|
|
 هل الاغتراب حل ام ورطة ؟
|
كثيرا ما تنتابني الهواجس و الافكار عندما التحف السماء ليلا وكثيرا ما نتناقش في ما جدوي اغترابنا في زمن اصبح الاغتراب هو سد حلوق فقط اي بمعني اكل وشراب وزمان الناس كانت بتغترب عشان تترفه الحين اولاد عز اصبحوا يدخلو هذا المعترك لسد الضروريات التي لم تكن تؤرق عيشهم...وهنا تجد البعض يصيح باعلي صوته ان الوضع اصبح تمام بالداخل وتكون الاجابة الشافية بسؤال ماذا يبقيك في هذا المر....الذي ام منه لماذا لاتعود فتخرص الكلمات في فمه..كلنا تغربنا وبعدنا هذا البعد المؤلم لاجل ان نحيا حياة كريمة سرقها منا البشير
وتوابعه ...نتمنا ان نجد اجابة ولو كانت قاسية ..
|
|
 
|
|
|
|
|
|
|
 Re: هل الاغتراب حل ام ورطة ؟ (Re: فنجرى)
|
ازيك يـــــــــــــا فنجري
الله يكون في عونك في بلد الغربة ،وده طبعا حالة عامةبيمرو بيها كل الشباب
اساسا الاغتراب في اولو حل الواحد بيفكر فيهو كحل لي مشاكلو اذا مسؤول من اسرة او ناوي انو يرتبط(يتزوج ) فالبيحصل انو يقول اسافر سنتين يجمع البيقدر عليهو ويرجع بلدو وبيعمل المستحيل عشان السفر لدرجة انو منهم بيبيع القدامو والوراهو (زي ما بيقولو) ويسافر السنة الاولى والتانية والثالثة وهكذا السنين تمر وهو في الدوامة ده ، وكل سنة يقول ده اخر سنة وما بتكون اخر وحدة وده هي الورطة ....
،والغربة صعبة وملل والروتين قاتل لانو بيكون جايي زول شغل (حمار شغل )وبس والله يكون في عون المغتربين وكل واحد يلم بقايا نفسو ويمشي استقر في بلدو..............
| |
|
|
|
|
|
|
|
|
|
ورطة ثم ورطة ثم ورطة (Re: بنت الاحفاد 2001)
|
المغترب حاليا اصبح مثل الثور في الساقيه واسف على التعبير بتفني عمرك وشبابك عشان الباقين يعيشو وتكون زي ماكينه الصراف بالنسبه لاهلك استلمنا ورسل
وبعدين الكلام ده كان زماااااااان حاليا بقى في مغترب جديد المغترب العاطل الواحد تلقاه مغترب سنتين وتلاته واربعه والله بعرف واحد اغترب بعد زواجو والان الولد دخل المدرسه ولسع ما شاف ابوه
فهل هذا هو هدف الاغتراب
ملعون ابو الاغتراب يا شيخ
حمودي
| |
|
|
|
|
|
|
|
|
 ياما الغربة بتالم (Re: فنجرى)
|
ياما الغربة
بتالم
ياما حياتنا
فيها
ندم
تفرق ديمة
بين الناس
توقف في عروقنا الدم
لانو مصيرنا يوم نتلم
وذي ما قال مصطفى سيد احمد
ينرحمه الله
الغربه مرة ومؤلمة
| |
|
|
|
|
|
|
|
|
|
Re: هل الاغتراب حل ام ورطة ؟ (Re: فنجرى)
|
الاخ الفنجرى
تعرف احلام السراب ؟
هذه هى الغربه يحسبها الظمأن ماء
عندما اتتنا فرصة الاغتراب احسسنا بى الفرحه والانتصار على الظروف فقد ان الاوان لنحقق كل احلامناواعتبرناها فرصة العمر والحل لكل المشكلات التى تواجه كل الشباب فى بداية الحياه0
مرت السنوات الاولى مليئه بى الانجازات لاهلنا فى السودان فكرنا بالرجوع لكنا وجدنا ان طموحهم كان يكبر بعدد سنين غربتنا واننا ادخلنا انفسنا فى ورطه لا فكاك منها وهذا حال كل المغتربين
تكسى فى الماشين عرايا وفوقه يتقطع هديما
| |
|
|
|
|
|
|
|
|
|
الغربة بكاية (Re: فنجرى)
|
والله يا جماعة أنا مغترب لي خمسطاشر سنة . وأسي حاسي بأني ماشي ريوس يعني من سي لأسوأ والعيال بدت تكبر والمصاريف زايدة.
وناس السودان لو رسلت ليهم كل يوم برضوا يقولوا مابتكفي
ياناس شوفوا لينا حلل أبو عبيدة حسن
مش حلل د. عبد الله الطيب
| |
|
|
|
|
|
|
|
|
|
ورطة (Re: فنجرى)
|
وأضيف لكلام حمودي .. بأنه المغترب أصبح مثل جمل العصارة .. يعصر في الزيت وجلدو خشن ..
بالله في زول عنده حل ..
تحياتي ،،
جــــــاد في الغربة
| |
|
|
|
|
|
|
|
|
|
Re: ورطة (Re: JAD)
|
****** الحل والحلل فى يد الحكومة******
ولو أمد الله فى أعمارنا****
------------
عمكم العجوووز
| |
|
|
|
|
|
|
|
|
|
Re: هل الاغتراب حل ام ورطة ؟ (Re: فنجرى)
|
الرائعون في البورد الرائع حقيقي عكست ارائكم النيرة الالم الذي نحسه جميعامن الغربة والاغتراب ..
وقبل فترة ليست بالقصيرة التقيت بالقاهرة احد رموز التلفزيون ابان الديقراطية قال ان فترة ما يسمي بالاغتراب قد انتهت وبدأت فترة ما يعرف (بالبحث عن وطن) ولكم المني هذا التعبير و اتمني ان لايكون صحيحا ....فكلنا لا يرضي بغير السودان وطنا ... ولكن نتمني و نسأل الله ان يزيح الاسباب التي تجعل هذا البلد العظيم طاردا لاهله.
| |
|
|
|
|
|
|
|
|
|
ويا ريت مقدرين غربتنا (Re: فنجرى)
|
خرجتم وخرجنا ..ابتعدتم وابتعدنا...خرج بعضكم مضطر وخرج الآخر مغتر بنفسه ومتلهف لكي يركب طائره..وخرج التالي متلهف للريالات وللعملات الاخرى..وخرج الذي يليه فقط لعشمه ان يستطيع الباءة..وخرج التاني عشان يحسن من حياته..وخرج الذي بعده طمعا في ان يكسر الروتين بتاع قعاد الضل والشجر ..فيابى الضل ويرعى بالخلاء اي منطق اي فكر اي اسلوب ادرى ان الاغلبيه خرجوا متغربين مسيرين ليسوا بمخيرين ولكن لماذا ومن اجل من ..اذكر في الماضي البعيد كان المغترب يأخذ اقل الاجور ولكن يعيش وياكل ويلبس هو واسرته من احسن مايكون ولكن سؤال....هل هذا اصبح يحصل الآن.؟لا لا فمهما كانت الرواتب فقد اصبحت لاتكفي حتى لاي شي وفعلابلدنا بخيره بس المشكله مش اننا نرجع او نقدر نتكيف ولا لأ المشكله بقت اننا اتعودنا على هنا اتعودنا على معيشه وان كانت اقل بكثير من السودان وفي الماضي كنتا تأخد اقل هديه كانت تساوي الكثير والكثير خالص عند الاهل اما الآن فأصبح لايعجبهم العجب ولا الصيام في رجب واذا قلتا ماعندي قالوا داسيها وهم ماعارفين اننابنكد بالسنين علشان نتفشخر بيها شهرين وهم عايشين احسن مننا مليون مره غير ذلتكم وقول ذلتكم نسبه لمعاملة اغلب الكفله اي الكفيل الذي اصبح هو وعيالوا يعاملون من على كفالتهم كعبد مشترى ولاتنكروا هذا ادري ان الاغلبيه سوف تنتقد كلامي ولكن هذه هي الحقيقه شأتم أم ابيتم ولا اخاف في الحق لومة لائم بس اسمعوها نصيحه مني السودان فعلا بخيره والبلد مشت بالجد والبتصرفوه في الغربه يعيشكم ملوك هناك بس خلوا الجوالات وجخ العربات والكمبيوترات وكل الاكسسوارات وحاولوا اعمل شي بسرعه فكما قالوا زمن الطفره انتهى والعمل عمل والماعمل ما اعتقد يقدر يعمل وماتقولوا لي لمانبني لا........شوفوا امصدر دخلكم هناك قبل البيت من الدخل ممكن تبنوا جوه السودان بس لو لقيتوا البيت حتاكلوا شنو الا الطوب ومافي اي حد في الزمن دا بيستحمل ليه زول بس برضوا بقول ليكم كونكم تمشوا تقعدوا نهائي صعبه خلوها تمشوابس ماتضيعوا اقاماتكم اياكم ثم اياكم ودى نصيحتي وردي على موضوعكم ومشكورين كل الشكر ........
| |
|
|
|
|
|
|
| |
بنت الاحفاد 2001
Sudany Agouz
قرشـــو
JAD
فيس بوك
تويتر
انستقرام
يوتيوب
بنتيريست