|
|
 احبك الله فاختارك فى بدايه ايام الانقاذ ... ياعميرى
|
لو اعيش زول ليهو قيمه ... اسعد الناس بى وجودى
زى نضارة غصن طيب .. ....... كل يوم يخضر عودى
وابقى زولا ليهو قيمه
ابقى دار لى كل لاجئ ... او حنان جوه الملاجئ
ابقى للاطفال حكايه .. حلوه من ضمن الاحاجى
بيها يتهنو ا وينوموا ..واحرسهم طول ليلى ساجى
والقى فى راحة نفوسهم .. بسمتى وطول اجتهادى
وابقى زولا ليهو قيمه
لو اعيش طول عمرى نسمه ..او مع الايام سحابه
اهطل ادى الدنيا بسمه .. اروى وادى واسقى غابه
لو اعلم طفل واعد .. لسه ماعرف الكتابه
وابقى شجره ظلالها وارفه .. تحتى ناس نايمين تعابه
وابقى زولا ليهو قيمه
اشقى والقى وابقى واحه للنفوس لكل مناضل
وابقى للمعتل علاجو .. وابقى للفلاح سنابل
وابقى للثوار سلاحا .. اعتى من قصف القنابل
وابقى للكادح الملوح ..كل حق موفور وعادل
وابقى زولا ليهو قيمه
رحم الله مبدعنا العميرى بقدر ما اعطى لهذا الوطن وبقدر ما اسعدتنا كلماته
بس يا عميرى .. احسدك على غيابك فى الوقت المناسب .. قبل ان تلوك مرارات الانقاذ وتنكوى بنارها اكثر مما انكويت .. عميرى .. اليوم رومانسى يقول هل الثقافه ملك للاغنياء...فهل كنت مليونير .. ؟
لا بل ملياردير ياعميرى
لمن تركتنا ياعميرى ؟
لك الرحمه .. سوف تبقى فينا ما حيينا شعرا ونثرا ومسرحا وغناء وفلسفة ايها الفنان الشامل
ولك الود بالكوم
ديك الجن
_____________________________________________
طبعا كنت اتمنى ان اكون ضليع فى الكمبيوتر زى اخونا خواض بعد ان خلف العريس الصادق لاسمعكم اياها .. ممكن خواض ؟
|
|
 
|
|
|
|
|
|
|
 al3mari ..ra7maho allah (Re: DEEK_ALJIN)
|
اخي ديك الجن
رائعة جدا تلك الكلمات وكنت اتوقع انها بصوت المبدع المرحوم العميري ،،صوت حنان النيل واداءها مافي شك برضو جميل...
ليتنا جميعا نبقي ناس لينا قيمة ،،
وانا اقول ،،،ليتني ابقي لحن واعزف اللحن البماشي وقع صوت طفلآ يعاني....
فالتحية ليك للاختيار الموفق
| |
|
|
|
|
|
|
|
|
|
داير اكون (Re: DEEK_ALJIN)
|
واحد يقول لينا الأغنية دي كلمات منو يا شباب ، هي قطعا ليست من كلمات العميري وأذكر أن شاعرها قال هذا الكلام في لقاء اذاعي ، وأعتقد ولست متأكد ، أنه شاعر أغنية الاطفال خواطر فيل ( something بارا )
| |
|
|
|
|
|
|
|
|
|
suna (Re: DEEK_ALJIN)
|
المريود
الله يفتح عليك أها حسن دي هي اللي كانت فايتة علي .. جوزيت خيرا وزووجت بكرا (بالكسر والضم)رايك شنو
| |
|
|
|
|
|
|
| |
Halema2
Ahlalawad
فيس بوك
تويتر
انستقرام
يوتيوب
بنتيريست