|
|
 عمر سعد بركة الجيت ونورت والله..!!!
|
ياربي الزول ده بورابي ولا ما بوردابي
صعب تفرق وتعرف ...
مرة سمعت اشاعة انو بوردابي وباص ويردو (راح) في شقة بني عمران العامرة بالاصدقاء والزوار
وساحة للجمال والغناوي وحكاوي الوطن...
الليلة شرف ونور وهبش الكيبورد وجانا الزول صاحب الالق والقلب الطيب وجبل الشيل
عمر سعد وبحضوره ازدان المكان ورفرفت فيهو كل الالحان الشجية التي يطلقها هذه الايام المبدع
(مبيوع) في سماء الدوحة وجعلنا سكاري وما نحن بسكاري...
سلام يا عمر سعد والف تحية وبركة الجيت,, ويا بختكم يا بورداب الدوحة وباثر رجعي
...
|
|
 
|
|
|
|
|
|
|
|
Re: عمر سعد بركة الجيت ونورت والله..!!! (Re: Ahmed Abdallah)
|
Quote: و لكن عذاب الدوحة شدييييييد
ال فيك اتعرفت .... |
هلا ابو حميد الزول الجانا وما غشانا.
انتظرني يا احمد عبدالله راجياك محمكة ودواس
وانا في انتظار تقرير (لجنة التقصي في اين كان احمد عبدالله في الدوحة واحنا ما عارفين)
ده كلو اسم اللجنة
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
اللة يا كيكى كلامى السمح كتبتو وراح كلو هاهاهاهاهاهاه
لكن قلتة انو كنت جاى عديل زول دواس معاك لكن ترحيبك فرمل بى بس ما
كتير ان شا اللة اكون قدر ترحيبك ....والمزعلنى انو شانين على حملة
اسفيرية ارضية خاصة من واحد قاعد فى لندن شاعر بحمى اول حرف من اسمو
عبد اللة وداعة الامين ...اللة يجازيك....والتانى من العرضة اسم جدو
الزين واسم ابو على يا ربى يكون الاسم الاول كمال ..اى ياهو...
والتالت مقطوع الطارى الجاى من العباسية ود العباسية ....كان راجل تعال قاطع الخور
هوى ما خور بكرى خور ابعو عنجة ما تعملو لينا مشاكل طوالى كدة من قولة تيت ...لكن ليهو يوم
والرابعة بت همزة (سارة ) القاعدة فى الحتة الكلها جبنة دى بس ما الدويم هاهاه
لكن اصبر يا كيكى ما خليت لى صفحة كمال على الزين قال شنو عمر نايم نوم الضان
زى كلب اهل الكهف (فى نوم لا صالح لة فية) بشرى الفاضل ....حق الملكية وكدة
لكن يا كيكى دة كلو هين انا خايف من القلتو ليك داك ببقى زيك فى الاجتماعات اكرج فى سنونى واعاين لى كمال سالم هاهاهاهاهاهاهاهاهاهاهاهاهاهاهاهاهاهاهاهاها
شكرا ليك كيكى على الترحيب وحا انزل ليك صور جميلة جدا واغنية عز الطلب الليلة ابقى اظهر الخميس وكدة ...................
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: Raja)
|
Quote: ألف مرحبا بعمر سعد..
شرًفت ونوًرت
شكرا عبدالكريم |
مرحب رجاء والف شكر
وحبابك دوما يا رجاء ياكاتبتي المفضلة وبصراحة احسن زول في الشرق الاوسط الجديد
بيعرف بكتب (بوست طاعم) رجاء العباسي..فالرجاء اعتمادي كقاري رسمي وشعبي كيبوردك طاعم يارجاء
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عمر سعد)
|
مرحب عمر سعد
في هذي الارض الطيبه
سنهز لك بجزع النخله وحين تساقط الرطب
وقبل اكله
ارمي بشئ منك حتى نقف معك
او عليك...(طالما انت ضد كمال الزين, وكيكي) انا ح العب ليك
ثيردباك (يعني ولا اطفش ولا اكسر والاخيره اقرب الي اشتهائي..
مرحب من جديد وشكرا يا كيكي للاعلان عنه,,
وامسك دي بدايه للدواس
يا عمر استلمت بطاقتك ولا لسع /بطاقه بورداب الدوحه
اوع يدقسوك ويقولوا ليك مافي ولا كملت
البطاقات طرف (كيكي /كمال /معتصم الطاهر/معاويه الطيب/بهاء/ضحيه/معتز قريش ومديره)
والباقيين بديك ليهم بالتلفون..
| Quote: الليلة ابقى اظهر الخميس وكدة |
الخميس ده قاعد وين ؟؟
ادونا المكان ولا بندق الطار
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: فيصل عباس)
|
Quote: الخميس ده قاعد وين ؟؟
ادونا المكان ولا بندق الطار |
مرحب بفيصل عباس وحبابك في كرنفال الترحيب بالزول الفصيح عمر سعد
وحليلك يا فيصل وحليل خميسات الدوحة
قهوة ام كلثوم وسيد عبدون وعبدالرحمن الدري والوست في الهواء الطلق
وحليل صحبي(اللورد)..واشتاق الي خميسات بعيدة في اوضة فقيرة في حي الريان الشهير
حيث خليل وفيصل وراشد كرشة واخريين اكثر روعة...ويا حليل خميسنا الكنا بنبيع ليهو قميصنا
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: فيصل عباس)
|
الاخ فيصل
خلاص تبقى ثيردباك وراس حربة عديل ما ذى رونالدو
لكن الناس ديل بتاعين شبك لكن انتة قدهم وقدود وشايف كمال لابت لحد الان
شكلو داير يشوف ليهو حاجة شترة ..........عشان يجينى طاير ...
انا حا اعمل حلف زى بتاع حلف سوار الدهب يلم جبنة الدويم بى تفاح عكا
شكرا ليك
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عمر سعد)
|
| Quote: شكرا ليك كيكى على الترحيب وحا انزل ليك صور جميلة جدا واغنية عز الطلب الليلة ابقى اظهر الخميس وكدة |
هلا بالسيد سكرتيرنا الاجتماعي عمر سعد..
والف مرحب..
وياصحبي مالك خاشي بالنبلة كده (ورورورورو)
روق المنقة وهدي الكورة.ما تبقي لينا كمان (قريش2)
وتنزل صور..
الصور دي يا اخوي ينزلوها ناس عباسية معتصم الطاهر وبكري الامين حبة حبة كده
(معتز قريش ذااتو متسلبط في القصة دي ساكت) لانو تخصصه (عنكبة وعكلتة)..
مرحب يا عمر وشرفت والله
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: سارة حمزة)
|
Quote: انااقول البورد ده منور ليه الليلة
الف مرحب عمر
وشكرا كريم |
مرحب بناس ام در الكرام
مرحب باهل النيزر لاند حيث الارض تنخفض لتكون بالقرب من مركز تكونها وتلهمها (الماغما)
خير وطيبة ومحبة..
وشكر يا سارة علي حضورك في ساحة عمر سعد الامدرماني
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: أيمن الطيب)
|
Quote: عمر سعد مرحبا تانى و تالت بالخلايا النائمة الكامنة
و الكوادر السرية لبورداب الدوحة و قدامى المقاتلين |
مرحب يا ايمن وشكرا علي ترحبيك
وفعلا الخلايا النايمة (لازم تسخن) عشان تخش اللعب
لاننا عاوزين نفنش ناس كتار اولهم (معتز قريش)
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: Mustafa Mahmoud)
|
Quote: ألف مرحبا بعمر سعد..
شرًفت ونوًرت
شكرا عبدالكريم
dr mustafa mahmoud |
مرحب دكتور مصطفي وحبابك يا اصيل في حضرة عمر ود سعد الشاب العالي التهذيب والمرح
والنائب البرلماني في سماء الدوحة المنتخب انتخاب حر شريف في زمن عزت فيه الديمقراطية
واصبحت حلم يوماتي
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: محمد عبدالرحمن)
|
Quote: دا كلام (زين ) ..عمر سعد مفروض
من بدرى يحتل مكانو فى قائمة بورداب
الدوحة |
..
فعلا يا محمد عبدالرحمن
لانو عامل لينا(وجع وش) الزول ده
محل ما نمشي كبورداب نلقاهو قدامنا عشان كده اخير ليهو بوردابي رسمي وشعبي
عشان ياكل نارو في المنبر العجيب وغريب ده..(ياكافي البلا منبر زي حسين ملاسي .عجيب وغريب)
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالرحمن عبدالله أبوشيبة)
|
Quote: أرحب معكم بالوجيه عمر سعد أمين أمانة الشؤون الاجتماعية بمجلس الجالية السودانية والمتواجد معنا على الدوام.
تحياتي لكم جميعاً// أبوشيبة. |
مرحب ابوشيبة وعمر سعد يستاهل رغم انو (نقتو) كثيرة في الاجتماعات
وعامل لينا (سافوتة)..
وكده والله يا مجلس الجالية كلكم بورداب ما فضل الا شيخ الطقي وابو الحسن
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: ودالعباسية)
|
Quote: الليلة خلاص دخل رجله ،،دا منو الزكاهو عند بكري دا ،،
ما يكون مبيوع ،، |
انا عارف يا عباسية مبيوع فكا فينا ثلاثة اغاني لابو فرج الاصفهاني وخلانا سكاري وما نحن بسكاري
ودقسنا بهناك عمل تزكية للزول المصيبات ده
غايتو الله يسترنا سااااااااااكت
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: ودالعباسية)
|
اول حاجة تسجيلك بيقول انك 28/2/2002 يعنى يا فردة المفروض تدينى تحية لانى اقدم منك بى 8 شهور
تانيا انتة قايل كل الناس بيتزكو انت ما سمعت الواحد فى البداية بيقول ولا ازكى نفسى
يا جميل العباسية كان فيها جميل هاهاهاه ما الكل داير تزكية يا فردة دى كلمة ختها حلقة فى اضانك كان عندك اضان والتانية خت فيها حلق .
عليك اللة التعب منو انا التعبتة واللة من الان من كيكى وكمال والمدعو عبد اللة وداعة الامين وفريد ود المسيد عليك اللة ديل براهم ما دايرين تشيل ليهم هم
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: مبيوع)
|
| Quote: نايم من امس المغرب |
نائم ؟؟؟ النايم ليها شنو يا مبيوع الزول ده
في بوردابي بنوم
مفروض يصحي ويجي يشوف المعمعة دي
ويلاحق الشمارات والخبروات وفلان كتب شنو وعلانة قالت شنو..!!
وبشاشا قال لعزيزي القاري شنو
وتراجي صحبتي شدتو قرض مع منو
وهشام هباني الليلة كتب شنو..
والظلامي معتز قريش الليلة كسر ياتو (عدة) ووين
وبدر الدين الامير اتنهد ولا ما تنهد
وتمبس نزل شنو
..المهم صحي الزول ده وبوردابي بنوم ده ما نافع معانا
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
| Quote: -سارة حمزه التي تاتي مثل الفراشات ذات الرحيق الفردوسي فتلهم الجميع روعة لاتقاوم |
شكرا كتير كريم
والله زي ما بيقولو الخوجات يو ميد ماي دي
الحنين لاهل يوم الجمعة واللمة
يقوم الواحد يلقي هديتك السمجة دي نور العين ووردي ومبيوع وكلماتك الراقية دي يا سلااااااااااام
تشكرات ويسعدك ويخليك ويحقق الفي مرادك بركة الجمعة الكريمة دي
كريم شفت كيف هسة كان الاهداء كنت الاولة فيهو ما عارفة حصل شنو ههههه
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: Mutwali Malik)
|
تصدقوا وتامنوا بالله يا متولي وشوشتا
كنت مجهز الباقة الثانية من الاهداء لهذه الاغنية التي اطربني بها (مبيوع) ايما اطراب
في صباحات هذه الغربة البعيدة وانا احزم حقائبي قريبا للسودان..ولكن حتة باقة ثانية دي بقت
اليومين دي بتجيب هواء في المنبر ده اليومين ديل وكمان يقولو(كريم) عمل باقة ثانية
ولكن حتما الاهداء الثاني يحتويكم جميعا ايها الاصدقاء والاحباب
1-نون عمر نون كونها خلقت كما خلقت حواء من ضلوع ادم
2متولي مالك ام درماني من الزمن الجميل
3- الشفيع عوض شوشتا وجدان وقلم يجعلنا نشهق
4-اشراقة مصطفي ..قلب ووجدان وانسانة شاهقة
4-عبدالمنعم سليمان رائد الشفتنة الاسفيرية
5-معاوية الطيب ونادوس ورندا حاتم وكل بورداب الدوحة
6- يوسف سعد وخاله الاسطوري محمد السني
7- رجاء العباسي كونها كاتبتي التي اساكك حروفها وجهدها المميز هنا
8_ وقادمنا الجديد (عمر سعد)
والبقية تاتي..
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: سارة حمزة)
|
كريم شفت كيف هسة كان الاهداء كنت الاولة فيهو ما عارفة حصل شنو ههههه
سارة حليفتي تستاهلي يا سارة يهدوا ليك كل جميل ومدهش
والترتيب تنازلي وفجاءة كده بتحول لتنازلي وانتي الاولي الاولي بس امسكي في (فجاءة) دي قوي
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: مبيوع)
|
لا مبيوع بالكلمة تجارى ولا راجيك كيكى تبارى
اوع تصدق انك مزكى اصلو جوازك عاملو تجارى(امريكى)
رشوتك اكلناها لكن ما باليد تتراجع تتانى
تنفش ناس اصلها منفوشة ويا ناس هوى (عارفين نفسهم) ارجو الجاى
....................................................المستعرب الهممى
عمرسعد
الحان //
غناء //مبيوع
اها نشوف الشخبطات دى بتتلحن بتين ...
كان زكيتنى اسحب تزكيتك ....انا ولدك يا سعد ما بتزكىاصلى مزكى
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
عبدالكريم يا عزيز
صباحاتك فل
Quote: وحبابك دوما يا رجاء ياكاتبتي المفضلة وبصراحة احسن زول في الشرق الاوسط الجديد
بيعرف بكتب (بوست طاعم) رجاء العباسي..فالرجاء اعتمادي كقاري رسمي وشعبي كيبوردك طاعم يارجاء |
دي شهادة من زول كتًااااب حاختها تاج في راسي..
ومرحب بيك في اي بوست
بالمناسبة زماان كان عندنا صديقة وبنت جيران من أهلنا في المحيريبا إسمها (نور العين) أبوها سمًها على الغنية دي..
وهي بجد نور للعين.. محيا وخصال
أرسل ليها التحايا وين ما كانت
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: Raja)
|
Quote: دي شهادة من زول كتًااااب حاختها تاج في راسي..
ومرحب بيك في اي بوست |
مرحب يا رجاء
وشكرا علي حضورك مرة اخر الي ساحة الاحتفال بالزول الامدرماني (عمر سعد)
وتحياتي لاهل المحيربة وكل تلك الفيافي الوديعة..
والاهداء لنور العين ست الاسم الفريد ولوالدها صاحب الوجدان الراقي..
واقول ليك سر يا رجاء انتي واسعد ابراهيم كنت قاب قوسين او ادني من (عمل بوست) لدعوتكم
لتكوين حزب سياسي وذلك لشدة ما لاحظت تطابق ارائنا في معظم القضايا المطروحة هنا
حتي صرت اكتب مداخلتي وثم اذهب لمداخلتك او بتاعة اسعد لادهش بتطابقنا في كثير من القضايا
التي طرحت (عشان كده الله يجيبك اسعد وتعالي نعمل حزب سياسي ما اسفيري لكن
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: khaleel)
|
الاخ خليل صاحب السمر والحديث الذى لا يمل ود امدرمان الهلالابى المتعصب
خازن الاغانى.....وناثر الفرح فى كل خطوة ومجلس . نلتئم معكم شحمة ودما
نصد الظلم اين ما بان .................لك الود والاحترام
ومنتظرين جيتك ...........من زمان .
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
Quote: سارة حليفتي تستاهلي يا سارة يهدوا ليك كل جميل ومدهش
والترتيب تنازلي وفجاءة كده بتحول لتنازلي وانتي الاولي الاولي بس امسكي في (فجاءة) دي قوي |
كريم ما فهمتا دي جبتا يمين شمال غلبتني
انا في النص كان تنازلي ولا تصاهدي مافي طريقة لاولي دي
ههههههه حتقول مخي تخن مش
من العليهو
وشكرا لبك
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: سارة حمزة)
|
عارفة يا سارة خليل دة عندو اعتكافات كدة تشبة خلوة الصائم ديمة بعدها بيطلع
بالافكار التى اوحى لة بها خلال اعتكافة ولا تنتظرى الا كل جميل من ماسك القلم بعقلة
وجزل الحديث بقلبة ..........العود احمد ..لك التجلة يا نوارة امدرمان
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
Quote: كريم ما فهمتا دي جبتا يمين شمال غلبتني
انا في النص كان تنازلي ولا تصاهدي مافي طريقة لاولي دي
ههههههه حتقول مخي تخن مش
من العليهو
وشكرا لبك |
هلا سارة وصباحتو بيض
الفكرة مستوحاة من شاشات الاعلانات الموجودة علي صالات البنوك والمراكز الاعلانية
يعني كل اسم في الاسم ال9 بظهر في الشاشة لوحده وبيكون هو الاول..
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: معتز القريش)
|
| Quote: وانت يا كي كي اللعين اصبر لي جاييك |
انت يازول البرجاك منو يا شعبولا..
انا كلها يوم ويومين ومفرتق علي الاقل الواحد يجر نفسو من مبارات
عنكبتك وعلكتك دي..
وعليك الله لو عاوز تركب (دبيب) بدل صورتك دي ارجاني لحدي ما اجي راجع.!!!
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: معتز القريش)
|
شكراا ود القريش عرفتنى صادق لمن قلت ليك ادينى صورة بروفايل قلت لى كدى اول رجع
باسوردك .........بس اوعى تكون زى صورة كيكى اللعين دة وهو خاتى الكورة فى (صلعتو)
كيكى ضامن انو ما جاى الاجتماع الجاى بقى يقول كلام كبار جدا ....ان شا اللة الطيارة تتاجل 5 ساعات عشان نشوف اخر كلامك دة مع الريس ..
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
شكرآ يا كيكى على اهدائى هذه الغنية البديعة بصوت وردى وبصوت ياسر مبيوع. وارحب بالاخ عمر سعد من الدوحة واتمنى له مشاركات ممتعة فى هذا المكان.
ياسر مبيوع اداؤه فعلا متفرد. ويتمتع بصوت مطرب غاية الطرب. وكنت قد نشرت اغنية (حبيبى اكتب لى) بصوت مبيوع فى الانترنيت وقد علق احد زوار الموقع على صوت مبيوع بالقول:
wessfreeheart writes:
who is the artist that sings "aktib lay"? i can't understand one word but his voice is just so captivating that i don't need or even care to understand the words. would you please let me know if you have anymore of this singer's songs uploaded?
Added on Mar. 16 2007
ورديت عليه بالقول:
adil writes:
Thank you for your comment. the singer is a young sudanese man by the name of yasser mabiou. i think he lives in USA. the song was originally sung by the veteran singer ibrahim elkashif, may his soul rests in peace. the lyrics are about love and distance. i agree with you. his vocal ability is quite remarkable. the recording was technically sound. i believe they recorded this song in a studio in an American city. the song's title is "my beloved, please write to me". i hope i will be able to translate the lyrics from Arabic into English soon. i didn't come across more of his songs, but i shall ask about that.
Added on Mar. 17 2007
واهديكم جميعآ اغنية (حبيبى اكتب لى) بصوت المبدع الدوحاوى ياسر مبيوع
http://www.esnips.com/doc/5a19bada-39b3-4ee8-a874-a4813fca84bf/01-aktib-lay
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: Adil Osman)
|
| Quote: ياسر مبيوع اداؤه فعلا متفرد. ويتمتع بصوت مطرب غاية الطرب. وكنت قد نشرت اغنية (حبيبى اكتب لى) |
شكرا اخي عادل وشكرا علي حضورك
ودائما ياعادل تاتينا ويدك ملانة دهشة وجمال والق
وياسر مبيوع فنان مواصفات عالية الجودة ومكسب كبير للفن السوداني بادائه الصوتي
جديته تجاه الفن ومكوناته وثقافته العالية..
وهذا الرجل اعتقلني بصوته الاسير والحانه المدهشة طيلة الايام السابقة هنا في الدوحة
التي نتمني ان يظل بيننا ناثر للفرح والكلام الجميل
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
| Quote: شكرا ياعبدالكريم على الاهداء { انت ختيتو حسب العمر ولاشنو؟} |
مرحب اشراقة
وشكرا علي حضورك الي كرنفالات عمر سعد البوردابي الجديد الشديد
والاهداء جاء كده يا اشراقة..
وزي ما قلت لساره حمزة انه مثل شاشة البنوك
كل دقيقة واحد من المجموعة بكون معروض براهو كده يقدل ويهجج علي انغام مبيوع ووردي
ونور العين
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
| Quote: ودائما يا كيكي بتجي منك الاخبار الحلوة ..حفظك الله ورعاك |
نشكر الفنان ودرملية ونثمن حضورك الوريف الي باحة الا حتفاء بعمر سعد الامدرماني الطاعم..
واضحكني يا عبدالرحيم صديقك صاحب الاغصان الناشفة خليل الذي جارت به السنين وعالجته
احدي البوردابيات (بشاكوس) علي عجالة جعلت من راسه الماكن ذلك.يدور كما مروحة التربيزة
واراه يريد ان يجد في (موغل ودهشة) ورق توت يرمي به خبيبته التاريخية
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: Adil Osman)
|
الاخ عادل عثمان شكرا ليك على الترحيب ومبيوع صوت متفرد جدا جدا جدا
ارجو ان يوفق فى تسجيل اشرطة تغزو اوكار ما يسمى بالفنانين المجددين فى السودان
زى راجل المرة حلو حلة ويدفن ما تبقى منهم فى مزبلة اخرة صول دو لا ميجر وحاتك تقول
صول لى الفنانين الجداد ديل يقول ليك ايـــــــــــك من زمن اكديت ما شفتو
هاهاهاهاهاهاهاهاهاهاهاهاهاهاهاهاهاهاهاهاهاهاهاه
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالكريم الامين احمد)
|
اعزائى كريم وعادل عثمان
تحيه ومحبه
ونحن نحتفل باخى وصديقى عمر سعد
تكاد دموعى تجرى من محاجرى
لكلماتكم واهداء كيكى لكل الرائعين
اغنية نوراالعين لوردى الذى اعشق فنه
سجلت فى حفل بمدينة كاردف ببرطانيا
العام الماضى بمشاركة محمد بلال على الاورغ
والصديق عازف الكمان المعلم عثمان محى الدين
والصوره ادناه من الحفل
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالله وداعه الامين)
|
يا كيكى ان اللعين الاخر المدعو عبداللة وداعة الامين هو الواقف مع ياسر مبيوع
فى صورة البروفايل بتاعت ياسر عشان مبيوع يكف بيهو العين
يا عين يا عينية يا كافرة يا نصرانية عين الحسود فيها عود عين الفتاة تشق ا
عين عبداللة بترمى الصقر .............
شكرا لدخولك البوست يا عبداللة يا ود وداعة الامين ...سعيك مشكور خلاص انقلع
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: عبدالله وداعه الامين)
|
عبد اللة وداعة الفيك انعرفت
وهذاة ابيات منة لى ترحيبا بى
Quote: وجيت ام فكو من غير زيف
استف في مجاري هواي
اباري النسمة حاضنك قيف
ملصتا هدوم قناع صبري
ورجيتك ميطي من تجديف
وجيتك عاري من خوفي
وما متضاري سرقة طيف |
بدون تعليق ...............تعال يا كيكى علق عليهو صاحبك دة
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: أبو ساندرا)
|
شكرا كيكي على الإهداء الراقي..
وعلى غرس الجمال في هذا المكان..
والترحيب بالدوحابي الجديد عمر سعد.. مشروط
بأن يخفّف من الزوابع التي تأتي من قبل أهل الدوحة من حين لآخر..
وألا يزيد الطين بلّة..
ولو متابع للبورد..أكيد عمر عارف..
ولو ما عارف .. عليك بشخص يدعى حسين ملاسي..
بشرح ليك القديم والجديد..
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: نجوان)
|
Quote: ولو متابع للبورد..أكيد عمر عارف..
ولو ما عارف .. عليك بشخص يدعى حسين ملاسي..
بشرح ليك القديم والجديد.. |
سلام يانجوان
تخيلي الموسف انو الدوحة مليئة بالطابور الخامس من مدرسة الشهير ملاسي
يتصورون علي طريقته ويضحكون ويطربون لهمجماته الشريرة لنا نحن المساكين ديل
واولهم مثل (عمر سعد) هذا..
وانا مجبور علي الكرنفال ده جبر لكن حدو معاي نهاية البوست ده وبعد داك عينك ما تشوف الا النور
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: مبيوع)
|
الاخ الحبيب عمر سعد
لك التحيةوالودالمقيم
اظنك تذكر لقاءتناوسمرناالجميل في منزل عمي احمدادم
ابان زيارتي للدوحة فقدكنت سباقاوحفيافي ترحيبك بي
فهاهي سانحة طيبة لاشكرلك اصالة معدنك وحسن مودتك
ودم بخير
اخوك د.هشام
| |
|
|
|
|
|
|
|
|
|
Re: عمر سعد بركة الجيت ونورت والله..!!! (Re: Hisham Osman)
|
الاخ د هشام لك التحية والتجلة ومبروك الاستقرار فى ايرلندا توقعنى قريب هناك المفروض كان اجى قبل 3 شهور لكن ظروف خارجة عن الارادة احمد ادم وجليلة وصالحين وسمار وخالد كلهم بخير........من المؤسف ان تشخيصك كان سليما لحالة الجيلى ...
ان شا اللة نسمع عنك كل خير وان شا اللة تكون كملت التخصص وعودا احمدا الى الدوحة اذا ربنا هون وبشروطك هاهاهاهاهاهاهاهاهاها لك الود والتحية وتقبل سلام جميع من بالبيت من سعاد الى مجاهد
سورى عملت البورد نشرة داخلية زى حقة اذاعة تشاد غنماية ابراهيم راح منو البلقاهو اتارى قاعدين ننتظرو .
| |
|
|
|
|
|
|
| |
عبدالكريم الامين احمد
Ahmed Abdallah
عمر سعد
Raja
..
فيصل عباس
أيمن الطيب
ودالعباسية
Mustafa Mahmoud
بدر الدين الأمير
عبدالرحمن عبدالله أبوشيبة
محمد عبدالرحمن
مبيوع
Mutwali Malik
محمد سنى دفع الله
khaleel
معتز القريش
Adil Osman
Ishraga Mustafa
ودرملية
هجو الأقرع
Faisal Al Zubeir
أبو ساندرا
نجوان
Hisham Osman
Moawia Mohammed
فيس بوك
تويتر
انستقرام
يوتيوب
بنتيريست