|
|
 مطلوب شوية هندمة علشان مانكون درجة عاشرة
|
اهلى الغبوش كيف الحال
ياحلوين ياسمحين ياطيبين يا الفى الداخل والخارج كيف عاملين
نحن والله سمحين باخلاقنا وقيمنا وعلمنا لكن تنقصنا بعض الاشياء ومن ضمنها
عدم اهتمامنا بمظهرنا (الهندمة) نعم انا معاكم الكلام علي الجوهر …
لكن حاليا اصبح المظهر يمثل نسبة عالية جدا من تقييم الاخرين لك ..
طبعا بالنسبة لاهلى الطيبين الموجودين داخل السودان ربما يكون المظهر بالنسبه لهم
نوع من الكماليات وتحكمهم الظروف الاقتصادية التى لاتخفى علي احد
لكن الكلام ليكم انتو يا المفتحين اضنينكم الضاربين الكندشة وراكبين السيايير
عليكم الله نهتم شوية بمظهرنا حتى لانكون مصنفين من الدرجة العاشرة ..
نحن والله الاجناس التانية ما احسن مننا لكن كده شوفو عندما تكون هنالك معاينة لوظيفة ما
شوف الجماعة كيف متهندمين لكن تلقى الزول لابس ليه قميس مكرفس وبنطلون ماعارف من وين
ومافي أي علاقة بين البنطلون والقميص ولابس ليه شبش وحتى السيرة الذاتية تلقى خاطيها في كيس او في ظرف فيه بقع زيت بالرغم من ان الزول يكون حامل اعلى الشهادات
لكن صاحب العمل يقول ليه نآسف لعدم الموافقة علي اختيارك … مش لان الزول ما مؤهل علميا لكن لانه غير مؤهل شكليا …
ولكى لانكون درجة عاشرة
ولكى لانحصل علي اقل تقييم من الاخرين
ولكى لانكون اقل درجات وظيفية واقل رواتب
يجب الاهتمام بالمظهر …
لكم التحايا
null
|
|
 
|
|
|
|
|
|
|
 أصبحنا بالفعل درجه عاشـــره (Re: isam)
|
الأخ عصــــام
لك جزيل الشكر إذ طرقت ظاهرة إنفردنا بها دونا عن سائر الجاليات التى تعيش فى دول المهجر..وتحديدا هنا فى السعودية التي نعايش فيها هذه الظاهرة المخزية..والظاهرة لم تقف عند حد المعاينات أو الذهاب الي السوق أو زيارات المعارف..بل تعدتها الي المساجد...حتي أصبحت مثار حديث أهل هذه البلاد..قبل أربعــة ايام فقط ذهبت لزيارة أحد المعارف في أحد جمعيات سكن العزاب..والمنطقة شعبية تجد الأغلبية العظمي من سكانها من الغبش..دخلت الي المسجد لأداء صــلاة العشاء وكان أغلب الحضور من الغبش..لاحظت أن تسعون بالمائة منهم أتوا للمسجد بالعراقي والسروال..وعقب الصلاة إستأذنني أحد أهل البلد وإنتحي بي جانبا وقال لي فى أدب مامعناه أننا اكثر جالية تحظي منهم بالإحترام والتقدير لطيب معشرنا وحسن أخلاقنا..ولكنه لاحظ أنه فى السنوات الأخيرة أصبح مظهر الكثيرون منا مسيئا لسمعة السودان والسودانيين.. حتي أصبح البعض يأتون للمساجد بزي لا يليق بمكانة المسجد..قال لي أن الإمام تحدث عدة مرات عن وجوب مراعاة الحضور الي المساجد بالزى الذي يليق ولكنهم لم يلتفتوا الي الأمــر إذ أن الإمام تكلم بصورة عامة ولم يخص جنسية بعينها حتي لايشعرهم بالحرج أمام الجنسيات الأخري..طلب مني الأخ أن الفت نظرهم وأتحدث معهم إن لم يكن في ذلك حرج..وكان أن تحثت معهم بأسلوب طيب تقبلوه بروح طيبة...وزادني سرورا أنني وبالأمس فقط ذهيت الي نفس المسجد ووجدت المجموعة التي تحدثت معها يرتدون الجلاليب..ولكن لايزال الكثيرون الذين لاأعرفهم يرتدون العراقي والسروال..وأنا الآن بصدد البحث عن شخص يعرفهم لأتحدث اليه عله يلفت أنظارهم...هذا مثـــال حي أسوقه هنـــا ضاما صوتي الي صوتك..بأن نقوم جميعا بلفت نظر من يصادفنا بمظهر غير لائق..وتلك مهمة دونها صعاب وإحراجات وربما مشاحنــات ولكن....ألا تستحق منا عــزة أكثر من ذلك؟؟؟؟؟؟؟
| |
|
|
|
|
|
|
|
|
|
مرة أخرى يفرض نفسه (Re: isam)
|
الأحباب الأعزاء ..
الأستاذ عصام ..
الأستاذ نايل ..
لكم التحية والود ..
بذلك يكون قد تم طرح هذا الموضوع للمرة الثالثة . مرة من أحد الزملاء والمرة الثانية من شخصي .. وهاهو الأخ عصام يبرزه مرة أخرى ..
يا زملاء البورد هذا الموضوع هام جداً .. وقد مر في الطرحين السابقين ولم يوفى حقه في النقاش .. آمل أن يحظى هذه المرة باهتمامكم جميعاً.. وبنقاشة بشكل جدي .. نريد أن نكون طيبين شكلاً ومضموناً .
تحياتي لكم ..
جـــاد
| |
|
|
|
|
|
|
|
|
|
Re: مرة أخرى يفرض نفسه (Re: JAD)
|
الاخوه لكم الشكر الموضوع فى غاية الاهميه اذ اننا فى دول الشتات نعكس حال بلادنا وكل واحد فينا هو السفير فالمظهر شىء اساسى للحياة فى الخارج ربما الحاله الاقتصاديه تدعو الى الكئابه التى تؤدى الى عدم المبالاه والاهتمام ولكن علينا ان نضع فى الحسبان ان كل الجنسيات الاخرى جل اهتمامها فى الشكل الخارجى ، ثم نحن باخلاقنا وكرمنا نمره واحد وفى القمه فلماذا نهمل مظهرنا؟ 0
| |
|
|
|
|
|
|
|
|
|
Re: مطلوب شوية هندمة علشان مانكون درجة عاشرة (Re: isam)
|
شكرا ياعصام لانك طرحت موضوع هام جدا ، وغالب السودانيين لايهتمون به ، ولا يلقون له بالا ، ذهبت الى الحج والعمرة مرتين وشاهدت حالة السودانيين بالسعودية ، فحالة بالمقارنة بالجنسيات الاخرى تحتاج لمراجعة نظر ، ففى المدينة قابلت عديد من السودانيين بالعراقى والسروال فى شوارع المدينة حتى فى الحرم النبوى لابسين جلاليبهم الخفيفة التى لا تستر ما خلفها من عراقى او سروال او فنائيل داخلية ، فى حين ان الجلاليب والقماش فى المملكة ببلاش وهذا امر لا استحيا فيه ،،
ذهبت سوق باب شريف فى جدة ، ونسيت اننى فى جدة او اننى خارج السوق الشعبى بالخرطوم ، بالله سوف باب شريف دا كلو سودانيين زى سوق الناقة ، اظنو شريف دا زاتو سودانى كان ببيع الابواب او عندو باب هناك ،، المهم انو السوق دا كلو عراريق وسراويل وجلاليب غريبة الاشكال والاطوار ،،،
بمناسبة اللبس اليك هذه القصة
يحكى ان شركة كبرى تحتاج لموظفين فقامت باختيار عدد من الموظفين من جنسيات مختلفة ، المهم من بينهم سودانى ، فتصادف ان يسكن هذا السودانى مع اخ لبنانى فى شقة واحدة استاجرتها لهم الشركة ، فمن اول مرتب صاحبنا السودانى وزع المرتب دا لى خالى ودا لى خالتى ودا لى بت عمتى ، المهم وزع مرتبو هدايا لاهلو فى السودان (ولاحظ دا اول مرتب ) اما اللبنانى دخل السوق وهاك يابدل ويا قمصان ويهندام المهم اشترى ملابس له كتثيرة وكرفتات ولبس وكدة ، بعد 3 شهور البنانى بقو ليك المدير بعد ترقيات اما صاحبنا فلازال موظف كحيان فاكى القميص ، هذا ليس بالضرورة انك لا تبر رحمك ، لاكنه بالضرورة المراعاة للبسك فهذا شئ شخصى يتعلق بك ، فالحكم فى هذا الزمن اصبح اللبس والتطقيم واللون والزوق يظهر فى حذائك اللامع وربطة الكرفتة الراقية ، او جلابيتك الامعة النظيفة ، يقال فى المثل السودانى الشعبى : اكل ما يعجبك واللبس ما يعجب الناس ،،، الجوهر السودانى والاخلاق السودانية اصيلة وراقية ورفيعة مافى زول بشبهنا ،، فهل عكسنا ذلك فى مظهرنا ،،، الى لقاء ،،،
| |
|
|
|
|
|
|
|
|
 Re: مطلوب شوية هندمة علشان مانكون درجة عاشرة (Re: al_msaa)
|
الجوهر السودانى والاخلاق السودانية اصيلة وراقية ورفيعة مافى زول بشبهنا ،، فهل عكسنا ذلك فى مظهرنا
كلامك حلو يا المساء
عصام 00 احييك على الدخول فى الموضوع وبدون مقدمات
وكلامك صاح وياريت وياريت
مر البروفيسر فى المشرحة يتفقد المجموعات ، وعشرات الطلبة
من مختلف الجنسيات ، طلع من بينهم طالب سودانى
قال ليه شكلك لا يمكن يوحى بأنك طبيب ، بعيدا عن الاناقة
المفروض تكون نضيف ، انت طبيب يعنى عارف شنو ميكروبات وشنو جراثيم
بالله دى مش شينة فى حقنا؟؟
لكن اخالفك فى ذكرك للوضع الاقتصادى فى السودان وممكن يكون سبب
فى عدم الاهتمام بالمظهر
وانا فى رائى ، ممكن تكون نضيف ومهندم وانت عندك جلابية واحدة
يعنى كان ماعندك ستين لبسة ، ودة مش ضرورى
ياريت تكون مرتب جلابيتك الواحدة دى
فى واحد من جعل شندى ، كان دائما يقول
المهم نضافة الحمام والوجيه يكون بسام
اصلو الجمال اقسام
ـــــــــــ
ابوى بناديها 00 انت بتشطح فى صميم الامور مالك
خلينا فى نضافة العراقى والسروال
الكلام دة شوية شوية بيتصلح
| |
|
|
|
|
|
|
|
|
|
شوية هندمة (Re: isam)
|
صباحكم خير يااهلى الغبش يا الفى الداخل وفي الخارج
اعزتى .. طبعا نحن سودانين يسعدنى جدا ويشرفناان نكون احسن ناس
والله يااخوانا في بعض الاحيان الواحد بيزعل لدرجة لاتتصور من هذه الظاهرة
حتى كدى عليكم الله شوفوا التلفزيون بتاعنا والديكور بتاع بعض البرامج في الحقيقة كل البرامج تشعر بان مهندس الديكور لو كان في مهندس من اصله ما عنده اي فكرة تلقى واضع بعض الاشياء في الاستديو مافى اى تجانس مع بعضهاولاتوجد لمسات فنية بالرغم من انه عندنا عدد كبير جدا من الفنانين التشكيلين وذات الحس المرهف في هذا المجال وماتعرف السر في كون التلفزيون يكون بهذه المهزله
شنو .. الله يسامحكم يا ناس التلفزيون
لكم التحايا .. ياهلى الغبش
ورغم غباشتكم لكنم سمحين
| |
|
|
|
|
|
|
|
|
|
ام المشاكل (Re: isam)
|
عزيزى بانديا
د هى ام المشاكل
ومن هنا بطالب التلفزيون السودانى الاكثار في بس المسلاسلات الشامية
| |
|
|
|
|
|
|
|
|
|
Re: مطلوب شوية هندمة علشان مانكون درجة عاشرة (Re: isam)
|
الموضوع في غاية الاهمية...و مش كدا بس...المشكلة نحنا عاملين طنــــــــــاش...اقول ليكم حاجة وبدون مبالغة.....عندنا واحد من الاخوان هنا في ميامي..ما بتشوفو اغبش ابدا...عايش في بيت محترم جدا...و ليهو بيجاي 14 سنة...و الغريبة ديمه عليهو مفلس...يشتغل عشان المظهر و ياخد راتب محترم و بعدين يسيب الشغل...ودي حاجة قالا بلسانو...صحيح انو لا يبالي.. careless 1000
لكن مظهرو المديهو القيمة...على عكس اغلب الناس هنا...تلاقي الواحد شغال و بي اسرتو و اغبش تقول جاي من السودان امبارح
عشان كدا اقول....من شيمةالمسلم النظافة و برضو اظهر مالك في نفسك ما كلو ملايات و دهب والواحد ابو شهادة جامعية عامل فيها آينشتاين و خاتي ريحه زيتية و لبسو لا في السما لا في الارض... و يقول انا فاهم
انشاء الله نفهم الحاصل بس
| |
|
|
|
|
|
|
| |
isam
nile1
JAD
OmDur
banadieha
فيس بوك
تويتر
انستقرام
يوتيوب
بنتيريست