|
تكتبوا بوستات زى خلقكو دى دايرين سودان يتقدم!!
|
فاضل تعملوا ليكم جمعية تعاونية وصندوق اطناشر صرفة! بوستت هلال مريخ وافراح وتعازى لمن الأرشفة بقت كل 3 شهور وبى طريقتكم دى حتبقى كل اسبوعين!بوستات فارغة ومقدودة ومجاملات زى مجاملات المراهقين! مفروض بكرى يسمي المنبر حسانيزاونلاينز!بالله سباق الحمير كيف لو ما دا!
فى المثل ديك ام الحسن يعوعى وبصلتو يكشنو فيها! انتوا عوعوا لمن تشربوا ما تروو جنى
|
|
|
|
|
|
|
|
Re: تكتبوا بوستات زى خلقكو دى دايرين سودان يتقدم!! (Re: عبده عبدا لحميد جاد الله)
|
ياصديقي جني انا سبق وكتبت فى الموضوع ده لكن شكلو الناس مافاضيه تقرا من شدة التفكير فى الكتابه وبس الكتابه فى المنبر بقت زيها وزي الواجب ولا الخدمه الوطنيه الواحد عاوز يجرى يكتب لكن كيف؟ومتين؟وليه؟ماعارفها,وبصراحه انا بقيت اتعب جدا لما اجي ادخل المنبر مابعرف زاتو اقرا شنو من شده كترة البوستات اقتراح للسيد بكري: انو تكون فى صفحات اجتماعيه دي للاخبار الاجتماعيه وممكن نسميها (اجتماعيات)وصفحه للثقافة والرياض على وزن وزارة الثقافه والرياضه اعتقد انو كانت مدموجه مع بعض.وصفحه للمشاكل والشمارت.اما السياسه فله صفحه براااها للاخوة الساسه ونترك بقيه الصفحات للخور فهو عزيز حل بنا لا نستطيع ان ننساه ملحوظه تقدم السودان ده حقو نفتح ليهو بوست براه يا جني ولا شنو؟ المذكور اعلاه محمد عليش
| |
|
|
|
|
|
|
Re: تكتبوا بوستات زى خلقكو دى دايرين سودان يتقدم!! (Re: jini)
|
الجنى و الناذر الفنان,
يا زول إنت تب مسكت محل الوجع و قلت الكلام المليان ,,شمطة مدورة السنة كلها و ناس مسوية العّوة
من أجل العوّة !!!!! إختلط ساقط القول بحلو الكلام !!! و المفيد راح شمار فى مرقة !!! صورنى
واصورك و عزمتنى وما عزمتنى و امسح لى و ألمّع ليك وأورنش ليها وإحتمال تحت تحت يكون فى حبكانة
وكسيرة ودشدشة حاصلة نسبة لإرتفاع درجات الفراغ العاطفى خاصة فى منطقة الخليج العربى و الشرق
الأوسط للأسباب المعروفة سلفا !!!!!!
خواء و فراغ و حقد وإنصراف وممارسة عادات ضارة جدا جدا كحب الظهور والنور و الجمهور فى لا شى
يا صديقى !!!! ليتنى كنت الرقيب فالبعض لا يستحق أن يعطى نصف فرصة فالفوضى تسكن عقله مع التوتر
والخواء !!! أخذوا قضايانا و همومنا و مشاكلنا وذهبوا بها الإنداية !! ليس من إحترام لعقول ولا
ولا فكر,لديهم كل ما أُنشئت من أجله الجنخانات و الأدبخانات و الله لولا بعض من حياء و بعض من إحترام
لصرفنا هنا بعضامن ذاك القاموس لمن يستحق و ما أكثرهم و أكثرهن !!!!ما يقتلنى غيظا ليس مسلكا
قبيحا و لا نشاذا أو شذوذ عن المعقول و المأمول فكله مردود إلى مصدرة و لكن عدم إحترام العقول
والجرى بسرعة للضرب تحت الحزام و دائما ما يتكشف لك ان الشخصنة و الإنصراف هما الأساس الذى تقوم
عليه هذه الأشياء التى تتداعى و يتداعى معها ما ظننا أن هذا المكان أُنشئ من أجله !!!!!
نعم هنالك من يحترمون الناس و المبادئ و العقول !!!!!! و هنالك أيضا من ينفعوننا بما يكتبون
و يفتحون عيوننا و عقولنا على ما تفتقده و تبحث عنه !!! و هناك من يملكون أصابع و أقلام من
ذهب و لا تأتيك إلا بكل جميل و راقى !!!! و لكن !!!!!!ولكن ديوك العدّة و كلاب السرّة كترو بالحيل
و صعبوها شديد و حيرونا فى راسنا المحيّر أصلو ده !!!
قتلى جمعية إتناشر صرفة و مراهقين !!!!!!!! يا زول جريدة الحائط فى مدرسة برّى الإبتدائية
بنين فيها ما يفيد و يقدم لوطن ينهشه بنوه أكثر من هذا المكان الذى كاد أن يشبه ما عارف أقول
عليهو شنو !!!!!!!
سمعت ياناس بى إذاعة تشاد !!! أخوكم كان له هذا الشرف فى اواسط التسعينيات !!!!! بعد سرد
كل أحداث أحياء أنجمينا من طهورات و بكيات و أعراس و غنم رايحات و بارتى عند ناس فلان ومبروك
لفلان تكون هدية البرنامج أغنية لن تحلم أن تسمعها يوما تأتيك من إذاعة خاصة (فى ذاك الزمن)
دعك من إذاعة دولة!!!!!
* الأستاذة حنان بلو بلو عندما قامت بزيارة تشاد و هى من أحب الفنانات السودانيات هناك فى تلك
الحقبة وجدت رئيس الوزراء شخصييييييا فى إستقبالها !!!!!!!!!!!!!!!!!!!!
سلامات يا بلد. والعفو و العافية .
| |
|
|
|
|
|
|
Re: تكتبوا بوستات زى خلقكو دى دايرين سودان يتقدم!! (Re: أيمن الطيب)
|
Quote: فاضل تعملوا ليكم جمعية تعاونية وصندوق اطناشر صرفة! بوستت هلال مريخ وافراح وتعازى لمن الأرشفة بقت كل 3 شهور وبى طريقتكم دى حتبقى كل اسبوعين!بوستات فارغة ومقدودة ومجاملات زى مجاملات المراهقين! مفروض بكرى يسمي المنبر حسانيزاونلاينز!بالله سباق الحمير كيف لو ما دا!
فى المثل ديك ام الحسن يعوعى وبصلتو يكشنو فيها! انتوا عوعوا لمن تشربوا ما تروو جنى |
جني تعال يا الكلكي والبس ليهم الملكي اسلم قولك وصح لسانك عفاف ابوحريره
| |
|
|
|
|
|
|
|