|
|
|
 Re: الكابلى وأغنية سعاد (Re: rummana)
|
الأعزاء بناديها
رمانة
أعرف أن الكابلى لم يكن أمينا فى تلحين النص كما كتبه مبدعنا الراحل عمر الطيب الدوش.وقام بتعديل الكثير من المفردات.بل ذهب أبعد عن ذلك عندما لم يراعى الحقوق المادية لأسرة الشاعر الراحل وهذا موضوع جرى تناوله كثيرا فى الصحف السودانية..
ولكن بعض الأعزاءطلبوا هذه الأغنية وفى هذه الحالة ل أملك خياراً غير الاستجابة بمعنى اختلاف الأذواق والرأى والرأى الآخر..
ولن أقول أن الأغنية لاتمثل رأى ناقلها الى هذا البورد..لكن فى مجال الأغنيات والموسيقى عموما تتفاوت الأذواق وتتباين
تحياتى
ود عزة
| |
 
|
|
|
|
|
|
|
|
Re: الكابلى وأغنية سعاد (Re: wadazza)
|
اضم صوتى الى كلام الاخ ود عزة فعلا الكابلى لم يكن امين فى نقل الاغنية ، كما وردنا فى مقال نشرناه بمجلة مشاعل من صديق الراحل الدوش الشاعر الفذ محمد طه القدال ذكر فيه كل الملابسات على لسان زوجة الراحل سعاد نفسها
كما ان الكابلى كتب على الشريط الذى اشتريت نسخة منه من باب شريف بجدة اسماء عازفين ولم يكتب اسم الدوش الذى حمل الشريط اسم اغنيتة
فلماذ هكذا يا كابلى وانت بيننا الآن
حتى عندما كان يغير مصطفى سيد احمد بعض كلمات حميد كان حميد يوافق ولكن الدوش لم يوافق
| |
|
|
|
|
|
|
|
|
|
عذر (Re: wadazza)
|
الاخوان الاحباء اعطر التحايا واهو انا محتفل بمناسبه خاصه مع نفسي اسمع ذاك الملودي الرائع بصوت الاستاذ العظيم وذاك كان بيوم الامس واقراء تلك الكلمات المكتوبه من اخونا بناديه ذاك الموسعه وتعقيب العزيز وده عزه ... اكيد هناك قصه للكلمات المعبره للمرحوم عمر الطيب الدوش اعذروني اعزاء اخذتني الغربه والعمل بعيدا فلذلك اتمني انا اعرف اذا كانت هناك قصه وراء تلك اللوحه الرائعه ودمتم احبتي
| |
|
|
|
|
|
|
|
|
|
Re: عذر (Re: willeim andrea)
|
ويلي
ما بعرف ليها قصة معينة..لكن هي من محاولات عمر الدوش في كتابة المسرحية القصيدة..والعنوان الكبير هو ضل الصحى والفصول محمد ودحنينة ويضم المقاطع المنشورة أعلاها وطه المدرس وصالح ودقنعنا والعمدة جابر..بس خليني الآقي النوتة وشوف كان ما شفيتها ليك كلها هنا..المهم سبق أن أقيمت ليلة أدبية في نادي أبي روف وأحياها عمر الدوش ومعاه القدال وأخرون..حضرت الإذاعة والتلفزيون لتغطية الليلة ونقلها على
الهواء في محاولة للظهور بالروح الرياضية للنظام وأنه يمكن
أن ينقل ليلة شعرية للألسنة التي لا ترحمه..في تلك الليلة كما سمعت فإن عمر الدوش ألقى ضل الصحي بكامل فصولها..وألقى
فتحت جوابك الأول لقيتك لسه ياوطني بتكتب بالعمار والدم
ولسه بتسكر امدرمان على الشارع وتتكوم
وتمرق من صدر مسلول نهودها تدوسن العربات
ترضع في الكلاب مشنوقة من عينيها في الساحات
وتضحك في زمن مسموم
ولسه بترقد الخرطوم
تبيع أوراكها للماشين
تطل من فوق عماراتها
وتلز اطفالها في النيلين
وترجع للرقاد تاني
فتحت جوابك الأول أشوفك في جواب تاني
مشيت اتمشى فوق همك وصلني جوابك التاني
يحيض الغيم على سطورك يقطر من سماك دمك
بشوف في جوابك التاني مدن مبنية متكية
بتمرق من شبابيكا عيون برموشه مطفية
شرك لكل قمرية وأماني كثيرة مخصية
شوارع بالنهار والليل مدبسة بالحرامية
معلقة في صدور الناس كلاب اسنانها مبرية
على مر السنين تحسب شهور أيامها عبرية
مشيت اتمشى فوق همك
وصلني جوابك الدمك
رقدت على البحر غنيت
مليت احزاني بالامواج جرحت الدنيا بالدوبيت
جريت لي ساحة الشهداء لقيتم لا وطن لا بيت
دخلت منازل الامهات
وطليت لشقاء الأخوات
مرقت كأني زولا مات
لقيت أطفالي في الشارع
بيجروا على أمل واقع
رقدت على البحر غنيت
واتذكرت اهلن لي ساكنين في سجون كوبر
مليت أفراحي بالأمواج وشديت الرحال قمت
لحد الليلة ما عدت
شبابيك فتحت أبواب وأبواب فتحت حارات
وكنت معاك ياوطني علىحمى الجواب الفات
صحيت ولقيتك الشارع وكت تتمايل النخلات
وترمي على التراب ضلك على أيامك الجايات
وفي جوابك الرابع لقيت الناس على الشارع
وصوتك من كهوف طالع كواريك للسماء السابع
كواريك للسماء السابع
كواريك للسماء السابع
وطبعا ياويلي لا الإذاعة ذاعت ولا التلفزيون نقل
إصلو الكلام كان مليان توريات في ظاهرها قلة أدب
وفي جواها معاني تهز القصر والعمارات الحمراء
| |
|
|
|
|
|
|
|
|
|
Re: عذر (Re: wadazza)
|
يا ودعزه
بالغت تطرقت لى موضوع جد فى غايه الدهشه لى
لانى قمت بالحان اغنيه سعاد منذ ان كانت فى جنين
وح ارد عليك بتفصيل شديد فى بوست اخر واحكى ليك القصه
من الاول الى النهايه وبدون حساسيات
| |
|
|
|
|
|
|
|
|
|
Re: عذر (Re: HAMZA SULIMAN)
|
فى انتظارك أيها المبدع...وشكرا على اضافة هذه المعلومة لى بأنك قد قمت بتلحينها ..وكنت احسب أن الكابلى فقط هو من قام بتلحينها
تحياتى وفى الإنتظار
ودعزة
| |
|
|
|
|
|
|
|
|
|
??? (Re: wadazza)
|
الاخوه الاعزاء تملكتني الدهشه فعلا انته موسوعه يا اخي واخونا برضو اضاف معلومه ونحن في انتظار المزيد ودمتم احبتي
| |
|
|
|
|
|
|
| |
wadazza
banadieha
rummana
willeim andrea
فيس بوك
تويتر
انستقرام
يوتيوب
بنتيريست