|
|
 نورة
|
وكتين يضيع عرق الجباه الشُّم
شمار فى مرقة .. آه .. يا نورة آه
من دربك التوّر نفس خيل الصبر
فتـّر خطاوى الشوق وراه .. يانورة .. آه
ساعة الشموس الغُر تهضلم
تلحق الصِّح .. فى المغارب
يستر الضو الكهارب
تستر المدن السرابية .. الضبابية الكآبة
حائط التيه .. والطشاشات .. فوق قفيِّك
يا أمْ عوارض...
يا أمْ عوارض .. ما دُعاشة
ماها شبـُّورة وتقيف .. جايى ليك يا نورة غيمة
تملا ماعونِك خريف
يملا عينيكى ويفضـِّل
يروى جوّاك العطاشا
*****
يا نفس فجر القصايد يا بلادى
القطع قلب الروادى .. بى اللّواج الجاى .. وغادى
ماهو صوتك .. لاها صورتك
دى البترقش نادى فوق صدر الجرايد
إنتى يا حُضن الصحارى
شُفّع العرب الفتارى
البفنـّوا الشايلا إيدمْ
ويجروا كايسين القطارى
لا سراب الصحرا .. موية
ولا حُجار سلّوم .. موائد
حالكم البصرخ وينادى
ياوطن عز الشدائد
*****
يا هُدى الناس الحيارى
يا ندى الفجر الببلِّل نور عِوينات الفقارى
جايى ليك يا نورة
آفة .. للسوس البنقـِّر
عود عِشيماً داخرو فيك
أصلى لمـّن أدور أجيك .. بجيك
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
ما شكيت شُح اليالى .. وما بكيت نُحْ .. شِلتوا حالى
رغم إنو الحال بيفضح
إلاّ كٌتْ فى الحارة بصرُخ :
يا وطن عِز الشدايد
|
|
 
|
|
|
|
|
|
|
|
Re: نورة (Re: Al-Masafaa)
|
المسافة لك الود
التحية عبرك للذي كانت صرخاته يوم ميلاده موزونة ومقفاة تنضح بالانسانية وتنادي بالحرية - حميد
وهذا تصحيح بسيط
ويجروا كايسين القطارى
****
يجرو داقسين القطارى
| |
|
|
|
|
|
|
|
|
|
Re: نورة (Re: yasiko)
|
تشكر يامسافة على الكلمة الجميلة الرائعة المعنى ,,, ارمى قدام يا مسافة نحن فى انتظار الروائع
| |
|
|
|
|
|
|
|
|
|
Re: نورة (Re: bamseka)
|
Thanks a lot Yasiko & Bamseka
and the real thank to Hummaid & Mustafa allah yarhamoo!!
| |
|
|
|
|
|
|
| |
Al-Masafaa
yasiko
bamseka
فيس بوك
تويتر
انستقرام
يوتيوب
بنتيريست