|
|
|
 Re: لـوري الـخـزيـن (مـحـمـد النصري) (Re: ادريس خليفة علم الهدي)
|
يا سلالام يا درش .. جبتها ؟؟
..
.
طيب كويس اعمل معها لنك الحفظ .. لوري الخزين دي حاجة ما تخلص .. حميد بالغ فيها غايتو وود النصري عذبه عذاب المدائح .. وعبد الكريم الكمندان برضو نجضه نجاض ..
كان ختيت الكورة واطه ممكن انزله فيديو ..
طبعا فتحتها .. وقفلتا طوالي خمسة دقايق وبرجع ليها بي نفس ..
شكرا يا السيد الوزير .. ده كلام نضيف جدا 
| |
 
|
|
|
|
|
|
|
 Re: لـوري الـخـزيـن (مـحـمـد النصري) (Re: ملكة سبأ)
|
Quote: بعد حلبت لبينة الشاي تكورك يالحسن
يا أم الحسن وينو الحسن
لمن صفت رغوة شخيبات اللبن
في حلتها المبنيي من طبق السكن
واقفي في حوش البهايم ولسع تكورك يالحسن
تلاوي في الحمل العنيد جاها حسا من بعيد
مارق من القاطوع ورا
قال ليها خير يالحاجي خير
قالتو خير تعالي جاي دايراك تعنونلي جواب يالراسي لولدي الخدير |
علم الهدى
قالو ليك ناقصين بكاء ..
جميييييييييييييييلة يا ادريس ،،
سلمت ،،،
| |
|
|
|
|
|
|
|
|
|
Re: لـوري الـخـزيـن (مـحـمـد النصري) (Re: حمزاوي)
|
Quote: الزمن ياولدي ماحقاهو السنين
البعيش في الدنيا مابعيش مرتين
العمير فاضيلي بس منو اليقين[/QUOTE]
حبيبنا معالي وزير الري
لك التحية على هذه اللوحة العميقة ..
التحية عبرك للمبدع حميــــد ...
وياريت معالي وزير الإعلام تمـــبس ينزل لينا الفيديو بتاع عبد الكريم جنابو ..
الأرباب
معالي الوزير يوسف السماني .. مشتاقين إنت متين تجينا .. مشتاقين الشوق زاد علينا
| |
|
|
|
|
|
|
|
|
|
Re: لـوري الـخـزيـن (مـحـمـد النصري) (Re: ادريس خليفة علم الهدي)
|
والله تمام يا ابو الدرس
يبدو انه هدينا فيك انا ومصطفي
وتتذكر الحفله الفي النخيل مع النصري وفاتت عليك رحلة الدمام
عموما
الاغنيه رائعه لأنها جمعت بين عملاقين في غناء الشايقيه
الا وهما محمد الحسن سالم حميد الذي لم تنجب حواء السودانيه مثله شعرا 0
والرائع المبدع الاضافه كاملة الدسم للغناء الشايقي الاخ محمد النصري ( الان الاول ) و
بالاضافه للابداع كمان سكن الكلاكله شفت الابداع
| |
|
|
|
|
|
|
|
|
|
Re: لـوري الـخـزيـن (مـحـمـد النصري) (Re: هاشم أحمد خلف الله)
|
السلام عليكم
الأغنية فعلاً جميلة
بس شاعرها ليس محمد الحسن سالم حميد
وإنما هو خالد شقوري
فقط للتصحيح
.......................
.... ملكة سبأ ...
القاعدالها شنو ؟؟ ماليك آب تصلحي الناس ديل ؟؟
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: لـوري الـخـزيـن (مـحـمـد النصري) (Re: الزوول)
|
ود الخليفة
( العفش داخل اللوري على مسئولية الركاب ... و الركاب على مسئولية المودعين ) ..
دة مش كلامك لي أمبارح بالليل ؟
Quote: تعال اللوريك حق ابوك الجنب حقيق اللمين
ان عرفتو بلا عمار يقولو ولدا عندو طين |
غايتو اللمين دة برضو ماكل حقي من أبوي .. بس بختها معاهو قرض في الإجازة دي .. يا أنا .. يا أنا..
| |
|
|
|
|
|
|
|
|
|
Re: لـوري الـخـزيـن (مـحـمـد النصري) (Re: ادريس خليفة علم الهدي)
|
يا درش مالك علينا من الصباح ..
تعرف صوت الطمبور دا حنين حنين ياااخ ..
وبودي لحتات بعيدة وبرجعك لأماكن ذكرياتك وناسك ..
في أول أيامنا بالرياض والزهجة ألف زي فورة تمبس الألف دي ..
واحد من أصدقائي قال لي انت البلد دي ما فيها (ثكلي) ولا زغاريد ولا لوري فحم حايم ساي ..
طبعاً ضحكنا ضحك شديد وإتذكرنا البلد والمغصة كاتلانا ..
أها هسي لوري الخزين دا نمشي معاهو وين عليك الله ونحن غالبنا المشي ..
كن بخير يا صديق ..
| |
|
|
|
|
|
|
|
|
 Re: لـوري الـخـزيـن (مـحـمـد النصري) (Re: ادريس خليفة علم الهدي)
|
Quote: ملكة سبأ ...
القاعدالها شنو ؟؟ ماليك آب تصلحي الناس ديل ؟؟ |
وحاتك آزوول لا قاع اشوف ولا قاع أسمع غيره لمن القى النصري
وبالذات لمن تبقى كمان في ام الحسن وصوتا جاي من بعيد مارق من القاطوع ورا
وعندي الكلمات بصوت شقوري زاتو شعر .. ان بقى الله هون بنزلو
وكدي اخدلك خفسة على مداخلتي الفاتت لايبقى كمان لخبت البلد ختيتها 
| |
|
|
|
|
|
|
|
| |
ادريس خليفة علم الهدي
tmbis
ملكة سبأ
خالدة البدوي
يوسف السماني يوسف
Khalid Saeed
طارق عبد اللطيف نقد
ابوعبيدة حسن محمد
هاشم أحمد خلف الله
الزوول
ابو جهينة
معتصم دفع الله
فيس بوك
تويتر
انستقرام
يوتيوب
بنتيريست