|
|
 الواحد ما لاقي ليهو زول يتشاكل معاهو الرباطية كلهم مشغولين !!
|
الواحد كان داير يقابل ساكن البيت الابيض اسهل من يلقي ليهو رباطي في البورد ينابذه ويتقاطع معاهو في شكلة ياخد معاهو خشم خشمين ..الجماعة كلهم الايام دي مشغولين بي بعض ما لاقين لينا زول ساي يقول لينا عينك في راسك ولا رجلك في كراعك ..تدخل بي جاي تمرق بي جاي غير ناس التهاني والتبريكات وناس حكايات العصور الوسطي ما تلقي .. انا والله فكرت لي في موضوع كدا اني اشتغل سكرتير عام رباطية المنبر ..عشان كمان الموضوع يكون موزون ويكون في تقسيم عادل للشتمة والنبزة وتوزيع عادل ومقبول للطمة واللبعة .. يعني ما ممكن يستاثروا جماعة بعينهم من رباطية البورد بكل مقدرات البورد من شتمات ونبزات .. اول حاجة ترسل ماسنجر مرفق فيهو سيرتك الزاتية في كم بوست تستشهد بي لنكات تؤهلك لخوض صراعات اسفيرية عنيفة .. وترفق معاها بعض العينات من عنفك اللفظي .. بعدين اهم حاجة بعد ترسل الحاجات دي لازم تدي بيان بالعمل يعني تمشي تدخل ليك كم بوست من حقت الناس الساكت اللا بطقعوا ولا بجيبوا الحجار وتخطأ عليهم وتلعن سلسفيلهم وتفتح ليك بوست بعنوان مستفز تتجرس فيهو وتقول الحقوني ختوها لي في البوست الفلاني .. نقوم انحنا (يعني انا دا) السكرتير العام بتاع رباطية البورد ادخل اللنكات الانت نزلتها فاذا دخلت مزاجي بقوم بفرغ ليك رباطي بمكنة ركشة تمشي تكابس معاهو وانت وحرفنتك بعد كدا ... بالنسبة للمهمشين والما عندهم قدرة علي متاورة النفس دي يمشوا الارشيف طوالي يقعدوا يتفرجوا هناك وبالله يا اخوانا برة برة ما نشوفكم اون لاين زاتو .. اها كان قدرت علي الرباطي مكنة رقشة طوالي في الوقت دا انا بوعز لي رباطي مكنة دفار يجي خاميك انت وبوستك وشكلتك فلو كنت شادي حيلك حتوقفوا وهنا ما ليك الا رباطي باتريود دا طبعا اعلي مرحلة وبعدها طوالي انت بتكون دخلت في تيم الرباطية بمكنة موتر فيسبا وترجي تقسيمك .
طبعا الكلام دا بعد موافقة الاخوة الرباطية وتكرمهم علينا في النظر الي طلبنا بعين الاعبار وعدم تهميشنا وتجاهل متطلباتنا في مقدراتكم ومقدرات هذا البورد التعيس .
طبعا الرباطية خمسة نجوم ماركة الاباتشي ديل ولا حتي تحلموا بيهم ... ديل اتنين بس وانحنا زاتنا ما بنرضي انهم يفرغوا للفتافت الزيكم .
|
|
 
|
|
|
|
|
|
|
 Re: الواحد ما لاقي ليهو زول يتشاكل معاهو الرباطية كلهم مشغولين !! (Re: اساسي)
|
العزيز ابو العروس
سبحان مغير الاحوال من حال الي حال.. جا علينا اليوم النلقي فيهو اساسي يتشكي من تهميش الرباطة ليهو.. دي المناظر يا بطل شفت بركات البنية دي قريب دا بتخليك الغنماية تاكل في طرف ما تهشها.. و كلنا في الدرب سائرون..
سخرية مبالغة تخلي الرباطة زاتم يعملوا بريك يضحكوا حتي تبين نواجزهم و بالمرة يتأكدوا من حدتها و معاها الاظافر و بقية الاسلح اذا كانت قادرة علي حسم المعارك التكتيكية و الحروب الاستراتيجية و الكونية لصالحهم.....
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: اساسي)
|
اسعد ابراهيم لا قدم طلب ولا حاجة واتجاوز كل الحدود وطلع الغابة عديل وقال بياخد حقه بيدو وشايفه مشي نازل تاج السر حسن رباطي بمكنة باتريود والغريبة شايفه حاكروا في زاوية ضيقة ..وكل البوادر بتشير الي انه هناك رباطي يولد في هذه اللحظات وبقوة . المشكلة بعد ينتهي من تاج السر يلم فيهو رباطي بمكنة ركشة يشطفوا في نص الظلط ..!! زي الدكتورة الجات واقعة جوز لي هشام هباني .؟؟
يعني بيزكرني الهلال يغلب الزمالك المصري وفي نفس الاسبوع يتغلب من جزيرة الفيل؟؟
نصيحة لوجه الله ..؟ لا تشاكل تاج السر لا تخلي تاج السر يشاكلك
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: اساسي)
|
Quote: اسعد ابراهيم لا قدم طلب ولا حاجة واتجاوز كل الحدود وطلع الغابة عديل وقال بياخد حقه بيدو وشايفه مشي نازل تاج السر حسن رباطي بمكنة باتريود والغريبة شايفه حاكروا في زاوية ضيقة ..وكل البوادر بتشير الي انه هناك رباطي يولد في هذه اللحظات وبقوة . المشكلة بعد ينتهي من تاج السر يلم فيهو رباطي بمكنة ركشة يشطفوا في نص الظلط ..!! زي الدكتورة الجات واقعة جوز لي هشام هباني .؟؟
يعني بيزكرني الهلال يغلب الزمالك المصري وفي نفس الاسبوع يتغلب من جزيرة الفيل؟؟
نصيحة لوجه الله ..؟ لا تشاكل تاج السر لا تخلي تاج السر يشاكلك |
لومك بي يا اساسي كورتو فكت وبقي قاعد في السهلة
ولياقتو زيرو
بس طبعا اخوك زول ما حقار
ننتظرو شوية يجر نفس ويجينا راجع
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: Abdel Aati)
|
سلام يا اساسي
لو سمحت تفرغ لي زول كدا.. بعدين شنو ياخي تسحك لي
شكلتي مع الممل هشام آدم...
ولا تجيب سيرتها هنا وكأنها ما مشكلة..
والله جنس حقارة..عشان يعني انا مرأة
التميز النوعي دا ما قلنا ليك تخلي بعد بقيت اقليات في عقر داركم
اوعى تديني حنك انك كرجل بتعدل مرتين
والله تاني الا صاملوتك تفك وتعرف براك..
تشتغل ليل ونهار شهر بحاله مع مديرك البليد
تقوم قروشك دي كلها تنتهي في طلعة على السوق
ساعتين...
شوفتا كيف مدرونكم نحنا وانتو قايلين نفسكم مدقسيننا...
ياخي قوم لف...
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: bayan)
|
والله يا بيان شكلتك ما سمعت بيها مع هشام النصيحة لله انا من اشوف اسم هشام ادم في بوست بتمسكني (كاروشة) من الملل البحسو اتكبا في البوست المشارك فيهو عشان كدا من القاهو بتخارج من بعيد لي بعيد لانه لا دخلت وبديت اقرأ بيجيني احساس اني قاعد اتوضأ بي ملاح امر رقيقية
عشان كدا وحاتك ما سمعنا بيها
من ناحية مدورنا دي ما عندي فيها شك ابدا
الواحد تبدي بيهو امه تدوير وشوية اخواته وبعدين يعرس يقوموا امه واخواته يسلموها مفاتيح التدوير وهي بعد شوية تسلم بناتها
وهكذا القصة دلاليك  الي ان يرقد رقدته الاخيرة
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: Abdel Aati)
|
الاباتشي عادل عبد العاطي
انحنا عاملين شخيت وواقفين بعيد .. والله بصراحة انا ما عاديك رباطي عادي عاديك رباطي ثمانية سلندر عديل يعني انت في راس البيت بتاع الرباطية الفي البورد دا ... والله ناس كتار فصيحين طلعوا رباطية انابيب (علي وزن اطفال انابيب ) وتقول لي عاديك رباطي
ياخي كان عملوا رابطة ولا جمعية للموضوع دا هنا اكيد حتكون شيخ منصرها
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: ولياب)
|
الغالي ولياب ..وين ايامك
والله الموضوع انتقل من مرحلة التفكير الي حيز التنفيذ يعني انحنا الان منتظرين العوائد ..المشكلة من وراء الرباطية ديل ما تتوقع الا بنية طايرة ولا كرسي معلق في راسك .. بالنسبة لي مستجدات الصرف (الطارئة ) دي بنفكر جادين نحنك عمك بي خطاب كدا .. كان الله يفك لينا ساجورهم الناس ديل
تحياتي يا زميل ولي اوبتمست وكل الزملاء طرفكم
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: اساسي)
|
فكرة المكتب الإسنشاري ممتازة
و نتمنى قبل إخضاع الرباطي الناشئ لإختبارات القبول
إلحاقه بدورة سريعة عن أساسيات الربطنة النجيضة
لإنو في بعض الرباطة او البيحاولوا يكونوا رباطة , يخجلوا عديل - زي دلاهتك داك
قعد يتعولق و يعوق في روحو لا من خجلنا ليه
بتاعة....
يا ترى اول واحد حا يجي جاري يلبس الطاقية دي منو؟
أصلهم كتار
| |
|
|
|
|
|
|
|
|
|
Re: الواحد ما لاقي ليهو زول يتشاكل معاهو الرباطية كلهم مشغولين !! (Re: محمد البشرى الخضر)
|
Quote: فكرة المكتب الإسنشاري ممتازة
و نتمنى قبل إخضاع الرباطي الناشئ لإختبارات القبول
إلحاقه بدورة سريعة عن أساسيات الربطنة النجيضة
لإنو في بعض الرباطة او البيحاولوا يكونوا رباطة , يخجلوا عديل - زي دلاهتك داك
قعد يتعولق و يعوق في روحو لا من خجلنا ليه |
تعرف يا ود البشري العاجبني فيك انك زول مفتح كشافة بس يعني بتلقطها طايرة وبتفك الون بتريح الزميل عشان يقشر ليك التو
شايفك وسعت المواعين شوية من سكرتارية لي مكتب تنفيذي وحجزت مقعدك وختيت طوبتك
اسمع ما داير ليك سكرتيرة بالمرة كدا؟
| |
|
|
|
|
|
|
| |
اساسي
نصار
ASAAD IBRAHIM
Abdel Aati
bayan
Amjed
ولياب
محمد البشرى الخضر
hajhamad
فيس بوك
تويتر
انستقرام
يوتيوب
بنتيريست