الأعزاء والعزيزات اسمحو لى أشرككم فى الحفلة الأمس عملناها لى ود عزة .فنحن وانتو بقينا أسرة واحدة لامكان فيها للتمييز بين العمومية والخصوصية.بمناسبة عيد ميلادو والعمايل العملها ..المشاكس ده..أول حاجة قال ما هو بحب التقليدية فى أى حاجة...قلنا لى لا زم تطفى الشموع قال خلو الشموع مطفية وأنا اولعها..وعلى كده رفض يطفى الشمعات ...جبنا التورتة قال أول حاجة تجيبو الفول ..وجاب من أمى صحن كبير وقطع العيش وعمل بوش...لكن طلع بوش تمام أحسن من رئيس أمريكا. غايتو عمل عمايل ..طلع السفرة وقال نقعد فى الأرض ..ومقلب أصحابو ختا ليهم ملح فى العصير..وختا لى أشجان شطة جنبها فى صحن البوش وحى ما بتاكل شطة وهاك ياموية باردة... وأغرب من كده قال التورتة لازم نعملها فتة تورتة ..سمعنا بفتة الفول والعدس وغيرها لكن بالله ياجماعة فى زول سمع بفتة تورتة المهم خت التورتة فى صحن كبير تانى وكبا عليها لبن وقال أكلوها بالمعالق... ورغم ده كلو طلعت حفلة تمام وظريفة ومليانة مرح ومقالب بريئة وشقاوة اطفال وضحكنا كما لم نضحك من قبل.ورقصنا ..وهيصنا.ودايما ود عزة وبساطتو وعفويتو وروحو العذبة بتولد الجمال والمرح أينما وجد..وصدقونى هو انسان ما بعرف أقول عنو شنو ناجح اكاديميا واجتماعيا وكل من يقابله يضحى أسيرا لهذا الرائع واظن الكثيرين فى هذا البورد قد لمسوا شخصيته من خلال ما يكتبه وتعليقات الجميع تدل على ذلك وحالتهم لسه ما شافوه أو قعدو معاهو...يبقى نحن الشفناهو وعرفناهو حنقول شنو..غير دعوتنا ليهووانو الله يحفظو لينا
تحياتى غزال
(عدل بواسطة gazalalmasalma on 04-18-2002, 08:47 AM)
04-18-2002, 08:55 AM
BitAlhana
BitAlhana
تاريخ التسجيل: 02-14-2002
مجموع المشاركات: 1083
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة