|
|
 يا اخوانا عاوزة اعرف السبب ليه الرجال في الدول الاسلامية كدا ؟؟؟
|
انني عشت وسافرت عدة دول عربية ما عايشته في الدول العربية المسلمة بما فيها السودان والغرب
في الدولة الغربية احس بالامان اكتر يعني الرجال في قمة
التهذيب ممكن تركب المواصلات العامة من غير تتمد ليك اي يد مش
ذي المواصلات العامة في السودان تشوف فيها العجب. وممكن البت تمشي
في الشارع من غير ما تتعرض لاي شي وفي الاسواق. لكن تعال شوف
ووب لو مشيت سعد قشري تعليقات مخجلة ونظرات عجيبة والعجب
لو في بنات ماشين في الشارع بالليل مضايغات عجيبة اللة لا وراكم ليها
اما في الدول العربية ففيها العجيب الغريب
يا اخوانا عاوزة اعرف السبب ليه الرجال في الدول الاسلامية كدا ؟؟؟ جد
حاجة تحير مش كدا
|
|
 
|
|
|
|
|
|
|
|
Re: ليه الرجال..... (Re: sourketti)
|
الأخت تسنيم سلامات كمية
وانا داخل البورد اليوم تذكرتك وكنت اود ان اسال عنك الحمدلله انك بخير كيف اخبارك انشاء كل الامور تمام التمام
كما عودتنا دايما المواضيع الهادفة والجرئية تاتي منك
كما قال وحشني الكبت وكما نعرف جميعا الممنوع مرغوب
فنجد ان شبابنا أصبحوا في حالة يرثى لها من العطال والدمار
أغلبية الموجودين غير موجودون بالسودان
يعني ما معايشين الحال مثلنا تعرفون الدمار نال من شبابنا
مثلا اذا كانت هناك جلسة تضم سبعة شبان فنجد ان ستة منهم يتعاطون المخدرات
وما تمشو لي بعييد لا اقصد هيروين وكوكاييين وغيرهم (البيب بالاشارة يفهم)ليس
لان الشباب ما ممكن ينحرفوا اكثر من كده او ليس لديهم الميول انما لقلة الامكانيات وارجو الا ياتي يوم نندم فيهو علي انفتاح الضائقة المالية
وكلامي ده عن تجربة وانا زول معايش الواقع المرير شباب في مقتبل العمر والله يرمون بانفسهم للتهلكة وكلمة مقتبل العمر اقصد بها شباب اصغر مما تتخيلون
الهم نجي امتنا يا رب
الأخت تسنيم ما راديتي لي المرة الفائتة طلبي
أرجو ان تنظري له
حبيبكم ومراسلكم بالسودان ساري الليل
| |
|
|
|
|
|
|
|
|
|
Re: ليه الرجال..... (Re: sari_eleil)
|
تنسيم مساء الخيرات
طبعا الاسباب واضحه اولا طبعا في السودان ليس هنالك اهتمام بالوقت يعني وقت الفراغ سبب اساسي في الموضوع بعدين موضوع الزواج ده كمان موضوع تاني ويقول رسلونا الكريم يامعشر الشباب من استطاع من الباءة فاليتزوج ومن لم يستطع فعليه بالصوم فانه ليه وجاة
اما في الدول العربيه نفس الشء عدم الاهتمام بالوقت زايدا الترف المعيشي والكبت ده كلو يؤدي الى روما زي مابيقولو
لكن في الدول الغربيه الناس مشغولين ووقتهم مليان بعدين قوانينهم واضحه وكما تعلمي حياتهم منفتحه يعني كل شئ متاح بالنسبه لهم وطبعا ده شئ سئي يعني ومابشع انو الواحد يتزوج وممكن ينجب اطفال من صديقتو مافيها مشكله بالنسبه لهم عشان كده نحن بنفكر في الزواج اكتر منهم 0
زاتو
_____________
ياشباب العصر همو والعرس لازم نتمو
| |
|
|
|
|
|
|
|
|
|
Re: ليه الرجال..... (Re: ALZOLZATOO)
|
حبابك الأخت تسنيم
نعم الموضوع جدير بالنقاش
ولكن كونك تشعرين بالأمان في الدول الغربية ولا تشعرين بالأمان
في الدول الإسلامية هذا إتهام انا لا أوافقك عليه
أما التحرش بالفتيات ، نعم موجود وله دوافعه
وانا أحمل الفتاة جزء كبير منه كون يعتدى عليها بالألفاظ أو جغرافيا
وهنا اتحدث من اليمين وأقول إن إفساد المرأة المسلمة وإخراجها من دينها من أهم ما يسعى إليه أعداء الإسلام بإسم تحرير المرأة ، ذلك أن المرأة هي المدرسة التي تتربى فيها الأجيال وتتخرج. وبفسادها تفسد الأجيال
وهنا يحضرني حديث لكاتب غربي في مجلة روزاليوسف يقول:
(تأكدوا تماما اننا لسنا منتصرين على الدين إلا يوم تشاركنا المرأة فتمشي في صفوفنا) ولكي تمشي المرأة في صفوفهم كان لابد من إشغالها بالتوافه من الأمور ، كالإهتمام الزائد باللباس والزينة والأزياء العارية الفاتنةوالموديلات الرخيصة الماجنة التي تتنافي مع ما أمر الله به المرأة من العفاف والحشمة والستر . طبعا هذا واقع معاش في معظم الدول العربية ولا إستثنى السودان منه رغم انه ضئيل جدا
وهنا عندما يرى شاب طائش فتاة شبه عارية متبرجة سافرة ،قد يعتدي عليها
أما المرأة المحجبة مصونة في لباسها محفوظة من أيدي العابثين وأعينهم
وهذه حقيقة الفتاة إذا أرادت ان تمنع التحرش بها لفعلت ، وما أشاهده في المدن العربية مثلا الرياض هو عكس تماما . نجد الفتاة هي التي تلاحق الشاب ومن تجول في المراكز التجارية الراقية يشاهد ذلك
حفظنا الله وإياكم وكل بناتنا وأخواتنا من المخططات الغربية
| |
|
|
|
|
|
|
|
|
|
Re: ليه الرجال..... (Re: EMU إيمو)
|
سلام اخ ايمو
تقول المخططات الغربية بما يعني ان الغرب هو الذي يشوه المسلمين
ولكن صدقني بعض المسلمين مسئولين من جزء كبير من هذا التشويه
| |
|
|
|
|
|
|
|
|
|
! (Re: tasneem)
|
لا اوافقك على هذه النظره المخصصه للدول الاسلاميه فقط
وتوجد المعاكسات فى الدول الغربيه كذلك فهذه بعتبرها تصرفات قلة خارجين
عن الادب واللياقة ولا تعم
| |
|
|
|
|
|
|
|
|
|
Re: ! (Re: cola)
|
تسنيم .. لك التحايا
نعم هنالك متسكعين فى شوارعنا وهنالك مضايقات من البعض وليس الكل ومن يسمع الامان الزى تتحدثين عنه لقال ان كل من بالشارع بيقابض براهو .. لا اخت تسنيم فوالله الامان العندنا فى السودان وفى الاسلام كتير وشئ مطمئن جدا .. والفتاة لها اثر كبير فى الايحاء للشباب بالمعاكسه او لا .. ان كان المظهر او النظرات او حوارات الفتيات بينهم عندما يرون مجموعه من الشباب .. فالقصه ما قصة رغيف يا تسنيم اقصد ماقصة دول اسلاميه ولا لا ..القصه قصة دول فقيره وبرضو تانى جاب سيرة البحر ( الاقتصاد ) ازن تسنيم كل ما نحن فيه سببه الاقتصاد ليس الا ..
اما بالنسبه للدول الغربيه التى تحكى عن الامان بها .. فقصص الاغتصاب تملأ ملفات الشرطه والحمد لله على اننا فى دول مسلمه .. واخيرا وليس اخرا الفتاة هى من يفرض احترامها على الشارع يعنى عندنا فى الحله فى بنات كان غمدوك مابتقدر ترفع عينك فيها .. ( الا تحت تحت كده ) اختلاس نظر يعنى.. وفى بنات اوووك حدث ولا حرج .. كان ماشايفها تعمل ليها حركات كده عشان تنبهك * وابتسم لينا ونحن جنينا*
ولك من الموده كميه وما تبقى لها وحدها
ديك الجن
____________________________________
| |
|
|
|
|
|
|
|
|
|
Re: ! (Re: DEEK_ALJIN)
|
الاخ الفاضل ديك الجن
سلام
معزرة لتاخري في الرد لكن مشغوليات كتيرة.
اولا عن الغرب هو طبعا فيه بلاوي من نوع اخر لا بتشبه
عاداتنا ولا دينا ولا تقاليدنا حمانا الله وحمي بلادنا
منها.
اما عن موضوعنا فالموضوع متشعب ومعقد وبصراحة
في ازدواجية وعدم امان بالنسبة للمراءة ووضع المراءة
معقد وحتي اذا تعرضت لتحرشات تلام هي وتعتبر
السبب في ذلك عشان كدا هنا الحقوق مهضومة.
اما في الغرب والله الناس في قمة التهذيب وكل زول في
حاله والناس كلهم امام القانون سواء حتي الوزير .
اما عن الاغتصاب في الغرب اذا حالة واحدة تنتشر في
وسائل الاعلام ولا فرق بين وزير وغفير ولا توثر في المراءة
والمراءة محمية من القانون والمجتمع.
ومنو القال ليك في الدول العربية مافي اغتصاب لكن
لانه عندنا الرجل لا يسال وكما قالوا يترك الجاني ويحاسب المجني عليه والموضوع يكون في الكتمان
لانه المراءة وضعها حساس ومن هنا اتي عدم الامان
يعني المراءة ما عندها طريقة شكوي الا لله سبحانه
وتعا! لي.
| |
|
|
|
|
|
|
|
|
|
الهمز واللمز (Re: tasneem)
|
عزيزتي تنسيم
الفتاة هي الأم والأخت والأخ والأب والصديق
بالنسبة لسؤالك :أود أن أقول لكي الحياة بأجمعها من بشر وحيوانات توجد فيها هذه الغريزة الانجذاب للجنس اللطيف وكدة ليس الدول الإسلامية فقط و تأثرها يختلف من مجتمع إلى مجتمع آخر إما في السودان فأقول لكي الوضع الاقتصادي لة دور كبير في ذلك مع أنني أعيش في دولة ذات اقتصاد ممتاز ولاكن توجد فيها مضايقات بكل صورها وثانياً للأسف الشديد عدم التربية الصحيحة هذا كل ما في وجه نظري
ملحوظتي
إذا كانت الفتاة محتشمة وذات تصرفات صحيحة لا خوف عليها ولا يصح الا الصحيح . ،،،،،
وربنا يوفقك ويحميك يا رب
| |
|
|
|
|
|
|
|
|
|
الهمز واللمز (Re: tasneem)
|
أختي تنسيم
يإن أنيني من الثقافة الرجعية للمرآة في المجتمعات العربية جميعها بدون أي فرزأما عن الدور الذي تقدمة المرآة في المجتمع السوداني فهو ممتاذ مقارنة مع الدول العربية فلاحظت وتفاجئت عندما رأيت فتيات شابات في مجال الكمبيوتر تركيب الشبكات الطويلة والصيانة مع أن ذلك يتطلب وجود الرجل نسبة للمهنة الوظيفية ولاكن حالياً المرآة أخترقت كل هذا وهذا ما أفرحني
فمثلاً لو أخذنا الدول الخليجية خصوصاً فإن المرآة تعاني أشد المعاناة في المجالات العملية حيث يوجد كوادر نسائية عالية المستوى ولاكنها غير قادرة على أفراذ هذه المهوبة وبعدها تنفجر و تهرب إلى الخارج البلاد حيث تجد نفسها
اتمني للشعوب العربية تنهج لدور عالي نحو المرآة العربية
مع كل أحترامي وتقديري
توتي
| |
|
|
|
|
|
|
| |
wa7shny
yasiko
sourketti
ALZOLZATOO
EMU إيمو
cola
فيس بوك
تويتر
انستقرام
يوتيوب
بنتيريست