|
|
 ظهور نتائج اللوتري لعام 2003
|
الي كل المنتظرين بدات امس ارسال رسائل اللوتري الي الفائزين في العالم التحية للزول ذاتو وربنا يكتبك من المحظوظين
عمر
|
|
 
|
|
|
|
|
|
|
|
Re: ظهور نتائج اللوتري لعام 2003 (Re: omarmahdi)
|
wallahy if any one he apply for that and he thinking about it he will
not gonna got iti swear ya nas wa naseeha ya omarmahdi forget this subject for ever you will not gonna win lottary (1992???? )
by the way in that time there no lottary zatooo ya man
| |
|
|
|
|
|
|
|
|
|
Re: ظهور نتائج اللوتري لعام 2003 (Re: قرشـــو)
|
عمر مهدي صباح الخير
والله ماشاء الله انا مواعدك اديك الخبر انت سبقتني عليهو ماقصرت والله هههههههههههه يكه ربنا يوفقك انشاء الله لمافيهو الخير قول آمين بعدين ياعمر ماعلقت على الصوره بتاعتي هههههههههههه يكه عليك الله اخوك ماوجيه اوجه من العريس حبيب الكل هههههههههههههههههههههه يكه انا عارف لساني طويل لكن في الزمن ده طولة اللسان قالو نعمه لسان احمر كمان ههههههههههههه يكه
زاتو
_____________
لسان الفتى نصف ونصف فؤاده فلم يبقى الا صورة اللحم والدم
| |
|
|
|
|
|
|
|
|
|
Re: ظهور نتائج اللوتري لعام 2003 (Re: yasiko)
|
الحبايب عمر مهدى وياسيكو
والله يا جماعة لو حكيت ليكم ما بتصدقوا
من ما بدا اللوترى الملعون ده وانا اقدم
شىء بالشركات بالقروش
وشى بالبريد عادى
وشىء بواسطة صديق فى امريكا
وده كله ما جاب مريسة تام زين
يعنى نسوى شنو
بعد كده خلاص انا ما عاوزه ذاتو
هااااااااى يكا
| |
|
|
|
|
|
|
|
|
 Re: ظهور نتائج اللوتري لعام 2003 (Re: قرشـــو)
|
قرشو صباح الخير
سوي شربات ليمون ههههههههههه يكه
اسمع عشان انت بيقدمو ليك في عشرين محل عشان كده ما ح تفوز كدي حاول قدم مره واحده يعني بي طلب واحد وح تفوز انشاء الله
قالو واحد قالو ليهو فلات وقع ليهو لوتري قال لعن مايكون عوقو ههههههههههه يكه
زاتو
_______________
سافر زمان قبال سنين لا جاب جواب ولا رسل ايميل
| |
|
|
|
|
|
|
|
|
|
Re: ظهور نتائج اللوتري لعام 2003 (Re: Bakhaf)
|
ياشباب
والله عندي صاحبي روح بالروح جاهو اللوتبري سنة 99 وسافر قعد ليهو يومين قعد يبكي لي في التلفون قال لي والله انا غلطان الجيت هنا المهم قعد مع جماعه سودانيين قالو ليهو نشوف ليك شغل وبعد يومين اشتغل ههههههههه يكه في بقاله المهم شغال كاشير وبعد يومين بتاع البقاله قال ليهو تمسح البلاط قال ليهو مابمسح المهم ضرب لا اصحابو تلفون قال ليهم تعالو سوقوني اسع المهم ماسالوهو ودوهو البيت وقاعد هناك في بدايه الشهر جابو الكشف بتاع المصاريف وقالو ليهو نصيبك كدا قال ليهم انا ماشغال قالو ليهو يامعلم انت في امريكا مافي حاجه اسمها ماشغال هههههههه يكه تشتغل المهم ضرب لي بتاع البقاله قال ليهو بمسح البلاط اجي هههههههههههههههههههههههههههههههه يكه قال ليهو تعال المهم مسح بلاط لحدي ما ربنا غفر ليهو ومشيت حضرت عرسو قبل سنتين هههههههههههه يكه واول امباحر رجع امريكا من اجازه للسودان المهم اسع بعمل في ماحستير بعد ان منح مبلغ 40000دولار سلفيه ههههههههههههههههههههههههههههههه يكه
زاتو
_____________
kill him for few more dollars
| |
|
|
|
|
|
|
|
|
|
Re: ظهور نتائج اللوتري لعام 2003 (Re: bob)
|
بوب بعد غيبه مرحبا يافرده
والله ماكشف حال لكن عشان الناس تكون عارفه الواقع هناك شنو عشان الواحد ما ينصدم وصاحبي زاتو لسانو اطول من بتاعي ده قال لي اي زول جاي امريكا خليهو يضرب لي عشان اوريهو الحاصل شنو ههههههههههه يكه
زاتو
____________
| |
|
|
|
|
|
|
|
|
 منطق و حساب (Re: omarmahdi)
|
اكبر خدعة او كما قال بخاف
هل تعتقد انه بمجرد نزولك في المطار سيتم استقبالك والذهاب بك الي اي فندق حتي
هل تتوقع انك بمجرد الوصول سوف تجد العمل امامك وهم يرحبون بك علي الرحب والسعة
هل تتوقع ان استخراج اوراقك يتم في ايام معدودات ولا ياخز عدة اشهر
هل تعتقد ان العمل من السهولة بمكان هناك
هل تتوقع ان طبيعة الاعمال سهلة ويسيرة
هل تعتقد انه اينما ذهبت داخل امريكا انه مرحب بك
هل تعتقد انه ولمدة 3 الي 5 سنوات ستعيش حياة رغدة والله انك تكاد تعيش الكفاف
اخي عمر والله انها اكبر حفرة
اخي لاتخدعك الافلام
اتدري ان معظم المدن الامريكية تماثل في الشكل
مدينة الرياض السعودية سوي ولايات كالفورنيا ونيو يورك وواشنجطن
اخي والله من اكثر المناطق في العالم من حيث قساوة نوع العمل هي امريكا
اعرف اخي انه لابد لكل انسان من امل
ولكن ان يكون هذا الامل كزبة فهذا مالا ارضاه لك
اذا اردت اخي معرفة متوسط دخول السودانين هناك ومعرفة مصروفاتهم الشهرية ومعرفة عدد ساعات العمل ولهذا المتوسط وكمية الوفر الشهري فساعود
| |
|
|
|
|
|
|
|
|
|
Re: ظهور نتائج اللوتري لعام 2003 (Re: ALZOLZATOO)
|
واله اديني تلفونه ليه يامان بس صدقني السودانين هنا ما بينقلوا الحقيقه كامله
اخونا الشاعر الاخ رو مانسي ذكر الحقيقة والرياض فعلا صوره طبق الاصل من المدن الامريكيه وبالمناسبه ده ماقالوه لي لاني عشت في الرياض من قبل والان في امريكا
| |
|
|
|
|
|
|
|
|
|
وشهد شاهدٌ من أهلها (Re: omarmahdi)
|
عجيب ما تقولوه أخوتي عن أمريكا، قرأت للجاد منكم والهازل وخرجت بأن كلكم من من سمع وقيل له، أسمحوا لي بهذه المداخلة، وأنا الذي عاش في السودان وعمل في أربع ولايات مختلفة وعمل في السعودية (هنا يمكن إدخال ههههههه يكه) ومن ثم أمريكا ولي في كلِ قصيدة، وهاكم هذه الأبيات من قصيدتي في وداع السعودية:
وداعا قد دعا للبين داع وما أحلاه عندي من وداع
وداعا أيها الأموات إني أودّع فيكم دنيا الضياع
أغادركم وما للبين جرح ولا دمعي تدفق بالتياع
...
...
وداعا قد أضعتم بعض عمري فوأسفي على العمر المضاع
وداعا لستُ أرجو الله فيه وإن عشنا طويلا باجتماع
ولي في السودان قصائد تتأرجح بين ايام السعد وأيام التعس لن اعرض لها هنا لأن كلكم قد عاشها ويعيشها ولأن شاعر آخر قال القول الفصل في بيتيه:
بلاد الفناها على كل حالة وقد يؤلف الشيء الذي ليس بالحسن
وتستعذب الأرض التي لا هوا بها ولا ماؤها عذبٌ ولكنها وطن
ولي في أمريكا قصائد، ولكن أود أن أنثر ما أعرف:- عن صديقنا الذي قال أن سودانيون قدموا له كشف حساب إقامته أقول أن هذا عكس ما حصل لي، ثم أن هذا لا يمكن القياس عليه تعميماً، وعن مسحة الأرض هاكم تجربتي: عملت أول ما عملت في مدرسة ومرت ثلاثة أيام لم يمسح فيها مكتبي فسألت المدير فأجاب أن هذا من شأني وعلي أن أمسحه فقلت لن أفعل فقام من مكتبة واخذ (الممسحة) واتجه إلى مكتبي ومسحة ثم قال لي تعرف اين مكتبي إذا اردت مسحه مرة أخرى. والمسح يا أخوتي ليس أن (تلف الجلابية حول وسطك) وتنزل على ركبيك ب(فوطة) إنما (فاكيوم كلينر) على (موكيت).والكل هنا يفعل ذلك حتي في المطاعم العامة لا تجلس وتنادي (فوطة يا) لن الذي قبلك يكون قد نظف مكانه. وعن القرض نعم إنه حقيقة وأنا أخذته ولا زيادة.
للذي قال أن شكاغو كالرياض أقول له أنه بل الرياض تدفع لتكون مثل شيكاغو الكثير. تحرص على وجود (الكربون) ليشفّ حتى ألوان علامات الطريق. تحرص على أن تشتري (الشيفي كابرس) و(الجي أم سي) وشيكاغو لا يضيرها وجود (التايوتا).
عودة للوسط السوداني أقول أننا كأي أناس آخرين فينا الصالح وفينا الطالح فينا من عرفت وفينا من عرف صديقينا، فينا من (يتأمرك) وفينا من (يتسعود) وفينا من لا يحتمل ذلك من الآخرين
أعرف هنا أسرتين لكل طفل في الرابعة من عمره أحدهما لا يعرف العربية والآخر يسمعك (الليلة الصعيد جاب الهبوب مقلوبة...) واضعا يده في أذنه، ومعاً قد ولدا في أمريكا
الحديث ذو شجون ولكن لا أطيل
| |
|
|
|
|
|
|
|
|
|
قرية اللوتراب (Re: omarmahdi)
|
..
.
yasiko@قرية اللوتراب
والله دى التستاهل
هاهاااااااااا يكه
انت صحى ناس الحلال دى اللوترى دا بجيهم كيف وهم ما بقدموا .
حكاية غريبة
عمر مهدى
اهااا ان شاء الله اسمك ظهر ؟؟
ناس الابيض البهناك ما كلموك ؟؟
..
.
بالله انشروا الكشوفات عشان نشوف
المدام وقع ليها ولا لا اصلى انا ما ماشى
| |
|
|
|
|
|
|
|
|
|
Re: قرية اللوتراب (Re: Tabaldina)
|
تبلدينا مافي لوتري السنة دي وطبعا زي كل مرة علي العموم انا ما حاياس من اسع قاعد املاء في الفورم بتاع اللوتري 2004
ههههه يكيه
| |
|
|
|
|
|
|
|
|
|
Re: قرية اللوتراب (Re: omarmahdi)
|
يا ناس يعنى لى متين الحالة دى ولى متين الشتات ده
ولى متين نبقى فى بلاد الله من بلد لى بلد
يعنى السودان ده ما حايتصلح ولا شنو ؟؟؟
| |
|
|
|
|
|
|
|
|
|
Re: ظهور نتائج اللوتري لعام 2003 (Re: omarmahdi)
|
اولا دعونى احى جميع الشباب الزين زهبوا الى امريكا والزين على الخط ينتظرون
السلام عليكم...
مابين لوترى مستنيهو ... ووطنا طارد ... الا بريدو
مابين حلما متمنيهوا ... وواقعًِِ مر عاشوه صحابى
دوما تبقى احلام اليقظه بوطن حدادى مدادى...وطن ديمقراطى.. وطن فاتح زراعاتوا لكل بنيه... لا عساكر لا درادر .. لا ضرايب لا عوايد.. .لا لا لا
تسمع صوت وردى للصباح ... او اصوات الشماسه فى سينما النيلين الدور التانى ... او ليله شعريه فى نادى الدفاع ... تكريم .. تأبين.. تقوم الصباح على صوت رجاء حسن حامد يعطر الوجود تقرا الوطن او الميدان او حتى جريدة الكيزان برضو نعمه ... اعلان عن ندوه سياسيه لحزب الامه او او حزب البعث كلو خير تحوم الخرطوم بكراع كلب ماتلاقى ولا عسكرى واحد يقول ليك ماشى وين ولا جاى من وين... وقبل ده كلو رحلات سياحيه الى مريدى وياى ويامبيو وكبويتا ...
ماهو دى برضو احلام زى احلامكم يا زاتو وبوب باللوترى كدى يا زول زاتو كل يوم بدل تدعو ربنا انو يقع ليك اللوترى حاول ادعو انو حال بلدنا ينصلح حتى لو جبنا كل الرؤس السياسيه من الصادق المهدى ومجلسه الاربعينى والترابى ومجلسه الاربعينى واحمد الميرغنى وحاشيته ونقد وجماعته وقرنق وبطانته وختيناهم فى كنيسة المهد مع المجموعه الفلسطينيه التى تنتظر الموت من اسرائيل خلال ساعات
نشوف الحايحصل شنو والجديد فى البلد شنو
مع تمنياتى لكل متمنى لوترى ان يقع ليهو بس مايقع على رقبتو فرحا
ويابلدى يا فردة جناحى التانيه وقت الناس تطير لى عالمهاااااا
ديك الجن
| |
|
|
|
|
|
|
| |
قرشـــو
Bakhaf
ALZOLZATOO
yasiko
bob
EMU إيمو
فيس بوك
تويتر
انستقرام
يوتيوب
بنتيريست