|
omarmahdi (Re: Ahlalawad)
|
الاخ عمر مهدي لك التحية الصباحية .. على كل حال أرجو ان تستمتع بهذه الـ 24 ربيع ووصيتي أن تحافظ عليها ، لأنك لو فرطت فسوف تضوق الـ ضاقوه الجماعة قبلك . نحن لم نجد من ينصحنا فنرجو أن يسمع من ننصحه .
| |
|
|
|
|
|
|
Re: أربعـــون ... ونشالــون (Re: Ahlalawad)
|
أهل العوض الموضوع جدير بالنقاش...حيث لايزال طابور الانتظار أما الفنصليات بالخرطوم كماهو ...يزداد طولا وعرضا...وكأنه بحر لا ينضب له منبع أو مصب.. الهجرة فى السودان أضحت حلماً وأنت تعلم ما معنى الحلم لدى مضاهاته بواقع كرية ومستفز وباطش .. جذور المشكله هنالك فى جيب وأدراج الرئيس والوزراء والمسؤولين.. جذور المسألة ضاربة فى معاناة شعب يشرد من وظيفته قسرا تحت مسمى الخصخصة أو الصالح العام جيوب تنتفخ وأخرى تتمزق حسرة على فراغها .. فماذا عسانا فاعلون ..يا اهل العوض .. تحياتى ود عزة
| |
|
|
|
|
|
|
Re: الغربة (Re: shammashi)
|
الحبيب اهل العوض ناساً حاله زين .. مصنع.. بلاش اثنين تصدق يا حبيبنا ده موضوع ونستنا كل يوم والشيب يخط اثاره على رؤسنا وكل يوم مع الرفقة نحسب ونجد الحسبة بيش لا مالنا جمعنا ولا قعدنا مع الحبان بنت اختى ولدت وانا فى الغربة وهذا العام امتحنت الشهادة وكل السنين دى ولا ابو النوم ما عملتوا بالله ده يقولوا عليه شنو بس انا من ضيع فى الاوهام عمره
ده بيت فراش من نوع ثانى لاهل الاربعينات
| |
|
|
|
|
|
|
أربعون (Re: Ahlalawad)
|
الاخ قرشو ، لك التحية : في الحقيقة الخاطرة دي خطرت لي امس وانا في الصلاة كنت ابحلق في من حولي من السودانيين وجت أغلبهم في هذه السن العمرية ولمحت في قسمات كل منهم ثقل السنين وبدت العلامات الاربعينية على سيماء كل منهم وابرز تلك العلامات هي التي لها علاقة بالشعر ، شعرات بيض هنا شعرات بيض هناك وبين هذا وذاك توجدت اماكن شاغرة ، وجيوب فارغة وافئدة مليئة بالتعاسة والهم ، طبعا من علامات الاربعين الاخرى الكرش (دي الحمد لله معافيين منها) والنظارات.
انت عارف ، نحن هينين لكن الكلام ... الفي البيت .. النسوان يرفضن رفض بات ان يقال لهن يا خالة .. دي نحلها كيف .
انا شخصيا أصر على أننا اتنشلنا في عمرنا .. اتنشلنا عشرين سنة .
وكما قال د. عبد اللطيف البوني .. امانة ما وقع راجل .. نحن اولاد متين؟؟ والله انا اعرف ناس اولاد دفعة لحدي الان ما دخلوا دنيا (عزوبية سااااي) .
| |
|
|
|
|
|
|
ود عزة (Re: Ahlalawad)
|
الاخ ود عزة -العزيز شماشي ، ما ياهو دا المجنن بوبي . على كل حال العودة قربت وأخشى أن يكون قد فات وقت تدبر سبل العودة ونسأل الله العون والمدد حتى تكون عودتناعودة حميدة . سنة يا حميدة
| |
|
|
|
|
|
|
Re: ود عزة (Re: Ahlalawad)
|
اهل العوض كيف حالكم تعالو ساى يا اهلنا وصدقنى دى مواعيد الرجوع للبلد اى تاخير بعد كده مافى الصالح واسمعها منى
| |
|
|
|
|
|
|
Re: ود عزة (Re: Ahlalawad)
|
اهل العوض كيف حالكم تعالو ساى يا اهلنا وصدقنى دى مواعيد الرجوع للبلد اى تاخير بعد كده مافى الصالح واسمعها منى
| |
|
|
|
|
|
|
Re: forty (Re: Ahlalawad)
|
والمشكله في جيلنا الاستلم الرايه جيل مرق من السودان بي مراق روح والله اعلم يرجع تاني لنو الظروف المرقنا فيها كانت صعبه وبقت اصعب والخمسه سنين مرت والخمسين سنه برضو جايه بس ما دايرن نسلم الرايه وربنا يزيح البلاء عن البلاد ويطير الكانو سبب وخلنو نطلع من ارضنا قولو آمين
| |
|
|
|
|
|
|
العودة (Re: Ahlalawad)
|
خليك من العمر الراح بدون فايدة
الضغط والسكري والكوليسترول ديل يعملوا ليهن شنو.
والمصيبة إنو الالتزامات ماشة في الزيادة والماهية متناقصة وناس البشير ديل ما دايرين يزحو
أنا غايتو طالما ناس وليد ديل قاعدين أصلي ما ماشي السودان
| |
|
|
|
|
|
|
|