|
كتب الكاتب الفاتح جبرا المتوفرة بمعرض الدوحة
|
|
 Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: وأبقي ذكري بعيد مداها والدمع بالشوق بكاها
إلا خائف من شجوني بالهجر يزداد شقاها |
و برضي خايف من عيوني
بالهيام يزداد ضناها
ياأساها و يا شفاها و يا شقاها
هلي مرة على المدينة
إحتمال تجتاز أساها
تهدي هاشم بعض فرحة
و امنيات مورق بهاها
هاشم بحييك على الإيقاع المنثال و التواصل بينا
| |
 
|
|
|
|
|
|
|
|
Re: مـا بـعـاتـبـك لـو جـفـيـتـي (Re: أحمد النور منزول)
|
هاشم
سلام يا عزيزي
الكلمات السمحة دي نابعة من الصميم
بتتلاقى مع الإخلاص العميق في نقاط كثيرة
و خاصة
| Quote: ورغم عني ورغم حزني ببقي وافي للمحبا |
جاني سؤال بإلحاح .. حبيت أشارك بيهو وسط خضم الإخلاص دة ..
لو واحد بيحب واحدة حب شديد ..
ثم لسبب أو آخر .. تركتْه هذه المحبوبة .. سواء أن تزوجتْ من واحد تاني .. أو أحبتْ شخص آخر .. أو بالهجر لأي سبب ..
هل يمكن للعشق في قلب العاشق أن يتحول إلى كراهية و حقد ؟
أم أن الذي يحب لا يكره و يعمل بهذا الكلام المليان:| Quote: ورغم عني ورغم حزني ببقي وافي للمحبا |
دمتم
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: ابو جهينة)
|
Quote: ما بعاتبْْك لو جفيتي وإصطفيتي سواي أحبا
ما هواك ساكن دواخلي والآلم باقيهو لسا
ورغم عني ورغم حزني ببقي وافي للمحبا
بهجر الدنيا وعيوبا وابقي راهب في ربوعا
وأبقي ذكري بعيد مداها والدمع بالشوق بكاها
إلا خائف من شجوني بالهجر يزداد شقاها |
هاشم صديقي اللدود
شاعرية متناهية وإحساس متدفق ينسكب لنا إبداعاً أصيلاً .. هكذا أنت والخيال والإبداع صنوان لا يتفارقان .. منذ هذه اللحظة مدد سطورك وانثر مدادك وعاتب من تعاتب ولتحب من تحب ولتشتهي ما تشتهي .. فكل ما يهمنا أن نتذوق الجمال الصافي والكلمات الشجية ... وعلى ذكر الشجية لا أستطيع كتم السر الذي أودعته في أذني قبل قليل عندما هاتفتني متغنياً بهذه الكلمات ولتفجر موهبة جديدة ألا وهي التلحين !!
كان الله في عونك أم أحمد فقد أضيف إلى مهامك رعاية موهبة جديدة (هاشم الشاعر والملحن وربما المغني ) مرة واحدة !!!
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: ابو جهينة)
|
Quote: ورغم عني ورغم حزني ببقي وافي للمحبا
بهجر الدنيا وعيوبا وابقي راهب في ربوعا
|
أخى هاشم ما أجمل الوفاء أولا
ثم ماأجمل التسامح والصفح والرضى
وعدم العتاب
والأجمل من ذلك كله هجر العيوب
دمت ملاذا للجمال ومحراب يجثو عنده المحبين .
| |
|
|
|
|
|
|
|
|
 Re: مـا بـعـاتـبـك لـو جـفـيـتـي (Re: ناذر محمد الخليفة)
|
بسم الله الرحمن الرحيم
هاشم أحمد خلف الله
مَنْ يَاتُرى يُدرك أنً في الحب العطَاءْ
الحُب أن تجدُ الطُيور
الدف في حضن السماءْ
... في قلب السماءْ
الحبُ أن نحيا ونعشق مانشاءْ!!!
لك كل المحبة ... والتحايا أجملها ...
كلماتكم وريفة ظليلة مليئة بالحياة والشفافية ...
تسلم
وصال عالم
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: وصال عالم)
|
Quote: و برضي خايف من عيوني
بالهيام يزداد ضناها
ياأساها و يا شفاها و يا شقاها
هلي مرة على المدينة
إحتمال تجتاز أساها
تهدي هاشم بعض فرحة
و امنيات مورق بهاها
هاشم بحييك على الإيقاع المنثال و التواصل بينا |
أخي الشاعر المرهف أحمد المنزول مشكور علي المرور وعلي الكلمات أعلاه وربنا يخلي ليك عيونك
الخائق عليها . خليك قريب ويد بيدا نبني سوداننا الجديد ونزرع الحب والأماني ونقلع الهم والمآسي .
| |
|
|
|
|
|
|
|
|
 Re: مـا بـعـاتـبـك لـو جـفـيـتـي (Re: غباشي)
|
صديقي الحبيب هشومة
مساءك جميل جمال تسطيرك العذب ، ،،
| Quote: ورغم عني ورغم حزني ببقي وافي للمحبا |
هسه يا هاشم المحبة الزائدة عن لزوما دي ما بتودينا في داهية غايتو بس الحمد لله ربنا ستر وماجاب حزن كنا إلتحسنا فيها .
يامطر الزراز ... أهطل ....أهطل .... أهطل محبة ووداد
لك محبتــــي .....
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: عماد محمود علي)
|
Quote: هاشم
سلام يا عزيزي
الكلمات السمحة دي نابعة من الصميم
بتتلاقى مع الإخلاص العميق في نقاط كثيرة
و خاصة
Quote: ورغم عني ورغم حزني ببقي وافي للمحبا
جاني سؤال بإلحاح .. حبيت أشارك بيهو وسط خضم الإخلاص دة ..
لو واحد بيحب واحدة حب شديد ..
ثم لسبب أو آخر .. تركتْه هذه المحبوبة .. سواء أن تزوجتْ من واحد تاني .. أو أحبتْ شخص آخر .. أو بالهجر لأي سبب ..
هل يمكن للعشق في قلب العاشق أن يتحول إلى كراهية و حقد ؟
أم أن الذي يحب لا يكره و يعمل بهذا الكلام المليان:
Quote: ورغم عني ورغم حزني ببقي وافي للمحبا
دمتم |
المارد العظيم ابو جهينة تصدق كل ما الاقي مداخلاتك معاي أزداد ثقة وأشعر بالفخر الشديد لانك دائماً
ما تضع النقاط فوق الحروف , لك الشكر أجزله وربنا يقدرنا علي نثر بذور المحبة بين الناس !!
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: هاشم صديقي اللدود
شاعرية متناهية وإحساس متدفق ينسكب لنا إبداعاً أصيلاً .. هكذا أنت والخيال والإبداع صنوان لا يتفارقان .. منذ هذه اللحظة مدد سطورك وانثر مدادك وعاتب من تعاتب ولتحب من تحب ولتشتهي ما تشتهي .. فكل ما يهمنا أن نتذوق الجمال الصافي والكلمات الشجية ... وعلى ذكر الشجية لا أستطيع كتم السر الذي أودعته في أذني قبل قليل عندما هاتفتني متغنياً بهذه الكلمات ولتفجر موهبة جديدة ألا وهي التلحين !!
كان الله في عونك أم أحمد فقد أضيف إلى مهامك رعاية موهبة جديدة (هاشم الشاعر والملحن وربما المغني ) مرة واحدة !!!
|
لدودي الصديق عادل جبارة يعني كبرت راسي عديل كده والله بعد ده شيلو شيلتكم والله يقدركم علي غنائي
طبعاً زي ما إتصلت عليك في التلفون إني لحنت القصيدة دي في العربية وبعد إبداء إعجابك باللحن قلتا
يا أخواني عادل ده زول صاحبي وبيحب دائماً يجاملني كدي أسمع اللحن ده للفنان مرزوق يوسف وهو رجل
مطرب من الطراز الفريد وملحن جيد بالرغم من انو ( محسي ) يعني رطاني لكن غناه قمة في التطريب
وخاصة أغاني الحقيبة , المهم سمعت اللحن للاستاذ مرزوق وأنا في السيارة طوالي قال لي بس أمسك
عندك وسجل اللحن ده بسرعة في شريط كاسيت وأنا إنشاء الله جايكم يوم الخميس في دار رابطة أبناء
الصحافة , قمت قلت ليهو عليك الله بالله ما تجاملني , قال لي دي حلاوة الكبر وربنا يجيب يوم الخميس
عشان نشوف قصة اللحن ده شنو !! وبيني وبينكم إذا طلع ( شرط ) زي ما بيقولوا نكون عملنا شوية تغير
وربنا يعين يوسف الموصلي وود الحاوي وغيرهم 
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
QuoteQuote: : ورغم عني ورغم حزني ببقي وافي للمحبا
بهجر الدنيا وعيوبا وابقي راهب في ربوعا
أخى هاشم ما أجمل الوفاء أولا
ثم ماأجمل التسامح والصفح والرضى
وعدم العتاب
والأجمل من ذلك كله هجر العيوب
دمت ملاذا للجمال ومحراب يجثو عنده المحبين . |
أختي العزيزة الغالية سمية مشكورة جداً جداً علي مرورك ووضع النقاط فوق الحروف شانك في ذلك هو شأن
كاتبنا الكبير ابو جهينة وصدقيني كتبت هذه الأبيات عند نهاية دوامي وزي ما إنت شايفة حالة المنبر
كله مشاكل ونبذ وشتيمة قفلت جهاز الكمبيوتر وشخبطتا هذه الأبيات وقلتا يلا نزلا يا ولد أكيد
ما حاتكون أسوا من البيحصل في المنبر ده وبالمرة نعمل شوية تغير كده وكانت هذه الكلمات , لكن
الغريب في الأمر أن أقوم أنا بتلحينها وأنا في السيارة , علماً أخر محاولة لي في التلحين كانت في
الإبتدائي وقصيدة ( دجاجي يلقط الحبة ويجري وهو فرحانا ) الضحك مش أحسن من الزعل يلا
غنو وأفرحوا وتنفسوا وإني لكم من الناصحين .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
بسم الله الرحمن الرحيم
Quote: هاشم أحمد خلف الله
مَنْ يَاتُرى يُدرك أنً في الحب العطَاءْ
الحُب أن تجدُ الطُيور
الدف في حضن السماءْ
... في قلب السماءْ
الحبُ أن نحيا ونعشق مانشاءْ!!!
لك كل المحبة ... والتحايا أجملها ...
كلماتكم وريفة ظليلة مليئة بالحياة والشفافية ...
تسلم
وصال عالم |
العزيزة الغالية وصال عالم , أشكرك جزيل الشكر للمداخلة الشيقة والإضافات المتميزة هكذا أنت
يا وصال هالة من الضوء والإنارة والحب والجمال دمتي لنا زهرة في البستان ومعاك نلون دنياننا
بأجمل الألحان .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: طول عمرك حنيَن يا أبو أحمد
يديك العافية و إن شاء الله ما تشوف الجفا |
غباشي ابو الشباب كيف حالك وإزيك وإنت كل الناس ما زيك , تغيب وتظهر علي كيفك , إنشاء الله الدراسة
ما تكون مزعجاك , كل التوفيق والتبريكات لشخصك الحبيب .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: نهال الطيب)
|
صديقي الحبيب هشومة
Quote:
مساءك جميل جمال تسطيرك العذب ، ،،
Quote: ورغم عني ورغم حزني ببقي وافي للمحبا
هسه يا هاشم المحبة الزائدة عن لزوما دي ما بتودينا في داهية غايتو بس الحمد لله ربنا ستر وماجاب حزن كنا إلتحسنا فيها .
يامطر الزراز ... أهطل ....أهطل .... أهطل محبة ووداد
لك محبتــــي ..... |
الأخ الحبيب عماد محمود بشكرك كتير علي زياراتك المتعددة والمحبة يا عماد أخوي هي زادنا في الدنيا
دي يعني عليك الله لو مافي حب وود بين الناس كيف يكون شكل الدنيا دي , يا عم خلينا كده في عالم
الحب والجمال أحسن .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: ما بعاتبْْك لو جفيتي وإصطفيتي سواي أحبا
ما هواك ساكن دواخلي والآلم باقيهو لسا
ورغم عني ورغم حزني ببقي وافي للمحبا
بهجر الدنيا وعيوبا وابقي راهب في ربوعا
وأبقي ذكري بعيد مداها والدمع بالشوق بكاها
إلا خائف من شجوني بالهجر يزداد شقاها |
عزيزي هاشم المرهف إبداعك ماشي فينا دنيا جمال!!
الــــــي:صديقي الذي يؤقظني صباااحا بأحلي كلام،،،
الــــــي: شاعري وملهمني الجمال ، أقول لك كل الشعراء،،،
حينما يكتبون الغزل يغزلون عنا مايجيش بالدواخل ولكن؟
أنت فيهم من تلمس ذاك الوتر المعمور فينا بناءه الحسي سامي،،،
ومن عالم تااااااااني لا نستطيع البوح به إلا بأسم ذاك الذي يتغلغل،،،
مع كل لمس من الأنامل فريا ومسحا علي أماكن الوجع الجواني تسلم ياغالي.
،،،،أبوقصي،،،،
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: مجدي عبدالرحيم فضل)
|
Quote: وأبقي ذكري بعيد مداها والدمع بالشوق بكاها
إلا خائف من شجوني بالهجر يزداد شقاها
أستاذ هاشم
ألق الكلمات تزينه بأحساسك الجميل
لك مودتي |
العزيزة الغالية نهال الطيب تشكري كتير علي المرور وربنا يجعل أيامنا كلها
حب وسلام ويجعل هذا المنبر عامر بكم دائماً وابداً .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: مجدي عبدالرحيم فضل)
|
يا جماعة دقيقة ..
هاشم ..
القصيده براها رائعه ومموسقة وغنية جاهزه ..
إذا كلامك القلته صاح ح تشنف اضانا قريب ..
ما تنساني من صالح الدخل ..
لكن ناس الشلة غيرتهم ح تبقي اس2 ..
قول لصاحبي ود جباره جنس النثر البليغ ده ما بمرقك ..
احسن شوف ليك عود والا كمنجة عشان تواكب ..
ود الموج قول ليه لو ما بطلت حزنك وصلحت حبالك الصوتية ما بيعتمدوك في الكورس ..
انا غايتو بديت اتدرب علي الرق ..
ينفع تخليني واقف وراك علي جنبة ؟
عماد عليك الله شوف ليك حاجة تانية يعني ما لقيت الا تنافسني في الرق ده ؟
إنت خليك مدير أعمال ..
لانك بتعرف تناغم الناس سمح ..
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: محمد على طه الملك)
|
Quote: عزيزي هاشم المرهف إبداعك ماشي فينا دنيا جمال!!
الــــــي:صديقي الذي يؤقظني صباااحا بأحلي كلام،،،
الــــــي: شاعري وملهمني الجمال ، أقول لك كل الشعراء،،،
حينما يكتبون الغزل يغزلون عنا مايجيش بالدواخل ولكن؟
أنت فيهم من تلمس ذاك الوتر المعمور فينا بناءه الحسي سامي،،،
ومن عالم تااااااااني لا نستطيع البوح به إلا بأسم ذاك الذي يتغلغل،،،
مع كل لمس من الأنامل فريا ومسحا علي أماكن الوجع الجواني تسلم ياغالي.
،،،،أبوقصي،،،، |
ابو قصي أخجلت تواضعي شوية شوية علي زول ما قلت ليك نحنا هنا بنتسلي بس
يعني نحنا ناس كل البنعملو هو إخراج مافي دواخلنا يعني ما إحتراف , تسلم
لـ قصي وأمه ولينا نحنا كمان .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: ismeil abbas)
|
Quote: يا جماعة دقيقة ..
هاشم ..
القصيده براها رائعه ومموسقة وغنية جاهزه ..
إذا كلامك القلته صاح ح تشنف اضانا قريب ..
ما تنساني من صالح الدخل ..
لكن ناس الشلة غيرتهم ح تبقي اس2 ..
قول لصاحبي ود جباره جنس النثر البليغ ده ما بمرقك ..
احسن شوف ليك عود والا كمنجة عشان تواكب ..
ود الموج قول ليه لو ما بطلت حزنك وصلحت حبالك الصوتية ما بيعتمدوك في الكورس ..
انا غايتو بديت اتدرب علي الرق ..
ينفع تخليني واقف وراك علي جنبة ؟
عماد عليك الله شوف ليك حاجة تانية يعني ما لقيت الا تنافسني في الرق ده ؟
إنت خليك مدير أعمال ..
لانك بتعرف تناغم الناس سمح .. |
ود الملك الحبيب شكراً علي طلتك البهية وكويس إنك كونت فرقة موسيقية عشان
الجماعة ديل يبطلوا خباثة خاصة عادل جبارة وأمير الجمري أما صديق الموج
فعامل زي الموج مرة تحت ومرة فوق وعماد محمود ده راجل طيب لكن قاعد بالمرصاد
للجماعة ديل وزي ما وعدتكم إنشاء الله أنزل ليكم الأغنية هنا بصوت الفنان
مرزوق يوسف وعلي فكرة يا ود الملك الراجل من عندكم , لكن صراحة صوتو
جميل جداً جداً .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: ألأخ/هاشم....
لو حبيب الريد جفاك وإصطفى غيرك احبا
والهوى الساكن دواخلك وألألم قطع قليبك حتة حتة.
والحزن عتم حياتك ولسه عايش على آمالو لسه
ما تهجر الدنيا وتسيبة وتنسى دنيا الريد والمحبة.....أصلك إنت عزيز علينا وخلى الباقى يبقا.
إسماعيل محمد أحمد عباس...................أم درمان |
سمعة ما قلت ليك إنت زول شاعر عملت لي فيها مجنون ومداخلتك دي ذكرتني بالشاعرة تماضر الخنساء
دائماً ما ترتجل الشعر وأنت كذلك يا سمعة يافنان , مشكور علي المداخلة وننتظر منك المزيد والكثير
وحاول كده ورينا عمل خاص بيك لو سمحت !!
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
الأخوان عادل جبارة , إسماعيل عباس , عماد محمود وأمير الجمري نأمل في حضوركم اليوم لدار رابطة
أبناء الصحافة لانو الأستاذ مرزوق يوسف قال جاي الليلة لعمل البروفة لتلحين قصيدة مين بيشبهك
يا عالية في برج السماء إضافة إلي قصيدة ما بعاتبك لو جفيتي .
حضوركم اليوم يشرفنا وشكراً .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: omer abdelsalam)
|
Quote: ولد حلتنا ..هاشم القصيدة دي حسيت انها أغنية جميلة ملحنة بذاتها
بس محتاجة للمسات ريشة ملحن شاطر ..وتتطلع من بعد انشودة جميلة |
ياهاااااا عمر عبد السلام معقولة بس !! وينك يا راجل , طولت الغيبة بالحيل
إنشاء الله تكون بخير وصحة جيدة وبقية الأهل والله الليلة جيتك دي بالدنيا بالله
أظهر وبان وعليك الأمان ومشكور جداً علي مرورك .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: محمد على طه الملك)
|
Quote: ده شنو ياهاشم ..
اصلك ماشي عقد ؟ |
ود الملك سلامات , الظاهر عليك غيران عديل كده , الحمدلله الجماعة كلهم حضروا البروفة وكانت ناجحة
جداً جداً وكملنا باقي السهرة بعشرة كوتشينة ( حريق ) خليك إنت بس مع الخواجات ديل وربنا يكون في
العون , مشكور جداً علي المتابعة ولكن زي ما وعدتك مجرد ما تنتهي الأغنية دي والتي تليها سانزلها
ليكم هنا , بشرط ان تعجبنا أولاً قبل العرض .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: عادل جبارة)
|
الاخ هاشم
ذكرتنا...بي القصيدة دي
هسه خايف من فراقك لما يحصل ببقى كيف
زي ورد في عز نداه خوفو بكره يزوره صيف
من عرفتك كنت حاسس الزمن لي ما بيسيبك
كنت حاسس رغم ريدي كأني زي الما حبيبك
والحنان البيننا ولف لا نصيبي ولا نصيبك
والزمان عارف مصيرنا حقو لي ما كان يجيبك
شدة ما عاجباني يمكن أنزلها في الركن الجميل الهادئ
مودتي
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: salma subhi)
|
Quote: Quote: وبيني وبينكم إذا طلع ( شرط ) زي ما بيقولوا نكون عملنا شوية تغير
وربنا يعين يوسف الموصلي وود الحاوي وغيرهم
هشومي
والله وإنت الصادق ... الله يعينا أنا وأمير الجمري !! ح نخلي الدار عدييييل .... |
عدولي !! ده شنو ده ؟؟ أفهم بس , اشوف طربك اندهش اقراء كتابتك استعجب ؟؟
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: الاخ هاشم
ذكرتنا...بي القصيدة دي
هسه خايف من فراقك لما يحصل ببقى كيف
زي ورد في عز نداه خوفو بكره يزوره صيف
من عرفتك كنت حاسس الزمن لي ما بيسيبك
كنت حاسس رغم ريدي كأني زي الما حبيبك
والحنان البيننا ولف لا نصيبي ولا نصيبك
والزمان عارف مصيرنا حقو لي ما كان يجيبك
شدة ما عاجباني يمكن أنزلها في الركن الجميل الهادئ
مودتي |
الأخت سلمي جميلة أنت وجميلة كلماتك وجميلين هم ضيوفك الكرام , لطالما عطرتي هذا المنبر
بكل ماهو جميل ورائع وما زلنا في عالم الجمال والحب , دمتي لنا في هذا المنبر وشكراً لك
علي مقارنتك قصيدتي بأغنية الراحل المقيم الفنان هاشم ميرغني .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: ما بعاتبْْك لو جفيتي وإصطفيتي سواي أحبا
ما هواك ساكن دواخلي والآلم باقيهو لسا |
ماإصطفيت غيركم ولسه..
برضي هايم في غرامكم
وفي عيون ماليانا عِزة
كاتلة بي أطرافا زولاً
موتو بي نظراتا لِذة
وماإصطفيت غيركم أحبة..
ولو وِصالك لينا عَزَّ
نحنا بكفينا التمنِّي
في خيالي ألقاكا هسّه
وإنتا متوسِّد مكاني
والمكان بي شوقو..حسَّ
إحتواك بي لهفة ..برضو..
في عيونو هواكا..قصّة
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: تماضر الخنساء حمزه)
|
Quote: ماإصطفيت غيركم ولسه..
برضي هايم في غرامكم
وفي عيون ماليانا عِزة
كاتلة بي أطرافا زولاً
موتو بي نظراتا لِذة
وماإصطفيت غيركم أحبة..
ولو وِصالك لينا عَزَّ
نحنا بكفينا التمنِّي
في خيالي ألقاكا هسّه
وإنتا متوسِّد مكاني
والمكان بي شوقو..حسَّ
إحتواك بي لهفة ..برضو..
في عيونو هواكا..قصّة |
كل كلمة جميلة منك،،،
راسمه في خدك شباب،،،
وكل همسه جميلة بانيه،،،
فيها كم أنا قلبي داب،،،
ياالمحاسن الفايضه رقه،،،
لي عذابك مستطاب،،،
زيديني عشقا زيديني زيدان.
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: مجدي عبدالرحيم فضل)
|
Quote: كل كلمة جميلة منك،،،
راسمه في خدك شباب،،،
وكل همسه جميلة بانيه،،،
فيها كم أنا قلبي داب،،،
ياالمحاسن الفايضه رقه،،،
لي عذابك مستطاب،،، |
وكل كلمة ريد تقولا
شايلة من قلبي العذاب
إحنا لو صادفنا شوقك..
نروى لو شفناو رهاب
ونزرع الكلمة الجميلة
تنمو في وسط اليباب
حد الأحاسيس الخرافة
حد إكتمال حِس الرباب
ترقص الخضرة اللي فينا
بي مواعيدك ..حباب
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: الحبيب / هاشم
أنا والله جادي جدا لانو شايفك ساوي ليك علامات تعجب .. لكن بالجد بتمنى انك تجتهد وترتب الكلام الجميل ده وتشرع في ديوان صغير يكون بداية للانطلاقة الشعرية ...
انا بصمم لي الغلاف كمساهمة مني .
تسلم |
ابو هبة مشكور كتير علي الإهتمام وإنشاء الله ساعمل علي ذلك وما عدمناك
يا ابو هبة قدها وقدود .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: وكل كلمة ريد تقولا
شايلة من قلبي العذاب
إحنا لو صادفنا شوقك..
نروى لو شفناو رهاب
ونزرع الكلمة الجميلة
تنمو في وسط اليباب
حد الأحاسيس الخرافة
حد إكتمال حِس الرباب
ترقص الخضرة اللي فينا
بي مواعيدك ..حباب |
ياريتوا تاب من ساعتوا ديك
ياريتو ماكان ليك عطـوف
ضيعتي فرحـوا بعتي عذوا
ريدك أصبح كل خـــــــــوف
لكـــن عذابي أنابراي وقالوا
البعيش ياما بيشــــــــوف
مابصدق لو قالوا ليَ حبك سراب
سقيت عينيك محنتي دوبت فيك
كل الشباب سافرت ليك ضحيت عشانك
فتحت ليك قليبي بـــــــــــاب.
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
هاشم يا جميل ..
Quote: ما بعاتبْْك لو جفيتي وإصطفيتي سواي أحبا
|
"غلطاتك عندنا مغفورة" ..
"انت ما تفكر تجينا .. نحن بالأفراح نجيك" ..
دا كلو ليه ..
| Quote: عشان هواك ساكن دواخلي |
وعشان "الحب في ذاتو مبرر كافي" ..
وعشان الشعر حالة شعورية لا تبرر .. وإنفعال وجداني لا يتخير الوقت أو المناسبة ..
وعشان انت زول فنان ..
تحياتي ..
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
هاشم الجميل
يتوحد الكلام والصفة
وبينهما يطيب لنا مقام
بعض أرق في خط الذاكرة (مارس 1979)
قالو جاير
وناسي لي ريدي وهواهو
ديمة كايس لي شقايا
والحنان الكان نساهو
سيب دريبو
انسى سيرتو
أوع ماتفكر لقاهو
وأكتم الحنية فيك
انسى .. ماتتبع خطاهو
عارفو كان عاند قليبو
وقلت من أسباب غلاتو
دا الحنين بكرة بيجيبو
ويرجع أيامي اللفاتو
واصلي ماكت يوم بصدق
إنو تتقطع صلاتو
وضمة مابقبل وشاية
والكلام القالو عنو
قلت مقصود قول غواية
قالو ناس الفرقة بينا
وكل مناهم في النهاية
يبعدو الروح من كيانة
ويبقو شامتين ياغنايا
إلا ريدنا يالسمحة أكبر
وكلو فرحة وأسمى غاية
نورالهادي
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: nourelhadi awad)
|
Quote: ماإصطفيت غيركم ولسه..
برضي هايم في غرامكم
وفي عيون ماليانا عِزة
كاتلة بي أطرافا زولاً
موتو بي نظراتا لِذة
وماإصطفيت غيركم أحبة..
ولو وِصالك لينا عَزَّ
نحنا بكفينا التمنِّي
في خيالي ألقاكا هسّه
وإنتا متوسِّد مكاني
والمكان بي شوقو..حسَّ
إحتواك بي لهفة ..برضو..
في عيونو هواكا..قصّة |
جايا هسع تفقديني وبحنانك تصطفيني !! لو صحيح حبك حقيقي ليه رضيتي تعذبيني !! ليه رضيتي أكون مسافر مني فيني !! كنت محتاجك حبيبتي كنت خائف تهجريني شلت أشواقي ورحلت الإ ريدك باقي فيني يا حلم دنياي إنت عليك الله أرحميني ابقي لي فرح الأماسي وبلطافة إحتويني ارحمي القلب المعذب قادرة إنت تسعديني
(عدل بواسطة هاشم أحمد خلف الله on 05-27-2007, 06:55 AM)
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: يا هاشم كان تكتب تحت إهداء لمعتصم دفع الله وباقي العصابة
كلام جميل وإحساس عميق يا هاشم ..
كل الود .. |
معتصم الشاب الأنيق المهذب الراقي اللطيف
وحاتك إنت الذوق واللطافة من بعدك تقيف
ما إنت روح المحبة والجمال وكمان ظريف
خليك دوام عاشق متيم وبقلوب الحسان حاسب اقيف !!
جدو معتصم أما كفاك عزوبية ؟؟ أما كفاك ريدة وحنية ؟؟ عايزين نشوفك عريس ومعاك باقي العواطلية .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: هاشم يا جميل ..
Quote: ما بعاتبْْك لو جفيتي وإصطفيتي سواي أحبا
"غلطاتك عندنا مغفورة" ..
"انت ما تفكر تجينا .. نحن بالأفراح نجيك" ..
دا كلو ليه ..
Quote: عشان هواك ساكن دواخلي
وعشان "الحب في ذاتو مبرر كافي" ..
وعشان الشعر حالة شعورية لا تبرر .. وإنفعال وجداني لا يتخير الوقت أو المناسبة ..
وعشان انت زول فنان ..
تحياتي .. |
وحات الله معاك فجر الهلال هلا معاك كل النجوم سمحات معاك الدنيا لابسة عقود وتيجان من ورد معقود
وشعاع شمساً كأنه خيوط وريداً في الحشا موجود وخيراً مافي ليهو حدود وعزة نفس باقية لينا عهود
ووطن لحماه نحن نزود ونور في سمانا من رب العباد موجود , صلاح شتات الليلة جانا يزور مرحب بيهو
صباحك خير ومساك إنشاء الله نور في نور .
أظن بعد ده يا شتات تفكر كده في بت الحلال وتكتر العيال , مشكور كتير أخي العزيز شتات علي هذه
الزيارة الجميلة وأستحلفك بالله أن تواصل العطاء وتغازل الكلمات بما لديك من قدرة علي الإفصاح .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: صديق الموج)
|
Quote: هاشم الجميل
يتوحد الكلام والصفة
وبينهما يطيب لنا مقام
بعض أرق في خط الذاكرة (مارس 1979)
قالو جاير
وناسي لي ريدي وهواهو
ديمة كايس لي شقايا
والحنان الكان نساهو
سيب دريبو
انسى سيرتو
أوع ماتفكر لقاهو
وأكتم الحنية فيك
انسى .. ماتتبع خطاهو
عارفو كان عاند قليبو
وقلت من أسباب غلاتو
دا الحنين بكرة بيجيبو
ويرجع أيامي اللفاتو
واصلي ماكت يوم بصدق
إنو تتقطع صلاتو
وضمة مابقبل وشاية
والكلام القالو عنو
قلت مقصود قول غواية
قالو ناس الفرقة بينا
وكل مناهم في النهاية
يبعدو الروح من كيانة
ويبقو شامتين ياغنايا
إلا ريدنا يالسمحة أكبر
وكلو فرحة وأسمى غاية
نورالهادي |
نور الهادي الفنان المتكامل المرهف , إنت عارف قصيدتك دي رجعت بي وراء شديد خلاص وفيها صدق
غير عادي وهكذا يكون الجميلين من أمثالك , وبشكرك علي المرور والمتابعة يا شفيف .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: عواطف ادريس اسماعيل)
|
Quote: جايا هسع تفقديني وبحنانك تصطفيني !!
لو صحيح حبك حقيقي ليه رضيتي تعذبيني !!
ليه رضيتي أكون مسافر مني فيني !!
كنت محتاجك حبيبتي كنت خائف تهجريني
شلت أشواقي ورحلت الإ ريدك باقي فيني
يا حلم دنياي إنت عليك الله أرحميني
ابقي لي فرح الأماسي وبلطافة إحتويني
ارحمي القلب المعذب قادرة إنت تسعديني |
بالله هب المشتاق لوعة فلعل خيالك يسعده؛
ما ضرك لو داويت حبي صبُ يشجيك وتبعده؛
لم يبقي هواك له’ رمقا فليبك عليه عوده؛
وغداَ يقضي أو بعد غد هل من نظر يتزوده؛
يهوي المشتاق لقاء كموا وصروف الدهر’ تبعده؛
ما أحلي الوصال وأعذبه’ لو لا الأيــام تنكده؛
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: ياريتوا تاب من ساعتوا ديك
ياريتو ماكان ليك عطـوف
ضيعتي فرحـوا بعتي عذوا
ريدك أصبح كل خـــــــــوف
لكـــن عذابي أنابراي وقالوا
البعيش ياما بيشــــــــوف
مابصدق لو قالوا ليَ حبك سراب
سقيت عينيك محنتي دوبت فيك
كل الشباب سافرت ليك ضحيت عشانك
فتحت ليك قليبي بـــــــــــاب. |
قلتا ليك الريد حقيقة..
غطّى المساحات اليباب
وقلتا ليك قلبي الوهبتو
عمرو مابهدي العذاب
لاهو خان زولو البريدو
ولاهو من تشواقو ..تاب
والمحنة الفي عيوني
بكفيها من شوفتك رهاب
ماني عارف ليه غرامك
لسه مرهون السراب!
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: جايا هسع تفقديني وبحنانك تصطفيني !!
لو صحيح حبك حقيقي ليه رضيتي تعذبيني !!
ليه رضيتي أكون مسافر مني فيني !!
كنت محتاجك حبيبتي كنت خائف تهجريني
شلت أشواقي ورحلت الإ ريدك باقي فيني
يا حلم دنياي إنت عليك الله أرحميني
ابقي لي فرح الأماسي وبلطافة إحتويني
ارحمي القلب المعذب قادرة إنت تسعديني |
قالوا في حبك أغاني
وقلتا حبك هو الشجاني
وقالوا بين عينيك بعيشو
وقلتا ببعث فيها تاني
إحنا ماقاصدنو هجرك
إنتا ياالساكن حناني
ولا سعينا نزيد عذابك
وإنتا ريدك هو الشقاني
راضي بي التعب المعاك
غالي ياالقلب الأذاني
عارفو شايل شوقو ليَّ
عارفو طيِّب وبرضو حاني
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: تماضر الخنساء حمزه)
|
Quote: قالوا في حبك أغاني
وقلتا حبك هو الشجاني
وقالوا بين عينيك بعيشو
وقلتا ببعث فيها تاني
إحنا ماقاصدنو هجرك
إنتا ياالساكن حناني
ولا سعينا نزيد عذابك
وإنتا ريدك هو الشقاني
راضي بي التعب المعاك
غالي ياالقلب الأذاني
عارفو شايل شوقو ليَّ
عارفو طيِّب وبرضو حاني |
يجيء ليلك فيحملني
زكري الغربه والشجن
وشوقي لهيبا اعرفه
والنجم الآفل يعرفني
الغربه دارا لجسدي
و فؤادي لك محبوبتي
والنجم الراحل أساله
عنكي فيعود يسألني
والحزن العابر يفنيني
والدمع يمـــذقنـــي
والفجر الآتي أعشقه
والليل المظلم يعشقني
والحب رهيُنا في صدري
يسألني عنك لو تدري
فيعود الليل ليحملني
عودا لك أمـــــيرتي.
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: مجدي عبدالرحيم فضل)
|
QuoteQuote: : هاشم صديقي اللدود
شاعرية متناهية وإحساس متدفق ينسكب لنا إبداعاً أصيلاً ..
عادل ابصم بالعشرة على صدق كلامك..لكن ما عرفنا القصيدة
دى معمولة سنة كم؟؟ ..ولى منو؟؟ |
ود الموج إنت بس باري لي عادل جبارة ده لمن تلقي نفسك في خبر كان .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: د.محمد حسن)
|
Quote: كتب صديق الموج:
Quote: عادل ابصم بالعشرة على صدق كلامك..
وأبو الحسين كذلك...
Quote: لكن ما عرفنا القصيدة
دى معمولة سنة كم؟؟ ..ولى منو؟؟
أما دي.. حمدو في بطنو!!
قواسيب مودتي يا صديقي هاشم...
أبو الحســــــــين...
|
ابو الحسين العريس الزين حمدلله بالشوفة وربنا إنشاء الله يتمم الزواج علي خير وأكون أنا أول
المهنئين ليك بالزواج وإذا ربنا سهل الأمور يمكن أحضر زواجك في السودان لانو إجازتي في شهر 7
الجاري وبيني وبينك عزابي المرة دي .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: قالوا في حبك أغاني
وقلتا حبك هو الشجاني
وقالوا بين عينيك بعيشو
وقلتا ببعث فيها تاني
إحنا ماقاصدنو هجرك
إنتا ياالساكن حناني
ولا سعينا نزيد عذابك
وإنتا ريدك هو الشقاني
راضي بي التعب المعاك
غالي ياالقلب الأذاني
عارفو شايل شوقو ليَّ
عارفو طيِّب وبرضو حاني |
قالوا حبك شكلو تاني
هو المجهج لي كياني
وقالوا أحسن منو تبعد
وتختار محبوبة تاني
قلتا يا ناس ما بسيبو
كيف أعيش من دونو تاني
قالوا حبك ما بيهموا
اصلوا زولك اناني
ومااظن لهواك يشعر
اصلوا عائش في دنيا تاني
قلتا ما بنساهو والله
اصلو ساكن في كياني
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: هاشم المساح دمع البكا
وما بعاتبك ما بلومك لو تخاصم بالسنين
وما بعاتبك لو تجافي
او تقول الحب ده مافي
والبحب يا هاشم عمره ما يكره |
دكتور محمد حسن وينك يا راجل ليك أيام وما باين مكان ما بنمشي بنعاين !! شكراً جزيلاً علي المرور
وفعلاً والله يا دكتور البحب عمره ما يكره ابداً .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: ما بعاتبْْك لو جفيتي وإصطفيتي سواي أحبا
ما هواك ساكن دواخلي والآلم باقيهو لسا
ورغم عني ورغم حزني ببقي وافي للمحبا
بهجر الدنيا وعيوبا وابقي راهب في ربوعا
وأبقي ذكري بعيد مداها والدمع بالشوق بكاها
إلا خائف من شجوني بالهجر يزداد شقاها |
كيفيك هاشم وكيف ام احمد ربنا يخليكو لبعض انشالله
جميل ان رغم عنك ورغم حزنك بتبقى وفى خاصا وانه بقى الايام دى عمله نادرة وتصرف ماصحى
وبقى الطبيعى والصحى هو عدم الوفا ربنا يحميكم منه ويبعد عنك مرضى النفوس عديمى الوفا
تحياتى اخى هاشم وامنياتى بدوام السعادة بينكم
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: ماجدة عوض خوجلى)
|
Quote: قالوا حبك شكلو تاني
هو المجهج لي كياني
وقالوا أحسن منو تبعد
وتختار محبوبة تاني
قلتا يا ناس ما بسيبو
كيف أعيش من دونو تاني
|
أنت ياحبيب متوك ،،
من زمان زمــــاني،،
والحب للواحد مسلك،،
كيف أغير سكك شريكي،،
والحياة في ظل هواك،،
تجري تروي لحناني،،
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: مجدي عبدالرحيم فضل)
|
Quote: كيفيك هاشم وكيف ام احمد ربنا يخليكو لبعض انشالله
جميل ان رغم عنك ورغم حزنك بتبقى وفى خاصا وانه بقى الايام دى عمله نادرة وتصرف ماصحى
وبقى الطبيعى والصحى هو عدم الوفا ربنا يحميكم منه ويبعد عنك مرضى النفوس عديمى الوفا
تحياتى اخى هاشم وامنياتى بدوام السعادة بينكم |
أختي العزيزة الغالية ماجدة , إنشاء الله إنتِ تكوني أيضاً بخير وعافية وكل الأهل كذلك بخير
ومشكورة علي الزيارة الصباحية الجميلة دي وبالله الدنيا من غير وفاء شن فائدتها والدنيا
من غير حب وجمال نفوس ايه فائدتها والحمد لله نعمل من أجل إرساء المحبة بين الناس .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: قالوا حبك شكلو تاني
هو المجهج لي كياني
وقالوا أحسن منو تبعد
وتختار محبوبة تاني
قلتا يا ناس ما بسيبو
كيف أعيش من دونو تاني
قالوا حبك ما بيهموا
اصلوا زولك اناني
ومااظن لهواك يشعر
اصلوا عائش في دنيا تاني
قلتا ما بنساهو والله
اصلو ساكن في كياني |
مابقول غير إني بهوى
زولاً موهَّط في كياني
كلما تشيلو المسافة
وبيهو تبعد من مكاني
ألقاني في سكة بعادو
ماشة مسنودة بحناني
وكلما التشواق ملكني
ألقى بس ريدو الحواني
تسعد السكة المشيتا
وتسرع النبضات ثواني..
مابتحمل اللقيا القريبة..
لمّا تتحقّق أماني
تحتويك بالشوق عينيَّ
ويسمعك قلبي الأغاني.
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: تماضر الخنساء حمزه)
|
Quote: مابقول غير إني بهوى
زولاً موهَّط في كياني
كلما تشيلو المسافة
وبيهو تبعد من مكاني
ألقاني في سكة بعادو
ماشة مسنودة بحناني
وكلما التشواق ملكني
ألقى بس ريدو الحواني
تسعد السكة المشيتا
وتسرع النبضات ثواني..
مابتحمل اللقيا القريبة..
لمّا تتحقّق أماني
تحتويك بالشوق عينيَّ
ويسمعك قلبي الأغاني. |
وما بقول غير اني عايش في الأماني
وغير هواك ما أظني اهوي شخص تاني
وكلما بعدت مسافتك برضي زي شايفك امامي
بعظمتك وبجلالك إنتِ يا أحلي المعاني
بتمني من الله الكريم يحقق كل الأماني
واتهني بشوفتك دوام آهـ يا معذباني
وابقي ليك زي زول معذب وماهو هاني
لكن عزاي إني بهواك بحواسي وكياني
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: Alsa7afa_30)
|
Quote: خليك قريب..
أرسم علي ممشى الحواس..
قلبين من المشرع غرام
بيناتم الريدة ..التماس..
خليك قريب..
أسمع كمان غنوة هواك..
معزوفة بي حِسي المعاك
شايل من التحنان غناك
خليك قريب.. |
خليني دائماً في عيونك في خيالك حبيب وحيد
وخليكِ قريب ما تبعدي وتتركي الأشواق تزيد
خليني عاشق لعيونك مهما نار الحب تقيد
وخليكِ قريب ما تبعدي ما ليلي ما ليلاً بعيد
وخليني اشرب من نداك يا صاحبة الحسن الفريد
وخليكِ قريب ما تبعدي يا روح حياتي يا وريد
خليني في جواك ذكري خالدة محتاجك شديد
وخليكِ معاي وخليني في دربك امل جديد
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
ماأنا قريب وبعيد أبحث عنك فلا أجدك دني
حبيبتي كيف أغمض عيني وأنتي بعيده عني
كيف تحلو لي الأيام وبيننا مسافات قصًــي
؛؛أتلهف شوقا اليك ياوردتي؛؛
يرتعش جسدي يبحث عن الدفء في أحضــانـك
ويأتي الليل ويلقي علَي هموما كثيرة عنك
حبيبتي أني أسارع الخطي كي أصل اليـــك
أتمني لو تمر الأيام والسنوات أسرع مماهي
كي نلتقي ونحقق آمالنا ونبني عشا نأوي له
؛؛؛ولا نفترق أبـــــدا؛؛؛
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: ماأنا قريب وبعيد أبحث عنك فلا أجدك دني
حبيبتي كيف أغمض عيني وأنتي بعيده عني
كيف تحلو لي الأيام وبيننا مسافات قصًــي
؛؛أتلهف شوقا اليك ياوردتي؛؛
يرتعش جسدي يبحث عن الدفء في أحضــانـك
ويأتي الليل ويلقي علَي هموما كثيرة عنك
حبيبتي أني أسارع الخطي كي أصل اليـــك
أتمني لو تمر الأيام والسنوات أسرع مماهي
كي نلتقي ونحقق آمالنا ونبني عشا نأوي له
؛؛؛ولا نفترق أبـــــدا؛؛؛ |
ابو قصي الرجل الشفيف , دائماً وابداً إنت قريب ونشكر لك مداخلتك المتفردة
الجميلة الرائعة .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: مجدي عبدالرحيم فضل)
|
العزيزة الغالية وصال عالم مشكورة كتير علي مرورك البهي الجميل وبعتذر لعدم تمكني من
نقل مداخلتك هنا والتعقيب عليها وما عارف ايش السبب !! ولكن أشكر لك صدق مشاعرك وصدق
مداخلتك التي أحسها قبل أن اقراءها , مشكورة مرة أخري يا وصال وربنا يديم المحبة بين
الناس .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
ريدي ليك من البداية
Quote: محنتي جات من دوَية
تلاقي معزه فيك وراية
تعلي شأنك ولك دراية
من ولدتنا ديك الدآية
نحبي في بلاطك شـقايـة
ونكبر ونرفعه ليك رآية
وتحكي أنت عن شقايـــة
دمع ماسحه لغنــــايـة |
الأخ الحبيب ابو قصي كيف حالك وإزيك وأنا أسف علي التأخير في الرد والله كنت مشغول شغلة عجيبة
خلاص لكن الحمد لله إنتهيت منها , مشكور علي المشاركة الدائمة ومشكور علي الإضافات المتميزة .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
أنا مابين أشواقك تصحى
وما بين آحلم بهمساتك
أتعلمت أخاطب طيفك
أردد فى جواى غنواتك
كيف تتناسى الكان بيناتنا
دفء سلامك وبوح نظراتك
همس الليل والشوق المطّر
ونجمة ليلى الشاهدة غرامك
كيف تتناسى الماضى وترحل
كيف تتنكر لنجوانا ..!!!
_________________
هند محمد
نص جميل هاشم وكلمات عميقة هاشم .يسلم قلمك
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هند محمد)
|
أنا مابين أشواقك تصحى
وما بين آحلم بهمساتك
أتعلمت أخاطب طيفك
أردد فى جواى غنواتك
Quote: كيف تتناسى الكان بيناتنا
دفء سلامك وبوح نظراتك
همس الليل والشوق المطّر
ونجمة ليلى الشاهدة غرامك
كيف تتناسى الماضى وترحل
كيف تتنكر لنجوانا ..!!!
_________________
هند محمد |
هند الظريفة شكراً علي المشاركة
| Quote: نص جميل هاشم وكلمات عميقة هاشم .يسلم قلمك |
وشكراً علي المجاملة ونحنا لسه في بداية طريقنا يعني يادوب بنفك
الخط وجايك بالمهلة .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: البيني بينك حب عفيف يا صاحبة الحسن البديع
البيني بينك نور قمر وسحاب محمل بالمطر
ونجوم تضؤي مع القمر وزهور عبيرها معاك هطل
وسكة سفر بمشيها بيك ومعاك بصل
|
والجابني لسكتك ندي
وزهرة جواي من سني
راشه من قمر سماي
هاطله نور مس جواي
وعمت نجوم من رؤاي
وودعت ليل سفر غناي
ماشي جاي كابه نداي.
هذة المثاجلات أندي بها قلمي قطره من ندي وهي (أم قصي) صديقي هاشم جأتك من قطرات الندي
طُل’ من جميل الزهرات فسلمت ياصاحبة اليراع الناثر شذي زهر بلا زهر’ وربيعنا يانعه بك .
؛؛؛أبوقصي؛؛؛
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: مجدي عبدالرحيم فضل)
|
Quote: والجابني لسكتك ندي
وزهرة جواي من سني
راشه من قمر سماي
هاطله نور مس جواي
وعمت نجوم من رؤاي
وودعت ليل سفر غناي
ماشي جاي كابه نداي.
هذة المثاجلات أندي بها قلمي قطره من ندي وهي (أم قصي) صديقي هاشم جأتك من قطرات الندي
طُل’ من جميل الزهرات فسلمت ياصاحبة اليراع الناثر شذي زهر بلا زهر’ وربيعنا يانعه بك .
؛؛؛أبوقصي؛؛؛ |
ابو قصي دائماً رائع ومتوهج وخليك قريب ما تبتعد ... ونحنا كمان بنكون قريب .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: هاشم أحمد خلف الله)
|
Quote: ورغم عني ورغم حزني ببقي وافي للمحبا
بهجر الدنيا وعيوبا وابقي راهب في ربوعا
وأبقي ذكري بعيد مداها والدمع بالشوق بكاها
إلا خائف من شجوني بالهجر يزداد شقاها
وما لك والهجر ايها الفنان
كن ما تشتهى ولا تحزن حتى لا تشقى |
أستاذة سلمي أسعدني مرورك البهي وإنشاء الله سأعمل بنصحيتك واترك الهجر واكون
سعيد وسعادتي تكتمل بسعادتكم انتم ايضاً أستاذة سلمي .
لك عاطر التحايا والمودة يا أهل المسرح .
| |
|
|
|
|
|
|
|
|
|
Re: مـا بـعـاتـبـك لـو جـفـيـتـي (Re: محمد عثمان)
|
أخي الحبيب هاشم
تحية ملؤها الود والأخاء
ماهذا العذب الزلال الذي يتسرب إلى الأرواح الظميئة والمشاعر العطاش فيحملنا إلى عوالم حالمـة دونها الغمام والسحاب .. العتاب واللوم بين الأحبة فيه من الدل والخفر ما يجعل القرائح تبدع وها أنت أخي الحبيب حركك العتاب فألهمك ما تطرب له الدواخل وترقص وجداً له الأعماق .. نقتاد من إبداعاتكم أخي الحبيب. وأتابع تلك المساجلات مع شيخة النميق والقصيد
| |
|
|
|
|
|
|
| |
هاشم أحمد خلف الله
ابو جهينة
ناذر محمد الخليفة
وصال عالم
غباشي
نهال الطيب
مجدي عبدالرحيم فضل
محمد على طه الملك
ismeil abbas
omer abdelsalam
علاء الدين حيموره
salma subhi
Ehab Eltayeb
معتصم دفع الله
شتات
صديق الموج
عواطف ادريس اسماعيل
أبو الحسين
د.محمد حسن
ماجدة عوض خوجلى
Alsa7afa_30
الرشيد شلال
هند محمد
سلمى الشيخ سلامة
فيس بوك
تويتر
انستقرام
يوتيوب
بنتيريست