كده يا جماعة ونسونا بداخلية جامعة الخرطوم وحنتوب وخور عمر وخور طقت وخور البورد صحى كانوا 5نجوم

Quote: خمسة نجوم وبس دي كانت سبعة نجوم الاخلية كلو طالبتين في غرفة والغرفة أنضف وأجمل من غرف الهيلتون الملايات مودة ومن النوع الجيد ويتم تغييرها أسبوعيا بواسطة الخالة الت تكون مسئول عن طابق كامل نظافة ,, فلابش ملايات ,, دلع بنات ,, كلو حاجة أم الأكل خليه ساكت وحاتك ما لاعين رأت ولا أذن سمعت أسماك , دجاج , محاشي ,, مشاوي والحليب من حلة كوكو والباسطة خليها ساكت وبعدين البفضل بعد العشا يطلعوه برة للبنات الماحضرن العشا كلو بالقدور حاجة ما معقولة ويوم التلاتا في الإسبيشل ميل دي كمان حاجة تانية خالص أما الترفيه كلو جمعة في رحلة وكلو إجازة صيفية في رحلة للخارج نحنا غايتو سافرنا العراق ومصر وفي ناس سافرو فرنسا.. روسيا.. بريطانيا إلخ وحكاية صرف القروش دي حقيقة عليك أمان الله كنت برسل منها لأختي في مصر غايتو جنس دلع ما شفت زيه للأن لدرجة إني مرات أقول يا ريتني ما اتخرجت كان همي في غيري هسة أنا الجابني شنو للمسئوليات الكتيرة ومسيخة دي هاك يا غسيل عدة وغسيل هدوم وطبيخ دة كلو كان بتسويه خالتو راضية وعمو علي أمانة ما مشتاقة ليهم وحدو بي وهملوني , شكرا حمادة ذكرتنا بالذي مضى والذكرى بتنفع المؤمن لكن ما كل شيء في الحياة ممكن ,,,

Quote: يا ريتني ما اتخرجت كان همي في غيري هسة أنا الجابني شنو للمسئوليات الكتيرة ومسيخة دي

Quote: زمان ناس أبوي في الداخليات بطب الخرطوم كانو بيدوهم بيرسري أو ما يسمى ب Pocket money

Quote: سلام يا ناس الحلة كلكـــــــم أنا غايتو ذكرياتي مع الداخليات ...... ما بحكيها ليكم إلا بعدييييييييييييين بعد ما الناس دي كلها تتم كلاما عن الداخليات .... و الله أونسكم ونســــة .... لمن تستغربوا !!!!!!!!!!!!!