|
|
|
 Re: بشاشا .. دكتور أدروب أبوبكر يحتاجك بشدة.. ونحن نشتاقك أكثر.. هل من عودة هل! (Re: Adrob abubakr)
|
Quote: حقيقة لأول مرة أعرف أن لي أعداء كثر..
خليهم يشمتو ويفشو غبينتهم! |
أعداء ..؟؟
إنت قائل نفسك تراجي مصطفى ..؟
بعدين بطل حركات المصطلح العامل زي اللبانة ده .. يلوك فيهو بشاشا ويطلعو من خشمو ويديك ليهو .. قال فش غبينة
فش غبينة شنـو ؟
بإختصار .. إنت شخص عجيب وغريب .. تسب بدون سبب .. قبل يومين لقيت ليك مية نفر في حوار جميل .. جيت ناطي وشايل المخلاية بتاعتك .. ووقعت فيهم من طرف .. منافقين اولاد لذينا .. تفتكر زي ديل كان لمو فيك قاعد تسرق وقبضوك .. تفتكر ما بيسيروك ؟
تعرف ذكرتني بي شنــو ؟
عندنا واحد صاحبنا في الحلة لسانو طويل جدا زيك كدا .. وعامل حافظ أي حاجة .. مشينا رحلة توتي .. قاعدين في أمان الله قام يتشالق قال انا بجيب ليكم ليمون ..
قام دخل ليهو في مزرعة وجازف ليهو ليمون .. قام لما فيهو الحارس .. يعني المسالة دي زي حركتك إنت وعادل دي .. مشيت تهمبت مسكوك من كيبوردك
المهم:
الحارس بشع بي صاحبنا ده شديد .. وصاحبنا قاعد يتفلسف زي فلسفة عصام أحمد / خالد الطيب شابك ليك الحارس .. ياخي انا ما سرقته الليمون .. الليمون دا لقيتو معلق في الشجرة دي .. وقمت شلتو .. طبعا غاظني شديد ومع انو صاحبي برضو .. قلت لي الحارس كسر ليهو راسو الكبير ده عشان تاني ما يعمل الحركة دي كلمناهو مليون مرة وما بيسمع الكلام .. ودي ما أول مرة يسرق ليمون ..
اصر الحارس أنو يوديهو ليسيد المزرعة يتصرف معاهو .. قام اثناء ما الحارس بيجر من جهة ونحن بنجر بي جهة .. نحن من يد والحارس من يد .. قام صاحبنا الحرامي اللسانو طويل ومبرراتو بايخه زي عصام أحمد .. الشبط بتاعو .. اتملص منو الفردة الشمال
قام قال للحارس :
( طيب خليني اللبس شبطي )..
قام الحارس قال ليهو:
( في حرامي عندو شبط ) ؟؟
اي سؤال ؟
| |
 
|
|
|
|
|
|
|
 Re: بشاشا .. دكتور أدروب أبوبكر يحتاجك بشدة.. ونحن نشتاقك أكثر.. هل من عودة هل! (Re: ناذر محمد الخليفة)
|
ياسر طيفور ... تحياتى و الأشواق
تعرف المسألة دى ذكرتنى أيام رمضان زمان ... كنا بنلعب وست فى نادى الهلال الدلنج
شيخ التربيزة إسمه منصور ... عندو قوانين قاطعها من راسو .... و لو خالفت مابتلعب
أهمها إنو البياخد سيك هو وزميلو يسقوا التربيزة كلها شاى .... و عامل ليه طربوشين
زى بتاع سعد زغلول داك ...
ملونهم بالأحمر .... تاخد سيك .... تلبس الطربوش من تدخل النادى .... وممنوع تقلعوا
لأنو تانى ما بتلعبها لو بقيت منو .... حلك الوحيد .
تحصل سيك تانية ... ويتحول الطربوش لرأس جديد ...
أها بالله جيب لينا صورة طربوش .... عشان أبورزقة ... يسلمو بكل إرتياح لأدروب ...
بشاشا .... بى شتارتو دى كلها .... قاعد يقيف ضد الحاجات دى حكمة الله.
و برجع ليك تانى ...
| |
|
|
|
|
|
|
| |
Yassir Tayfour
tmbis
ناذر محمد الخليفة
عبدالرحمن عزّاز
فيس بوك
تويتر
انستقرام
يوتيوب
بنتيريست