كتب الكاتب الفاتح جبرا المتوفرة بمعرض الدوحة
|
|
 الـنــعــمه بت حامـــــــد ... كائن فى حيـــــاتى
|
النعمه بت حامد .. تلك المدهشه التى انستنى خطيبتى ..دعونى احكى لكم لقائى بها .. كان ذلك فى منتصف اجازتى ..وكنت فى طريقى للخرطوم بحرى لحضور حفل زواج وبصحبتى صديقى اللدود وليد .. حيث ( قشرنا ) من المغرب ممنين النفس بكباية شاى حسب الموعد مع خطيبتى .. حيث كان علينا المرور بام در اولا .1
الجو رائع والشمس فى طريقها لممارسة عادتها اليوميه فى الغروب .. وصوت حنان النيل ياتى منسابا عبر مسجل السيارة .. ( ذاك الصباح اهو لاح يا حبيب .. والبلبل الصداح يا قريب .. جاك يحكى ليك جاك يشكى ليك من شوقو ليك ... يا حبيب ) ونتمايل طربا ونحن نردد ذاك الصباح .....0
اتجهنا صوب شارع الغابه .. حيث كان مسرحا للقاء .. كان لقاء مدهشا حد الشلل .. قويا لدرجة الالتحام .. حارا كصيف الخرطوم .. 0
بمجرد رؤيتها انعقد لسانى واعلنت حواسى الانتباه ..حيث كانت على بعد امتار منى .. واكمل وليد المشهد صارخا .. المرا ..المرا..ولم تكتمل جملته حتى كانت لحظة العناق .. قويه .. مدويه ..اه .. ياالله .. يارب ..تمتمت انا ..دار ت برأسى الدنيا ..وشريط حياتى فى لحظات .. الاسره .. الحبيبه .. المستقبل .. السجن ؟؟؟
اوقفت السياره واعضائى ترتجف .. نزلت دون وعى كرجل آلى .. واتجهت اليها .. واظننى قابلت وليد مسرعا فى الطريق ..0
تكومت المرا على الاسفلت وتجمع بعض الماره منهم من اهتم ( بسبتها ) ومنهم من اتجه اليهاصاح احد الشماريون قبل ان يصلها:- .. ما ظنيتها حيه ؟ .. جبل نزل على كتفى وعجزت ركبتاى عن حملى .. الاخر:- الحمد لله المرا كويسه .
حملناها للسيارة فتحت عينيها وصاحت : ودونى لاختى
اختك شنو يا حاجه نوديك الحوادث اول شى وبعدين نشوف اختك .. وليد
لالالا قت ليك ودونى لاختى .. المرا
طيب اختك دى وين ... وليد
اختى هنا فى الصناعيه دى .. المرا
طيب طيب يا حاجه انت هسى كويسه .. انا ( متكبكبا ) 0
اه راسى بس ... هوى سبتى وينو ؟ ... المرا
امسع يا رفده الجاحه دى دشــــيـيشه وليد بالرندوك
لست ادرى كيف ادرت السياره .. ولا كيف وصلت القسم الجنوبى .. ثم المستشفى
هناك .. فى المستشفى .. تحاليل .. صور اشعه .. وادويه ..وآهات ..ومجموعة من طلبة الامتياز يلتفون حولها بينهم تلك الدكتوره الحليوه .. ..هدأت من روعى بابتسامتها وهى تقول : الحمد لله الصور نضيفه ..بس فى جروح سطحيه كتبنا ليها مضادات حيويه ...0
كل هذا وانا تصبب عرقا فى عز الشتاء ( يناير ) اه .. هنا فقط تنفست الصعداء وانتبهت الى كمية الاهل والجيران بالمستشفى
وليد .. الناس ديل جو من وين ؟ سالت وليد
يادوبك وعيت الناس دى من قبيل هنا شديت ليهم سلك .. وليد
اخزناها بعد تسوية البلاغ بسماحة اهلنا الطيبين وحق اللبن ..اوصلناها منزلها وهناك مجموعه من اهلها والجيران .. بعد ان اطمأنوا عليها ودعتها وانا اقول : اها يا حاجه ربنا يواليك بالعافيه
فاذا بها تصيح : وريحتى ؟؟
ريحة شنو يا حاجه .. اخى يسأل
السبت ده ماكان مليان ريحه كلها اتكسرت .. المرا
ضحكت فى دواخلى وودعناهم بعد دفعت 150 الف ( تطلع من جيب العدو ) و ورجعنا الى المنزل ووليد يقص ويحكى كيف كان الحادث ..0
طبعا وليد شبكنى ليك المرا .. المرا .. المرا ( اخبرتهم ضاحكا )0
والله لو ماكان كفتتو ليك كان لى هسى يكورك المرا .. المرا ..هاهاها
كان يوما مشهودا فى حياتى لن انساه ابدا ولن انسى النعمه بت حامد .. حيث كنت امنى نفسى بكباية شاى مغربيه وحفله رااااابه ... ولكن نحن نخطط .. والاقدار لها راى خر
ولكم من الموده ربع مالها
ديك الجن
________________________-
|
|
 
|
|
|
|
|
| |
EMU إيمو
waleed500
bamseka
7abib_alkul
فيس بوك
تويتر
انستقرام
يوتيوب
بنتيريست