|
|
|
 Re: تــبرعوا لـلــموقــع (Re: النصرى أمين)
|
الأعزاء النصري وبكري..
سلامات..
غلطانين تكتبو عبارة (تبرعوا للموقع) حاف كده..
يعني كان تطعموها بـ (تبرعوا للموقع يوجد صور )
أو (تبرعوا للموقع بعد الإنتهاء من هذه الشكلة )
أو (تبرعوا للموقع حتى تسيئ للآتية أسماءهم )
أو (تبرعو للموقع حتى تضمنوا مكانا لبناء شخصياتكم "للبعض" )
أو (تبرعوا للموقع حتى تقدوا الناس بالكلام الخارم بارم "برضو للبعض" )
تخريمة: هناك حملة جادة بدأت هنا وأعتقد أن بشرى سليمان وعبدالله وداعة الأمين مشوا شوط ما بطال..
ودي لكما.. وللأعضاء والقراء المحترمين الذين يطلبون من رب العباد اللطف في قضائه
| |
 
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
سلام يا رجاء (قربت اقولك رجويه لكن خجلان بس)
اتمنى انو الوصله بتاعت الدفع تكون مشغوله طوالى و ما بتقيف . ..
لكن قلبى بيقول لى انها قربت تعتت من الصنه والسكون ..
يابكرى الزول لو اتبلبل بعوم ..
طالما وافقت (اخيرا) على مبدا التبرع
عليك بوضع وصله التبرع فى مقدمه المنبر ويا ريت لو علقتها فوق اسبوع اسبوعين ..
ليس فى الامر حرج ...
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
هنالك حوالى 220 مكتبه لاعضاء نشطون
لو تبرع كل واحد منهم بعشره دولار فى الشهر
المجموع 2200 دولار امريكى
وهو مبلغ شهرى محترم يستطيع حينها بكرى تطوير المنبر
ويجعله مميزا من ناحيه تقنيه ...
بدلا من الشهلته ومشاكل الزحام وبطء التصفح ..
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
النصري يا عزيز..
سلامات ومحبات..
غايتو عندي إقتراح:
أي زول يستخدم لغة بذيئة ويشتم عضو آخر. بدلا من إيقافه شهر أو ما عارفة كم ويرجع تاني لعادته..
يغرًم مبلغ (يعادل) 20 دولار..
تعرف بعد ده بيعرفو إنو الله حق. والواحد فيهم قبل ما يعمل إرسال يفكر حيخسر كم..؟
عالم ما تجي إلا بالعين الحمرا ..
رجوية..
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
النصري يا عزيز..
قلت لي القراء يصلوا لألف..؟
إنت متفائل شديد..
ليه هو بوست شكلة أو فيه ألفاظ بذيئة عشان الناس تتدافس؟
غايتو لغاية هسع القراء 159.. قول يا كريم
ودي
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
يا رجا كانو 159 لمن كتبتى مداخلتك ...
الان وبعد مرور حوالى خمسه ساعات ارتفع العدد الى 176
بزياده 17 زائر ..
يعنى كل ساعه بجو 3 داخلين هنا ..
وبعمليه حسابيه بسيطه نحتاج الى
7 سنين و 253 يوم و 19 ساعه و 12 ثانيه حتى
نصل للرقم المطلوب ...
وبما اننى اعترفت فى مكان ما فى هذا المنبر باننى
زول ملول وصبرى لا يكفى ليبل الأبرى فقد قررت متابعه البوست
حتى عامه الرابع( معليش ما بقدر اكتر من كده)
اعزرينى
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
ههههههههه
غايتو يا النصري أنا معاك لغاية (ما نشوف آخرتا)
وحاقترح الأتي: بما إنو مافي غيرنا الإتنين في البوست ده. رأيك شنو نقوم ندوًر شكلة مااااكنة..
وتقوم تمشي تعمل بوست بي برة عنوانه رد على كلام زعًلك، لكن شفتا إنو ردك بي هنا فيهو تقليل..
وتقوم تعمل لينك بتاع البوست ده ..
وحاتك.. كلها 4 دقايق وتلاقي العميان شايل المكسًر
وهاك يا فرجة..
عموما قول خير.. قرًبنا من الألف.. عدد الزوار 189
ياااا مهوًن
بالمناسبة سهير وين مختفية؟ تحياتي لها
| |
|
|
|
|
|
|
|
|
|
Re: تــبرعوا لـلــموقــع (Re: Raja)
|
أعزائي النصري ورجاء ..
تحيه طيبة طبعاً ...
أنا متأكد إنو الموقع ده محتاج دعم ، دعم من كل النواحي ،
يعني دعم بالأخبار الطازجة والمهمة والمقالات المحترمة وإلخ ..
موافق إني أدفع المبلغ المقترح مقابل مكتبتي كل شهر ،
بإعتباره مقابل شيء واضح ومفهوم ..
بالنسبة للـ"تبرع" للمنبر ، يعني أفهم طيب ، المنبر ده بتتكلف
إدارته كم ، وتعليقة في الفضاء بيكلف كم وما إليه .. والإعلانات
الفوق دي ، ألا تغطي تكلفة تشغيله ؟؟
أقصد الموضوع بحتاج لدورة مالية شفافة (عدم المؤاخذة) عشان تقدير
الناس يكون سليم ، وعشان لا يأتي من بيننا واحد ويلقح على أخينا
بكري بالكلام زي ما واحد عمل مع متلقي تبرعات في المنبر قبل كده ؛
والله لو فهمت هتبرع ، لكن قروش المكتبة حقتي انا ملزم بيها ..
والسلامو عليكم
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
سهير عملت ليها بوست واحد ..
ولمن غلبها ترد على كل المتداخلين
فتحت للبوست وللبورد ..
وقالت توبه تعمل ليها بوست تانى ..
عالم جبانات
_________
حسى كده كم ؟
199 زائر ...
مابطال ..
فضل
بضع مئات من الالاف
نفسى اعمل حركه بتاعت عضو معانا هنا ..
عامل حريف ..
يعمل Rrefresh للبوستات بتاعتو عشان يزيد عدد القراء..
مرات كده ولمن اكون فاضى وماعندى شغله اراقبه من بعيد
وفجاه عدد القراء يزيد عشرات المرات فى ثوانى ...
الود عامل فيها ثعلب ..
ان شاء يمر بجاى ويقرا كلامى ده ..
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
سلام يا طلال
Quote: المنبر ده بتتكلف
إدارته كم ، وتعليقة في الفضاء بيكلف كم وما إليه .. والإعلانات
الفوق دي ، ألا تغطي تكلفة تشغيله ؟؟ |
اسئلتك صعبه خلاص ...
وما اظن الاخ بكرى حيتفضل و يمدنا بمعلومات من
هذا القبيل ...
حقيقه لم اسمع بموقع على الانترنت قام بنشر معلومات معلومات ماليه تخصه حتى موقع سودان نايل
لم ينشر معلومات حول شئونه الماليه حين وضع وصلة التبرع فى الصفحه الرئيسيه ..
على كل حال اتمنى من الاخ بكرى ان يمر من هنا ويجاوب على اسئلتك ...
او حتى يمر ساكت و ما يجاوب ...
خليك قريب ....
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
الجميع سلام
والله متابع
والبوست ده ما عندى غيره
كل ما ينزل
نرفعوا
والله الكلام ده من زمان
في اقتراح كان
لكن والله الموقع محتاج دعم مادى
ومتفق مع الأخ طلال في اول سطرين
الباقى ممكن يكون صعب
لان الدعم من الأعضاء كل حسب امكانياته
ما محتاج كشف حساب
تحياتى
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
الاخ الكريم هشام
Quote: والبوست ده ما عندى غيره
كل ما ينزل
نرفعوا |
والله تكون ريحتنى شديد لاننى خلاص مروتى كملت
وبديت ازهج من البوست
_______________
ويابكرى لو داير تعلق البوست ده فوق ..علقو
ولو ماداير ...
على كيفك ...
عملنا العلينا ...
-------------------
فاضلابى
اكتب لينا رقم الفيزا وتاريخ الانتهاء هنا
عشان نصدقك
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
فاضلابى
ما تخاف ..
عادى جدا..
لو مشيت البروفايل بتاعى بتلقى ارقام الماستر كارد
والامريكان اكسبريس وتواريخ الانتهاء..
بالاضافه للعنوان وتاريخ الميلاد الرسمى ....
لا تخف ..
فنحن نعيش فى زمن المدينه الفاضله ......
لا يخفى عليك انى داير ارفع البوست ده
باى كلام خارم بارم ..
بدلا من فوق و UP
| |
|
|
|
|
|
|
|
|
|
Re: تــبرعوا لـلــموقــع (Re: النصرى أمين)
|
من الصفحة الثلاثة!!!!!
بالله ده ما عيب عليكم؟
عندما اعلن مالك الموقع عن ....
الناس قامت والبوستات نزلت
ونحن ونحن
وندفع
ونعمل
ونعمل
كله كان كلام
و
فـــارغ
اها البوست ده
كــــــيف؟
ومع ذلك
تحياتى
| |
|
|
|
|
|
|
| |
Raja
طلال عفيفي
fadlabi
Walid Safwat
فيس بوك
تويتر
انستقرام
يوتيوب
بنتيريست