إتوهطت دمي المفصد وصنقرت مهمومة تغزل فى الملامح الجاية للوطن العصب إتوسطت حلم الجدارات البتشهق من هجير الحاجة والحال الكعب ومضت ترتب حيلا فى دمي المسوس بالتعب وا نخوتك .. يا تومة ما البال إنسرق في اللفة والخيل روحت فاتت زمن عشم الدرادر وكضبت كل الغناوي المارقة من عند الأزقة والبيوتات النحيلة وفترنا من بكرة المدسدس فى جيوب الحوش وتيبان القبيلة صعدت إلى أشيائها القصوى عيون الفجر وإقتسمت مع الليل المواعيد الجميلة وكفاي أمرقي من دماي وراك مضبوح الطريق وأمامك الأطفال رصاص ... والجوع مناص والمدخل الفاضل وحيد المدخل الفاضل جواي محجوز لأفواج المعزين الكبار كتلوك وجايين حنتك ... عرسك أظن ما مأتمك لم أفهم الحاصل على وجه الخصوص فقط إقتنعت بأني ممكن أفقدك وبكل ذوق فاقد خطوط الذاكرة ومضيت على العهد الموشح بالهتافات الكضب وبصمت إنى معاك زول وافر وصحة وخير ومال وأقدر أقول وأقول كدة إنك حبيبتي وسر شقاي بالحيل بتسندي جوعتك بالحيل بتشبعي رغبتك بالحيل دموقراطية جات وحتى بالإيد البتجدع من فتات للجارة قبل تشحدك .. وما سكت قال إنك كدة قدام رجال لابسين عيون تعمل كدة لابسين لسان بيقول شنو .. يا تومة هوى بيقول كدة لابسين على وجه الخصوص لابسين كدة ديل ناس كدة لا أستطيع الآن أن أتوقع الآتي أم الآتي جميع اللافتات تبسمت بعلامتين من الذهول وهناك متسع من الإصغاء فينا والهطول ليخش في دوراتنا الدموية عمق الأفئدة شئٌ من الهرب الحريف على مقاطعنا القميئة يعتمل والنيل يزهق فى خطاه المعلنة لموالد الأطفال أغنيةً رخيصة وخصوبتي إجتهدت لكي تلد البوار يا تومة أطلعي ما كفاك ما الليل سرق عضمي ومشاك بتفتشي الضل تحت جنحات الطيور الجارحة والخوف على الباليني بيك ما الريد موسم فى الوعود المانحة أنا إستلفت من المسامير توب عطش ولسان منابر فاضحة وبديت أغش ... شان الجدارات المكندكة بالأمل عفواً لأحترف الأغاني المربحة أو ليس لي حق السقوط إلى علي القلب لا للعشق القلب للصفقات أو بيع البيوت النازحة والعشق توجني على رأس السنابل دولةً للجوع للمتسولين على الحياة الفارهة أحتاج أوعيةً من الأسفلت تجهض فى دمي نبض المعارضة السخيفة أحتاج أغنية من التفريط كي أجد البداية فى النهاية أمتهن وجهاً يقاتلني لقاء الصباحات الغنية والثراء المستبد وأتف فى صف الرغيف أتف في صف النزيف على الوجوه الشاحبة أحتاج فارهةً تعلمني التجاوز والتجاوز صفقة كبرى لبيع الإحتمال ولتومة أقمصتي القديمة فلتمزق ما تشاء وألقى العيون بتقول كدة وألقى اللسان بيقول شنو يا تومة هوي بيقول كدة وأكون كدة .. وأخط على السكة الجرح وأنزف بدونك تومة واتناسى الكان بينك وبين عشمي النصيح والسكة أطول من نفس غضبي الفضل وبراك صار العش جريح يمكن تفوتني معزتك أو ألقى من قمحك سماح لون بلوزة .. ومن رجالك هم نضال تومة وبواصل سكتك
05-20-2002, 10:44 PM
nadus2000 nadus2000
تاريخ التسجيل: 02-05-2002
مجموع المشاركات: 4756
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
bunbun
nadus2000
فيس بوك
تويتر
انستقرام
يوتيوب
بنتيريست