قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!

قصيدة أحبها (سيد الناس .. وكل الناس) مهداة الى صديق الموج .. وقصائد آخر !!!
(سيد الناس وكل الناس) ____________ بتستغرب ....؟؟ وتسأل عن سؤالنا عليك وتستعجب ؟ منو القال ليك ...... بلاك الدنيا ، تصبح دنيا ، فى عينينا شايله جمالها من عينيك ؟ منو القال ليك ... حروف كلماتنا تتعطر وتلبس توبها تتمخطر وتمشى هوينا تتبختر تضم الحانها بى حنيه تتوزن وتصبح غنيه ترحل ليك؟ منو القال ليك حلم طول وكان منيه نشوفو الليله فى الواقع وزى قمرا توهط فى السما السابع وحاتك أنت يا رايع جمال الدنيا فى عينيك بتستغرب .... ؟ وتسأل عن سؤالنا عليك وتستعجب؟ وأنت هوانا والأنفاس وأنت الطيبه والأيناس وروعة رنة الأجراس ؟ منو الأداك عيون حلوات وللحلوات بقت مقياس ؟ منو الأهداك جمال أحساس؟ بتستغرب وتستعجب وأنت الناس وسيد الناس وكل الناس؟ ________________________ تاج السر حسين

04-19-2007, 09:12 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: تاج السر حسن)
هذا الموضوع وجدت الأخ / عبدالمعز عبدالخالق قد انزله على منتدى (الهلال) http://www.hilalalsudan.net/vb/showthread.php?t=5817 بالامس وجه لى الاستاذ تاج السر حسين عضو المنتدى دعوة لحضور ليلية شعرية بمناسبة مهرجان الثقافة المصرية السودانية الذى تقيمه الجمعية الخيرية السودانية بمصر بقصر الصداقة بمدينة 6 أكتوبر وكان الحفل رائع تبارى فيه الشعراء المصريين والسودانين وكان من ضمن المشاركين شاعرنا تاج السر حسين والذى شارك بقصيدتين أجملها التى تحدث فيها عن معناة أمة بسبب هجرته الطويلة والتى امتدت إلى ثلاثون عاماً كما شارك الشاعر السودانى الكبير الياس محجوب عموماً كان الحفل رائع . __________________ اعشق الهلال حتي الثمالة أشكر الأخ المهندس/ عبدالمعز ، على تلبيته الدعوه وعلى انزاله الموضوع، وهذه فرصة أعيد فيها انزال القصيدة ، التى كتبت فى أحدى مناسبات عيد الأم ، وقد امتزج الأحساس فيها بالأم (أم درمان) وبالوالدة اطال لها عمرها!! والغربه أمتدت فعلا لثلاثين سنه ما بين دراسة وعمل وأسفار متعدده!! يا أمنا يا (أم) در - أمان يا (ستنا)، ياجارية فى جوه الخلايا ودمنا غيرك منو، البفرح، قبل نفرح، وكت ننجح غـيـرك منــو الـدمعاتــو تجــرى تسابق الريح والمطر لما نرجــع من سفــر ولمن يواجهنا الخطر يا حليلك (ات)، غيرك منو الشايل همــومنا وكت نهم لـو فـى الخيال، أو فـى حلم ياسامقة ذى شجر النخيل ، ثابت ومغروس من زمان أحساسى بيك (أمونه) ، يا أم (الحنان) يتسامى، أسرح بى بعيد .. فوق التعابير والشعر عاجز، مكتفنى الحرف ... ولو موية البحر العريض تصبح حبر كلمــاتى فيك ما تســاوى يـوم ، قـومتك فجــر ذى البتتحدى النجوم ... وبعد الصلاة ، وبركة دعاك ماعـــــرفتى نـــوم ، وشاى (اللبن)، نايم على (منقد ) فحــــم ... أصحى (أت) ، وقوم( ياسجم) (الشاى ، اللقيمات ، المدرسه، كراس الرسم) (أميه) ياست الأمم و(منورة) مهمومه بى تحصيل علم حلمـانه بـى حـال العيـال يوم بكره، أبقوا بنات ، رجال مهمومه ماليها العشـم يا حليلك (أت) والدنيا عيد والدمعة نازلة على الوحيد وكبروا الصغار ، وحتى (السجم) أصبح بعيد ... فنان يداعب فى الوتر رحال ,,, ومفتون بالسفر أصبح غريب ، طول العمر (لا ضاق حنان ، لا جاب خبر) خلاك للهم والفقر ... لا الشوق يجيبو لا ريد أعيدو أرجعوا من يوم أياديك ودعو، وماشاف دموعك بدعو خلاك هناك ، يا ستنا .... يا (أم ) در، براك (أمونه) ، وحدك ... قلبك ، عليهو جناك .. دم - نازف - وجناك ، تقول حجرا أصم قليبو ناشف ، وماهو عارف بكرة( بتخدر بلادو) ، والخير يعم .... والدايرو كلو تشوفو عينو لكن محال القالو أم لكن محال القالو أم

04-19-2007, 10:32 PM

نهال الطيب

نهال الطيب
تاريخ التسجيل: 03-14-2007
مجموع المشاركات: 1606

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: تاج السر حسن)
يا أمنا يا (أم) در - أمان يا (ستنا)، ياجارية فى جوه الخلايا ودمنا غيرك منو، البفرح، قبل نفرح، وكت ننجح غـيـرك منــو الـدمعاتــو تجــرى تسابق الريح والمطر لما نرجــع من سفــر ولمن يواجهنا الخطر يا حليلك (ات)، غيرك منو الشايل همــومنا وكت نهم لـو فـى الخيال، أو فـى حلم ياسامقة ذى شجر النخيل ، ثابت ومغروس من زمان أحساسى بيك (أمونه) ، يا أم (الحنان) يتسامى، أسرح بى بعيد .. فوق التعابير والشعر عاجز، مكتفنى الحرف ... ولو موية البحر العريض تصبح حبر كلمــاتى فيك ما تســاوى يـوم ، قـومتك فجــر ذى البتتحدى النجوم ... وبعد الصلاة ، وبركة دعاك رائع حقا أستاذ تاج السر املأ لينا الدنيا جمال

04-19-2007, 10:42 PM

صديق الموج

صديق الموج
تاريخ التسجيل: 03-17-2004
مجموع المشاركات: 19433

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: تاج السر حسن)

Quote: رحال ,,, ومفتون بالسفر
أصبح غريب ، طول العمر
(لا ضاق حنان ، لا جاب خبر)
خلاك للهم والفقر ...
لا الشوق يجيبو
لا ريد أعيدو أرجعوا
من يوم أياديك ودعو،
وماشاف دموعك بدعو
خلاك هناك ، يا ستنا ....
يا (أم ) در، براك
(أمونه) ، وحدك

تاج السر يا اخوى مادام بتكتب الكلام السمح ده مالك ممحق حروفك فى الشكل
والبلاوى...تسلم وكتر خيرك على الاهداء،،،،،

04-20-2007, 01:06 AM

SAMIR IBRAHIM

SAMIR IBRAHIM
تاريخ التسجيل: 01-05-2007
مجموع المشاركات: 2628

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: صديق الموج)
(سيد الناس وكل الناس) ____________ بتستغرب ....؟؟ وتسأل عن سؤالنا عليك وتستعجب ؟ منو القال ليك ...... بلاك الدنيا ، تصبح دنيا ، فى عينينا شايله جمالها من عينيك ؟ منو القال ليك ... حروف كلماتنا تتعطر وتلبس توبها تتمخطر وتمشى هوينا تتبختر تضم الحانها بى حنيه تتوزن وتصبح غنيه ترحل ليك؟ منو القال ليك حلم طول وكان منيه نشوفو الليله فى الواقع وزى قمرا توهط فى السما السابع وحاتك أنت يا رايع جمال الدنيا فى عينيك بتستغرب .... ؟ وتسأل عن سؤالنا عليك وتستعجب؟ وأنت هوانا والأنفاس وأنت الطيبه والأيناس وروعة رنة الأجراس ؟ منو الأداك عيون حلوات وللحلوات بقت مقياس ؟ منو الأهداك جمال أحساس؟ بتستغرب وتستعجب وأنت الناس وسيد الناس وكل الناس؟ ________________________ تاج السر حسين استاذ والله استاذ .... وابداع في ابداع .... اخي الفاضل ابن امدرمان الحبيبه ... القومه ليك وبث ....

04-20-2007, 03:56 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: SAMIR IBRAHIM)
شكرا نهال: وهذه قصيدة أخرى نالت اعجاب البعض حينما القيتها فى منتدى ثقافى بمصر امه عدد من الكتاب والشعراء السودانيين والمصريين والعراقيين. هل هى لحظة جنون أن يقرر رجل ما الزواج من اربع نساء ؟ ربما .. دعونا نرى !!! _______________ (فى جنون لحظة قررت أن اتزوج اربع نساء فى يوم واحد) الأولى: (قوله بنت الحق) الثانيه: (عزه بنت الشرف السامق) مثل شموخ النخل الثالثه: (أخت العدل) الرابعه: (نور العقل) شقيقة (شروق الشمس) الحبلى بالأمل القادم و(نضار الحقل) الظماءان ينتظر الغيم الماطر أعلم أتى أبحث عن ذرة رمل فى عتمة ليل حالك فى صحراء (العتمور) عليها بصمة أثر مخفى أبحث عن (فتلة) خيط أخضر فى كومة قش ، أو أكثر فى قاع البحر فى جوف المحار أبحث عن لؤلؤة عن أمرأة لا يزعجها صمت (ألأنسان) أو حزن الفنان بل تصنع منه قبل (القهوة) معنى سام وتغزل (ثوب) قصيده ، جديده وتقرأ (كف) الخاطر تدرك حجم الهم أن يرتاح خيال رؤاها عند وسادة شاعر يأرق صبر الليل بطرف ساهر أبحث عن أمرأة لا تشبه كل نساء الأرض الآ فى ذاك الحظ العاثر أبحث عن أمرأة تحرضنى كى أتزوج ترمى يمين طلاق ، أن لم افعل (مثنى وثلاث ورباع) هى الأولى والثانيه و الثالثه و الرابعه كالغيمه أسافر منها اليها كاذبه أمرأة ترضى (بربع) رجل أبحث عن أنثى كزوجة (زكريا) عقيم لا تنجب .... الا بدرا ونجوم أمرأة سافره كيوم الدين لا تتحجب . . . الا بثوب العفه دوما تتعطر، وتعطرنى معها بصدى الكلمات المنسيه وحلم المدن الفاضله من دولاب الحكمه تستخرج شمعه فى الرف الأعلى فوق( صوانى) الكرم الحاتمى تضع (أوانى) الأيثار لا تكنز ذهبا او فضه وتجود بعفو الخاطر والموجود لا لجهاد زائف لا لعطاء يسئ (الممنوح) زكاة أو صدقه بل من أجل الطفل الجائع فى (دارفور) أو للأرض المحروقه عند (ميوم) لا للمنحه تجود بواجب وحق مهضوم تصرخ فى كل يوم أوقفوا جيش التتر الظالم من قال أن (القرده تكبر) ؟؟ تتوق ليوم قادم تحت شجيرات (المانجو والباباى) فى (توريت) أ ن يلعب طفل ويرجع سالم لا ذئب لا حيه - تؤذيه تتوق لحلم اكبر أن تصبح (نمولى) (حلفا) ولا تنسى (حلائب) ذاك الجرح ، (الفرض الغائب) ذاك الفعل الخائب أبحث عن أمراة تحلم الا تطأطأ الأرض الطاهرة (بحكم الطاعه) قوات الأمم المتحده الا يصبح (كوبر) أبن (غريب) أبحث عن أمرأة لا توجد الا فى نبض الشعر وحزن الشعر وخيال الشاعر (عدل بواسطة تاج السر حسن on 04-20-2007, 04:06 AM)

04-20-2007, 09:44 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: SAMIR IBRAHIM)
سلمت يا سمير يا ايها الرجل الطيب فى زمن القبح واللون الرمادى!!

04-20-2007, 04:10 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: صديق الموج)
يا صديق الموج وانت الموج ما قادر تشوف المحار وتفتش جواهو اللألئ ، يعملو ليك شنو؟ ولو الموج أصر يكسر ويطلع يفوت القيف منو البقدر يوقفو غضبتو؟؟ شكرا على الأطراء، فالهلال لا يحبه الا الشعراء.

04-20-2007, 12:48 PM

هاشم أحمد خلف الله

هاشم أحمد خلف الله
تاريخ التسجيل: 01-16-2007
مجموع المشاركات: 6449

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: تاج السر حسن)

Quote: (سيد الناس وكل الناس)
____________

بتستغرب ....؟؟
وتسأل عن سؤالنا عليك وتستعجب ؟
منو القال ليك ......
بلاك الدنيا ، تصبح دنيا ،
فى عينينا شايله جمالها من عينيك ؟
منو القال ليك ...
حروف كلماتنا تتعطر
وتلبس توبها تتمخطر
وتمشى هوينا تتبختر
تضم الحانها
بى حنيه تتوزن وتصبح غنيه
ترحل ليك؟
منو القال ليك
حلم طول وكان منيه
نشوفو الليله فى الواقع
وزى قمرا توهط فى السما السابع
وحاتك أنت يا رايع
جمال الدنيا فى عينيك
بتستغرب .... ؟
وتسأل عن سؤالنا عليك وتستعجب؟
وأنت هوانا والأنفاس
وأنت الطيبه والأيناس
وروعة رنة الأجراس ؟
منو الأداك عيون حلوات
وللحلوات بقت مقياس ؟
منو الأهداك جمال أحساس؟
بتستغرب وتستعجب
وأنت الناس وسيد الناس وكل الناس؟

تاج السر أنت إنسان رائع كروعة هذه القصيدة , تخيل من أعجابي الشديد بهذه القصيدة تخيلت نفسي

أنا كاتب كلماتها , أحسستها في دواخلي وتنفستها برئتاي , بالله واصل في كتابة الشعر وأنا ساقراء

لك بإستمرار .

04-28-2007, 02:35 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: هاشم أحمد خلف الله)
لك الشكر هشام أحمد خلف الله. تحية طيبة _____________ "يا خساره" يا خساره ..!! حاول اتأمل حياتنا وكيف حياتك من سنين كنا وين والليله وين ...!! كنا فى عيونا بنشيلك وكنت أكتر من حنين كنت وافى وما بتجافى وكنت فى ريدك أمين يا خساره ..!! كنت أجمل أغنياتنا وكنا أجمل اغنياتك كنت تحلف بى حياتنا وكنا نحلف بى حياتك وكنت تعتز بى صلاتنا وكنا نعتز بى صلاتك يا خساره ..!! ما بنلومك ما الزمن غدار وجاير والمصالح هى البتحكم فى المصاير والعلاقات الندية فارقت دفء المشاعر يا خساره .. !! ويا حليلك لما كنا فى يوم نجيك و لما كنت تجينا زاير كنا بى فرحك بنفرح ويا ما جانا الخير بشاير كنا نتنسم عبيرك ونشتل الساحات أزاهر وكنا فى عينيك بنسرح وكل أول ليهو آخر!! (عدل بواسطة تاج السر حسن on 05-02-2007, 08:27 AM) (عدل بواسطة تاج السر حسن on 05-08-2007, 09:56 AM)

04-28-2007, 03:36 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: تاج السر حسن)
قصيدة للوطن:- ______________ آه يا وطن فوق الجميع ومفروض تكون فوق الجميع آه يابلد موجوع ومانى شايف لك وجيع لا قدرنا نبكيك بالدموع وحتى الدموع أبت تطيع ضاعت معالمك يا بلد وبى وراك نحنا بنضيع ما بين مشاتر فى نضالو وبين عميل مدسوس وضيع باعوك بى أبخس ثمن والأشتراك عايز يبيع!! . . . آه با بلد "تقنت" تئن لا زول عليك موجوع يحن وآه من اللت والعجن يوم فى الشمال ويوم فى اليمين ومقتول هواك قرب يجن مسروق يا بلد جوه البلد ونحنا البعاد جوه السجن !! (عدل بواسطة تاج السر حسن on 05-08-2007, 09:47 AM)

05-08-2007, 09:58 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قصيدة أحبها (سيد الناس .. وكل الناس) مهداة الى صديق الموج .. وقصائد آخر !!! (Re: تاج السر حسن)
آه يا بلد فوق الجميع ومفروض تكون فوق الجميع

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]