|
|
 والله ناس السودان ديل
|
لذيذين خلاص
تقول للواحد منهم ياخي في حبوب أنا كنت بستعملها وكملت عايزك ترسلها لي في سرية تامة من غير ما حد يعرف وذلك لسريَّة الغرض و (المرض) يقول ليك ولا يهمك
تقوم تضرب تلفون السودان لي زول بعيد كل البعد فيقول ليك والله إسماعيل مجتهد ليك في موضوع البتاعات (خلاص الود كتوم) لكن عبدالغفار وصَّف ليهو البديل قالوا عبدالرزاق (الله يرحمه) كان بستخدم زيهن زمان وكان بجيبوهن ليهو من مدني وأنا خليتو قال الليلة ماشي يفتش في بحري لأنو سكينة قالت حسين شافن قبل كدا في أجزخانة مارس
أول أمبارح جاتني رسالة على الموبايل من غادة بتي تهنيني بفوز المريخ وما قدرت أرد عليها برسالة لأنو تلفونها سوداني (برضو لذيذ) وسوداني برسل لي رسائل ولكن لا يستقبل مني (إتفاقيات دولية) أها قلت أشتري رصيد وأضرب عديل
أها تررن تررن تررن تررن
الجانب الآخر : الو
سلام عليكم
على الجانب الآخر مرة كبيييييييييييرة وشخطت ليك فيني
معتز؟؟؟؟ الليلة أصبر لي ياود العفنة
|
|
 
|
|
|
|
|
|
|
|
Re: والله ناس السودان ديل (Re: عاصم ابوبكر حامد)
|
عاصم يا الحبيب
سلامي وإحترامي
Quote: والله انا ما فاهم شئ ...
ممكن توضح |
أسأل الحلبية المكعوجة الجنبك دي
هو أنا كان فاهم حاجة نزلت البوست دا؟؟؟
كدي أقعد معانا شوية وإن شاء الله بنفهم
| |
|
|
|
|
|
|
|
|
|
Re: والله ناس السودان ديل (Re: Nadia Elsir)
|
الحلبية المكعوجة نادية السر هههههههههههههههههههه
سلام وإحترام
| Quote: امس امى لانها سودانية عندها تلفون سودانى وصلتها رسالة قضينا باقى اليوم كله نضحك و نشاغلها بيها الرسالة بتقول ( 42 يوم يا مفترية لا سلام منك و لا حتى رسالة) ! |
أها لأنكم ضحكتو عليها وشاغلتوها عشان كدا قالت لي يا ود العفنة ههههههههههههههه
أشكرك على كلماتك الطيبات وروحك المرحة ومشاركتك الغنية
وربنا يخلي لينا أهلنا ناس السودان اللذيذين ديل
| |
|
|
|
|
|
|
|
|
|
Re: والله ناس السودان ديل (Re: Nadia Elsir)
|
نادية بت السر
سلام تاني وترحاب
| Quote: بدو اتاريييييييييك ده انت خليناك لله بس خليك سودانى ! |
سمح بخليني سوداني بس إنتي سلمي لي على أمك وأهلك وناس السودان اللذيذين كلهم
إحترامي
| |
|
|
|
|
|
|
|
|
|
Re: والله ناس السودان ديل (Re: ملكة سبأ)
|
شقيقي أبو البدور
( السودان ديل ) ... تنفع إسم شركة زى سودان مركنتايل
ما في شك أبدا
| Quote: تقوم تضرب تلفون السودان لي زول بعيد كل البعد فيقول ليك والله إسماعيل مجتهد ليك في موضوع البتاعات (خلاص الود كتوم) لكن عبدالغفار وصَّف ليهو البديل قالوا عبدالرزاق (الله يرحمه) كان بستخدم زيهن زمان وكان بجيبوهن ليهو من مدني وأنا خليتو قال الليلة ماشي يفتش في بحري لأنو سكينة قالت حسين شافن قبل كدا في أجزخانة مارس |
يعني بس باقي عمر الجزلي يجي في برنامجو القاتل داك و يقول ( حبوب في حياتنا )
Quote: أها تررن تررن تررن تررن
الجانب الآخر : الو
سلام عليكم
على الجانب الآخر مرة كبيييييييييييرة وشخطت ليك فيني
معتز؟؟؟؟ الليلة أصبر لي ياود العفنة |
معتز دة إسمك الحركي ؟؟؟
| |
|
|
|
|
|
|
|
|
|
Re: والله ناس السودان ديل (Re: ابو جهينة)
|
| Quote: يعني بس باقي عمر الجزلي يجي في برنامجو القاتل داك و يقول ( حبوب في حياتنا ) |
هههههههههههههههههههههههههههههههه
وتطلع أغنية تقول
فتشت ليك كل الحبوب الما إتلقت
شكرن شكرن يا شقيقي
| |
|
|
|
|
|
|
|
|
|
Re: والله ناس السودان ديل (Re: ملكة سبأ)
|
الملكة الكامل جمالك
سلامي الكتير ليك ولناس البيت
| Quote: غايتو ناس مناقزة ديل !! |
هوي بكلم عليك أبوك
الرسول فوقك ما سألك مني تاني
إن شاء الله يكون بقى كويس
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
يا بدر السمح تعرف اتذكرت بى كلامك دا ( بطاريات اب جغمبيزة) محطة التلفزيون الاهلية لمن الناس كانت حلوة ولذيذة وكنت بتغنى احرمونى ولا تحرمونى ، يا بدر مشتاقة لتلك الايام
نوع الكتابة دى بذكرنى ناس مصطفى احمد الخليفة وجعفر سعيد وجمال حسن سعيد ، لك حبى يا سمح
| |
|
|
|
|
|
|
|
|
|
Re: والله ناس السودان ديل (Re: سلمى الشيخ سلامة)
|
سلمى بت الشيخ الظريفة
فرحت بيك يا أستاذتي هنا
قاعد أقرأ ليك وتابعت حروفك ولقيتك كتَّابة كِتب
كتابة واليابا
Quote: يا بدر السمح تعرف اتذكرت بى كلامك دا ( بطاريات اب جغمبيزة) محطة التلفزيون الاهلية لمن الناس كانت حلوة ولذيذة وكنت بتغنى احرمونى ولا تحرمونى ، يا بدر مشتاقة لتلك الايام
نوع الكتابة دى بذكرنى ناس مصطفى احمد الخليفة وجعفر سعيد وجمال حسن سعيد ، لك حبى يا سمح |
سلمى ياخ ما تبكيني
تحياتي ليك ولي عزووووووووووزة
| |
|
|
|
|
|
|
|
|
 Re: والله ناس السودان ديل (Re: بدرالدين شنا)
|
Quote: أها قلت أشتري رصيد وأضرب عديل
|
رصيد عديل كدا
والله ما قصرت يا بدر الدين
Quote: معتز؟؟؟؟ الليلة أصبر لي ياود العفنة
|
الظاهر معتز دا عامل ليهو عملة كبيرة
يكون طوّل ما اشترى رصيد
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
Quote: هوي بكلم عليك أبوك
الرسول فوقك ما سألك مني تاني
إن شاء الله يكون بقى كويس |
أجي آ بدر الدين ؟
غايتو سويتّا ظاااهرة
ومن الوكت داك يعاينولك
نحمد الله بخييير ويسلم عليك كتيييير
| |
|
|
|
|
|
|
|
|
|
Re: والله ناس السودان ديل (Re: ملكة سبأ)
|
Quote: تقول للواحد منهم ياخي في حبوب أنا كنت بستعملها وكملت عايزك ترسلها لي في سرية تامة من غير ما حد يعرف وذلك لسريَّة الغرض و (المرض) يقول ليك ولا يهمك
تقوم تضرب تلفون السودان لي زول بعيد كل البعد فيقول ليك والله إسماعيل مجتهد ليك في موضوع البتاعات (خلاص الود كتوم) لكن عبدالغفار وصَّف ليهو البديل قالوا عبدالرزاق (الله يرحمه) كان بستخدم زيهن زمان وكان بجيبوهن ليهو من مدني وأنا خليتو قال الليلة ماشي يفتش في بحري لأنو سكينة قالت حسين شافن قبل كدا في أجزخانة مارس |
يا بدر أنتا البتاعات ديل إسمهن شنو؟ .. أقصد القالت
سكينة حسين شافن في اجزخانة مارس .. مش بستعملوهن
لوجع الكرعين بتاع الرقبة؟
| |
|
|
|
|
|
|
|
|
|
Re: والله ناس السودان ديل (Re: Mohamed Abdelgaleel)
|
الرائع محمد عبدالجليل
سلام وإحترام
Quote: يا بدر أنتا البتاعات ديل إسمهن شنو؟ .. أقصد القالت
سكينة حسين شافن في اجزخانة مارس .. مش بستعملوهن
لوجع الكرعين بتاع الرقبة؟ |
هن كان كرعين ورقبة نحن بنقول بتاعات؟؟؟
أحسن ليك ما تستدرجني أكتر من كدا
تحياتي ليك يا الغالي
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
العزيز اللذيذ بدرالدين| Quote: تقوم تضرب تلفون السودان لي زول بعيد كل البعد فيقول ليك والله إسماعيل مجتهد ليك في موضوع البتاعات (خلاص الود كتوم) |
و إنت تتبكم و ما تعرف تقول شنو !!
أمبارح جاتنى رساله موبايليه : خلاص العروس حا توصلك يوم ............. ،
وأسى باقى لوصولها ساعات ... ياربى أمشى المطار ؟؟
مع إنى عرست من زمااااان ، و ما ناوى أعرس تانى .
| |
|
|
|
|
|
|
|
|
|
Re: والله ناس السودان ديل (Re: مصدق مصطفى حسين)
|
مصدق يا مصطفى
بيك سعادتي مؤكدة
Quote: أمبارح جاتنى رساله موبايليه : خلاص العروس حا توصلك يوم ............. ،
وأسى باقى لوصولها ساعات ... ياربى أمشى المطار ؟؟
مع إنى عرست من زمااااان ، و ما ناوى أعرس تانى . |
هسع دا ما كاركاتير جاهز يا مصدق
عندنا حبوبتنا كان سمعت كلامك دا تقول ليك
هوي يا الممسوخ والله إتلقي سويتها في قعدتك دي
لأنها مامكن تصدق حاجة زي دي (موبايل وعروس في مطار)
أكرر فرحتي بالطلة
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
| Quote: تقول للواحد منهم ياخي في حبوب أنا كنت بستعملها وكملت عايزك ترسلها لي |
غايتو ناس السودان ديل...
وهى حبوب شنو البرسلوها ليك من السودان وانت قاعد فى السعودية...قضيم ولا لالوب ؟؟؟
| |
|
|
|
|
|
|
|
|
|
Re: والله ناس السودان ديل (Re: سمية الحسن طلحة)
|
الغالية جداً سمية بت الحسن قريبتنا
سمية بت الحسن ست الخلوة
Quote: سلام بدر الدين ومسقط والخليج كلو
نحنا طلعنا قرايب
جدنا مولود فى قرية كتفية الحلاويين
وأنا أقول أولادى جايبين اللذاذة دى من وين !؟
لك منا ألذ التحايا. |
دقيقة دقيقة دقيقة أول حاجة خليني أتشرف بهذه القرابة
أما اللذاذة بنشربها بعدين
يعني أولادك إنتي لو ما كانوا لذيذين معناها في حاجة خطأ
أشكرك على الحروف الندية يا بتنا ويا فخرنا في مسقط والحلاوين
تحياتي
| |
|
|
|
|
|
|
|
|
|
Re: والله ناس السودان ديل (Re: Salwa Seyam)
|
العزيزة سلوى صيام سلام
مشكورة على الطلة وتزيين البوست بحرف كان يحتاجه بشدة
| Quote: وهى حبوب شنو البرسلوها ليك من السودان وانت قاعد فى السعودية...قضيم ولا لالوب ؟؟؟ |
هههههههههههههههههه
بلاااااااااااااااي عايزاني أوريك
والله ناس سلوى صيام ديل
لذيذين خلاص
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
بداري
امس جاني اتصال بدون رقم
الصوت قلت يمكن واحد من الولاة الجدد في الحكومات المتعاقبة
وكل مرة يزيد في السلام وأشيل وأرد عليه
وقمت قلت ليه معاي منو
معاك محمد السر
السر منو؟
السر الحسن
ألسر الحسن؟ السر الحسن؟ ما عرفت الناس ديل؟
محمد ود سعاد
ود سعاد أختى؟ ما تقول لي ود سعيد ؟
ومتين كبرت كده يازول.. يخرب عقل التلفونا .. أفتكرتك أحمد السيد حمد
| |
|
|
|
|
|
|
|
|
|
Re: والله ناس السودان ديل (Re: المسافر)
|
أبو النسب
طبعاقصة تضرب تلفون بالغلط وارد لكن لمن تغلط وتضرب تلفون داخلي وتكون منتظر مثلا ياسر الطويل عشان إرد عليك إقوم إجيك ياسر كمال في السودان دي ( حارة شديد ) أو.... أحمد بلولة ..... شنو ليك ؟؟؟؟
لكن ضحكني الأخ مصدق حسن :
Quote: أمبارح جاتنى رساله موبايليه : خلاص العروس حا توصلك يوم ............. ،
|
مرة حصلت عكس قصتو مع واحد صاحبنا جابو ليهو عروسو هو ما كان عارف اليوم داك !!!!ط
مع خالص دعواتي بوصول الحبوب في زمنهاالمحدد
كل الود
| |
|
|
|
|
|
|
|
|
|
Re: والله ناس السودان ديل (Re: المسافر)
|
أبو النسب
طبعاقصة تضرب تلفون بالغلط وارد لكن لمن تغلط وتضرب تلفون داخلي وتكون منتظر مثلا ياسر الطويل عشان إرد عليك إقوم إجيك ياسر كمال في السودان دي ( حارة شديد ) أو.... أحمد بلولة ..... شنو ليك ؟؟؟؟
لكن ضحكني الأخ مصدق حسن :
Quote: أمبارح جاتنى رساله موبايليه : خلاص العروس حا توصلك يوم ............. ،
|
مرة حصلت عكس قصتو مع واحد صاحبنا جابو ليهو عروسو هو ما كان عارف اليوم داك !!!!ط
مع خالص دعواتي بوصول الحبوب في زمنهاالمحدد
كل الود
| |
|
|
|
|
|
|
|
|
|
Re: والله ناس السودان ديل (Re: KalamSakit)
|
الحبيب كلام ساكت
ياخي إسمك دا يحير إنت عارف أنا لمن شفتوللوهلة الأولى قريتو (كمال سويكت) ومن هنا أحي الإعلامي كمال سويكت
| Quote: طبعاقصة تضرب تلفون بالغلط وارد لكن لمن تغلط وتضرب تلفون داخلي وتكون منتظر مثلا ياسر الطويل عشان إرد عليك إقوم إجيك ياسر كمال في السودان دي ( حارة شديد ) أو.... أحمد بلولة ..... شنو ليك ؟؟؟؟ |
والله لمن أذكرها أضحك براي
ياخي السودانيين ديل لذيذين خلاص
تحياتي ليك يا أبو النسب
| |
|
|
|
|
|
|
|
|
|
Re: والله ناس السودان ديل (Re: المسافر)
|
صديقي المسافر
حبي ليك ماليهو آخر
Quote: محمد ود سعاد
ود سعاد أختى؟ ما تقول لي ود سعيد ؟
ومتين كبرت كده يازول.. يخرب عقل التلفونا .. أفتكرتك أحمد السيد حمد |
حلوة أحمد السيد حمد دي هههههههه
محمد ود سعاد دا في امريكا؟؟؟
لأنو أنا لاحظت التلفونات البتجي من أمريكا خالية من الرقم
تحياتي للصغير الكِبر محمد وليك وللأهل
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
بدر الدين الما شين
صباحك خير
مرة موبايلي رن ، رديت على التلفون جاني صوت واحدة ( اسمعي بالله ده تلفون خالي ؟؟)!!!
قلت ليه لا والله .. اها طيب ده تلفون منو ؟؟؟؟
دي عينة ناس لذيذين لذاذة
| |
|
|
|
|
|
|
|
|
|
Re: والله ناس السودان ديل (Re: maia)
|
الرائعة ميَّا سلام
Quote: مرة موبايلي رن ، رديت على التلفون جاني صوت واحدة ( اسمعي بالله ده تلفون خالي ؟؟)!!!
قلت ليه لا والله .. اها طيب ده تلفون منو ؟؟؟؟ |
هههههههههههههههههه
تردي ليها تاني تقولي ليها دا تلفون أي زول ما خالك
تحياتي للأسرة
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
اجى يابدر الدين
الحاجات دى بتحصل فى بلد البترول,,,
عمى عندو بنت دكتورة كبيرة والتانية سستر والولد طلع لستر انصل على عشان ارسل ليه حبوب لوالده من صدلية السقاف باقى ليك حبوب البروستاتا قالو معدومة هناك,,,اشتريت ليه
كمية تقدر بتمن خروف سماية,,,لما استلمها عمل لى مس كوووول نصف الليل اتصلت عليه,,فى ظنى ان ابوه اتلحس,,قام رد على وقال لى ههههها ما عندى رصيد,,, شكرا ليك ياحمد انا ما كنت قابل الحبوب دى غالية قدر كدا,,,,قلت ليه انا ما بلومك لكن بلوم البلوم الما بعرف اللوم فائدة قرايتهم شنو,,ازا ما بعرفو يباصرو علاج لرب الاسرة الزى سهر الليالى فى تربيتم وتعليمهم,,,
ممكن اشارك بواحدة تانية,,,,,
اختى فى الجامعة عاوزة مصاريف ,,قلت لاخوى الصعير ادفع ليها 500 الف من العشرة مليون المعاك,,,قال لى انت ياحمد جنيت اسى قريب انا ولا انت,,مركز التلى منى جنبك قى البطحاء
ترسل ليها بالخدمة السريعة,,,مسافة هى تجى من الداخلية تلقى المصارى وصلت بنك المحطة الوسطى,,وبعدين مركز القرعاوى قالو فيه بناطلين جنز مخفضة 70% مقاسى ياهو القديم بس سمنت حبتين,,,شوف لى بنطلونين اسود وازرق,,وانا كلمت معتصم ود خالتى حاجز بعد بكرة,,ما تنسى عليك الله,,,اعلم الله يا ابو ربا... معتصم دا اخر مرة شفتو لما جبت الاولاد,,اسى انا بفتش للبت
فى اسم,,,,
ممكن اشارك بواحدة,,,,نسيبى ساكن فى ضواحى الخرطوم على الشارع توجد عمارة للبيع اتصل على وهو راكب امجاد,,,قال لى يابوحميد فلا على الشارع بنيت خصيصا لك ,,لو عندك بلوتوث سوف ارسلها ليك م فلا معروضة ب 300 مليون فقط تصور الفلا الجنبها اشتروها ب 550 الف بس اسى المبانى نزلت والاراضى ايضا,,,عشان هنالك نهضة ريفية,,,قلت ليه انا جائى نهائى وعاوز اشتغل فى سوق ابقوتة مواشى وعيش ,,ودجاج,,عشان كدا مشروك دذا ما بنجح معاى,,,,
بدر الدين هلو هلو هلو هلو بدرالدين
الزول التقول ما مغترب رصيدو كمل,,,خلينى اعمل ليه مس كووووول تانى
| |
|
|
|
|
|
|
|
|
|
Re: والله ناس السودان ديل (Re: abuguta)
|
Quote: انصل على عشان ارسل ليه حبوب لوالده من صدلية السقاف باقى ليك حبوب البروستاتا قالو معدومة هناك,,,اشتريت ليه
كمية تقدر بتمن خروف سماية |
يا أحمد ياخوي ما تلحقني معاك إن شاء الله بثمن جدادة
| Quote: ممكن اشارك بواحدة,,,,نسيبى ساكن فى ضواحى الخرطوم على الشارع توجد عمارة للبيع اتصل على وهو راكب امجاد,,,قال لى يابوحميد فلا على الشارع بنيت خصيصا لك ,,لو عندك بلوتوث سوف ارسلها ليك م فلا معروضة ب 300 مليون فقط تصور الفلا الجنبها اشتروها ب 550 الف بس اسى المبانى نزلت والاراضى ايضا,,,عشان هنالك نهضة ريفية,,,قلت ليه انا جائى نهائى وعاوز اشتغل فى سوق ابقوتة مواشى وعيش ,,ودجاج,,عشان كدا مشروك دذا ما بنجح معاى,,,, |
والله يا ابقوتة إنت زول لذيذ
| Quote: بدر الدين هلو هلو هلو هلو بدرالدين |
آي معاك معاك واصل الإبداع يا ابوقوتة
أشكرك أخي على كل الجمال الذي جملت به البوست
| |
|
|
|
|
|
|
|
|
|
Re: والله ناس السودان ديل (Re: KalamSakit)
|
بدر الدين حلا ومرحبا
انت ماسمعت باغنية الراحل المقيم مصطفي سيداحمد
والله نحن مع الحبوب الماتلقت
نسال ان ان يلمك في حبوبكم وحبوبكم عشرة وكان حبوبكم عسل ماتلحسوا
| |
|
|
|
|
|
|
|
|
|
Re: والله ناس السودان ديل (Re: Mutwali Malik)
|
بدرالدين ازيك ,
تانى جيت لبوستك اللذيذ ده
امس اختى حكت لى موقف من المواقف الصعبة عينةالفى لحظتها تتأثر و ماتعرف تتصرف لكن بعد ما يعدى بكون مصدر ضحك شديد قلت ليها القصة تستاهل بوست بدرالدين حلا .
يا سيدى فى فراش بيت بكا لجماعة نسابتنا فى شافعة صغيرونة شقية شديدة امها كانت مافى غفلت حبوبتها مرقت الشارع و لبدت تحت عربية سيد العربية ما شايفها دور فى امان ربه ,الشافعة ربنا كريم كاتب عمر كانت بين اللساتك المهم الجماعة الفى الصيوان اتخلعوا و جوا جاريين عليها الناس الجوة سمعواو فيهم واحدة انصار سنة (منقبة ) قايلها بتها راحت جارية على باب الشارع من غير نقاب و لما وصلت جاها احساس ضلفة واحدة ما بتمرقها فتحتهم الاتنين و جرت برة .
اها و جماعتك الفى الصيوان واحد فيهم قايلها بته لفحها ولماوصل الحوداث خت البت فى التربيزة للدكتور و قال لى بخلعة (دى بت منو ؟)
فى الذ من كدة !
| |
|
|
|
|
|
|
|
|
|
Re: والله ناس السودان ديل (Re: Nadia Elsir)
|
| Quote: اها و جماعتك الفى الصيوان واحد فيهم قايلها بته لفحها ولماوصل الحوداث خت البت فى التربيزة للدكتور و قال لى بخلعة (دى بت منو ؟) |
ههههههههههههههههههههههههههههههههههههه الله يجازي محنك والله مافي الذ من كدا وذكرتني حاجة قريبة منها
يازولة قال واحد مكسَّر في زوجة صاحبو وبسبب أو بدون سبب كل يوم بجيهم في البيت ياخد ونستو مع صاحبو (عبدالله) ومن هنا لي هنا عينو تلاقط
أها يوم جاء دق الباب جاتو الزولة ذااااتها
إتلخبط وإتجهجه وسألها عبدالله في؟؟؟
قالت ليهو والله مافي
زولك إتلعثم وإتبشتن وقال ليها .. أها لمن إجي أقول ليهو منو؟؟؟
تحياتي ليك يا نادية
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
بدو تانى جيت و بمناسبة الكسير دى
| Quote: يازولة قال واحد مكسَّر في زوجة صاحبو |
عارف قريبنا فى مدنى كان شغال سواق تكسى و زمان ايام العرسان بمشو شهر العسل مدنى قال صادف ليهو عرسان و بحلف العروس سمحة شديد و عمرو ما شاف فى حياتو زى سماحتها المهم هو اخر كبكبة يا الله ساعد العريس و ختوا الشنط فى ضهرية العربيةو طوالى قريبى ما كضب ركب وراء مع العروس و لحسن حظو العريس طلع ظريف و روحو رياضية تاوق ليهو كدة و قال ليهو و الله لو كنت بعرف اسوق كنت سقتكم !
| |
|
|
|
|
|
|
|
|
|
Re: والله ناس السودان ديل (Re: Nadia Elsir)
|
| Quote: العربيةو طوالى قريبى ما كضب ركب وراء مع العروس و لحسن حظو العريس طلع ظريف و روحو رياضية تاوق ليهو كدة و قال ليهو و الله لو كنت بعرف اسوق كنت سقتكم ! |
إنتي عارفة أنا زمان لمن كنت برئ وأسمع ليك مشوا شهر العسل مشوا شهر العسل
كنت قايل شهر العسل دا منطقة سياحية في السودان
وكنت بستغرب كيف يقولوا شهر العسل ويقولوا مدني
أها لمن كبرت وبقيت ما برئ ومشيت شهر العسل عرفت كل حاجة
أما قريبك مباااااااااااااااااالغة
| |
|
|
|
|
|
|
|
|
|
Re: والله ناس السودان ديل (Re: Mutwali Malik)
|
الظريف متولي مالك
سلام حدو العضم
| Quote: نسال ان ان يلمك في حبوبكم وحبوبكم عشرة وكان حبوبكم عسل ماتلحسوا |
شكراً ياخي على وقفتكم معي في هذه الحبوب الصعبة
وعند الحبوب بتول تعود من المدرسة
تحياتي
| |
|
|
|
|
|
|
|
|
|
Re: والله ناس السودان ديل (Re: Tabaldina)
|
تبلدينا يا أخوي وحبيبي
سلام منقطع النظير
Quote: شنو ياخى نقول ليك نحنا راجينك جنب قيف البحر
تقول انا فى الحلة ..!!؟
شوف جنس الشنا دى !! |
والله مش في الحلة وبس كمان كنت عيان لحظة إتصل بي ناجي الملك كان إلتهاب رهيب
لكن بيني وبينك أنا ما محظوظ المرض حرمني من شوفتكم
إنت قايل أنا شناتي دي شنو؟؟؟
عين بس
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
بدر الدين ود أهلى وحبانو
طيبين هوى ناس ورا
قت اطايب و خشم خشمين فوق الزايلة الما بتتلحق.
زمأااانك .... سوداتل كانت جديدة لنج , ويوماتى حافرين
كيبل ودافنين سرهم. تولع سخانة الهجير تسيح سلوك الكلام
ويجيك الكلام من غير سلوك ولا أخلاق حتى. ترفع السماعة تجى
تسلم على واحد يقوم التلفون يحول الخط ومعاه طوالى يتحول
الاحساس ,السلام عليكم تتحول لى انعل ابوك.
عن نفسى مرة زهجان وتلفون البيت فى كل عشرة مكالمات
بيجيب لى واحدة فى محلها, رن التلفون وتوش الراجل دخل
وينك يا محمدين قاطع الخبر ؟
لم أفكر أبدا فى تصحيحه بالجملة المعهودة (النمرة غلط)
رديت : والله بنداقش فى الدنيا
استمر الحوار ولا أعتقد أن صوتى أو نبرتى تطابقت مع محمدين لهذا
الحد.
عموما انتهت الاسئلة عن شخص لا أعرفه
وبدون تردد أو تفكير حتى أنهى المسرحية قلت له الله يرحمه!!!
يااااه متين الكلام ده؟
البارح .
الفاتحة....
قرأت الفاتحة معه وأغلق الخط ولا أدرى كيف انتهى السيناريو معه
بعد هذا الخبر.
حقيقة بعدها شعرت بندم وزاد ندمى أنى لم اكن أعرف له تلفون ولا عنوان
لتصحيح ما قلته لكنى عزيت نفسى بأنه سيفرح إذا التقى ذلك الذى سأل عنه
وسيحكى له ما جرى ثم يضحكان بعد الدعاء له بعمر طويل.
تحياتى
عاصم الطيب
ب
| |
|
|
|
|
|
|
|
|
|
Re: والله ناس السودان ديل (Re: عاصم الطيب قرشى)
|
عاصم حبابو هنا
فرحت بيك وبي ونستك الجاية من أستراليا
بالمناسبة الشركة البشتغل فيها في الخليج أسترالية
يعني أنا وإنت أخوان في الأسترا
ومن الأسترا وحلاَّ
متين يا عاصم نتلاقى؟؟؟
وإلى متي ونحن نسافر بالأوراق الثبوتية؟؟؟
إشتياقي لك أيها الصوفي المبدع
| |
|
|
|
|
|
|
|
|
|
Re: والله ناس السودان ديل (Re: بدرالدين شنا)
|
يا البدري كيفنك
والله اكان شفت انا وزولك ود الضو الرحمابي السوداني ده شحدنا عدييييييييييل كل مرة نتصل يقولو ليك انت منو تقول ليهو ده مش تلفون فلان ولدى يقول ليك امشى كده تلد جنى كلاب .
| |
|
|
|
|
|
|
|
|
|
Re: والله ناس السودان ديل (Re: حبيب نورة)
|
البدر ..
حبوبي البوديه .. تقول لابتمشي لاحاجة...
وديت ليو .. حبوب .. مرسال ...
والمرسال .. مشى وماجا ...
في واحد إتصل على أهله في السودان نص الليل .. لكين يظهر الخطوط كانت فايته الخط الأحمر .. فرده عليه واحد .. يسبح في سموات كرستال البلح .. فقال ليه ألووووووو... منووووو معاييييي....
رده صاحبنا المتصل من السعودية .. السلام عليكم ...
بتاع البلح قال ليهووو ... وعليكم ... هيق ... السلام ....
بتاع السعودية .. قال ليه .. إنته من أهل البيت .....
بتاع البلح : قالــو ليهووو .. لا ... من كفار قريش ...
تحياتي ..
بكل الوان الحبوب
الزرقــه الخطيرة
والحمرة بالأصفر المريخابية ..
والبيضه بالأزرق .. الهلالبية ...
... والبيضاء .. ساكت ... عندها عما ألوان ( سلفة )
والحبوب الزيتية ..
وحب الشباب .. وحب القمح .. وحب الذرة ..
وقال ليك واحد حبة .. نقدته قمرية .
خالد الأرباب
| |
|
|
|
|
|
|
|
|
|
Re: والله ناس السودان ديل (Re: Khalid Saeed)
|
لا لا لا لا لا لا لا لا لا خالد الأرباب صاحبي؟؟؟
مشتاقيييييييييييييين ياخ
Quote: بتاع السعودية .. قال ليه .. إنته من أهل البيت .....
بتاع البلح : قالــو ليهووو .. لا ... من كفار قريش ... |
ههههههههههههههههههههههههههههه
| |
|
|
|
|
|
|
|
|
|
Re: والله ناس السودان ديل (Re: حبيب نورة)
|
حبيب نورة يا حبيب نورة
حبيب نورة للرجال شورة
وينك إنت الطال غيابك وين هترشاتك الحلوة وقصصك الممتعة
شكررررررررررررررررن ليك على الطلة البهية آآآآآآآآآآآآآيَّا
تحياتي
| |
|
|
|
|
|
|
|
|
|
Re: والله ناس السودان ديل (Re: الطيب شيقوق)
|
الطيب الشيقوق
ليك السلام والشوق
يا الراجل المبروك
| Quote: نتصل يقولو ليك انت منو تقول ليهو ده مش تلفون فلان ولدى يقول ليك امشى كده تلد جنى كلاب . |
والله ناس السودان ديل .... خلاص
تحياتي
| |
|
|
|
|
|
|
| |
بدرالدين شنا
عاصم ابوبكر حامد
غادة عبدالعزيز خالد
ملكة سبأ
ابو جهينة
Ahmed al Qurashi
سلمى الشيخ سلامة
انعام عبد الحفيظ
Mohamed Abdelgaleel
المسافر
abuguta
Mutwali Malik
الطيب شيقوق
حبيب نورة
Khalid Saeed
فيس بوك
تويتر
انستقرام
يوتيوب
بنتيريست