|
|
 الله يرحم ست الاسم
|
قبل قليل كنت بحضر في سهرة في تلفزيون السودان إسمها موسيقي والحان
السهرة في حد ذاتها ظريفة لكن المذيعة لما سمعت اسئلتها اتخيلت اني بحضر في برامج الكاميرا
الخفية . سألت المذيعة الفنان الشاب شكرالله عزالدين :أنت متهم بانك بتقلد فنان شاب وبصراحة كده كل
ماالفنان ده يقول اغنية انت تاني يوم طوالي بتغنيها000(عليكم الله ده سؤال يصدر من مذيع متدرب
خليكم من مذيع ).
بعد شوية ذكرت المذيعة اسم الفنان وقالت ليه انت بتقلد طه سليمان وبتجري وراء عدادات طه والدليل
انك خليت دراستك وبقيت جاري وراء عدادات طه سليمان!!!!!!!!!!!!!!!!.
بالله عليكم هل هي الكاميرا الخفية واللا برنامج بالجد بالجد.شفتوا مهازل ومذيعات آخر زمن.
سؤالي هو اين المخرج ومن هو معد البرنامج واين المنتج ؟؟؟؟؟؟؟؟؟؟؟
اين المذيعات المقتدرات مثل يسرية وايمان واحسان وووووو.
وتخيلوا انه اسمها عزة المغربي والله يرحم ست الاسم المذيعة المتفردة ليلي المغربي.
|
|
 
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
ده زمن الأشباه - الاصالة انتهت زمااااااااااان وماتت مع الماتو
عدا طبعا عن بعض الوجوه والعقول الجميلة زي المذيع سعد الدين ابراهيم في البلونايل وكوثر بيومي في السودانية
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
الأخت عواطف
و الله أنا من أمس متمحن في الزولة دي جابوها من وين؟؟؟ يعني ناس التلفزيون ديل من سيئ الي أسوأ؟؟ هل المواهب في السودان معدومة للدرجة دي؟؟ طيب ناس النيل الأزرق ديل بجيبو المذيعات المقتدرات ديل من وين؟؟؟ حكاية تحير فعلاً والله.
خالد
| |
|
|
|
|
|
|
|
|
|
Re: الله يرحم ست الاسم (Re: خالد عبد الله محمود)
|
الحمد لله انا ما براي عندي نفس الراي في الزولة التى اطلق عليها اعتباطا مذيعة..
معقول يا جماعة البحصل في تلفزيون السودان دا؟ المؤسف ان الحلقة دي نفسها ليست مباشرة
يعني شوهدت ومنتجت ومفروض تكون نقحت.. ولا تكون ياربي عاجباهم البنية دي بس؟
رحم الله العملاقة ليلي المغربي، التي كانت لطيفة وانيقة مظهرا ومخبرا في غير تكلف..
انا والله الوجعة حمتني النوم.. خاصة وانا صحوني من النوم عشان اشاهد عافية بت منطقتي..
البنية المذيعة مسخت علي اي شئ..بعدين اريتها كان بتعرف تزرزر عشان تطلع بمعلومة مفيدة..
قراية الاسئلةعديل ما بتعرف ليها، خليها تدير حوار..
يا ربي من قلة المذيعات ولا للمظهر احكامه؟
ساعود لاحقا لانه لدى ملاحظات كتيرة.. ما دام الظروف جبرتني وخلتني اشاهد قناتنا الفضائية امبارح..
حليمة
| |
|
|
|
|
|
|
|
|
|
Re: الله يرحم ست الاسم (Re: حليمة محمد عبد الرحمن)
|
| Quote: .. خاصة وانا صحوني من النوم عشان اشاهد عافية بت منطقتي.. |
والله يا أستاذة حليمة أنا حاسدك عدييييييييييل كده
في النوم البجيك ده !!!! والله كلما أشوف الفضائية
السودانية أو أقرا ما يكتبه البعض في سودانيزأونلاين
أو صحافةالسودان أوأستمع لما يحدث في السودان من غرائب وعجائب
وقوة عين يجيني اكتئاب يطيّر النوم من عيني تلاتة أربعة أيام!!!!!!!!
وما يقلقني أو قولي ما يقتلني هو :
أولا : ماذا حدث للتعليم في السودان ؟؟؟؟؟!!!
جل من يكتبون في هذا المنبر من الذين أكملوا تعليمهم الجامعي وفوق الجامعي
أو قولي الثانوي حتى وقضوا في الحياة العملية سنين عددا وبالرغم من
هذا لا يفرقون حتى بين الذال والزاي ويلقون بالهمزة كيفما اتفق وأنى اتفق
يعني أخطاء إملائية لا تخطئ فيها ابنتي ذات السبع سنوات التي اختبرتها
في كثير من الأخطاء الاملائية التي يكتبها معظمهم وكتبتها بطريقة صحيحة
دون أي جهد ..
أما الأخطاء اللغوية والنحوية فعييييييييييييييييييييييييك يا قلبي لا تحزن !!!!!!!
ثانيا : ماذا حدث لموروثاتنا الأخلاقية التي ورثناها كابراً عن كابر وجيلا بعد جيل ؟؟؟؟
والله حين أقرأ ما يكتبه بعض الشباب هنا من إيحاءات جنسية ( إيحاءات شنو) ده
مباشر عديييييل كده لوصم مخالفيهم الرأي وبخاصة الإناث أتقيأ كل ما في جوفي !
ماذا حدث أختي حليمة لأخلاقنا ؟ ولماذا يحدث هذا الآن وخاصة من مناصري المشروع
الحضاري الاسلامي (الوهم) ألم يسمع هؤلاء بأن الاسلام الذي يدعون اليه قد أتى لإتمام
مكارم الأخلاق ؟وهذا يعني إنه حتى في الجاهلية كان هناك أخلاق وقد أتى الإسلام
ليكملها ...
ألم يأن لهؤلاء أن يتخلقوا بأخلاق الإسلام الذي يدعون إنهم ينتسبون إليه؟
أما ثالثا ورابعا وخامسا فسأعود إليك بعد أن أقضي المرسال الذي أرسلت إليه
من قبل سيدة البيت وابنتها (ولا أقول ربتها) ... والله ياحليمة مثلما قال صديقنا
د. أحمد البله حمزة عليه رحمة الله ورضوانه ( بقينا مراسيل سااااااااااااااااااي)
والعاقبة عندكم في المسرات !!!!
فاروق (أبوناصر)
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
الأخت عواطف الطيب والله كنت مبسوط وحضرت الفيديو لتسجيل الحلقة كاملة خاصة
انو المطربة عافية ظهرت بقوة , لكن المفاجاة كانت في مقدمة البرنامج
قمة في السذاجة والتقديم الباهت والأسئلة الغريبة وعك في عك نسأل الله السلامة
ويا حليلك يا عواطف أدريس أنا مش قلت ليك قبل كده بتنفخي ليك في قربة
مقدودة , معذرة يا عواطف الطيب لذكري للصحفية عواطف إدريس زميلتنا في هذا
المنبر لكن قبل اليوم تحدثت بإساهاب شديد عن هذا الموضوع .
والله بناتي في البيت عندهم إذاعة مصغرة يعني جهاز إستيريو مع مايكروفون
وسماعات لو شوفتيهم بيعملوا لقاءات مع بعضهم تستغربي وتقولي ديل محترفات
كل البيعملوا هو عبارة عن تحضير لبرامج معدة مسبقاً في مدارسهم .
قالوا البعيش في الدنيا ياما تشوفو !! ؟؟
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
انا والحمد لله ما شفت البرنامج لأني بصراحة ما قاعدة اشوف الفضائية السودانية - قلنا قبل كده في بوست بتاع عواطف ادريس انه الفضائية بقت عبارة عن مستنقع من القبح (من كل جوانبه ) عقول فاضية وناس عمرهم الافتراضي انتهى من سنوات جايبنهم يتكلوا عشان قدموا برامج ، وبنات شينات وما بعرفن يلبسن وما بعرفن يتكلمن وما عندهم منطق حوار ومذيعين الواحد يقول لضيفه لو سمحت بجيك راجع خلينا نشوف استاذ فلان - احراج ما بعده - وغايتو الله يصبرنا
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
الاخت حليمة محمد عبد الرحمن
والله يا حليمة ما براك انا كمان ممغوسةلحدي اسع...عليك الله هي بالجد مذيعة ولا مجاملينها
ونفس الاسئلةدي سألتها لنفسي والمعاي الحلقة مسجلة يعني مرت بمراحل المونتاج
والمفروض تكون نقحت ذي ما قلتي....لكن شكلهم كده كانوا مصرين وعاجباهم البنية.
تخيلي انا برضي ما نمت بفكر في السودان الخلصوا منه المذيعات ...مخير الله
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
الاخ بشير جبريل
والله صدقت عارف ردك وكلامك ضحكني ونساني شوية.....مرارتي المنفقعة ...
حاولت اكتبها ذيك لكن ما عرفت ...والله انا متاكدة انه كل الحضروا البرنامج اليوم داك مراراتهم
منفقعة...
وعلي قولك دي مؤخرة برنامج مش مقدمة برنامج...
سؤال برة المقرر: انت اخو عيسي جبريل
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
الاخ هاشم احمد
ربنا يخليهم ليك ...عليك الله بناتك ديل ما كان ترسلهم لجنس المذيعات ديل يدربوهم شوية
ياخي والله دي لو جابوا ليها مي الصغيرونة البتقدم في البلونايل كان ادتها حصص في
فن ادارة الحوار كان احسن .
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
[B]العزيزة شادية
عليك الله لو حضرتي قبل كده حلقة مصر المؤمنة كمان كانت عبارة عن سخف وهرجلة مع وجود قامات غنايئة
سواء في السودان او مصر ....اكتر حاجة غايظاني حكاية الشاي البيسالوا عنها الضيوف كل شوية وهم
حتي الموية ما خاتينها ليهم ...والمذيع يخفف في دمه.
اها امس الله بحبك ما حضرتي المهزله والله المذيعة التقول وكيل نيابة ...حاجة تغيظ
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
الاخ ايمو
والله تقول شنو من شلاقتي...والمشكلة انو ابو اولادي كمان كان قاعد ...وهو واخوي قالوا لي والله
المذيعة دي بتشبه ليلي المغربي ...قمت رديت عليهم بسرعة وقلت ليهم بري والله الله يرحم ست
الاسم طبعاَ انا اتذكرت ليلي المغربي من جميع الجوانب تقديمها... وكتاباتها... وحضورها البهي...
طبعاَ خلصت البرنامج للنهاية عشان اعرف إسم المذيعة...تخيل طلع إسمها عزةالمغربي
صدفة غريبة...لكن برضه الله يرحم ست الاسم .
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
الاخ حسن الطيب يس
والله شلاقة مني احضر التلفزيون السوداني مرات الزول بكون اشتاق للسودان
لكن يجوا ذي المذيعات ديل يكرهوا في اليوم الحضر فيه قناة السودان
تحياتي لجميع افراد الاسرة
| |
|
|
|
|
|
|
|
|
|
Re: الله يرحم ست الاسم (Re: عواطف الطيب حسن)
|
العزيزة عواطف..
سلامات ومحبة..
هي فعلا إبنة الراحلة المقيمة ليلى المغربي..
أخشى إذا ما لحقت نفسها بسرعة وتدربت تدريب قوي للوقوف أمام الكاميرا، ان تشوًه ما صنعته بنات المغربي المدرسة الإعلامية..
السهرة مهزلة.. والعجب لما إتعادت تاني يوم..
ودي
| |
|
|
|
|
|
|
| |
أبو عبيدة البصاص
خالد عبد الله محمود
حليمة محمد عبد الرحمن
فاروق حامد محمد
بشير جبريل علي
هاشم أحمد خلف الله
EMU إيمو
Raja
فيس بوك
تويتر
انستقرام
يوتيوب
بنتيريست