كلاب حلالنا الهنا بيكونو مخلوعين وعاملين زي توم لمن يشوف الكلب أم شلاضيم داك تلقى كل ريشة في حتة والخلعة واضحة في هيئتم لإنهم أساسا ما كانوا متوقعين المصير دا .. وكلابنا ديل يكونوا الوحيدين في السودان الكارهين جية الصينين وكارهين البترول زاتو
بس في ملاحظة صغيرة ..
تعرف يا هشام منظر الكلب المسلوخ دا شهي خلاص
أنا إتخايلي لحمو بيكون طاااااعم وهششش وما فيهو عضام
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
الاخ ناذر
موضوع جدير بالمناقشة لكن قبل ما الخوض في الموضوع ممكن تحجز لي ام فتفت? عشان اهديهو لي واحد صحبي, ياخي ده من ما مشى السودان ورجع, مكرهني, انا الليلة مركب وش كلب, فلانة ديك دلوكتها من جلد كلب, وسكيت ليك البنية ديك سكت الكلب للارنب. يعني كلامو كله بقى كلاب في كلاب, وانا اقول الزول ده مشكلته شنو مع الكلاب? وما فهمت الموضوع الا بعد ما قريت موضوعك ده.
لك اود والتقدير.
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: aosman)
|
الأخ عثمان
يا راجل صاحبك دا بكون يا مجرب الشغلة يا إشتغل فيها
شوف أسمع كلامي كويس .. ثقافة إدخال لفظة كلب في الأليات المصاحبة لحديثنا اليومي في سبيلها لتحل محل أليات كثيرة .. يعني بدل مركوب جلد نمر وشنطة جلد نمر وحزام جلد أصلة (ولا بقرة ما عارف) وريحة عنبر حوت ومسك دم غزال ... دي كلها حا تتحول عما قريب ..
الصينيين حا (يطرشقوا) من ناحية زيادة عدد السكان أها با قيليك يمشوا وين ؟؟ ما هم خدمونا في البلد دي معقول نتنكر ليهم وما نخليهم يجوا هنا؟؟
المشكلة يا عثمان أنحنا في البلد دي ما عندنا جهاز إحصاء دقيق .. يعني هسي أنا نفسي أعرف عد الكلاب في البلد دي كم ؟؟ المنزلية وكلاب (الحرام) المطلوقة ساكت وحتى لو لقيت الإحصائية عايز أعرف الفضل منها كم بعد جية الصينيين ومرشحين للإنقراض بعد كم سنة ومعدل أكل الصيني للحوم الكلاب كم كيلو في اليوم وحاجات زي دي ..
أها نفترض الكلاب إنقرضت من الحلة وهي الوسيلة الشعبية لحماية الحلة من الحرامية .. تفتكر الصينيين بيرضوا ياكلوا لينا الحرامية ؟؟!!
تتخيل أول أمبارح في حرامي تلب عن جيراننا وكسر شباك العربية وسرق المسجل والشرائط ودا كلو بسب إنو حلتنا ما فيعا ولا (جريو) واحد بقت كلها ملانا كدايس وبالليل حاميننا النوم ويتشاكلوا لينا فوق سقوفة الزنك .. الشكلة في شنو ؟؟ أنا عارف وإنتا عارف ودا كلو بسب إنو مافي كلب راجل حلة أو بيت يأدبم ..
شفت الحالة صعبة كيف
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
الأخ النزير
Quote:
الاخ ناذر
استمتعت جدا بالموضوع-
حقيقة اسلوب الصحافة الثرة عندك جيد
لكن هاشم نوريت كتلني بالضحك
الحكومة علمت الناس البيع والشراء وميزات الاستثمار الوافد
نفسي اضوق الخمرة البلدية البعبوهوا للصينين دي
ياتري هل هي(عرقي نمرة واحد)ولا ابوسكسك.......
بجي راجع ليك تاني |
تسلم كتير على الإطراء ...
بعدين إنتا مالك داير تجيب لي الهواء بسؤالك عن الخمرة البلدية
الناس الفوق ديل ما في واحد سألني منها إنتا الشلاقة ليك شنو
لكن عشان أريحك أقول ليك حاجة ..
هي ما نمرة واحد ولا أبو سكسك لإنو الإتنين ديل بلديات وما بيقنعوا الأجانب ..
يعني هي ......... !!!!!!!
يا خي حيرتني إنتا فقري كدة مالك ياخ
أقول ليك حاجة أديني إيميلك وأنا أديك رقم تلفون المتعهد داك
بعدين إنتا ضوق وقارن
لو جاي البوست دا تاني أسئلتك الخبيثة دي ما تجيبا معاك
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
من أطرف ما قرأت في الصحف عن إعتصام طلاب كلية الموسيى والدراما أن المذكرة التي رفعت تحتوي على مطلب بأن تعمل الإدارة على القضاء على الكلاب الكثيرة التي تملا فناء الكلية والطريف أيضا أن الإدارة وافقت على الطلب ووضعت ميزانية لذلك !!!!!!
طبعا فات على الطلاب أن كلاب الكلية تلك (تقريبا كل كلب مقابله 10 طلاب) تمثل مشروعا إستثماريا كبيرا لو فكر الجميع بعقلية تجارية بحتة .. ولا ادري فيم ستصرف تلك الميزانية المرصودة !!!
لو سمحت لي الإدارة بالتصرف في هذا الموضوع وإستمعت لوجهة نظري فبكل تأكيد ان هنالك عائدا مقدرا سيدخل على خزينة الكلية ومن ثم الإستفادة من المبلغ الضخم لصالح تلبية المطالب الأخرى التي ينادي بها الطلاب ومن ضمنها إصلاح بعض مرافق الكلية ....
واتساءل إن كانت الإدارة ستقبل بما يدور برأسي إذاء فكرة التخلص من الكلاب خاصة وانها لن تتكلف مليما واحدا وستوفر أيضا الميزانية المرصودة للتخلص من الكلاب !!!!
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: هشام مدنى)
|
الأخ هشام مدني ...
تحياتي ..
قبل يومين إنزعجنا جدا في المنزل لوجود فأر دبل قبينة في حجم أرنب يتجول أنى له التجول في البيت وأصابنا الذعر ... فشلت جميع السميات التي إستخدمناها في قتله رغم أنه يأكلها !! .. فكر أخي الأكبر ووجد أن الحل الوحيد هو القبض عليه حيا بواسطة مصيدة فذهب للسوق وجلب واحدة كبيرة وعندما أتى الليل وضعنا الطعم وخلدنا للنوم .
صباحا وجدنا المصيدة وقد نجحت في القبض على ذلك الجقر الأرنب (يمين شنباتو أكبر من شنباتي ديل) وعيونو عسلية وجلدو تقول مورنش من اللمعة ..
تحيرنا في كيفية قتله ولم يجد أحدنا الشجاعة والجرأة لذلك .. وبما أن الجو كان ماطرا فقد إقترحت عليهم أن نخرج به للشارع في المجرى المقابل ومن ثم نقوم بإغراقه داخل المجرى وبعد ذلك نرفع المصيدة من الماء ..
فخرجنا جميعا للشارع لتنفيذ حكم الإعدام على الفأر الأرنب وعندما شرعت في ذلك صاح أحد المارة مطالبا أياي بعدم قتله !!! وذكر أمه يريده إن لم يكن لدينا مانع !!!
فتحيرنا في العمل .. فقد أفسد علينا هذا الشخص تلذذنا برؤية الفار وهو يحتضر ويلقى حتفه ولكني في النهاية سمحت له بأخذه .. فأخرج صاحبنا كيسا من جيبه وأدخل يده داخل المصيدة وأمسك الفأر بكل سهولة وأدخله في كيسه وشكرني وذهب !!!
اليوم صباحا سألني إبن أخي ذو الخمسة أعوام عن مصير الفأر فأجبته ..
(يا ولدي الفار دا هسي بيكون الفضل منو الجلد والرأس دا لو كان الإستعملو ذول بيفهم في السلوك الغذائي كويس وما كان فجغان وإستعمل الفار كلو) ..
لم يفهم الصغير شيئا مما قلته ولم احاول أنا الشرح له ..
فقد تذكرت في تلك اللحظة (حمام الشقوق) الذي ذكره أحدهم في هذا البوست أعلاه !!
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
ود الخليفة
الجماعة الصينيين والكوريين والفلبينيين عملوا نفس الشغلة المقززة دي في سريلانكا التي اعيش
واعمل فيها منذ عشر سنوات ، لكن هنا رد فعل المواطنين كان اقوى بحكم ان اغلبيتهم بوذيين وانت
تعرف ان الذيانة البوذية تحرم اكل كل شيئ يمشي الا الماكولات البحرية ،في منطقة قريبة من مطار
كولومبو الدولي كانت توجد كمية من الكلاب الضالة وفجاة اختفت واثارت اهتمام العامة ولما تقصوا
الامر وجدوا ان احدا من سكان المنطقة اصبح المزود الرئيسي للمطاعم الصينية والكورية في العاصمة
بهذه الكلاب ... تخليل لما قبضوا عليه اصدروا بحقه عقوبة سجن لمدة عام وغرامة بقيمة كل كلب باعه
لهؤلا الذين ياكلون كل شيئ يمشي على اربع.
اثنين من اخواننا السودانيين استاجروا منزلا كانت تقيم فيه صاحبته قبل سفرها لاستراليا، تركت لهم
كلبا اسمه لاسي واوصتهم برعايته،لكن اخوانا ديل اهملوا الوصية ذي ماعارف والكلب تاه في الشوارع
ايام عديدة،في اتصال تلفوني عرفت صاحبة البيت بقصة هروب الكلب واتصلت على اخوانا وتوعدتهم باشد
العقاب عند عودتها،يازول اخوانا ديل ما خلو ليهم محل ما فتشوه حتى دلهم احد لحوش تجمع فيه الكلاب
الضالة ويتم تعقيمها فيه ، لما ذهبنا الى هناك وجدنا اكثر من الف كلب من مختلف الاعمار ولم نحصل
على لاسي ومواعيد وصول الولية ام لسان كان تبقى له يومين والجماعة يرجفو.
الاخوان كلفوا احد سائقي الركشات بالبحث ووعدوه بدفع مبلغ معين .. والله في اقل من يوم احضر الكلب
للبيت واصبح يساوم الجماعة في ذيادة المبلغ ... اخوانا تنفسو الصعداء بعد استلامهم للكلب...
انا شخصيا اتمنى من السلطات السودانية ان تتخذ اجراءات تجاه المجانين الذين يبيعون الكلاب ...
كلابنا غالية علينا حتى لو كانو كلاب حكومة
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: حيدر حسن ميرغني)
|
الأخ حيدر حسن ...
حقيقة تشرفت اليوم بزيارتك لي هنا ..
Quote: الجماعة الصينيين والكوريين والفلبينيين عملوا نفس الشغلة المقززة دي في سريلانكا التي اعيش
واعمل فيها منذ عشر سنوات |
حقيقة هي مقززة بالنسبة لنا وقد لا تكون كذلك بالنسبة لهم ..
كثير من الشعوب تتقزز عندما ترانا نأكل الكمونية وأم جقاجق والمرارات بينما نحن لا ..
وذلك يقودنا لما ذكرته انا اول هذا البوست بوجوب إحترام عادات الشعوب وتوفير إحتياجاتهم بمشروعية حفاظت على صحتنا وصحتهم ..
Quote: كولومبو الدولي كانت توجد كمية من الكلاب الضالة وفجاة اختفت واثارت اهتمام العامة ولما تقصوا
الامر وجدوا ان احدا من سكان المنطقة اصبح المزود الرئيسي للمطاعم الصينية والكورية في العاصمة
بهذه الكلاب ... تخليل لما قبضوا عليه اصدروا بحقه عقوبة سجن لمدة عام وغرامة بقيمة كل كلب باعه
لهؤلا الذين ياكلون كل شيئ يمشي على اربع.
|
والغريبة أن إختفاءها هنا لا تجد هذا القدر من الإهتمام .!!
وأفترض أنهم القوا القبض على أحد مذودي الصينيين بهذه اللحوم وحكموا عليه بذات الغرامة فكيف سيتم معرفة قيمة الكلب هنا مع العلم ان كلاب السودان لا يهتم بها اصحابها ولا يقدرون قيمتها !!!
Quote: اثنين من اخواننا السودانيين استاجروا منزلا كانت تقيم فيه صاحبته قبل سفرها لاستراليا، تركت لهم
كلبا اسمه لاسي واوصتهم برعايته،لكن اخوانا ديل اهملوا الوصية ذي ماعارف والكلب تاه في الشوارع
ايام عديدة،في اتصال تلفوني عرفت صاحبة البيت بقصة هروب الكلب واتصلت على اخوانا وتوعدتهم باشد
العقاب عند عودتها،يازول اخوانا ديل ما خلو ليهم محل ما فتشوه حتى دلهم احد لحوش تجمع فيه الكلاب
الضالة ويتم تعقيمها فيه ، لما ذهبنا الى هناك وجدنا اكثر من الف كلب من مختلف الاعمار ولم نحصل
على لاسي ومواعيد وصول الولية ام لسان كان تبقى له يومين والجماعة يرجفو.
الاخوان كلفوا احد سائقي الركشات بالبحث ووعدوه بدفع مبلغ معين .. والله في اقل من يوم احضر الكلب
للبيت واصبح يساوم الجماعة في ذيادة المبلغ ... اخوانا تنفسو الصعداء بعد استلامهم للكلب...
انا شخصيا اتمنى من السلطات السودانية ان تتخذ اجراءات تجاه المجانين الذين يبيعون الكلاب ...
|
والله احمد الله إنو أصحابنا السودانيين ديل معروفين بأنهم ما بياكلو كلاب لإنو الولية دي لو كانت شكت فيهم كانت طرشتم لاسي ديك
| Quote: كلابنا غالية علينا حتى لو كانو كلاب حكومة |
إنتا قصدك الكلاب الشرطية ولا الكلاب (ديك)
يا راجل ما كنا كويسين مالك داير تدخلنا في السياسة
شكرا جزيلا على المداخلة احي حيدر ..
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
الاخ ناذر والاخوه والاخوات المشاركون ات
تحيه طيبة
الامر جد خطير ولا يجب السكوت عليه. والموضوع لا يحتمل المزاح أو الضحك. أو وضعه فى قالب مضحك. لانه غير ذلك.
أكبر جالية صينية موجوده فى سان فرانسيسكو الولايات المتحده ثم تليها تلك الموجوده فى بريتش كولومبيا بكندا. هذا بجانب أعداد هائلة من الاسيويين فى تلك المناطق ومع ذلك ورغم ايمان هذه الدول بالحريات وغيره لم أراهم يسمحون لهذه الجاليات التى تقطن هذه المناطق منذ أزمان بعيده بذبح لحوم الكلاب أو التجاره بها. حتى المسلمون لم يسمح لهم بذبح أضحياتهم فى المنازل كما نفعل فى الدول الاسلاميه ولكن يتم تسليمهم لحوم الاضحيه فى كرتونه صغيره بعد أن يتم ذبحها فى الاماكن المسموح فيها بالذبح والذى يتم تحت اشراف مسؤلي تفتيش اللحوم. اذن يجب احترام قوانيين البلد المضيف وليس من سبب يجعل السودانيون يرضخون لطلبات هؤلاء الاسيوين وليس من سبب يجعلنا نقبل بشئ يتنافى مع معتقداتنا وتقاليدنا والقوانين المعمول بها فى السودان. المفترض أن تأتى مصلحة وراحة المواطن السودانى أولا وقبل كل شيئ. ولا يجب دفع وتشجيع الاستثمار بتقديم تنازلات تضر بالمواطنين. ثم أن هؤلاء ليسوا بحوجه لتحفيزهم للاستثمار فى السودان. فالتحفيز الرئيسى بالنسبة لهم مقدارالارباح والفوائد التى سيجنوها فى السودان وقوانيين تكفل لهم حقوقهم وتحافظ عليها. وان كنا ألزمناهم باحترام طريقتنا فى الحياة هناك ووضعنا القوانيين والضوابط لفعلوا. وأذكر موقف حدث معى قبل فترة وعند بداية حضور الاسيويين للسودان. وكنت أقف لاكمال اجراءات الدخول ثم عرجنا للجمارك لتفتيش أمتعتنا. واذا برجل صينى يقف بجوارى وتبدو على وجهه علامات القلق والخوف يسألنى بكل بخوف ورهبة عن ما هى العقوبة لمن يجدون بحوزته خمور. وذكر أنه تفاجأ بأنها غير مسموح بدخولها السودان فى الطائرة. ولم يكن يعلم بذلك من قبل وبدأ يسأل فى القادمون من حوله عما ما يمكن فعله فى هذه الحاله. وكانت تبدو على قسمات وجهه خوف حقيقى. اذن نحن السبب فيما يحدث الان فى السودان. فان كنا أكثر صرامة فى تطبيق اللوائح والقوانين التى نسنها لما تجرأ هؤلاء الوافدون بفعل شيء يتنافى مع قوانيين البلد الذى استضافهم.
أما لحوم الكلاب فهى حرام شرعا ولا يصح للمسلم تناولها فكل ذا مخلب حرام والله أعلم. اذن نحن نتخذ جانب الحيطه والحذر و نحرم أنفسنا من تناول لحوم لا ندرى مصدرها عند تواجدنا بدول غير اسلامية. ولكن عندالتواجد فى بلد اسلامى عادة تكون النفوس مطمئنة أن القائمون على الامر سيحملون عبء توفير لحوم حلال ولحوم أنعام يسمح بتناولها فى عقيدتنا. ولكن فى بلد مثل السودان يتحدث القائمون عليه باسم الدين وكل شيء يفعل بداخله أبعد ما يكون عن الدين يجعلنى أتخوف كما سيتخوف كل مسلم أخر من تناول لحوم فى السودان.
حقا قلبى على وطنى. كل حاجه فى السودان ماشة غلط والحال لا يسر أطلاقا. كان الله فى عون بلدى.
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: smilewomen)
|
SMILE WOMEN
حقيقة تشرفت اليوم بقراءة ما سطرتيه هنا وما ابديتيه من رؤية عميقة وإيضاحات مقارنة موفقة ..
| Quote: اذن يجب احترام قوانيين البلد المضيف وليس من سبب يجعل السودانيون يرضخون لطلبات هؤلاء الاسيوين وليس من سبب يجعلنا نقبل بشئ يتنافى مع معتقداتنا وتقاليدنا والقوانين المعمول بها فى السودان. المفترض أن تأتى مصلحة وراحة المواطن السودانى أولا وقبل كل شيئ. ولا يجب دفع وتشجيع الاستثمار بتقديم تنازلات تضر بالمواطنين. |
نعم يجب إحترام قوانين البلد ولكن عليك ملاحظة ان السودان تنقصه الكثير من الشرائع المنظمة للحياة ونحن لا زلنا نخطو خطواتنا الاولى نحو الإنفتاح .. ثم ان الوضع الإقتصادي الراهن وضعف الرقابة جعل الجميع يلجأون لفعل أي شئ من اجل الحصول على المال ..
راحة المواطنين أولا هي ما طالبت به في أول هذا البوست أما بالنسبة للأجانب فأنا قد إختلف معك سيدتي فيما اوردتيه لعدة أسباب أولها راحة المواطنين وصحتهم ..
ذكرت أعلاه ان السودان بتركيبته الحالية صار دولة علمانية كاملة الدسم واعطيت مثالا على تناول لحوم القرود والجرذان وقد يكون هنالك لحوم حيوانات اخرى لا نعلمها !! المهم أن ضعف القانون وعدم وجود تشريعات محددة لمن يرتكب جرم ذبح الكلب وبيعه أدى في النهاية لبروز مثل هذه التجارة وظهور فئات السماسرة وخاطفوا الكلاب وعمال اللذبح والتوصيل وغيرهم ..
إذن هذه المهنة موجودة وقائمة ومحاولات إيقافها شبه مستحيلة مع العائد المجذ الذي تدره على من يقومون بذلك العمل .. وأهم إنعكاساته هي خطورة ذلك على صحة المواطن إذا ما تسربت تلك اللحوم إلى الأسواق .. اذا ما العمل ؟؟!!!!
الحل سيدتي يتمثل في إيجاد تشريعات تبيح ذلك العمل تحت أعين السلطات .. فنحن دولة تبيح الربا ويمتنع حكامها عن إعفاء دور العبادة من رسوم الكهرباء ويخطب الإمام يوم الجمعة حاثا الموطنين على دفع مساهمة عبارة عن خمسمائة جنيه لشراء كهرباء الجمرة الخبيثة !! وتستحل الحكومة أكل مال المزارعين في المشاريع الزراعية .. فهل العلة فقط في تنظيم لحوم الكلاب للأجانب ؟؟!!
ما هو الأفضل لنا .. تنظيم عملية لحوم الكلاب هذه تحت بصر السلطات ورقابتها ام ترك الأمور بهذه الصورة فيختلط بذلك لحومها مع لحوم الضان التي نشتريها !!!!
هل سمعت بسوق (القانص) سيدتي ؟؟؟؟؟!!!!
سوق القانص هذا يقع في قلب منطقة العشش القديمة سأعود لأحكي لك تجربتي في هذا السوق الذي ذهبت إليه لغرض ما ووجدت فيه لحوم الكلاب تباع عيانا بيانا هناك !!!!
شكرا للمساهمة وسأعود
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
الاخ ناذر
موضوعك جد شيق جدا لكن أخاف انو يبقي حقيقة والحكومة تقننو ويبقي رسمي وبعد شوية نسمع انو تماسيح السوق استوردو كلاب مضروبة والعمالة الصينية تقوم تتضرر بالقصة دي وكمان المسألة توسع شوية وتبقي فيها مزارع كلاب وملاحم وتتباع لحوم الكلاب في البقالات علنا ويتكتب في عربات التوزيع اجود انواع لحوم الكلاب من الصين والفلبين وتايلاند وغيرو ولكن الحكومة حترتاح من استيراد مصل السعر وحيقولو ليك شرطنا فاتورة مصل السعر.
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: omr aziz)
|
العزيز عمر عزيز
تحية طيبة وبعد ,,
إن لم يصبح ما اطالب به في هذا البوست حقيقة فسوف يحدث كل ما ذكرته انت من توابع تشريع تلك المهنة .. ولكن بما اننا نعيش في قلب واقع به هذه الممارسات علينا أن نحاول التخفيف منه وإيجاد البدائل وإلا فإن العاقبة وخيمة ..
وعلى كل حال فإن زيارة واحدة لك لسوق القانص الذي ذكرته أعلاه تفسر لك أنني لم أذهب بعيدا ..
بالمناسبة زبائن بائعوا اللحوم بسوق القانص ليسوا صينيين بل سودانيين وأجانب جنسياتهم أفريقية !!
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
أستعير هذا الخبر من بوست مجاور !!!!
Quote: قالت الشرطة أمس إن رجلا كمبوديا أتى بكلب لشويه وليكون الطبق الرئيسى فى حفل عشاء أسرى أقدم على مهاجمة زوج شقيقته بمنجل بعد أن قيل له إن لحم الكلب قد انتهي. وقال أون سافوث نائب رئيس شرطة منطقة ساآنج القريبة من العاصمة بنوم بنه لوكالة الانباء الالمانية د ب ا هاتفيا إن الفلاح أوش أويرن 22 عاما وصل إلى منزل شقيقته الجمعة الماضى ومع كلب فى كيس طلب إلى زوج شقيقته بون تاى 25 عام أن يشويه.
وأضاف سافوث "لكن حينما انتهى أويرن من طبقه الاول من لحم الكلب طلب المزيد وقيل له إنه ليس هناك مزيد فغضب بشدة واتهم زوج شقيقته بالانانية".
وتابع "كان فى حالة سكر شديد وحينما ناوله أحدهما منجلا ضرب به تاى فى رجله ورأسه ورقبته قبل أن يلوذ بالفرار. ونحن نبحث عنه الان". ورغم الاصابة الشديدة وثب تاى ووجه ضربات شديدة إلى آش تشان شقيق أويرن متهما إياه بمناولة أخيه المنجل. وقال سافوث إن تاى نقل إلى المستشفى بعد أن تصدعت العلاقات بين أفراد الاسرة. وقال سافوث "كانوا فى حالة سكر. وغضب أويرن لان الكلب كلبه ولانه كان جائعا ولكننا لا نتصور أنه كان يملك الكلب ونرى أنه سرقه وهو فى طريقه إلى بيت شقيقته". ومن المعروف أن لحم الكلاب يؤكل كطعام خفيف أثناء شرب الخمور مع كميات كبيرة من خمر الارز لدى بعض الجماعات الكمبودية. وإذا أدين أويرن فسيحكم عليه بالسجن 10 سنوات. |
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
أمس ليلا قابلت أحد معارفي ممن يعملون في المباحث وذكر لي أنهم قاموا في خلال اليومين الماضيين بحملات مكثفة على الأسواق العشوائية بأطراف العاصمة ومن ضمنها سوق (القانص) الشهير الذي يقع في منطقة العشش القديمة وضبطوا من ضمن ما ضبطوا عددا من الأجانب من دول غرب أفريقيا يقومون بذبح الكلاب في تلك المنطقة وبيع لحومها لمواطنيها من رواد السوق !! كما ضبطوا عددا منهم يبيع لحوم مشوية جاهزة بالطلب لم ينكر من يقوم بشيها أنها لحوم كلاب !! وأن هناك من يرغبها من الزبائن المواطنين والأجانب !!
| |
|
|
|
|
|
|
|
|
 Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
| Quote: إحتياجات هؤلاء الأجانب مثل صناعة الخمور البلدية الفاخرة ومهنة (الدعارة عند الطلب) والتي يقوم بالتجهيز لها شبه متعهدين... ما عليك إلا الضغط على أزرار هاتفك وطلب ما تريده منه ومواصفاته المطلوبة فيأتيك طلبك حتى مكانك دون عناء !! |
ومهنة (الدعارة عند الطلب)
ومهنة (الدعارة عند الطلب)
ومهنة (الدعارة عند الطلب)
| Quote: ثم والأهم من كل ذلك والذي أنا بصدده الأن هو مهنة متعهدوا تجهيز لحوم الكلاب وأيضا حسب الطلب !! .. |
ثم والأهم
ثم والأهم
ثم والأهم
ناذر عليك الله ماتخمنا
هسع ياتوا الأهم
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: Eng. Mohammed al sayed)
|
الأخ اسحق ..
| Quote: هل هي كلاب عادية ولا كلاب تابعة لناس الامن!!! |
والله أنا ما ما اظن طعمها بيفرق كان دي .. كان دي !!
لكن اظنها من الكلاب المطلوقة في الحلة ساكت ..
غايتو كلاب الأمن لحمها قووووي ومررررررو
سعادة المهندس محمد السيد ..
Quote: ومهنة (الدعارة عند الطلب)
ومهنة (الدعارة عند الطلب)
ومهنة (الدعارة عند الطلب)
|
صنفرة :
هو بالله في أهم من وجودك معنا في البوست دا
| |
|
|
|
|
|
|
|
|
|
Re: تجهيز لحوم الكلاب في السودان للصينيين بين الحقيقة والخيال !! (Re: ناذر محمد الخليفة)
|
بعيد عن موضوع لحوم الكلاب انا بس عندي سؤال واحد : الناس الشينة البتخت صورا في البورد ديل مافي زول قال ليهم انتو شينين شناة شديدة ولا مابععرفوا إختراع اسمو المراية؟
مافي أي إعتراض على خلقة ربنا لكن قيل : إذا بليتم فاستتروا
والله الذي رفع سمك السماء فسواها وأغطش ليلها واخرج ضحاها في ناس شينة لمن كلمة شناة ماتكفي لوصف شناتهم .
لله في خلقه شئون .
ولكم خالص الود والتحية
| |
|
|
|
|
|
|
| |
ناذر محمد الخليفة
معتز تروتسكى
هاشم نوريت
Elhadi
lana mahdi
zola123
Munir
Osman M Salih
Mamoun Ahmed
Elawad Eltayeb
بلدى يا حبوب
altahir_2
aosman
النذير بيرو
حيدر حسن ميرغني
ALazhary2
فيس بوك
تويتر
انستقرام
يوتيوب
بنتيريست