|
|
|
 Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
Quote: ما فهمته من القردابي او القرضابي...وبلهجتنا السودانية المعروفة ان فلاتة ساي تعني فلاتة صر...
يعني جلهم فلاتة...او كلهم فلاتة....وبعدين اين العنصرية في كلمة فلاتة يا دينق....؟
انتو عايزين تخلقوا ليكم عنصرية من خيالكم؟ |
يا عمك الناس دي رايحة ليها عنصرية ساي
يمين لو فرحت بي الشيب لو جاك في شعرك يقولو عليك عنصري
انسي ساي
اما ما فهمته انا
انو الفلاتى صعبين وما بتغلبو بي سهولة
يعني المريخ
راح في الباي باي
وفلاااااااااااااااااااااتة اغلبوا بي ادبا
ودا بهاء المعط الشبكة (شبكتو طبعا)
| |
 
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: Ahmed Mohammed Osman)
|
صاحب البوست القردابي المهذب اعتذر
والجماعه ناكرين العصنريه بهذا البوست.
Quote: ما فهمته من القردابي او القرضابي...وبلهجتنا السودانية المعروفة ان فلاتة ساي تعني فلاتة صر...
يعني جلهم فلاتة...او كلهم فلاتة....وبعدين اين العنصرية في كلمة فلاتة يا دينق....؟
انتو عايزين تخلقوا ليكم عنصرية من خيالكم؟ |
Quote: يا عمك الناس دي رايحة ليها عنصرية ساي
يمين لو فرحت بي الشيب لو جاك في شعرك يقولو عليك عنصري
انسي ساي
اما ما فهمته انا
انو الفلاتى صعبين وما بتغلبو بي سهولة
يعني المريخ
راح في الباي باي
وفلاااااااااااااااااااااتة اغلبوا بي ادبا
ودا بهاء المعط الشبكة (شبكتو طبعا) |
يا جماعه اتقوا الله
والله دينق ده كل همه يطروكم ويعلمكم تتكلموا كيف.
واعلموا انه التطور فعلا ان تتحدث بلا عنصريه
وليس التطور من اين اتخرجت واي الوظائف تعمل بها واي عطور تتعطر بها.
شكرا لك اخي دينق وانت دائما صاحي للون.
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: Deng)
|
الا تكفي يا قرضابي فلاتة فقط..
ساااااااي تعني سمبلة وكرور ولاتحتاج الي فهامة وعلامة..
العنصرية في الرياضة امر مبغوض وكريهة وينم عن تخلف وتدني وعي بالجهد والابداع الانساني..
قد تكون يا قرضابي لانعني نزعة عنصرية والقصة جات كده..
ولكن مجرد الاشارة لقبيلة او جنس او لون في شان رياضي لاعلاقة له بالفلاتي كفلاتي
او العدناني او اليهودي او الماروني او اي جنس بني ادم حايم في الدنيا العريضة دي....
واذا فرضنا جدلا بان القصة فلاتي سسسسسااي..
فهل هذا يعني ان الفلاتي ساكت ده لمن يشوت الكورة يقال هذه شوتة فلاتي ضفاري وممكن تسمم الحارس
وديك شوتة اضان حمرة تاتي الي المرمي علي طبق سيوف كنعان وعدنان وعبدالصمد..
عموما مهما كان مقصدك
ففي السودان (فلاتة ساااااي) ومنهم من لعب للهلال والمريخ ومنهم من مثل الفريق القومي
في الماضي والان..
ومنهم فلاتة ساااااااي بموتوا في حب الهلال ده والواحد ممكن يضرب علي القدقدو والقورو
والكنو لعشرات الايام عشان الهلال والمريخ الما ساااااي ديل فيهم واحد اتغلب..
وتحياتي ولكن ماساااااااي
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: احمد حامد صالح)
|
كنت اعتقد يا استاذ فيصل انك اذكى من ذلك
ان يسئ احد للهلال الرد يكون بالاساءة للمريخ
و لكن ان يسئ احد الهلال و الرد يكون بالاساءة للفلاتة
دى زى حكاية
ابعد كسلا و للا احلى الرز باللبن
يا صديقى فيصل القبيلة شرف الفرد
لايقبل ان يكون موضوع لغو و استهتار
| Quote: اتفق معك بان الرياضة تسامح ولاينبغي ان تكون عنصرية او شتيمة ولكن مارأيك في ماكتبه بعض المريخاب ووصفهم للهلال بالبغل والحمار وهذا خروج عن الروح الرياضية واساءة لعشاق الهلال. مع العلم ان هذه الكتابات كانت البداية ، وهم من ظلموا ! |
بس دايرك تفهمنى باى منطق يدفع الفلاتة ثمن ثأر الهلال او المريخ
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: عبدالكريم الامين احمد)
|
اولا هو يقصد فلاته صر يعني كلهم فلاته
وهو ايضا يقصد انهم فرق ضعيفه فما العيب في ذلك؟
ويمكن يكون قاصد العكس اي انهم فرق قويه ستسحق المريخ
باعتبار ان الفلاته احسن من يجيد فنون كرة القدم حاليا في افريقيا
فما العيب في هذا ايضا!
وايضا يقصد بان هنالك اكثر من فريق في مجموعته من الفلاته
والفلاته اسم لقبيلة وليس باساءه لاحد.
وانا اتقبل اسم قبيلتي مهما كان او كانت ولكن لا اتعنصر علي الاخرين
والعنصريه معروفه كيف ..
يوم بيوم نبيع الكمبا اغنية شهيرة فهل اذا رددتها لفلاتي اقلل من شانه!؟
مالكم كيف تحكمون تريدوننا ان نكتب علي اهوائكم ووفقا لتقديراتكم و تقديراتنا
واهوائنا هي التي تكتب العنصريه لا بالله..
نحن من امدرمان وجيراننا من كل بقاع السودان
منهم فلاته ومنهم دينكا ومنهم فور ومنهم جعليين وشايقيه
وانا من الاتراك والجعافره من القبابين والعتبانيه
مختلطين في امانة الله ولا يشكو احدا منا العنصره!
نتحدث احرارا فلاته صر دينكا ساي عبيد كبار في بلد ضيقه
ما عندنا اي مشكله حلب او عرب او غيره او غياره
انتم جئتم من اين تعربوا وتطرحوا وتنقصوا في الكلام
انحنه كده وعايشين كده بالله خليكم بعيد مننا حتي لا توتروا الاجواء بيننا
سامحكم الله!!
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: اساسي)
|
Quote: بالله سريع كدا البوست اتملا حكام ضمائر وشرطة الافئدة و مراقبي دخيلة النفوس
اوصياء الله في الارض علي الضمائر
يا مهزوزين يا ما واثقين في انفسكم
وفلااااااااااااااااااااااااااااااااااااااااتة اقيفوا بي ادبا ولدنا عجب المعط الشبكة
|
يا صديقى اساسى لا احد يحاكم ضمير ... تعاملنا مع الحدث هو تعامل بن حزم مع الفقه ... المذهب الظاهرى ... فلاتة سااااااااااااكت ... بالله عليك بدون اى مكابرة ... ما ذنب خمسة مليون فلاتى سودانى ان يهاتر بهم سااااااااكت
| Quote: سيغني فتية المريخ (فلاااااااته اقيفي بي ادبة) ولدنا (عجب المعط الشبكة) |
ارجو ان تعود الى رشدك و تترك التطاول على الفلاتة المساكين ... ما تصر عليه لا يليق بزول فاهم ...
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
| Quote: القرضابى لم يكتفى باتصالى به بل عاود الاتصال ليعتذر ثانية عن حكاية فلاتة ساكت ... و تأسف انه لم يتمكن من كتابة الاعتذار هذا المساء نسبة لانو رحل فى شقة جديدة و الصباح حينزل الاعتذار ... و حقيقة شعرت فى حديثه بالود و الطيبة و الاحترام ... و بهذا نعتبر الحكاية دقسة و ذلة لسان و اعتقد ان قبول الاعتذار واجب ... و يا عبد الكريم الراجل اعتذر و من حقه علينا ان نقابل هذا الاعتذار بقيمة اعلى و اسمى ... |
الاخ أحمد حامد.
شكرا والشكر موصول أيضا للاخ القرضابي.
وانا كنت متأكد بأنه لم يقصد أن يسئ للفلاته, ولكن كما تعلمون هنالك قراء لهذ المنبر .
الشكر أيض الى جميع الاخوة المتداخلين خصوصا أختنا تراجي مصطفى.
دينق.
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
الاخوة الاعزاء
سلام
أولا آسف جدا للتأخر في الرد علي مداخلاتكم لأسباب ذكرها الأخ أحمد
ثانيا أكرر الأسف و الاعتذار للأخوة الذين فهمو كلامي علي غير ماأقصد,,,
فانا لا أحمل أى نزعة عنصرية تجاه أى قبيلة أو أي شخص وكما قال الأخ دينق كلنا عند العرب صابون
الموضوع كلو كان في اطار المكايدات الرياضية بيننا و بين الأخوة المريخاب
وفلاتة هنا أقصد بها الفرق النيجيرية
لأن قبائل الفلاتة ارتبطت عندتا( أو عندي على الأقل)بنيجيريا... ربما جهل ديموغرافي
وكلة ساااااااااى قصدت بها كل أو جل المجموعة
والأخوة النيجيرين هم من تعلمون في الكرة
فالمسألة فى مجملها كانت في اطار المكايدات الرياضية ولم يكن فيها أى دوافع عنصرية
فالفلاتة جيران و زملاء دراسة وأصدقاء طفولة فلهم العذر حتى يرضو
مع تحياتي لأمير الفلاتة بالبورد الأخ سوباجو
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
لا ادرى ان كان الاخ القرضابى يقصد بكلمة ( ( فلاته ! ) ! ) ساااى هذه معناها العنصرى ام لا ... و لا اعتقد ان فى الامر عنصرية .. و لا اعتقد ان فى الامر عنصرية .. و انما حماس او سميه مرض و ( جنون ! ) كروى مصابين به نحن جميعا و الشافى الله  ...
و لكن ! و فى نفس الوقت ان كان يعنى بها ضعف الكرة ( و هذا ما ارجحه ) فى غرب افريقيا عموما و نيجيريا خصوصا فهذه هى الكارثة بعينها !!!!! فمن منا لا يعرف ( كانو - هداف ارسنال الانجليزى سابقا و بورتماوث حاليا ) ( اوكاشا .. بلاكبيرن ) ، ( هنرى ميكيل لاعب ارتكاز فريق شيلسى ) ، ( ياكوبو صانع العاب وست هام يونايتد ) هذا قليل من كثير ( من تحت المخده ساى ! ) استذكرتهم من الدورى الانجليزى للتدليل فقط على مدى المستوى العالمى الذى وصلت اليه الكرة ( الفلاتية ! ) فى نيجيريا و غرب افريقيا ( قبال ! ) ما نعرج على فرنسا و ايطاليا و المانيا و نحط الرحال فى اسبانيا التى يبدع فيها ( الفلاتى ! ) ( المالى او الملى ! ) ( كانووتى ) هداف فريق اشبيلية ( بطل كاس الاتحاد الاوروبى هذا العام ٢٠٠٧ ) و هدفه الاسطورى ( بالامس القريب فقط الاحد ٢٧ / ٥ / ٢٠٠٧ ) فى مرمى فريق ريال زاراقوسا ( كان كنت متابع يا قرضابى ) !!! هذا اذا ما زلنا نذكر عمالقة الكرة النيجيرية و العالمية امثال ( اموكاجى ، بابانجيدا ، رشيد يكينى و غيرهم )
اللاعب ( الفلاتى ! ) الغرب افريقى صار الآن الكرت الرابح الاول على كل الملاعب العالمية و ليس هذا من عندى فالارقام تحكى :
فعندك هداف الدورى الانجليزى ،هذا العام هو العملاق العظيم ( الذى مغسنا نحن مشجعى مان يونايتد فى نهائى كاس انجلترا ! ) الاسطورة العاجية ... ديدييه داروقبا .. و خلفه ( مايكل ايثيان ) و ( كالو ) و ( ديارا ) و ( هنرى ميكيل ) .. ( بس اعتبر ميكاليلى و فيليبس رايت .. مجرد فكه ! ) ... القائمة تطول فهنالك ( اديبايو _ هداف ارسينال الانجليزى حاليا !!! ) ...
المريخ العظيم فاز سابقا بكاس مانديلا فى عقر دار الخصم ( نيجيريا بجلالها و عظمتها و تاريخها ! ) و هذه قمة فى الاهانة التى لا تقبلها معظم فرق العالم و كثير ما نشاهد مثل هذه اللوحة ( NOT IN THIS COURT )...
فاذا كنت تحاول ان تجد المبرر لفريقك الهلال يا قرضابى فى ( ربما ! ) الخروج المبكر من المنافسة التى يتنافس عليها الآن ! فليس من حقك ان تنتقص من الآخرين ودى مصيبتكم يااااا رشاشات !!! الما بتلحقو جدعو !!!
كسرة :
اخى العزيز القرضابى عارفك لا عنصرى و لا بتشبه العنصرية ... لكن مشكلتك انك رشاشه سااااااااى زيك و زى كيكى ... بس شدوا حيلكم و جيبو ليكم محمول جوا واحد زينا و لو ( فرد مسيليل !!! )
تحيتى و احترامى ..
عبدالماجد
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: nazar hussien)
|
يا نزار هدئ روعك و استمع لينا و طلع الخزعبلات من راسك و اقرأ قرأة صحيحة خالية من الغرض
فلناخذ كلمة ساى
عندما يقالك انت زول ساكت ماذا تعنى هنا كلمة ساكت
عندما تسال عملت كده ليه و تجيب ساكت ماذا تعنى الكلمة هنا
الناس ديل كيف الاجابة الناس ديل ناس ساكت ما عندهم.......................................
كل المعانى لكلمة ساى و ساكت هى معانى سالبة
الا اذا اخذناها كما قال القراضابى فى اطار المكايدات الرياضية و هنا تبقى المسالة تقديرية
و بعدين مين قال لك الفلاتة متحرجين من تسميتهم بالفلاتة
الناس معترضة على وصف الفلاتة بالساكت
مع العلم ان المجتمعات الاولية البدوية هى التى تقرن اسم القبيلة بالفرد
خذ مثال دلتا مصر الناس المتحضرة هناك بتقول طنطاوى اسكندرانى دمياطى و هكذا
نتمنى ان يتطور اهل السودان لنسمع الكوستاوى السنارى الشنداوى
اعتراضك على اعتذار الاخ القراضابى ما فى محله يا سيد نزار
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
انا جعليةوجارتنا خالتي خديجة الشايقية والبيت البعدهم ناس مريم البقارية وشمالهم ناس خالتي ست نور الدنقلاوية وقصادهم ناس خالتي رابحة الفوراوية وخلفهم ناس خالتي ربيكا الشلكاوية ، ولما اقول لأمي خالتي مريم البقارية جات وبكون ماشة جنبها ما حصل قالت لي ما تقولي البقارية لأنها ببساطة بقارية - يعني لقب القبيلة مش شتيمة ولا عيب إذا اتقال مع الاسم بل بالعكس فخر لكل قبيلة لأن لكل قبيلة مناقبها ومحاسنها ومفاخرها التي تحب ان توصف بها
أما من يتبرأ من ذلك أو ان يستنكر ان يلحق اسم قبيلته بإسمه فهو الذي يستحق اللوم والعتاب لأنه ببساطة يتنكر لأصله ونسبه
أما العنصرية فهي كلمات أخرى مثل ( عب ، خادم )
ولا مش كدة يا نزار ؟؟
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
نقلا عن موقع اسلام اون لاين:
مغزى اختلاف الناس شعوبا وقبائل هو التعارف والتعاون
الشيخ سليمان آدم كونغي
لقد جعل القرآن الكريم اختلاف الناس شعوبًا وقبائل للتعارف والتعاون لا للتباغض والتنازع والتحاقر؛ ولذلك قال سبحانه وتعالى: (يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللهِ أَتْقَاكُمْ إِنَّ اللهَ عَلِيمٌ خَبِيرٌ) [الحجرات:13].
فاختلاف الشعوب في الأرض له غاية جليلة أرادها الله سبحانه وتعالى وهي التعارف، وهذا التعارف له ظواهره:
الأولى: اللقاء على مودة وتراحم في أمن وسلام، لا في حرب وخصام.
الثانية: التعاون على أن ينتفع الإنسان بكل خيرات الأرض، بحيث ينتفع أهل كل إقليم بما في الإقليم الآخر من خير، ويمده بما عنده من فائض أرضه في مقابل أن ينتفع هو بما عنده، فإذا كانت الأرض مختلفة فيما تنتج، فالإنتاج كله للإنسانية كلها، فتكون تفرقة الأقاليم ليكون الاستغلال كاملا، فتستغل الأرض في كل أجزائها، مهما تباعدت وتفرقت.
الثالثة: من الظواهر تكريم الإنسان في هذه الأرض، فلا يوجد تعارف إذا كان إقليم يحتقر إقليمًا؛ لأن ذلك يكون تناكرًا، ولا يوجد تعارف إذا لم تحترم الحرية؛ لأنه إذا كان أساس العلاقات الإرهاق النفسي، وعدم احترام الحرية الشخصية، لا يكون ذلك تعارفا بل يكون استعبادًا أو استرقاقًا، أو استعمارًا، بلغة ذلك العصر، فأهل كل بلد يدير إدارته بالطريق الذي يراه مناسبا، ويعتنقون من العقائد ما شاءوا من غير جريمة دينية ولا إرهاق نفسي، بل إن الإسلام ذهب به فرط احترام للحرية إلى حماية العقيدة الدينية لمخالفيه من أن يعتدي عليها، وقاعدته الفقهية المقررة "وأمرنا أن نتركهم وما يدينون".
وفي سبيل هذا التعارف حث القرآن الكريم على الضرب في الأرض، فالأرض كلها للإنسان يعمرها، والضرب في الأرض يعرف الإنسان بأخيه الإنسان، وفي اللقاء مع الأقطار المتنائية يستروح روح الأخوة الشاملة، ويجد عملا ما دام عنده قوة هذا العمل.
ولا يترك نفسه راكدًا في أرض واحدة تذيل فيها قواه، فيكون كالماء الآسن يفسده العطن، أو يبدده الحر والهواء، ولقد قال الله تعالى في ذلك: (هُوَ الَّذِي جَعَلَ لَكُمُ الأَرْضَ ذَلُولاً فَامْشُوا فِي مَنَاكِبِهَا وَكُلُوا مِن رِّزْقِهِ) ومن هذا النص يتبين أن القرآن الكريم يدعو إلى الهجرة لطلب الرزق الحلال، فإن الأخوة الإنسانية، يجب أن تفتح صدرها لعمل العاملين وكدح الكادحين، فإذا ضاقت أرض بمن فيها وجب على القادرين أن يهاجروا إلى أرض أخرى يجدون فيها سعة من الرزق، ولا يكون التعارف كاملا إلا إذا أزيلت الحواجز الإقليمية في الأرض، بحيث يهاجر كل إنسان إلى ما يحب من الأرض، ولا يمكن أن يكون ثمة تعارف كالتعارف الذي دعا إليه القرآن الكريم، إلا إذا محيت التفرقة العنصرية محوا تامًا، فلا تفرقة بالجنس ولا بالعنصر، ولا اللغة، والناس يتفاضلون فيما بينهم بالأعمال لا بالأنساب، كما قال محمد - صلى الله عليه وسلم - مخاطبًا عشيرته بني هاشم "يا معشر بني هاشم لا يجيئني الناس بالأعمال وتجيئون بالأنساب".
ولذلك حارب النبي - صلى الله عليه وسلم - العصبية الجاهلية، قال: "ليس منا من دعا إلى عصبية" واعتبرها من نعرة أهل الجاهلية، وبلغه أن بعض أصحابه عير غيره بأبيه، فقال له عليه السلام لائمًا مهذبًا "إنك امرؤ فيك جاهلية".
ولقد ذكرنا أن الظاهرة الثانية من ظواهر التعارف الإنساني التعاون، ويصح أن نشير هنا بكلمة موجزة عن عمل النبي - صلى الله عليه وسلم - في التعاون واستجابته لأمر الله تعالى، فقد قال تعالى: (وَتَعَاوَنُوا عَلَى الْبرِّ وَالتَّقْوَى وَلاَ تَعَاوَنُوا عَلَى الإِثْمِ وَالْعُدْوَانِ).
فالتعاون ضروري بين الناس جميعًا، ومن التعاون المادي الإقليمي أن يفيض أهل كل إقليم على الآخر بالزائد عن حاجته من الطعام وما يحتاج إليه الإنسان، ومن التعاون أن يفيض أهل كل إقليم مما عندهم من أغلى الثروات، وهو القوى الإنسانية العاملة التي تستخرج من الأرض كنوزها وتعمل بالصناعات على تحويلها إلى ما يفيد الإنسانية كلها، ونقول هنا إن النبي - صلى الله عليه وسلم - وهو يعمل على إنشاء المدينة الفاضلة التي كانت الصورة المثالية التي يحلم بها الفلاسفة أمثال أفلاطون ولم يجدوها، ولم يستطيعوا هم تحقيقها، أن النبي - صلى الله عليه وسلم - رأى المسلمين من قبائل شتى، والعصبية لها بقايا في نفوس بعضهم، فألف بينهم بعقد شرعي، سمي في التاريخ الإسلام بالإخاء، فجعل كل رجل أخا لرجل يشاطره ماله وعيشه من غير أن تزول الملكية، بل هو بمقتضى الأخوة الإسلامية يعطي أخاه طيبة نفسه، راضيًا مرضيًا، فآخى بين المهاجرين والأنصار، وآخى بين الأنصار بعضهم مع بعض، وآخى بين المهاجرين بعضهم مع بعض ولم يقف التعاون على المسلمين، بل تجاوزه إلى غير المسلمين، فعقد مع اليهود حلفا أساسه التعاون مع الخير، وحماية الفضيلة، ودفع الأذى، وحماية المدينة من كل اعتداء، ومنع الظلم، وردع المجرمين العابثين بالأمن، وأكد النبي - صلى الله عليه وسلم - ذلك بالمواثيق، ويلاحظ أن الميثاق كان نتيجة إلى إقامة الحق المجرد، فهو يشبه ما يسمى في عصرنا بالتعايش السلمي ولكنه كان أبلغ؛ لأنه لا يكتفي فيه بدفع الشر، بل الاتجاه فيه إلى جلب الخير، ولكن اليهود نقضوا ما أبرموا، وكان عليه السلام يعقد المعاهدات مع القبائل العربية لتأليفهم، وليحملهم على التعاون على البر والتقوى بدل العصبية الجاهلية.
وبناء على هذا النداء " يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا) انفتح المسلمون على غيرهم، واستفادوا من حضارات الأمم، فتكونت لديهم خبرات واسعة في شتى المجالات الصناعية والتجارية والزراعية والفنية.. فصهروها في بوتقة الإسلام؛ فجاءت الحضارة فيما بعد مطبوعة بطابعه وممهورة بخاتمه، وجملة (وَجَعَلْنَاكُمْ شُعُوبًا وَقَبَائِلَ لِتَعَارَفُوا) اعتراضية إدماج تأديب آخر من واجب بث التعارف والتواصل بين القبائل والأمم، وأن ذلك إرادة الله منهم، وأن الإسلام لا يكتفي بمحو أسباب التفرقة والنزاع بين الناس، بل يدعو إلى التسامح العام، وإلى الرحمة العامة، وأن التسامح هو الذي يداوي القلوب المكلومة، ويجتذب النفوس النافرة، وأبلغ ما يكون التسامح عقب الحروب، فلا يقول الإسلام "ويل للمغلوب، بل يقول تسامحًا معه ورفقًا".
والله تعالى يأمر نبيه في معاملة مخالفيه بالصفح، فيقول سبحانه " فاصفح الصفح الجميل" والنبي - صلى الله عليه وسلم - ضرب أحسن الأمثال في الصفح الجميل مع قريش حتى أخرجته، وحتى آذته، وهمت بقتله، ثم حاربته وقتلت أحبابه وصفوة من أصحابه، فقد قال لهم بعد أن انتصر عليهم، وقد جمع الملأ منهم، ما تظنون أني فاعل بكم؟ قالوا أخ كريم، وابن أخ كريم فقال النبي - صلى الله عليه وسلم - "السمح الكريم": "أقول لكم ما قاله أخي يوسف لإخوته: "لا تثريب عليكم اليوم يغفر الله لكم، وهو أرحم الراحمين.. فأنتم الطلقاء".
وليس بعد قول الرسول الكريم (صلى الله عليه وسلم ) قول
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: شادية الطيب)
|
سيد البوست فاتحه عشان يكاوي المريخاب بقي البوست بفضل المنقبين عن العنصريه الي شئ عجيب حقا..
مع انني مريخابي جدا وكان عندي كلام كده مع الراجل ده لكن طار لينا...
و بقينا ندافع عن تسامحنا رغم اختلافنا...
يا اخا السودان عبد الله التعايشي عمل امدرمان عاصمته وليس العكس ..
امدرمان كانت موجوده من قبل المهديه والتعايشي ...
وهي كانت رابط بين الشرق والغرب والشمال والجنوب..
عشان كده بقت لامه الناس كلها...
علي العموم مفروض لو دايرين نتكلم عن امدرمان
ممكن نفتح بوست تاني البوست ده حق كورة..
انا بشجع الاهلي اصلي اهلاوي لانو اهلي من مصر..
وبشجع الترجي لانو عندي صاحبي من الكبابيش وقال لي اصولهم اسبانيه يعني بيشبهو التوانسه.. في الكورة يعني! الترجي لا برجا !
وبشجع اسيك العاجي لا سباب تتعلق بحبي للاعب دي ركبا وبما انه عاجي فبشجع اسيك
اوعي من السيك ...يا اسيك..
وعشان ما تزعل بشجع سارديه ظاتو عشان لا عب ضد الهلال!
وعشان اهل والدتي جعليين من الدامر يعني قريب شندي!
واوصي المريخاب بتجهيز التلفزيونات والفديوهات واشرطة التسجيل
والتاكد جيدا من مفتاح ركود(Rec) انو شغال ..
لانو الصيف الجاي ...حااااااااااااااااااااااار
اوعي يكون في جنس اسمو (الصيف)!!
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: Tragie Mustafa)
|
Quote: يا نزار هدئ روعك و استمع لينا و طلع الخزعبلات من راسك و اقرأ قرأة صحيحة خالية من الغرض
فلناخذ كلمة ساى
عندما يقالك انت زول ساكت ماذا تعنى هنا كلمة ساكت
عندما تسال عملت كده ليه و تجيب ساكت ماذا تعنى الكلمة هنا
الناس ديل كيف الاجابة الناس ديل ناس ساكت ما عندهم.......................................
كل المعانى لكلمة ساى و ساكت هى معانى سالبة
الا اذا اخذناها كما قال القراضابى فى اطار المكايدات الرياضية و هنا تبقى المسالة تقديرية
و بعدين مين قال لك الفلاتة متحرجين من تسميتهم بالفلاتة
الناس معترضة على وصف الفلاتة بالساكت
مع العلم ان المجتمعات الاولية البدوية هى التى تقرن اسم القبيلة بالفرد
خذ مثال دلتا مصر الناس المتحضرة هناك بتقول طنطاوى اسكندرانى دمياطى و هكذا
نتمنى ان يتطور اهل السودان لنسمع الكوستاوى السنارى الشنداوى
اعتراضك على اعتذار الاخ القراضابى ما فى محله يا سيد نزار |
طيب نشوف يا أحمد انت بديت من وين؟
قال احمد: ان
اخونا لم يوفق فى عنوانه قد اخطأ فى حق ملايين السودانيين الفلاتة المساكين اللذين لا ذنب لهم سواء انهم فلاتة
اذن انت يا احمد تنطلق من وعيك بأن (الفلاتة المساكين اللذين لا ذنب لهم سوي انهم فلاتة) والله مش كدة...
وجيت أكدت وعيك بهذا الكلام:
اكيد لو كان واحد فلاتى قال جعلية ساكت لقامت الدنيا و لم تقعد ... تفاديا لكل هذه الاشكالات الاولى ان نبعد القبائل و العوائل من اللغو الكروى ...
مع اننا لو تلاحظ فوق قلنا جعلييين ساي...ولم تقم الدنيا...ولن...
ثانيا نأتي لكلمة ساي وبنفس منطقك
الا نقول في لهجتنا المحكية في أغلب السودان
المرة دي الخريف كتاحة ساااااي
والسوق مليان سمك سااااااي
وتفوت ولا حتي تودع ساااي ( ودي غنية كمان للهادي الجبل)
فهل اي من السايات الفوق ديل تحمل او تلمح لأي معني سالب ام هو مبدأ الكنكشة في الرأي
ما تحاولوا تفلسفوا لهجتنا وتعملوا لينا فيها شرطي عنصرية يا أحمد
فلا زلت اصر ان لا كلمة فلاتة ولا كلمة ساي فيها شي من عنصرية او يمكن ان تلمح لها
وللعلم ان نيجيريا بها اكثر من 270 قبيلة...لا يعرف الوعي السوداني منها الا قبائل
الفلاتة والهوسي وام بررو لصلة الدم بينهم والسودان...لذلك تجد معظمنا يغلبهم علي غيرهم
بالسودان فهم معروفون اكثر من غيرهم...
لاحظ ان الرجل لم يقل ساكت...وهذي ايضا يختلف استعمالها حسب موضعها وأحيانا حسب طريقة اللفظ
فالقردابي اورد فريقين من ضمن صلاثة فرق سيقابلها المريخ...وبالتالي العدد هنا له دور لكي
نفهم انه قصد دلالة العدد...اي الغالبية
زي لما نقول السوق الايام دي سمك سااااي....والنخل رطب سااااي...يعني السوق كله سمك او النخل كله رطب
بمعني اكثر حكا اي ان السوق خالي من اللحوم الاخري ما عدا السمك وهكذا...
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: nazar hussien)
|
نزار كيف حالك
Quote: طيب نشوف يا أحمد انت بديت من وين؟
قال احمد: ان
اخونا لم يوفق فى عنوانه قد اخطأ فى حق ملايين السودانيين الفلاتة المساكين اللذين لا ذنب لهم سواء انهم فلاتة
اذن انت يا احمد تنطلق من وعيك بأن (الفلاتة المساكين اللذين لا ذنب لهم سوي انهم فلاتة) والله مش كدة... |
ياخى نقولك تيس تقول احلبوا
لا ذنب لهم سوى انهم فلاتة يعنى فقط من منطلق عنصرى
و انا اعذرك لعدم استيعاب المعنى لانها مكتوبة بالعربى ... و المرة الجاية نشرحها لك بلغة الزول ... ساااى ... برضو ..فجيق و مش كده
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
Quote: يا جماعه اتقوا الله
والله دينق ده كل همه يطروكم ويعلمكم تتكلموا كيف.
واعلموا انه التطور فعلا ان تتحدث بلا عنصريه
وليس التطور من اين اتخرجت واي الوظائف تعمل بها واي عطور تتعطر بها.
شكرا لك اخي دينق وانت دائما صاحي للون. |
يا جماعة
الموضوع لا يتعدي كونه مكايدات ومزح كروي لا علاقة له بالسياسة او الجهوية باي صورة كانت
ما دا حال السودان لما نقول ليكم عنصرية مافي وبتستغربوا
لو بتتعاملو مع عامة الشعب كان عرفتو انو مافي فرق في التعامل
لكن عشان انتو راسمين صورة براكم ، فبتفترضو نيه سيئة لكل شي
خاصة في مجتمع الكورة ، لا تعني القبيلة الا تعريف بالشخص
يعني منو فينا الما برتاح لي محمد يوسف او هيثم مصطفي او ريتشارد اواواواوواوا
لو كانت اللهجة عنصرية لما كان هناك مشجع واحد للهلال
والمريخ كذلك...
فلاتي جعلي حبشي ، لا يهم، المهم هو مدي اخلاصة وحرفنته في الفرقة
اما من ناحية انو دينق يطورنا فدي مافيها كلام لو دينق هو زاتو متطور
اذا كنتو زعلتو من كلمة فلاتة ساااااااااااااااااااي دي واعتبرتوها جريمة في حق اي فلاتي
رافضين ادخال القبيلة في النقاشات ومعتبرين انها اساءة
مجرد ذكر القبيلة
فمابالكم وانتم تدمغون كل شمالي بوصف جلابي؟؟؟؟
وكل شايقي بوصف حرامي
وكل جعلي بوصف سفاح
وكلهم كارهي زواتهم
كيف يستقيم هذا بالله عليكم
لا لوصف الفلاتة بالفلاتة ونعم بوصف الشمالي بالجلابي
وبعد كدا تتكلمو عن حديث خالي من العنصرية؟؟؟؟
وبعد كدا تقولو دينق ح يطورنا؟؟؟
مالكم كيف تحكمون
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
Quote: نزار حسين
أحمد محمد عثمان.
إصراركم عن عدم عنصرية العنوان وأتهامكم لي بالنعصرية يعكس لي قلة خبرتكم في الحياة وعدم معرفتكم بالمجوعات الاثنية السودانية الاخرى.
إذا كان مثل هذا الحديث يعتبر عادي في المجتمع الذي تربيتم فيه فهذا لا يعني بأنه صحيح. هل ممكن تدلوني عن المعنى والمقصود بكلمة "ساي" في هذا العنوان.
دينق. |
دينق
الكورة ما عندها علاقة بي الكلام البتقولو فيهو دا
والمجتمع الاتربيت فيهو (وبالرغم من انك ح تلبسني جلابية ناس تانية وح تعمم علي) خالي من ما تقول
فلاتي يعني فلاتي
ما عندها معني تاني علي الاقل عندي
كدي خليني من مجتمعي
انت لما جيت السودان بعد غيبة
ما مشيت مجتمعك ليه؟؟؟
عشان تجي تورينا الصح من الغلط وتتفلسف في المجتمعات
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: احمد حامد صالح)
|
مؤشرات عن الفلانفى السودان يشير الدكتور ابراهيم البلولة فى بحثه لنيل درحة الدكتوراه من جامعة افريقية اشراف دكتور حسن مكى 2001 يشير الى انتشار الفولان بين دارفور و البحر الاحمر ، فلما ظهر حكم الفونج قام الفلان بدور بارز فى تعميق و ترسيخ السلطنة
لكم بعض المؤشرات من بحث البلولة 2001 عن الفلان ولاية سنار كأنموذج
أ / التنافس على العمل
وجود الفلاتة زاد دخلنا 58 فى المائة
وجود الفلاتة خلق نوع من التنافس و الاجتهاد 32 فى المائة
وجود الفلاتة يؤثر سلبا على دخلنا 3فى المائة
اجابات اخرى 6 فى المائة
ب/ رؤية سكان القرى المجاورة لقرى الفلاتة
يرغبون فى مجاورة الفلاتة 54 فى المائة
لا يرغبون فى مجاورة الفلاتة 32 فى المائة
واقع لابد من التسليم به 14 فى المائة
ج / التداخل الاجتماعى بين الفلان و جيرانهم
يوجد زواج مشترك 56 فى المائة
لايوجد زواج مشترك 29 فى المائة
اخرى 15 فى المائة
د / اثر قرى الفلاتة على القرى المجاورة
دخول بهائمهم مزارعنا 3,33 فى المائة
جرائم السرقة و شرب الخمر صفر فى المائة
تلوث البيئة 1,56 فى المائة
ضايقونا فى الخدمات 2,12 فى المائة
لانعانى منهم اى مشكلة 90,78 فى المائة
اخرى 1,21 فى المائة
النتائج تشير الى ان الفلاتة و جيرانهم يتعايشون بشكل ايجابى ، و الشواهد تؤكد ان الفلاتة يحترمون العروبة و كل تجلياتها ، و هناك فروع كبيرة من الفلان اختلطوا مع العرب ، على سبيل المثال ، الفلان البكرية {محمد بن ابى بكر } ، الفلان التوردب { عقبة بن نافع } ، الفلان الاشراف { الحسنية و الحسينية} ، و لذلك ليس هناك مجال للوقيعة ، سواء اعتبر الزول نزار حكاية ساااااااااااى مناسبة او غير مناسبة
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: احمد حامد صالح)
|
| Quote: عيب يعنى شجعت الاهلى و الترجى عشان بيضان اهلك و اهل صحبك ... و عامل فيها ناس دروغبا ما اولاد خالتك ... الفهم العام ان الافارقة خلان اهل امك و اكن فهمى ده غلط افتح بوست امدرمان و ملفات شهداء كررى ... عشان نشرح ليك كيف تورشين صنع امدرمان و اكيد نحن واثقين بعدها ستهرب الى مصر و ربما دمشق و حلب |
احمد صالح لم ااتي بسيرة امك فلا تاتي بسيرة امي؟
وتورشين ما صنع امدرمان..بل كانت موجودة من قبل المهدي يتمهدي بكذبة تورشين؟
وهو كان حايم يمهدي اي زول لاقاهو! ماكان ابقي هو المهدي!!؟؟
انا جعفري- تركي- جعلي الموضوع ده ماعاجبك مشكل ليك مركب نقص دي حاجة بتخصك؟
ودي ركبا ده لا ود خالتنا ولا عندنا معاهو اي قرابه..
وانته حتهرب وين امجميناام ابوجا!!
وزيرها بقر.....
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ahmed babikir)
|
Quote: وعشان اهل والدتي قريجعليين من الدامر يعني ب شندي![/QUOTE | Quote: احمد صالح لم ااتي بسيرة امك فلا تاتي بسيرة امي؟ |
هداك الله سيدى نحن ارفع من ان نتحدث عن الامهات فكل ام سودانية التاية و ربيكا و فاطمة و عشيتو عزيزات مكرمات ، انت لوحدك قلت اهل والدتك جعليين و نحن قلنا لك اهل امك جعلييين و نحن كررنا ما قلت انت فقط
| Quote: وتورشين ما صنع امدرمان..بل كانت موجودة من قبل المهدي يتمهدي بكذبة تورشين؟ |
امدرمان قبل المهدية كانت الفتيحاب اهلنا الجموعية جاء تورشين و عمل حى ملازمين المهدى و جاب ناس قدير فى ودنوباوى اضافة للمهجريين فى الهجرة ... و بان انتصار المهدى فى بانت و اما المسالمة سنعود اليها حين تفتح البوست
| Quote: المهدي يتمهدي بكذبة تورشين؟ |
يا راجل الكلام دا جبتو من وين ؟ المهدية تراث سودانى اصيل ... حرر السودان من الاتراك عنوة حتى رفعوا الراية البيضاء و استسلموا ... و تورشين سكنهم المسالمة
| Quote: ودي ركبا ده لا ود خالتنا ولا عندنا معاهو اي قرابه.. |
يا صديقى دروكبا هنا رمز للزنوج و اى قبيلة سودانية افريقية تحمل جزء من الجينات الزنجية
و القبائل السودانية من حلفا الى نمولى تعتز بافريقيتها انت شوف موقعك وين فى هذه الخارطة
انجمينا و ابوجا اقرب الى امدرمان من اسطمبول و حلب ... امدرمان تتقاسم الفضاء الافريقى مع انجمينا و ابوجا تتقاسم المرعى التراث الرحم الكجور السمرة المالكية الشاذلية القادرية التيجانية يتقاسمون الكنفدرالية
بصراحة الاخيرة دى ما فهمتها يا ريت يترجمها لى اخونا نزار
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: احمد حامد صالح)
|
الحمد لله عرفته انو في ناس كانو في امدرمان قبال زولك ده مايجي
فضل تعرف تروس المك نمر في امدرمان وتعرف علاقة (ام) بالدارجه الجموعيه والجعليه..
ودونك جبل ام علي وام سعد وامرح ....الخ
صحيح هنالك اضافات كبيرة تمت للمدينة بعد اعلانها عاصمة للمهديه ولكن المهديه لم تاتي بها...
داير اسالك انته المهدي ده ياهو المهدي؟
طيب ناس الشيعة ديلك راجين منو؟
انته عارف طبعا انو ودتورشين لما شاف الزبير باشا قاليهو انته المهدي!
يعني لو الزبير صدقو كان ناس الصادق راحو فيها!
هي الشغلانية بالبعد والقرب!؟
طيب زولك الفي امريكا ده مشي هناك ليه ماكان يمشي ليبيا ما اقرب ليهو؟
وهو موقعو هناك شنو؟
وزيرها دواس..
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: ALGARADABI)
|
يا أخ أحمد محمد صالح
ما فهمته من كلام ALGARADABI هو أنه يقصد أن معظم فرق مجموعة
المريخ من نيجيريا التي أشار إليها بالفلاتة. وبعدين من ناحية كروية:
الاستخفاف بالفرق النيجيرية غير وارد عشان مستوى نيجيريا الكروي
معروف.
كلمة [سااااااي] في السودان معناها [كل] أو [معظم]. يعني أنا ممكن أقول:
[الهلال السنة دي بيلعب في بطولة إفريقيا مع مصريين سااااااي] عشان لعب
مع الزمالك وسيلعب مع الأهلي.
لو كلامي ده ما مقنع اعتبرو مجرد تباين في الفهم ويظل احترام كل القبائل
وافرا.
شكرا
| |
|
|
|
|
|
|
|
|
|
Re: عاجل ....الهلال مع الترجي و الأهلي و اسك ...ومجموعة المريخ فلاتة سااااااااااااااااااااااااا (Re: Ahmed Alrayah)
|
يا حبيبنا ود الريح ساااااى عندها ستين معنى
بس اشرح لى هذه زول ساى
غجرى ساى
و بعدين صاحبنا احمد بابكر مبضبض مالو ... طرف السوط لحقوا و لا شنو ... ما قال دروغبا ما قريبو و قلنا امين ... و الله بذكرنى بحكاية
مسرحية الفرنسى جان جينيه {الشرفة } المقطع التالى :ـ
رئيس الشرطة { متسائلا } هل كانوا يعرفون اننى ارتدى باروكة ؟
القسيس { يجيب بدهاء الى القاضى و الجنرال } انه الوحيد الذى لا يعرف ان الجميع يعرفون
يبدو الصديق ابوحميد ود بابكر السودانى الوحيد الذى لا يعلم انه افريقى و ان اى افريقى يرتبط معه فى الاخوة و المناسبة الجابت البوست هذا مناسبة افريقية ... قرعة المنافسات الافريقية ... اللى عملها الاتحاد الافريقى ... اللى على راسه عيسى حياتو ... اكبر فلاتى
| |
|
|
|
|
|
|
|
| |
ALGARADABI
اساسي
Deng
Ahmed Mohammed Osman
Tragie Mustafa
فيصل نوبي
Faisal Al Zubeir
عبدالكريم الامين احمد
إدريس البدري
Hisham Amin
Elmuez Shayeb
احمد الامين احمد
فيس بوك
تويتر
انستقرام
يوتيوب
بنتيريست