|
محبه البينا ولا صداقه محجوب شريف
|
محبّه البينا..
ولاّ صداقه؟
ولاّ بداية فرقه طويله؟
أهو بنتقابل نمشى ونضحك
وياما نعدّى أماسى جميله
وكم بتساءل..
وكم بتفاءل
ومرّه أكون غلبان الحيله
واسارع أسارع
أطوى الشارع
وبرضو
خطايا بشوفا تقيله
واساهر..
أطرّز باسمك غنيه
وأنوم والشمسِ
مسح منديلا
جبين الدنيا ولفّ جديله
وأقول أكتبلك..
أنا من قبلك
يمكن تبقى الخطوة عديله
وأقول أصبّر
يمكن نكبر
أكبر من تغلبنا وسيله
وتانى الشوق يشعلنى فتيلة
وافتش عنك..
واهرب منك
وسيرتك دايماً بمشى واجيلا
*
محبة البينا ولاّ صداقه
ولاّ بداية فرقة طويله
|
|
|
|
|
|
|
|
Re: محبه البينا ولا صداقه محجوب شريف (Re: banadieha)
|
يمكن صح يا بناديها
لاكن وليد عمل وفاق وطنى علشان كدا بقى ينشد مع محجوب شريف ،،، نعم انا متأكد انه السودان ، كلنا نحب بعض لاكن اختلاف الراى لايفسد للراى قضية ابدا ابدا ابدا ،،، انه مليون ميل ، ومربع كمان يسعنا جميعا ، وحتى لو جات دولة تانية ،،
| |
|
|
|
|
|
|
Re: محبه البينا ولا صداقه محجوب شريف (Re: رومانسي)
|
وليد نسيب السياسة والامن لي بكرة الصباح خلينا الليلة في حضرة محجوب شريف والكلام الطاعم بالمناسبة محجوب في سجن كوبر قال اسمعنا يا ليل السجون نحن بنحب شاي الصباح والمغربية مع الولاد الزوجة والام الحنون وقال لي زوجتو من داخل المعتقل سلميلي على البيابو الحق هدية سلميلي على على رفاقي وبلغيهم اشتياقي سلميلي على حبايب في زوايا المغربية قولي ليهم حبو غنو الدنيا مازالت ندية سلام
| |
|
|
|
|
|
|
Re: محبه البينا ولا صداقه محجوب شريف (Re: bunbun)
|
تحياتى بن بن وفى انتظارك غدا وناس الامن ومحجوب وصانى
ووصّانى
اغنى اغنى..
وصّانى
وخلانى أحس لوجودى
فى عيونك طعم تانى
وللفرح البعيد من عمرى
طول أيامى ودانى
طلعتِ علي متحمل..
عذاب الأرض
طالع من جرح
قانى
تعالى تعالى
نتماسك على الروعه
ونتجاسر على اللوعه
ونتقاسم سوا..
الهجره الطويل مشوارا
والهجعه
ونطلع للحياه أنداد
زي سيفين مساهر..
فيهم الحدّاد
ونطلع من بذور الأرض
زرعاً فارع الأعواد
حبابك يا سما الأعياد
أحبك يا ضحى الميلاد
| |
|
|
|
|
|
|
Re: محبه البينا ولا صداقه محجوب شريف (Re: al_msaa)
|
الاخ بناديها تحياتى ودى رساله عشانك يا بناديها حتى نضارى تلك الفضيحه البتتكلم عنها قبل لحظات وامكن تكون عربون لى اشياء قادمه لكن اصبو معقوله يا بناديها
أشوفك جنبى..واتمّناك
واكذّب عينى إنى أراك
أصدق كيف بتحكى الشوق
وليل الغربه..لى مضناك
لى أنا..اللى بحلم بيك
ولى أنا..اللى بترجاك
يا حلمى البعيد..وعزيز
زمان يا حلمى مأ أقصاك
المساء شكرا ليك كتير ونحن دائما بنبحث عن سودان جديد متكامل وفى النهايه بنصل
| |
|
|
|
|
|
|
Re: محبه البينا ولا صداقه محجوب شريف (Re: al_msaa)
|
معليش يالمساء..جدلية يمكن..عبثية يمكن..دعنا نأخذها عبثية هل تتصور أن يجلس محجوب شريف والراديو بجانبه ينبعث منه نشيد أمريكا دنا عذابهاأو أو أو أو أو أو أو أو تلك إيدولوجية سمجة ولو فعل محجوب شريف ذلك إذن لتدنى.. أما أن يتلمس وليد 500 شيء من بارق في قصيدة عاطفية لمحجوب شريف فإن محجوب شريف هو إيدولوجية الوطن كله ومن باب أولى أن يكون ملتقي لكل مهموم بالوطن أراد أن يرتقي من أيدولوجية دنياإلى ياوطنا بدون إسياد وأنشاد عصافيرا ببالن ما خطر صياد
وليد500 دا أنهبش
| |
|
|
|
|
|
|
Re: محبه البينا ولا صداقه محجوب شريف (Re: banadieha)
|
الاخ بناديها انا عارف بتكون هسع فى سابع نومه ويا سيدى نحن بناخد من كل بستان زهره بى الامس الغريب اخدنا سبدرات واليوم محجوب شريف وغدا بن بن وهكذا دواليك الكل من داخل حظيرة الوطن تعرف يا بناديها عجبتنى رسائل بن بن عندما كنت فى المنفى البوردى دورتا عليها كتير بس ما حصلتها نحن قد نختلف فى اشياء بس الجميل جميل ولامش كده؟؟؟؟؟؟؟؟؟؟؟؟؟
| |
|
|
|
|
|
|
Re: محبه البينا ولا صداقه محجوب شريف (Re: waleed500)
|
العزيز / وليد لك التحية و الود
سؤال
محجوب شريف
ساعدتيني أحبك ليه؟ خليتيني وجرحي خطير ولو ساعدني الزمن أنساك حأعمل أيه؟ العُمر قصير العمر قصير العمر قصير قابلتيني وكانوا عيونك حقل نضير وكان العمر هجير الحزن اشتد عليه وفارقتيني أباري النجمة وأتاري النجمة سماها مطير وقلبي حمامة جناها أسير وجناحا كسير ساعدتيني أحبك ليه؟ وخليتيني وجرحي خطير ولو ساعدني الزمن أنساك حأعمال أيه العمر قصير العمر قصير العمر قصير أهرب منك دايماً ليك أي طريق أمشيه عسى يخلّصنى يودي عليك أقول أنساك أفاجئ قلبي بيسأل يسأل كل مكان أتعرف بيك أقول أنساك افتش عنك في اللي يعرفك وبلاقيك وأفكر فيك ساعدتيني أحبك ليه؟ خليتيني وجرحي خطير ولو ساعدني الزمن أنساك حا أعمل أيه؟ العمر قصير العمر قصير العمر قصير مسامحك زدت على الشيل وخليتيني أواخر الليل طاير هدم عشو السيل وفارس فاتو جوادو الخيل ساعدتيني أحبك ليه؟ وخليتيني وجرحي خطير ولو ساعدني الزمن أنساك حأعمل ايه العمر قصير العمر قصير العمر قصير
| |
|
|
|
|
|
|
|