ها ها ها الرئيس القائد هو بالله شكلو بقي كده؟ لازم كل الذنوب والإجرام والقتل الذي مارسه في حياته لازم يظهر في شكله، زي صورة دوريان جراي بتاعة أوسكار وايلد
05-16-2002, 05:33 AM
almostkeen
almostkeen
تاريخ التسجيل: 05-13-2002
مجموع المشاركات: 66
دي ابو عاج الغنو ليهو البنات في يوم من الايام وزي ما عارفين الحصل بعد داك حاربوا صيد الافيال وحرموا تجارة العاج وعشان كده ابو عجاج اتخته في الرف با ستشعار الشعب البطل والا شنو وقال لو دامت لغيرك ما كان وصلت ليك
بعد طردك زمان جايينا تاني تسوط جيت يا المرفعين بين الغنم مبسوط ديل غنم التوالي امات ضنب مزعوط بتاكل الفيل غدا والمرفعين مربوط ديك العده فكر الجابوك ديل قوم لوط عندنا ليك سؤال في اجابته ما بتجوط ان قلت الحقيقه ليك حوقه فيها سعوط أخيير ليك (التوالي) يقطع شرموط؟ ولا التجمع يأدبك بالسوط ؟!! ***** بعد الحصل جيت يالمايل الخيبان نسيت الشرده يوم دسوك مع النسوان نسيت انك امام المؤمنين وخطبة ام ضيان نسيت شنق الشفيع فى ساحة الفرسان وعبدالخالق نسيته وفكره في السودان محمود محمد طه حي وبيته فى امدرمان ودرب الآنتفاضة راجيك في كل مكان ****** ما بتفلت اكيد يومك تمام محسوب والناس ما نست دم قلبها المسلوب قِبٍلت الرجعه يالمهووس ابيت ما توب ارادة الشعب قوت ماتفتكر مغلوب وكت النار تحر بالخوف تقول حي اوب هتاف الشعب نسيته ايام بديت يا دوب "لن يحكمنا طيش الجيش وطيش حنتوب" ***** يا المن فراغ جيت للحكم بالخدعه كسرت المصان وجلبت اخر بدعه في حنتوب زمان ما كنت طيش الدفعه يوم الانتفاض يا المبتساوي الدقعه الجابك من مصر عامل حساب الرجعه ***** محمود محمد طه عالم يا بليد ماك قدره عايش في القلوب سودانا بعرف قدره جنان الآخره مأواه بتعظم اجره يوم التار قريب وكت السيوف يتكجروا انت مع الترابي بطيروا ولا بتجروا ****** نسيت مارس وضربك جامع الانصار نسيت المهدي في الجزيره فوق القار رجال في الحاره تكوي عدوها تاكل النار وكت اتشابك البارود مع الدبايه والفرار فرس ود الاسد في عيونه كان في شرار سليل المك نمر وكت النزال بحتار !!؟ سيفه المهدي كان في ايده شعلة نار من السقاي بيحصد في الصفوف بحتار وجيوش مايو الرمم خلاها للصقار نامن مات شهيد بي سيف علي الكرار اسأل ود نوباوي منو البجيب التار!!؟ ****** قال اب عاج وسفته بالرياله تسيل لسان اغلف ركيك ولفظه ديما تقيل ديك العده !! يا النايم فى الحبل بالليل امير المؤمنين ما قلتا جمل الشيل كيف تجري وتسيب حسن الترابي بديل نسيت خطبك زمان وشريعة التضليل اعرف يا جبان سودانا باله طويل يوم الانتفاضه بنقلب نهاركم ليل ***** ثوب صلح البشير بي قده ما بتلتق وبرجوعك جرح في قلوبنا بدا يتفتق احزاب التوالي عشر الخريف البتق ليك يوم يا لئيم وكت النحاس يندق وبي دمك اكيد سيوف اولادنا تتعتق ***** لعنة البترول بدت اتنفست بسمومه عارفين البشير جابك يكبر كومه قايل الناس نست في لحظه تغفر لومه وفي القصه الما انتهت منو التربي بلومو امير المؤمنين ظهرت كرامات صومه وعمر البشير سابح غرق في عومه يوم الانتفاضه ديك العده آخر يومه **** فى الحانات رويت كملت اسمه شراب عرقي العيش عماك وكتين قفلت الباب وكسرت القزاز جبت الشريعه عقاب كاس البيعه آخر كاس من الآنخاب شربته مع الترابي وشلة الحجاب محجوب شريف سماك ديك العده يا كذاب وبي جقر الوسخ كناك مظفر النواب **** الخاشوقي معروف بالقروش غطاك وتصدير الفلاشا الاحرجنا ما هماك يهود امريكه للسويته ما بتنساك عندانا ليك سؤال قبل الاجل يلفاك حسن التربي جابك ولا جيتنا براك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة