كتب الكاتب الفاتح جبرا المتوفرة بمعرض الدوحة
|
كان ولد بكري وكان بت مني (خوجلي) او غادة ( عبد العزيز) رايكم شنو!!!
|
الليلة انشاء الله منتظرين المولود التاني .... وطبعا اخوكم محتار في الاسم
...قلت كان طلع ولد اسميهو بكري (صاحب الحوش) عشان اول شئ نضمن ليهو العضوية
وبدل ما ندخل في تحانيس ونفتح بوست وكدا قلنا نسميهو على اسم صاحب الحوش
... يا بكري عليك الله بعدين ما (تنط) وانا عافيك من الخروف بس اضمن لينا العضوية من اسع...( سمح)
... المشكلة كان طلعت بت اسميها مني ولا غادة ..... ومن غير ما اقول ليكم عشان وعشان وعشان
يكفي حب واحترام الناس ليهم .......
دعواتكم معانا
لكم محبتي
|
|
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: ناصر جبريل)
|
Quote: شكرا يا ناصر.. يسعدني أنك علي ابواب استقبال المولود الثاني..ربنا يوصله بالسلامه ويسعدكم بيه.. وأسعدني أكثر انك تحمل لنا كل هذا الحب والأحترام.. وأخفف عنك مشقة الأختيار وأساعدك.. سمه بكري ان كان ولدزز وناديه عصوم لمعتصم.. أما ان جاءت بنت.. فسمها علي حبيبتي جميله الملامح والروح غاده.. وباذن الله تطلع زيها و أحلي..
مودتي واعزازي |
عشان كلامك الجميل دا انا محتار
لك كل الود والاحترام
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: ناصر جبريل)
|
العزيز : ناصر رفيق الدرب،،
الأسماء كلها جميلة وتتضمن معاني حلوه،،،
بس الواحد بيشوف حالة هاشم دي بتحل الجكس ولكن المشكلة في الأولاد
كان طارق وبكري ومعتصم وهاشم ولسه في الدرب الكثير جاي وراء نحن
لمايكون في صعوبة أختيار يابنعبد ولا بنحمد والسلام في الحالتين للمدام
وربنا يسهل كل صعب والولاده دي بالنسبة لأم موت عشان كده بحمدوا ليها سلامة
العودة للحياة من جديد شوف الأم دي غالية كيفن مع كل ولاده ربنا يسلمن لينا
وهن سبب كل السعادة النحن بنعيشه وبنقول مبرووووك مقدمأ ياصديق ولوطلعت جكسوية
حلوة ذيك كده ياناصر المان بتاعي ده دايره وما داييرين أي خرخره ياطارق ما تقول
أولاد عمه أولي وكده أقيف في الصف وهي بتختار بالأقدمية في الطلبات وأنا أقدم واحد
عارف أنو ناصر راجي مولود وده موثق لي في بوست الأمتداد من شهور قبل ما آخذ الباص
بتاعي في سودانيزأونلاين وياصديقي تشرف كل أسم مولودتك الأمورة أن كانت بنت وأن ولد
هو ليك سند أية رايك في الأسم بالمعني ده بس بكري مايذعل ولا طارق ولا معتصم ولا هاشم
كلهم أحباب وخيار من خيار ولك حبي ناصر ،،رفيق الدرب ،،أبوقصي،،
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: ناصر جبريل)
|
تحياتي يا ناصر صادق أمنياتي أن تضع السيدة حرمكم مولودها بالسلامة وتبلغ ومولودها تمام الصحة والعافية.
لكين يا أخوي بقول ليك
اسم بكري ما عندنا فيهو قول تب . ( أهو نحن قاعدين وفارشين في حوشو ) لكين ناس منى وغادة ديل سيبك منهم ( مع غزير محبتي لهن ) أحسن تشوف ليك إسم بوردابية مغتربة في الخليج وليك على الدهب عيار 24 يجيك يتطاقش هدية للمولودة ولأمها وخرفان السماية تجيك بالـ E- MAIL
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: عاطف عمر)
|
الأخ العزيز ناصر
ربنا يفرحكم و تقوم الأم و الأبن (الإبنة) بالسلامة بإذن الله الأولاد بكرى و عندى هاشم و شهاب... لكن شايفاك إسم هاشم زى الطلعتو..
لو بت و سميتها منى, على منى خوجلى الرقيقة فالخروف و السماية علىّ انا.. اها, و كمان الفنان.. رأيك شنو؟
و لو سميتها غادة.. فمع الخرفان حنجيب الشيلة و نخطبها رسمى لشهاب الصغير عشان أكون نسيبتكم انت و طارق
تخريمة
اليومين ديل عندى قراية و تحضير لجلوس إمتحانات و عاوزة لى نسابه اشاكلم
كل الود غادة
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: غادة عبدالعزيز خالد)
|
غــادة
إشتياقي ومودتي ، ،،،،،
Quote: مقلقنا معاك من الصباح |
ما ياها عادته يا غادة الراجل ده منجضني نجاض من زماااااان ، بس خليها على ربك اصله ما تقولي ليهو حاجة كده يجيك بأخوي واخوك لازم يعذبك فيها بعدين يديك الزبدة ( ده كان أداك ليها ) . يعني كده زي واحدة أختنا نجضتني ليك نجاض في بوست على ما أعتقد أسمه ( فصول مسرحية لم تكتمل ) كل يوم قاعد عامل مداخلات ومتابع ومخلي القراية والكتابة والتمارين وجاي قاعد أشاهد في المسلسل ( طبعاً كان أسمه مسلسل غادة والحفلة ) وفي النهاية خلتني ليك عائم لا عارف إتخارج ولا عارف أواصل . غايتو ياناصر يا دوبي عرفت إنت جبت القتتاته دي من وين .
ولا حاجة يا غادة ( أم رغد ) بخير ورجعت البيت والولادة لسه كمان يوم يومين كده . بس دعواتك في منتصف الليل وعند صلاة الفجر لها تتحلى بالسلامة وتجيب ولد المره دي .
Quote: إن شاء الله الأم و المولود أو المولودة بكل خير |
.
كل خير إن شاء الله .
مودتي ، ، ،
عماد
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: ناصر جبريل)
|
ود الخالة تحيات ،،
بكري ماعندنا عليه إعتراض : عشان بكري أحمد وعشان خاطر بكري أبو بكر وعشان لما يكبر يسمي عبد اللطيف،، (شفت كيف بعد النظر)
-- غادة أو منى : أرجوك ولا واحدة : السبب : حتى لا لا نعرف أي منهما أقرب إلى القلب ،، منى : بت الجيران رائعة وأخت الجميع ،، غادة : ياسلام حاولت أهديها تقديري الكبير في أكثر من مناسبة لكنها سحابة صيف،، == محمد أخوي جاتو بنت سماها (رندا) الوالدة لسة مصرة تناديها برندا ،، == ربنا يحل المدام بالسلامة ،، ((ملحوظة : لا أستبعد معتصم : إسم راقي لأرقى زول في حينا))
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: ناصر جبريل)
|
الاحبة سلامات...
اخوكم من امبارح مساهر في المستشفي ومعاي رغد ... وفي لحظات الانتظار المملة
اتخيلت رغد شايلة الختم بتاع المقاطعة وكل ما ام رغد تقول ( اي وووووووووووب علي) تقوم رغد ( طاخ) بختم المقاطعة تديها ليك في ( كرشها)
يعني يا بكري عديل كدا رغد دي ما تديها اي عضوية ح جوط ليك البورد ( ساي)
معليش يا الحبان شغلتكم معاي لكن نعمل شنو الولد ولا البت دي ( مكنكش) ما عايز يطلع ... وانا الليل كله قاعد ( احنس) فيهو...
Quote: البحل أمو كلو سمح ربنا يحلها بالسلامة
عليك الله مع (منى خوجلي وغادة عبدالعزيز) خت لي إنعام عبدالحفيظ |
العزيز بدر الدين....
إنعام عبد الحفيظ... لا تقل روعة عنهم يا سيدي..
Quote: حياتي يا ناصر صادق أمنياتي أن تضع السيدة حرمكم مولودها بالسلامة وتبلغ ومولودها تمام الصحة والعافية.
لكين يا أخوي بقول ليك
اسم بكري ما عندنا فيهو قول تب . ( أهو نحن قاعدين وفارشين في حوشو ) لكين ناس منى وغادة ديل سيبك منهم ( مع غزير محبتي لهن ) أحسن تشوف ليك إسم بوردابية مغتربة في الخليج وليك على الدهب عيار 24 يجيك يتطاقش هدية للمولودة ولأمها وخرفان السماية تجيك بالـ E- MAIL |
الحبيب عاطف
يا زول اسم بكري دا ح يضمن لينا حاجات كتيرة جدا
مني وغادة ربنا يقدرنا نرد ليهم الفرح المنشور على البورد
.... الخليج ... اتخيل انا جاي من المغرب للخليج الله يدينا الصبر
لك احترامي
Quote: الأخ العزيز ناصر
ربنا يفرحكم و تقوم الأم و الأبن (الإبنة) بالسلامة بإذن الله الأولاد بكرى و عندى هاشم و شهاب... لكن شايفاك إسم هاشم زى الطلعتو..
لو بت و سميتها منى, على منى خوجلى الرقيقة فالخروف و السماية علىّ انا.. اها, و كمان الفنان.. رأيك شنو؟
و لو سميتها غادة.. فمع الخرفان حنجيب الشيلة و نخطبها رسمى لشهاب الصغير عشان أكون نسيبتكم انت و طارق
تخريمة
اليومين ديل عندى قراية و تحضير لجلوس إمتحانات و عاوزة لى نسابه اشاكلم
كل الود غادة |
.... يعني الواحد اسع يعمل شنو
مني .... غادة .... ( ح اجن)
العروس عندي رغد رغم انها ( شايلة ختم المقاطعة)
.... يعني نسايب من الجهتين ( طارق) و ( ناصر) Double check
ربنا يخليك يا ستي
Quote: سميها ( ميـادة ) ( الميم والياء ) من ( منــى ) و ( الألف والدال والتاء المربوطة ) من غادة أها ويش رايك مش حليتها ليك .
أها طمئنا المدام إتحلت ولا لسه ، ربنا يحلها بالسلامة ودعواتي متواصلة لها وللقادم ولك تتحلى بالسلامة كمان ( بقولوا المرأة ما بتلد بيولد الراجل ) .
[Profile] [Edit] [اضف رد] |
الحبيب عماد
اولا اشكرك على اتصالك المتواصل يا راجل يا جميل...
لو بت المشلكة اتحلت .. طيب بكري وعماد دي ح نحلها كيف يعني ح يطلع اسم كدا
ممكن يخليهو يزعل مني عديل كدا
Quote: العزيز : ناصر رفيق الدرب،،
الأسماء كلها جميلة وتتضمن معاني حلوه،،،
بس الواحد بيشوف حالة هاشم دي بتحل الجكس ولكن المشكلة في الأولاد
كان طارق وبكري ومعتصم وهاشم ولسه في الدرب الكثير جاي وراء نحن
لمايكون في صعوبة أختيار يابنعبد ولا بنحمد والسلام في الحالتين للمدام
وربنا يسهل كل صعب والولاده دي بالنسبة لأم موت عشان كده بحمدوا ليها سلامة
العودة للحياة من جديد شوف الأم دي غالية كيفن مع كل ولاده ربنا يسلمن لينا
وهن سبب كل السعادة النحن بنعيشه وبنقول مبرووووك مقدمأ ياصديق ولوطلعت جكسوية
حلوة ذيك كده ياناصر المان بتاعي ده دايره وما داييرين أي خرخره ياطارق ما تقول
أولاد عمه أولي وكده أقيف في الصف وهي بتختار بالأقدمية في الطلبات وأنا أقدم واحد
عارف أنو ناصر راجي مولود وده موثق لي في بوست الأمتداد من شهور قبل ما آخذ الباص
بتاعي في سودانيزأونلاين وياصديقي تشرف كل أسم مولودتك الأمورة أن كانت بنت وأن ولد
هو ليك سند أية رايك في الأسم بالمعني ده بس بكري مايذعل ولا طارق ولا معتصم ولا هاشم
كلهم أحباب وخيار من خيار ولك حبي ناصر ،،رفيق الدرب ،،أبوقصي،، |
رفيق الدرب مجدي
لو طلعت بت يا مجدي اخوي اتفاهم مع غادة
كون بخير يا صديقي
Quote: كان بت منى ليه ؟؟ ولا غادة ليه ؟؟ وكان ولد ليه بكري ؟؟ حاجة غريبة !!! |
الاستاذ محمد السني
عندي شقيقي الاكبر مني اسمه السني
( وكيتا كدي) مني او غادة او بكري
لك محبتي
Quote: ياناصر
سلام ..
اوعك ..تدقس و تسميهو زرياب ..يقوم يجيك زيو .. (حرم ) تشرب ماتروى ..و(يكتلك) غتاته ودغالة ..بالله دا جبتو من وين دا ؟؟!
دعواتنا للمدام ..بالسلامه ان شاء الله ..
ودى |
العزيز محمد
.. وحاتك ما ح ادقس!!!!!!
احتراماتي
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: ناصر جبريل)
|
ناصر
تحياتنا لي سلافة لغاية ماأتصل عليك بعدين او ربنا يحلها بالسلامة
الانصاري
Quote: اوعك ..تدقس و تسميهو زرياب ..يقوم يجيك زيو .. (حرم ) تشرب ماتروى ..و(يكتلك) غتاته ودغالة ..بالله دا جبتو من وين دا ؟؟! |
غتاتة شوايقه
النسيبة
Quote: و لو سميتها غادة.. فمع الخرفان حنجيب الشيلة و نخطبها رسمى لشهاب الصغير عشان أكون نسيبتكم انت و طارق |
مقـــدرة
Quote: اليومين ديل عندى قراية و تحضير لجلوس إمتحانات و عاوزة لى نسابه اشاكلم |
غايتو اللة يقدرنا علي نسيبتكم يا طارق او ناصر
| |
|
|
|
|
|
|
Re: كان ولد بكري وكان بت مني (خوجلي) او غادة ( عبد العزيز) رايكم شنو!!! (Re: ناصر جبريل)
|
ود الخالة
Quote: ود الخالة تحيات ،،
بكري ماعندنا عليه إعتراض : عشان بكري أحمد وعشان خاطر بكري أبو بكر وعشان لما يكبر يسمي عبد اللطيف،، (شفت كيف بعد النظر)
-- غادة أو منى : أرجوك ولا واحدة : السبب : حتى لا لا نعرف أي منهما أقرب إلى القلب ،، منى : بت الجيران رائعة وأخت الجميع ،، غادة : ياسلام حاولت أهديها تقديري الكبير في أكثر من مناسبة لكنها سحابة صيف،، == محمد أخوي جاتو بنت سماها (رندا) الوالدة لسة مصرة تناديها برندا ،، == ربنا يحل المدام بالسلامة ،، ((ملحوظة : لا أستبعد معتصم : إسم راقي لأرقى زول في حينا)) |
...والله اسع المشكلة بقت الفي الما داير يطلع دا...
معتصم شكله كدا المرشح الثالث بعد عماد وبكري
لك كل الود
Quote: اها يا زول نقول مبروك
مبروك الولد
اى مبروك بكرى ابوبكر |
تتصور لسع يا وليد
دعواتك معانا
Quote: ناصر
تحياتنا لي سلافة لغاية ماأتصل عليك بعدين او ربنا يحلها بالسلا |
زرياب ... مالك مجنن محمد عبد الرحمن
على فكرة خالتك سهام بتسأل منك!!!!!!!!!!!!!!
Quote: ناصر
اولاً اتمنى لأم رغد الوضوع بالسلامة
ولو جات بت بختك لو سميتها منى او غادة
ديل بنات حلوات الطبع وحلوات الملامح
وتحمد ربنا كتير لو شالت من طباعهن الجميلة |
يعني انا اسع اعمل شنو عليك الله...
خلاص نسميها مني غادة انعام
احتراماتي
| |
|
|
|
|
|
|
|