كتب الكاتب الفاتح جبرا المتوفرة بمعرض الدوحة
|
إشْرَاقة حِيـمُورة ... عَوداً حَمِيداً مُستَطَابْ
|
شهر بالتمام والكمال احتجبت عنا .. لا إمعانا في الغياب ولكن لتضئ ليلات الإمارات الموحشة فاستضاءت بها عوالم بورداب الامارات ... رحبوا معي بالقلم الواعي والقلب الممتلئ حضوراً يستوعب الجميع وركازة باب الأمل بين بورداب الخرطوم من جديد أختي إشراقة .. أبري قلمك وابقي مارقة
مودتي
|
|
|
|
|
|
|
|
Re: إشْرَاقة حِيـمُورة ... عَوداً حَمِيداً مُستَطَابْ (Re: Nadia Elsir)
|
ندوية الحبيبة جاياك بي رواقة
Quote: ارجو ان تستكتب اشراقة وقد جاءت ومعها حكاوى وخطاوى الولف الذى جمعها و الاعزاء حقا من بورداب الامارات ! |
بورداب الإمارات ديل حكاية .... أول يوم وصلنا كانت العزيزة إنعام حيمورة في أبوظبي برفقة محمد البشرى وزوجته إيناس ... رجعوا من أبوظبي سلموا علينا ومشوا الفجيرة طوالي
محمد البشرى وإيناس ديل ناس من زمن الحب ... زمن العلاقات الإنسانية النقية والود النابع من القلب وبدون تكلف. بيسلموا عليك كأنهم بيعرفوك من زماااان، يحتفوا بيك كأنك نزلت ليهم من السماء..... يهتموا بيك كأنك مركز الكون عندهم... ياخ والله الناس ديل أنا ما حأقدر أوصفهم ليكم. المهم ... الناس ديل ما اكتفوا بإنهم قابلونا وسلموا علينا وقدموا لينا الدعوة لزيارتهم.. جوامشوار بتاع ساعتين بالعربية من الفجيرة عشان نمشي معاهم، قضينا معاهم يومين من أجمل أيام إجازتنا ... لموا بورداب الفجيرة وعملوا لينا عشاء استقبال في خور فكان بورداب الفجيرة بالإضافة لمحمد البشرى قابلنا منهم عباس (أبو التومات) والشيخ إبراهيم الشيخ وأولاده العسل، إنضم لينا في البرنامج دا مشكور العزيز عمر قردابي وأسرته والعريس عثمان حسن الزبير ممثلين لبورداب الشارقة.
.... نواصل
| |
|
|
|
|
|
|
Re: إشْرَاقة حِيـمُورة ... عَوداً حَمِيداً مُستَطَابْ (Re: Samer Osman)
|
Quote: شهر بالتمام والكمال احتجبت عنا .. لا إمعانا في الغياب ولكن لتضئ ليلات الإمارات الموحشة فاستضاءت بها عوالم بورداب الامارات ... رحبوا معي بالقلم الواعي والقلب الممتلئ حضوراً يستوعب الجميع وركازة باب الأمل بين بورداب الخرطوم من جديد أختي إشراقة .. أبري قلمك وابقي مارقة
مودتي |
إشْرَاقة حِيـمُورة ... عَوداً حَمِيداً مُستَطَابْ
ونورتي البلد ..
ليك وحشة يا غالية .. !!
| |
|
|
|
|
|
|
|