يعتبر صوت الفنانة أسرار بابكر من الأصوات النسائية ذو خواص عالية التطريب إذا كان تعليقي في محله و ليس هذا من ضمن إختصاصاتي فقط مجرد رأي لمستمع سوداني عادي .. و منذ ظهور أسرار قبل عدة سنين في برنامج أصوات و أنامل كنت قد ذكرت لأصحابي في الحلة بأن أسرار لو حظيت بمن يتعامل معها إبتداءً من الشاعر و القصيدة و من ثم اللحن فسوف يكون لها شأن عظيم على خارطة الغناء السوداني النسائي و هي دائماً تٌذكرني بصوت الفنانة حنان النيل في بدايتها ...
بين أيديكم ألبوم الفنانة أسرار بابكر "راحت عليك" و أعتقد أنه الألبوم الأول لها منذ ظهورها .. بالرغم من أن أسرار كانت قد شاركت في مهرجان الثقافة في الأردن قبل عدة سنوات إلا أنها منذ تلك الفترة ظلت حبيسة اللحن الخاص و نتمنى أن تكون بداية جادة و موفقة بإذن الله يا أســرار ... و لكن في هذا المجال نترك الرأي لأهل البيت الموسيقي الأستاذ يوسف الموصلي و الأستاذ الفاتح حسين و الإخوة بالمنبر و كل الحادبين على مصلحة الغناء السوداني في تقييم الألبوم و هي فرصة جيدة لأسرار لكي تقف على كل صغيرة و كبيرة و تجد نصائح و إرشادات من أساتـذة و متخصصون في هذا المجال ... و ربنا يوفقك يا أسرار... بما أنه الفنانة أسرار معجبة بأغنية شجن للفنان و كروان الشرق إبراهيم حسين .. فسوف تكون الخلفية هذه الأغنية .. مع أمنياتنا للفنان إبراهيم بعاجل الشفاء..
شجــن
راحت عليك
ميل و أعرض
غالي الحروف
يا زمن وقف شوية
كم نظرنا هلال
ست البنات
صباحك مالو
06-06-2007, 11:07 AM
وصال عالم
وصال عالم
تاريخ التسجيل: 01-31-2007
مجموع المشاركات: 1940
يا هيثم عبد العزيز سلامــــــــــات.. انتظرت هذا العمل من زمن طويل جدا .. وكنت كلما امشي المحل بتاع الاشرطة البتعامل معاهو اسالو في حاجة طلعت لي اسرار ؟؟ بيقول لي لا .. وكنت بتعشم خير ،، علي اساس انو العمل كلما طالت مدتو كلما كان اكثر تجويدا.. لكن بي صراحة .. الالبوم ما عجبني ... طبعا ده رائي قبلما عمر الفاروق يجي
06-06-2007, 11:23 AM
انعام عبد الحفيظ
انعام عبد الحفيظ
تاريخ التسجيل: 12-07-2005
مجموع المشاركات: 8738
انا كنت عايز افتح بوست لهذا الالبوم ولكني ليس لدي معرفة بتحميل الاغاني عشان كده ما كتبت البوست بدون اغاني (حاصة وانني استمعت له قبل اسبوعين تقريباً)
وطبعاً دي فرصة الواحد يقول رايه بصراحة
بصراحة هذا الشريط لا يشبه اسرار ولا يبين امكانياتها الصوتية
برغم اني لست موسيقيا ولكني مستمع جيد ومتابع لمسيرة اسرار من بدري
ولكنها في هذا الالبوم
غنت بي طريقة كلام عادي ممكن اي زول يقوله وبالذات في مدخل الاغنية كأنها بتتكلم بصوت عادي بل احس ان هناك نشاز في بداية صوتها مع الاغنية
انا ما عارف هل هناك بعد تجاري في الموضوع أو سبق انتاجي او كده او خلافه
يا اخوانا بصراحة انا كنت مبسوط جدا من أسرار بابكر وهي تنتقي روائع الغنا السوداني وتؤديه بصوت جميل وأداء عالي وتطريب ممتااز بل أنني كنت اقول لاصدقائي انني أريد معرفة المجموعة التي تختار هذه الدرر من الأغاني عشان ٍأسرار تغنيها
البحيرة
يا طير ماشي لاهلنا
وغيرها
بل تمنيت ان تكون للمطربة عافية حسن نفس المجموعة أو مجموعة تانية من المختصين والمهتمين بالمواهب حتى تغني لنا أجمل الاغاني القديمة كما اشتهرت بذلك أسرار بابكر وهذا بالطبع لا يمنع أن يكون لهما أعمالهما الخاصة
فيا ريت ترجع اسرار لاسرار الغنا من جديد
وترجع الزمن الجميل
زمن الكبار
كبار اللحن وكبار الكلمة وكبار الصوت
وبرضو ده اول البوم وحقو الناس تتعلم وتصحح الاخطاء
حاشية :
الفنان صلاح محمد عيسى (الله يرحمه)في برنامج سهرة مع حسين خوجلي قال تعليقاً على صورة له وهو يرتدي بدلة كاملة أنيقة قال ان هذه البدلة كلفته 35 جنيه وظهر فيها في حفلة كان اجرته فقط 25 جنيه ( يعني خسران 10 جنيه من جيبه) ولكن ده كله يهون في سبيل كسب الجمهور والمكانة والاحترام الناس زمان بتعيش عشان الفن مش بتعيش بالفن
ويا شركات الانتاج البقت اكثر من جرايد زمن الديمقراطية الثالثة ارحمونا شوية
وشكرا
جمال السنوسي
06-07-2007, 12:00 PM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
Quote: وطبعاً دي فرصة الواحد يقول رايه بصراحة بصراحة هذا الشريط لا يشبه اسرار ولا يبين امكانياتها الصوتية برغم اني لست موسيقيا ولكني مستمع جيد ومتابع لمسيرة اسرار من بدري ولكنها في هذا الالبوم غنت بي طريقة كلام عادي ممكن اي زول يقوله وبالذات في مدخل الاغنية كأنها بتتكلم بصوت عادي بل احس ان هناك نشاز في بداية صوتها مع الاغنية انا ما عارف هل هناك بعد تجاري في الموضوع أو سبق انتاجي او كده او خلافه يا اخوانا بصراحة انا كنت مبسوط جدا من أسرار بابكر وهي تنتقي روائع الغنا السوداني وتؤديه بصوت جميل وأداء عالي وتطريب ممتااز بل أنني كنت اقول لاصدقائي انني أريد معرفة المجموعة التي تختار هذه الدرر من الأغاني عشان ٍأسرار تغنيها البحيرة يا طير ماشي لاهلنا وغيرها بل تمنيت ان تكون للمطربة عافية حسن نفس المجموعة أو مجموعة تانية من المختصين والمهتمين بالمواهب حتى تغني لنا أجمل الاغاني القديمة كما اشتهرت بذلك أسرار بابكر وهذا بالطبع لا يمنع أن يكون لهما أعمالهما الخاصة فيا ريت ترجع اسرار لاسرار الغنا من جديد وترجع الزمن الجميل زمن الكبار كبار اللحن وكبار الكلمة وكبار الصوت وبرضو ده اول البوم وحقو الناس تتعلم وتصحح الاخطاء حاشية : الفنان صلاح محمد عيسى (الله يرحمه)في برنامج سهرة مع حسين خوجلي قال تعليقاً على صورة له وهو يرتدي بدلة كاملة أنيقة قال ان هذه البدلة كلفته 35 جنيه وظهر فيها في حفلة كان اجرته فقط 25 جنيه ( يعني خسران 10 جنيه من جيبه) ولكن ده كله يهون في سبيل كسب الجمهور والمكانة والاحترام الناس زمان بتعيش عشان الفن مش بتعيش بالفن ويا شركات الانتاج البقت اكثر من جرايد زمن الديمقراطية الثالثة ارحمونا شوية وشكرا جمال السنوسي
و الله يا جمال كلامك في محلو ... أسرار تشعر بيها ما مرتاحة في أداء أغاني الشريط دة.. لكن أنا بقول ليك يا جمال المسألة بقت عملية تجارية و إحتكار أصوات من قِبل الشركات الحايمة في البلد عشان يحجموا و يحجروا على الفنان .. و المسألة كسب مادي فقط .. و الفنان الواعي في مجال الإعلام و مُلم بقوانين و دهاليس شركات الإنتاج الفني هو من يستطيع أن يسيطر عليهم و ليس هم من يسيطروا عليه.. لكن برجع لكلامك هنا و دة مربط الفرس...
Quote: انا ما عارف هل هناك بعد تجاري في الموضوع أو سبق انتاجي او كده او خلافه...
Quote: بصراحة هذا الشريط لا يشبه اسرار ولا يبين امكانياتها الصوتية برغم اني لست موسيقيا ولكني مستمع جيد ومتابع لمسيرة اسرار من بدري
فعــلاً يا أســرار الشريط أقــل من إمكـانياتك بكثيــر و أنت تملكين هذا الصوت الطروب... فكري في العمل الجيد أولاً قبل المردود المادي .. لأنه هو رصيدك في المستقبل... و شكـراً يا جمال..
06-07-2007, 11:45 AM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
Quote: يا هيثم عبد العزيز سلامــــــــــات.. انتظرت هذا العمل من زمن طويل جدا .. وكنت كلما امشي المحل بتاع الاشرطة البتعامل معاهو اسالو في حاجة طلعت لي اسرار ؟؟ بيقول لي لا .. وكنت بتعشم خير ،، علي اساس انو العمل كلما طالت مدتو كلما كان اكثر تجويدا..
و عليكم السلام تمبس بانت يعني بقت عليك زعلتين واحدة من عافية و التانية من اسرار .. عاد مااا بالغتو يا بنات حواء تزعلو تمبس قدر دة
و الله العظيم يا تمبس نفس الشعور .. انا بمشي لإستريو طلعت و هو إستريو معروف بالشارقة و سيدو باكستاني و عندو صور مع أسرار دي زااااتــا .. اها بقول ليهو في شريط لأسرار و لا سامي المغرب .. بقول لي ديل الإتنين كسلانين سيم سيم سوداني نفرات تخيل.. و طلعت دة اي شريط عندو من زمن ماركة ال TDK و متصور مع عمالقة الفن لمن كانوا زاروا الإمارات.. و هو كمان كلو فترة بزور السودان بجيب شرايط..
Quote: طبعا ده رائي قبلما عمر الفاروق يجي
تعرف عمر الفاروق لو جا بجاي معناها بكرة الموضوع دة بتنشر في الجرايد...
06-06-2007, 05:13 PM
Alsa7afa_30
Alsa7afa_30
تاريخ التسجيل: 02-06-2003
مجموع المشاركات: 6618
Quote: الفنان تمبس ممكن تورينا ما عجبك ليه؟ عايزة اسمع رأيك كلو دا لو ممكن تخريمة: بالجد انا مقتنعة انك فنان ما كلام ساي
.. انعام عبد الحفيظ .. كيف أخبارك ؟؟ والله يا انعام كل ما في المسالة اني طورت سمعي من فترة طويلة جدا ... ولحدي الآن ما وصلت المرحلة بتاعت الفنانية دي .. وشكرا للثقة وللفنانية الاديتيني ليها بدري بدري دي: عارفه يانعام: طبعا كان سكت على الموضوع ده الالبوم بيمر مرور الكرام .. لانو بعد سيل النقد الحايم للاصوات النسائية .. من شروق لي سهرة عافية الاخيرة ـ ربما الناس تاخد انطباع عن اي حد يكتب ليهو رأي مخالف من وجهة نظرو .. ربما يعتبروهو شخص بيحب المتاعب. لكن انظري معاي لي اتنين هنا في البورد في نفس البوست:
Quote: بصراحة هذا الشريط لا يشبه اسرار ولا يبين امكانياتها الصوتية برغم اني لست موسيقيا ولكني مستمع جيد ومتابع لمسيرة اسرار من بدري
.. ده كلام جمال السنوسني ..
Quote: دي ما أسرار ... ليه عملو فيها كدا ؟؟؟؟؟؟؟؟
.. وده كلام خــالد تنقــو . وبالمناسبة بيني وبين خالد تنقو خط تواصل وطريقة استماع محددة لي اسرار بابكر .. ومن فترة ظهوره الأولى ونحن في متابعة حتى الكثير من الاشرطة الخاصة.. لكن صدمني بالفعل هذا العمل ( التجـــاري )... صدمني هذا الاحساس الموسيقي المصاحب .. والله بي صراحة غير ( الساكس ) ما قدرت اتعامل مع اي آلة موسيقية ألة موسيقية أخرى في العمل .. شكل الايقاعات الالكترونية المرتفعة في العمل .. هي دائما سر نفورنــا من الاستماع لا ضير ان تكون مصاحبة بشكل اقل أو شكل تكميلي .. بالإضافة إلى ايقاعاتنا المعروفة التي هي مفتاح دخول أي عمل إلى قلوبنا وكلمة الســر .. حسيت الاكاديمية العالية في العمل .. وهي بالطبع غير مرفوضة لكن في نفس الوقت الافراط فيها منفر .. ( ليس لدى أي اعتراض على طريقة التوزيع الموسيقي ) إنما التنفيذ الأوركسترالي المصاحب.. بالمناسبة يا انعام .. الالبوم ده بيذكرني بي فترة كدا كنت بجي ماشي في شارع الدكاترة بي امدرمان نازل من محطة الشهداء وكل يوم كنت بمر على استريو في الصف بتاع نادي الخريجين بس ما متذكر الاسم بتاعو .. اها قبلما اصل الاستريو ده .. بكون سمعت لي مية فنان وفنانة .. فيهم الصغير وفيهم الكبير جدا .. لكن كلهم بي نفس الطريقة بتاعت الايقاعات المزعجة دي .. والاحساس المصنوع ده ولما اصل الاستريو بكون اتأكدت اني مقفل اضنيني الاتنين .. يا مقفل واحده ومخلي ليهم واحده ... بدخل الاستريو علشان اتأكد من القائمة بتاعت الاعمال النزلت جديدة عندو بكتشف انها مية وخمسين البوم لي محمود عبد العزيز في صف واحد .. غير المليون شريط لي الفنانين والفنانات التانين .. يلالا بقول ليهو: يا عمر .. يا مدهشة .. ( سكت الرباب ) .. الباقي ده كلو ( موصو واشرب مويتو ) ( وخّمس ) معاك لي محمود .. طبعا الفنانين الكبار كنت قاعد احن علي حالهم الوصلو ليها في الصراع المحموم ده .. وبتضامن معاهم .. واطلب منو في حســرة .. بلاي اديني الشريط الفلاني .. ده طبعا علشان ما ابوظ علاقتي السمعية مع الفنان المعني .. المهم يا ستي المسالة الان عندي عاملة زي: زي الطيارة السايقاك .. لكن بتحكم فيها كابتن الكتروني وراكب فيها براك .. يعني عينك ليها ماشه .. وبتوصلك لكن زي العندك احساس انك عايز تتونس مع طاقم المضيفين .. وكل دقيقة والتانية تسألهم ياخي نحن ماشين بسرعة كم .. حسع كان وقعت إنتو بتستفيدو شنــو ...؟ فيا اســــرار بابكــــر ... والله الالبوم ده راجيهو من أول يوم سمعت فيهو صوتك .. لكن حسع بعد السمعتو ده .. الواحد لو وقع كســـر رقبتو ح تستفيدي شنـــو ..؟
تنقــو .. ؟؟
06-07-2007, 10:35 AM
انعام عبد الحفيظ
انعام عبد الحفيظ
تاريخ التسجيل: 12-07-2005
مجموع المشاركات: 8738
انا االبوم ده وصلني من اسبوعين عن طريق احد اصدقائي بعد انتهاءاجازته بالوطن وتخيل انو قال لي ( وانا اثق في كلامه جدا جداً) انو اشترى شريط المحل يعني كانت آخر نسخة في المحل وشغالة في الاستريو بتاع المحل وقد تنازل البائع عنها لزوم سفر صديقي .
يعني باختصار الناس منتظرة شريط اسرار ده من فترة ولكن صدمنا جميعاً بالنتيجة
وبمناسبة الشهداء دي يا تمبس
آخر اجازة لي في الوطن مريت كعادتي على محلات بيع الكاسيت من اجل جمع زاد للغربة والسمع وكنت في احد المحلات لبيع الكاسيتات في شارع الديوم عندما تفاجأت من سؤال البائع لي ( هل أنت دكتور ) قلت له لا ولكن لماذا السؤال أجابني ( بس من طريقة إختيارك للكاسيتات افتكرتك دكتور) وطبعاً انا كنت بشتري كاسيتات أغاني العمالقة
يا اخوانا بصراحة مطلوب وقفة منا جميعا وتعالو ندعم المبدعين (فقط المبدعين بشراء أعمالهم الاصلية ( الكاسيت الاصلي فقط بـ 5000 جنيه - الجنيه الزمان) وصدقوني كثير من الشركات المنتجة لهذا اللغو الفني سوف تتوقف عن هذه الغوغائية وسوف تنتقل لأنتاج الاعمال الجيدة وترتقي بإنتاجها او تتوقف عن ازعاجنا فيما تبقى لنا من ايام في هذه الدنيا
جمال
06-07-2007, 01:00 PM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
كاملا في منتدى عكس الريح وقد لاحظ الاستاذ والفنان الحبيب الموصلي
الاخ العزيز عبدالله وداعه يا حبيب لا شكر على واجب و الشكر لمرورك و تنورينا برأي الموصلي.. نحن هنا فقط عشان ندلي برأي و نقد بناء يساعد هذا الجيل في تحسس خطاه بطريقة علمية و منهجية و أكيد الموصلي و صحبه بالمنبر لم يبخلوا على اسرار و جيلها من الجنسين .. بس يجب عليهم أن يتحلوا بالصبر و عدم إستعجال النتائج و أكيد النجاح حا يكون حليفهم...
و مشكووور يا عبدالله...
06-07-2007, 12:26 PM
الشيخ إبراهيم الشيخ
الشيخ إبراهيم الشيخ
تاريخ التسجيل: 11-02-2006
مجموع المشاركات: 705
الشريط ده بكل صراحة اول مرة اسمعه ومن امس لحدي الان سمعته كم مرة كده بكل صراحة ما حسيت فيه اسرار بابكر بالمرة ما عارف الرايح عليها شنو بالضبط وانا داير اتكلم عن الشريط من زاوية تانية بكل صراحة اغنية راحت عليك بس الماسمعت بيها قبل كده ومن الصدمة برضو ما عارف انها تبع اسرار ولا برضو مجترة من الغير يعني ما حرام شريط كامل فيه كمية من الاغاني المسموعة من مليون صوت قبل كده يعني الاضافة شنو يا اسرار في الشريط ... انا بصراحة ما عاف سبب ترديد الغناء المسموع بالصورة ده يعني للفان شنو اكيد ما حيضيف ليه ولا حاجة .... وزي ما قالو ما حك جلدك مثل ظفرك ... بصراحة عجبتني راحت عليك وبس
مودتي
06-07-2007, 01:51 PM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
الشريط ده بكل صراحة اول مرة اسمعه ومن امس لحدي الان سمعته كم مرة كده بكل صراحة ما حسيت فيه اسرار بابكر بالمرة ما عارف الرايح عليها شنو بالضبط وانا داير اتكلم عن الشريط من زاوية تانية بكل صراحة اغنية راحت عليك بس الماسمعت بيها قبل كده ومن الصدمة برضو ما عارف انها تبع اسرار ولا برضو مجترة من الغير يعني ما حرام شريط كامل فيه كمية من الاغاني المسموعة من مليون صوت قبل كده يعني الاضافة شنو يا اسرار في الشريط ... انا بصراحة ما عاف سبب ترديد الغناء المسموع بالصورة ده يعني للفان شنو اكيد ما حيضيف ليه ولا حاجة .... وزي ما قالو ما حك جلدك مثل ظفرك ... بصراحة عجبتني راحت عليك وبس مودتي
ولـدنا الشيخ إبراهيم الشيخ عساك طيب...
Quote: اغنية راحت عليك
زي ما قلت انا يا شيخو فقط الأغنية دي ممكن تحس فيها بصوت أسرار اما البقية تجد العكس إنو أسرار "راحت لينا و علينا" و كمان حولينا .. إحتمال لأنه أغنية جديدة و لازم تتقيد بلحنها و... و...
و مشكوور يا كابتن و براحة على أسرار دي طوٌل بالك
06-07-2007, 12:53 PM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
يا اخوانا سلام عليكم ... اول حاجة انا لست ناقد موسيقي زي الكاتب و الناقد الفني و الرياضي عمر الفاروق .. فقط مستمع و متذوق عادي للفن السوداني و أقول ليكم(لا يُفتَى ومالك في المدينة) و الأستاذ الموصلي و صحبه غواصون الفن السوداني في المنبر ليقطعوا قول كل خطيب..
اها... نجي لوجهة نظري في إستماع الشريط:- أولاً إذا رجعنا لصوت أسرار مثلاً في حلقة الأستاذ السر قدور كان روعة و دة لجودة اداء الفرقة الموسيقية و دة فقط بالفطرة زي ما قال تمبس تحت هنا:
Quote: شكل الايقاعات الالكترونية المرتفعة في العمل .. هي دائما سر نفورنــا من الاستماع لا ضير ان تكون مصاحبة بشكل اقل أو شكل تكميلي .. بالإضافة إلى ايقاعاتنا المعروفة التي هي مفتاح دخول أي عمل إلى قلوبنا وكلمة الســر ..( ليس لدى أي اعتراض على طريقة التوزيع الموسيقي ) إنما التنفيذ الأوركسترالي المصاحب..
يعني الشغل بتاع الكيبورد دة ما أعتقد فنانة ناشئة مثل اسرار تقدر تتأقلم عليهو من اول مرة .. و دة ظلم كبير عليها .. بنفس القدر لو رجعنا لحلقة نجوم الغد كان عمل و شغل مميز و نضيف بقيادة اسماعيل عبدالجبار و باقي الفرقة المصاحبة و طلع مقبول من كل الأذواق ..
اغنية شجن
الكوبلي الأول:
الدخول في الأغنية ما عجبني بمقدمات خارج اللحن زي البروفة كدة و أعتقد دة أفسد بداية اللحن و عملية الدخول.
الكوبلي الثاني:
"بدل ما نحن بنعاتب" مثلاً التكرار في كلمة "نسأل"أعتقد ما جميلة زي ما كان بتقولا من قبل مرة واحدة فقط .. إلا إذا كان هنالك رأي فني جميل و مخالف لرأيي فلنعرفه هنا من ذوي الإختصاص..
الكوبلي الثالث
"رضينا هوانا في حبك" كان هنالك نشاذ و تكلف في ترديد كلمة "حبك" حتى إنقطع نفسها..
الكوبلي الرابع:
و كذا الحال في "ضميروا يحاسبو خليهو .. آه تمر أيام و ينسى غرورو .. أعتقد إنه ليست من السهولة إدخال الآهات في حوار موسيقي مع النفس .. إلا إذا كنت مخطئاً... و العهدة عند الموصلي و صحبه..
أغنية راحت عليك
تجد أسرار رجعت لصوتها الطبيعي المعروف دون تكلف او إستطالات و دة إحتمال لأنه الأغنية جديدة و لازم تتقيد بتنفيذ اللحن كما هو..
أغنية ميل و عرٌض
أعتقد مافي داعي لكلمة"أنا" و لو كانت قالتها زي ماهي كما يردد الكورس المصاحب كان تكون أفضل .. لكن بصراحة الأغنية عند الراحل العميري بس .. مع الإعتذار للجميع...
أغنية غالي الحروف
أسرار تكلفت كثيراً في إستطالات بعض الكلمات مما يؤدي هذا إلى عدم راحتها في البيت البعدو .. و أغنية زي دة كلما غنوها بطريقتها البسيطة يكون أفضل...
أغنية يا زمن وقف شوية
الكوبلي الأول برضو كلمة "أنا" مافي ليها داعي و حتى الراحل إبراهيم عوض ما أظن كان بيدخلها في مجرى الأغنية .. و كذلك الإستطالة في بعض الكلمات .. و تجد أداؤها للأغنية مع العزف فيهو كسل .. و تجد فرق لمن تسمعها عند المبدع عمار السنوسي....
أغنية كم نظرنا هلال
أنا غايتو ما بعرف أسمع أغنية حقيبة بالكيبورد و زي ما قال تمبس هنا:
Quote: شكل الايقاعات الالكترونية المرتفعة في العمل .. هي دائما سر نفورنــا من الاستماع لا ضير ان تكون مصاحبة بشكل اقل أو شكل تكميلي .. بالإضافة إلى ايقاعاتنا المعروفة التي هي مفتاح دخول أي عمل إلى قلوبنا وكلمة الســر .. ( ليس لدى أي اعتراض على طريقة التوزيع الموسيقي ) إنما التنفيذ الأوركسترالي المصاحب..
حـاشيــة:
في الثمانينــات كنت بستمــع للقاء تلفزيوني عن الفن و الموسيقي و أداء الفنانين آنـذاك .. لكن لآ أتذكر من كان الضيف و ضيوف البرنامج ... فقد ســأل مقـدم الربنامج ذلك الضيف الضليع في الفن السوداني فسأله: ما رأيـك في الفنــان محمــد الأميــن
فرد الضيف: محمـد الأمين فنان رائع و مبدع بس عيبو!! يٌكثــر من الآهـــات ...
لكن و الله أعجبتني آهات ود الأمين في أغنية تتعلم من الأيام بالذات في حفلة الدوحة وهي قبل الكوبلي بتاع "بكرة الريد بدون مواعيد إزورك يا حياة عمري" فكانت تلك الآهات قبل الدخول للبيت دة رائعة و مموسقــة...
06-07-2007, 02:30 PM
Elmosley
Elmosley
تاريخ التسجيل: 03-14-2002
مجموع المشاركات: 34683
الحبيب هيثم اسرار من اجمل وادفآ الاصوات النسائية التي ظهرت في الثلاثين الاخيرة ولكنها وقعت في هذا الشريط في آسر الاجترار وهذه مشكلة العبقريات الصوتية الجديدة ومشكلة الشركات المنجة تحياتي لها اذا عدت للسودان قريبا فلها مني عمل جديد وكبير
06-08-2007, 12:53 PM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
Quote: الحبيب هيثم اسرار من اجمل وادفأ الاصوات النسائية التي ظهرت في الثلاثين الاخيرة ولكنها وقعت في هذا الشريط في آسر الاجترار وهذه مشكلة العبقريات الصوتية الجديدة ومشكلة الشركات المنتجة ..
حبيبنا الموصلي عســاك طيب و جمعـة مباركــة...
حقيقي أنا واحد من أشد المعجبين بصوت أسرار .. و كما قلت فهي واحدة من اجمل وادفأ الاصوات النسائية التي ظهرت في الثلاثين الاخيرة .. فعلاً يا موصلي .. كنت قد قابلت و إستمعت لأسرار في حفل مباشر قبل اربع سنوات في زواج إبن خالي شهاب في الحاج يوسف و كانت روعة في الأداء و التطريب ...
و هنا بشرى سارة لك يا أسرار من الموصلي أكيد ما حا يقصر معاك و لكل من يود المساعدة و تطوير نفسه..و مبروووك مقدماً يا أسرار..
Quote: تحياتي لها اذا عدت للسودان قريبا فلها مني عمل جديد وكبير
إن شاءالله لو مشيت السودان قريب سوف أبلغها تحاياك و بٌشراك .. و هاهي تقرأ ما بين السطور ...
و انا أفتكر كذا الحال لسميرة دنيا يا موصلي .. تؤدي أغاني عمالقة الفن و أغاني الحقيبة بصورة جميلة و مبسطة دون تكلف ... إلا و أننا نخاف لها أن تشرب من نفس الكأس ...
سؤال فني و لمصلحة الجميع من أهل الفن:
هل إزدياد الوزن و السٌمنة يؤديان إلى ضيق في الحبال الصوتية و قِصر النفس؟؟؟؟
كنت قد كتبت هذه المداخلة في بوست الاخ ازهري عن اسرار:
طربت جداً أول مرة عند سماعي لأسرار وهي تؤدي "يا طير"، وكذلك اغنية "بسمة" مع مجاهد.. وبعض الاعمال الاخرى، ومنذ ذلك الحين كنت اتطلع لسماع أول البوم لها.. إلى أن تمكنت قبل ايام قليلة من سماع "راحت عليك" ووجدته – كمستمع عادي - مخيباً للآمال.. آمالي أنا على الأقل؛
تضمن الالبوم 3 اغاني اعتقد خاصة بها استمتعت منها بسماع "راحت عليك" التي أرى أنها ادتها بمستوى مقعول.. أما أغاني الغير التي ضمها الالبوم ففي اعتقادي لم توفق في ايا منها باستثناء اغينة ابراهيم حسين "خلاص يا قلبي كان خاصم"..
فقد تتفق معي أن إداء أغاني الغير تصاحبه دائماً "ورطة" أن المستمع يجد نفسه بصورة لا إرادية في حالة عقد مقارنة مع الأصل... وفي اغلب الاحيان ترجح كفة الأصل باستثناء أغاني الحقيبة (لاختلاف اسلوب تناول الاخيرة نتيجة تطور الأداء ودخول الاوركسترا ... الخ)... ففي هذا الالبوم لم استطع مواصلة اغنية "اكتب لي يا غالي الحروف" حتى نهايتها ربما بسبب "المطة" غير المنطقية لكلمة "يا غالي" وبعض المقاطع في منتصف الاغنية، أما اغنية "يا زمن" التي احبها جداً فكل الذي تمكنت من احتماله هو المقطع الأول (كانت تردد "ياااااازمن بشكل منفِّر في تقديري")..
صوتها جميل، وتمتلك امكانات تطريب غير عادية... ربما يأتي ملحِّن متخصص يتمكن من توظيف هذه الامكانات على النحو المطلوب..
سيف بشير
06-12-2007, 09:29 AM
محمد الكاب
محمد الكاب
تاريخ التسجيل: 06-09-2007
مجموع المشاركات: 267
Quote: إلى أن تمكنت قبل ايام قليلة من سماع "راحت عليك" ووجدته – كمستمع عادي - مخيباً للآمال.. آمالي أنا على الأقل؛
فعلاً يا saif دة رأي كل الإخوة المتداخلين و حتى الموصلي لم يروق له الأداء في هذا الشريط ...
Quote: أما أغاني الغير التي ضمها الالبوم ففي اعتقادي لم توفق في ايا منها باستثناء اغينة ابراهيم حسين "خلاص يا قلبي كان خاصم"..
انا بفتكر أغنية إبراهيم حسين زمان كان بتغنيها بطريقة سلسة و مبسطة لكن في الشريط شايف في شوية نشاذ للغنية...
Quote: فقد تتفق معي أن إداء أغاني الغير تصاحبه دائماً "ورطة" أن المستمع يجد نفسه بصورة لا إرادية في حالة عقد مقارنة مع الأصل... وفي اغلب الاحيان ترجح كفة الأصل باستثناء أغاني الحقيبة (لاختلاف اسلوب تناول الاخيرة نتيجة تطور الأداء ودخول الاوركسترا ... الخ).
و أعتقد برضو كثرة الخشوم في العمل يعني كلو واحد يجي ينظر .. هنا جري صوتك شوية و.. و... طبعاً الأصل ما بروح لكن في الشريط دة تلاحظ أسرار حتى الأغاني نفسها الكان زمان بتأديها بطريقة أفضل ... هنا نشذت فيها ..و برضو في مسألة الرهبة كونو أول شريط و لازااازم يطلع حلو و هلمجــرا.......
Quote: ففي هذا الالبوم لم استطع مواصلة اغنية "اكتب لي يا غالي الحروف" حتى نهايتها ربما بسبب "المطة" غير المنطقية لكلمة "يا غالي" وبعض المقاطع في منتصف الاغنية، أما اغنية "يا زمن" التي احبها جداً فكل الذي تمكنت من احتماله هو المقطع الأول (كانت تردد "ياااااازمن بشكل منفِّر في تقديري")..
و دة الكلام انا قلتو فوق .. كثير من الإستطالات التي أضرت ببعض الجمل و شوهت اللحن أثناء الأداء..
Quote: صوتها جميل، وتمتلك امكانات تطريب غير عادية... ربما يأتي ملحِّن متخصص يتمكن من توظيف هذه الامكانات على النحو المطلوب..
و دة ما أكدة الأستاذ الموصلي في الكلام التحت دة:
Quote: الحبيب هيثم اسرار من اجمل وادفأ الاصوات النسائية التي ظهرت في الثلاثين الاخيرة ولكنها وقعت في هذا الشريط في آسر الاجترار وهذه مشكلة العبقريات الصوتية الجديدة ومشكلة الشركات المنتجة تحياتي لها اذا عدت للسودان قريبا فلها مني عمل جديد وكبير
و شكراً يا سيف ... و ترقب الشريط القادم لسميرة دنيا ... قريبــــاً بإذن الله...
06-12-2007, 09:09 AM
Haytham Abdulaziz
Haytham Abdulaziz
تاريخ التسجيل: 05-28-2006
مجموع المشاركات: 2899
الحبيب فيصل خليل قريبي ... مسكــاقنــا ياااخ ... فين الغيبة التويـلـة دي ... و الله نهنا نِقول فين إبن هليل مش باين .. إن شاءالله هير... كيف إنتم آملين بهناك .. سلملي ألي الجماعة كلهم..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة