|
|
|
 Re: ما هو تعليقك على صورة اليوم الموافق9 يونيو؟ (Re: بكرى ابوبكر)
|
بتذكرك يايمه في ساعة الهجير
صالاكي نار الدوكه عستيلنا الفطير
رشيتي قلتي أكلوه خير
وبتذكرك يابسمة الطفل الغرير
وكت الخلوق ترقد تنوم
أسهر براي أرعي النجوم
وأسرح بأسمك في الخيال
طيفك كمان بي فوقي جال
إتمني لو لحظات يدوم
لكني فجأه القاه زال
وبتذكرك يايمه والناس قالوا نازلين البلد
رصو الهديمات عدلوا
ركبو اللوارى وقبلوا
خلوني وحدي بلا أنيس
كيفن فراق إتحملو
| |
 
|
|
|
|
|
|
|
|
حبوبتى ،،،يما (Re: بكرى ابوبكر)
|
والله يااخونا قبل كم يوم فى المستشفى لقيت لى واحدة بت معاها حبوبتا والله من شدة اعجابى بيها وحبى ليها من اول نظرة قربت اقوم اداهما ليكم ( الحبوبه عشان ماتفهمونى غلط ) المهم لابسة ليكم المركوب الابيض مع التوب الابيض مع الشلوخ وريحة البلد حاجة تفتح النفس والله ، الملاحظ انه بدا اندثار هذا المنظر ومازال حتى يختفى لنفاجأ بعد سنيين بسيطة بعدم تواجدهم بل نجد هذا الجيل الجديد من الحبوبات والتى لا تليق عليهم حتى التسمية ، اطال الله اعمار الموجودين ورحم الله الذين توفاهم كما ربيانا صغارا ...
| |
|
|
|
|
|
|
|
|
|
Re: حبوبتى ،،،يما (Re: tariq)
|
يا سلام
ياخى المنظر ده والله لينا منه سنوات طويلة وفعلا قد تجىء سنين لا نراه ابدا الا فى محلات مطاعم القراصة
ناس امريكا واوربا بتاكلوا قراصة ولا لا؟؟
مساكين والله يا حليلكم
| |
|
|
|
|
|
|
|
|
|
قلب الأم (Re: بكرى ابوبكر)
|
لقد مضى عيد الأم وكتب الكثير عنه ,ولكن استوقفتني هذه الحكاية القديمة عن عظمة الأم ومكانتها ونبلها واحببت ان ارويها لكم
تقول الأسطورة ان مجرما استوحذ على فتى طائش وأغراه بالمال ليقتل والدته ويأتي بقلبها إليه .
وكان من طيش الفتى ان عمد الى أمه فطعنها بخنجر وفتح صدرها ثم نزع قلبها وحمله مسرعا الى المجرم الذي حرضه على فعل ذلك الأمر الشنيع .
وبينما كان الفتى يركض ,فعثرت قدماه , وسقط أرضا , وهنا تجلت عظمة وحكمة الله , فلما نهض ومد يده ليرفع القلب من الارض , وسمع القلب يقول له وبصوت حنون : ( هل تأذيت من سقوطك بني ؟ ) وعندما انتبه الفتى لشناعة فعلته ندم كثيرا وحاول طعن نفسه بالسكين , وما ان رفع الخنجر إلى صدره وإذا بالقلب يناديه مرة ثانية قائلا له : ( مهلا يا ولدي .. أرجوك لا تطعن قلبي مرتين ) .
وهكذا ترى يا قارئ العزيز أن مهما كان ان الام شخص عظيم , خلقت عطوف .
| |
|
|
|
|
|
|
|
|
|
Re: قلب الأم (Re: Elkhawad)
|
سلالالالالالالالالام
والله الصورة الف
قرشو
مالهم ناس امريكا و اوروبا ما بياكلو القراصة
انت تعال و انا اعمل ليك واحدة حبوبتك ما عملتها
الخواض
اول مرة اسمع بالطعمية البعملوها فى الصاج دى
العزيز بكرى
شكرا الصورة حلوة ومعبرة شديد
| |
|
|
|
|
|
|
| |
بكرى ابوبكر
nile1
EMU إيمو
tariq
قرشـــو
sama7
فيس بوك
تويتر
انستقرام
يوتيوب
بنتيريست