|
تعالوا نسجل حضورنا ليوم السبت 8/6/2002م ، أنا موجود ؟؟
|
انا عارف يوم السبت دا يوم طويل ، والله نحنا زمان ايام المدرسة كنا بنخاف منو لانو كان فيهو المشاكل الفجائية ، مثل تفتيش الكراسات ، والتسميع ، والاسبلنج ، وكل انواع التعذيب التى لاتخطر على البال ،،، على العموم هو كان يوم طويل كيومنا هذا ،،، تعالوا نقطعوا ونسة وحجى وضحك ،،، يلا نبدأ ،، سنرى من موجود فى هذا اليوم ، :-
|
|
|
|
|
|
|
|
Re: المساء (Re: BAKASH)
|
انت الظاهر عليك كنت حكمدار في الكديت، لأنو انا شايفك كترت من حكاية رفع الحضور، ومنو الفي ومنو الما في.
بالراحة علينا نفسنا قام من التمامات دي، دا طابور قلق !!!!!!
| |
|
|
|
|
|
|
إلى كل الإحبة يوم سعيد وصباح جميل (Re: al_msaa)
|
تحياتي لجميع الإخوة والأخوات ويوم سعيد وصباح جميل وأسبوع مبشر بالإماني الطيبة إنشاء الله بالمناسبة يا المساء يوم السبت في أوربا إجازة وبالنسبة ليهم أجمل يوم لأن السبت ويك أند بالنسبة ليهم والأحد إجازة رسمية وأرجو أن تكون كل أيامنا جميلة وليد
| |
|
|
|
|
|
|
Re: إلى كل الإحبة يوم سعيد وصباح جميل (Re: Habib_bldo)
|
والله ديل مرتاحين جنس راحة ،،، شغالين خمسة يوم فى الاسبوع ، 20 يوم فى الشهر ،، بس عشرين يوم ،،، والله ناس السودان ديل الله يديهم العافية ،،، شغالين ستة ايام فى الاسبوع ليل نهار ،، وماقادرين يعملوا اى حاجة ،، عندنا حفرة حفرناها قبل 6 سنوات فى نص الخرطوم قلنا عايزين نبنيها ،، عمارة _انت معاى_ عمارة مش ناطحة سحاب ، الحفرة دى هسع ياخوى لسة محفورة ،،، مع اننا بنشتغل 6 يوم فى الاسبوع ليل نهار ، وبعضهم يشتغل كل ايام الاسبوع برضو ما ملحقين ،، ياخى وين نحنا ووين اوربا ياخى ،،، لك الود يا ياوليد ،،
**********************************************************************
ياجماعة مالى لا ارى وليد 500 الليلة مسجل غياب
| |
|
|
|
|
|
|
Re: إلى كل الإحبة يوم سعيد وصباح جميل (Re: al_msaa)
|
أخونا المسا
عمك العجوز .. اللنهارده السبت قاعد مركلس فى البيت .. وفعلا ذكرتنا يوم السبت فى المدرسة .. كان كل واحد يسأل أخوه ان شاء الله الليله مدبل .. عارف مدبل يعنى أيه .. أظن أيامكم دى ما فيها جلد .. كان الواحد فينا .. يلبس الجلابية والعمة .. ويوم الجلد .. يلس ليه ردى .. عشان يرحمه من شدة ألم السيطان .. أنقر .. أفندينا من أول سوط .. يقول لأخينا .. أمشى أملصو ..وطبعا يأتى أخونا مكسور الجناح راجى الجاييه .. وعشان كده كنا بنقول ..
زهجان زهجان من التعليم البسيطان الحصة أيه من حضرة الناظر.. سبعة فى سبعة بكم يا شاطر .. ما يرفع يده الا مخاطر .. يجيب السوط ويبدا يغير ..
زهجان زهجان من التعليم البسيطان ..
الحصة ايه .. الحصة أعمال طين .. دا اليوم اللى فيه مرتاحين .. يا فندى دا عاصى وديل لاعبين... وديل امبارح كانوا مشاكلين.. يجوكم ميه يقولوا ديل شاهدين
زهجان زهجان من التعليم البسيطان ..
بس خلاص..
عمكم العجوز أرنست ..
| |
|
|
|
|
|
|
|