|
|
 مزامير الزمن و الرحلة..................للمبدع الاستاذ هاشم صديق
|
مزامير الزمن و الرحلة
مزامير الزمن ناحت على الحب الفتر ولى
وبقيت مصلوب على الجرح الصعب و الليل
وحيد فى مسرح الهجرة
مطارات السفر يا ليل بكت من ظلمة الرحلة
و شبابيك الغرف جنت من الاحزان و الذكرى
اشيل قلم الصبر و اكتب:-
عن الجبل الشهق حسرة عن الحب النزح فى التية...
ومات بى سكتة العرفة
عن الارض...الزمن......الشوك
عن الجمرة الابت تصحا
عن الصاحب وكت يسقط
عن الصدق الصبح نكتة
اشيل قلم الحلم و ارسم
ملامح لى فرح مجنون.......واعود امحا
وحيد فى الارصفة المغسولة بالمطر النزف فجاْة
صقيع الغربة فى عضمى وشقا التلج الصِبِح لعنة
قطارات المدن تهدر
تقيف لحظة
تشيل جسمى وتجر لمحة
وحيد فى مقعد التذكار
افكّر فى سَما الحلة
اسامر فى مراكب النيل
وارتّل فى غُنا الشُلّة
قطارات المدن تهدر
تقيف لحظة
تفوت جسمى
وتغيب لمحة
وحيد تانى
وحيد فى الارصفة المغسولة
بالتلج الصِبح لعنة
انا المستنى زى مجنون
شمس مرسال من الخرطوم
وزول واصينو شان يحقن
عروق الغربة بالفرحة
انا المستنى ريد مجهول
انا..............
ويموت حِلمى
واعود اصحا
واعود اصحا............؟
من ابداعات الشاعر و الكاتب المسرحى الاستاذ
هاشم صديق..........لة التحيةو التقدير
ود السجانة
متين تتحقق اللقيا و متين يتقابلو الاحباب
شربنا دموعنا ما روينا حملنا الشوق ملانا عذاب
|
|
 
|
|
|
|
|
|
|
|
Re: مزامير الزمن و الرحلة..................للمبدع الاستاذ هاشم صديق (Re: 3asoola)
|
الاخت الغالية عسوووووووولة...
الشكر العميق لك لامنياتك لنا بالفرح
وان شاء اللة الفرح يغمر بيادر كل المغتربين
فلقد طال انتظارنالمجىء المرسال
من الخرطوم يا عسولة وحاضنين الامل و لسان حالنا
يقول الصبر جميل
مع خالص تقديرى لك
ود السجانة
متين تتحقق اللقيا ومتين يتقابلو الاحباب
شربنا دموعنا ما روتنا حملنا الشوق ملانا عذاب
| |
|
|
|
|
|
|
|
|
 يا لروعتك (Re: rahmy)
|
الاخ الرائع رحمي
لك التحية وانت تحملنا على اجنحة الابداع والروعة وترسم في خطاوينا الموسومة بالتعب نكهة الابداع والالق كل ذلك صورته بريشة زعيم من زعماء الكلمة في بلادي الاستاذ هاشم صديق متعه الله بالعافية وحفظه لنا
ودمت اخي ودامت لنا لفتاتك البارعة
ــــــــــــــــــــــــــــــــــــــــــــــــــــــــــــــــــــــــ
في الدرب البجيبني عليك مالي محن يا وطن ديمة ليك بحن
| |
|
|
|
|
|
|
|
|
|
Re: يا لروعتك (Re: شرووم)
|
اخى الغالى شرووم
تحية ود ومحبة مرسولة لك
شكرا اخى على كلماتك الرقيقة
وما احوجنا اخى شرووم لحقن عروق غربتنا بالفرح
وما زلنا حاضنين الامل و نحن فى انتظار المرسال
وذى ماتغنى مبدعنا وردى
رسلنا ليهو زول مرسال
و المرسال مشى و ما جاء
مع خالص حبى الاخوى لك
ود السجانة
متين تتحقق اللقيا و متين يتقابلو الاحباب
شربنا دموعنا ما روينا حملنا الشوق ملانا عذاب
| |
|
|
|
|
|
|
| |
rahmy
waleed500
3asoola
شرووم
فيس بوك
تويتر
انستقرام
يوتيوب
بنتيريست