|
فهم السؤال نصف الاجابه غدا الشهاده السودانيه
|
تبدا بكره انشاء الله امتحانات الشهاده السودانيه لهم التوفيق جميعا وهذه قصه قصيره0 في يوم جاءتني بنت اختي تبكي بكاءا شديدا سالتها0 سالتها ماذا يبكيك ؟ قالت: رميت الكره وكسرت زجاح شباك جارتنا سالتها اي واحده ؟ قالت كرة التنس الصفراء هههههههههههههههههه تبستمت ضاحكا لانها جاوبت على شئ اخر ولم اسالها هل حزنها على الشباك المكسور ام الكره المفقوده من كثرة الضحك فالتحيه لكل الجالسن غدا والتركيز اهم حاجه وفهم السؤال نصف الاجابه زاتو
______________
يايوم بكره ماتسرع تخفف لي نار وجدي
|
|
|
|
|
|
|
|
Re: فهم السؤال نصف الاجابه غدا الشهاده السودانيه (Re: rummana)
|
ههههههههههه شنو يااهل العوض ورمانه استلمتو الموضوع لي حسابكم على العموم والله تعليقم جميل ربنا يوفق عبودي وبنتك يا اهل العوض وبرضو ماتنسو اخوي خلودي وبينت اختي عزوزه وبنت خالتي وفويه ههههههههه يكه اما بالنسبه لموضوع الدخول مبكرا عندي اختي الاصغر مني مباشره رفض تسجيلها المدرسه لان عمرها كان الخامسه سنين ونصف السنه والغريبه بنت مديرة المدرسه سجلت بنتها بنت الخمس سنوات وطبعا اختي ماقصرت بكت للمديره وقالت ليها انتي دخلتي بنتك ومادخلتيني هههههههههههه والله زمن بعيد خلاص المهم قامت المديره سجلتها احتياطي في الصف الاول وماشاء الله من سنه اولى احتياطي لحدي الثانوي كان اسوا نتيجه لها ان يكون ترتيبها الثانيه والحمد لله عملت ماجستير والان محاضره باحدي الجامعات السودانيه اما انا الحمد لله هههههههههههههه يكه عمري ماجيت الاول هههههههههههه زاتو
___________
شاطر ياعيني شاطر فن كلامك ساحر كل اشعارك حلوه
| |
|
|
|
|
|
|
Mabrook (Re: ALZOLZATOO)
|
rummana الله بلا حليفة بيكتل - رغم انك ما خسمتينا بالله - ندعو لإبن اختك وكل الجالسين بالتوفيق - على فكرة طبعا كل واحد عنده طريقته في الامتحان ومما ابتدعناه مع صديق لي كنا نتوقف عن القراءة قبل الامتحان بأكتر من ساعة ثم نذهب إلى حيث نسترخي تماما ونمكث لمدة خمس دقائق على الأقل نفرغ فيها رؤوسنا من كل كلام قبل الدخول إلى غرفة الامتحان . وكانت طريقة مفيدة
| |
|
|
|
|
|
|
Re: Mabrook (Re: Ahlalawad)
|
أهل العوض خفت لو حلفتكم بالله يبقى الدعاء a must وما تعملوه حبيبي عبودي ما شاء الله تبارك الله فهمان وشاطر وان شاء الله ربنا يكتب ليه التفوق
| |
|
|
|
|
|
|
مبروك (Re: ALZOLZATOO)
|
رمانة :
تمنياتنا لعبودي وربنا يحفظه – ودعاء المؤمن بظهر الغيب من الدعاء المستجاب كما تعلمين . طبعا I owe one بعد اربع سنوات (بحول الله) بنتي الكبرى تسنيم ستكون في مكان عبودي . وحينها سنحتاج لدعوات وسداد الدين . نقول عبودي الشاطر دا طالع لمنو؟
| |
|
|
|
|
|
|
الحصة تاريخ (Re: ALZOLZATOO)
|
رمانة :
غايتو ، ضحكتيني وأبكيتيني .. طبعا أنا بنظر لموضوع وصول بنتي للجامعات بمنظار آخر اللي هو اني بقيت (ياعم) وراحت علينا .. انا ما مشكلة لكن امها هي المتجرسة . بالنسبة للامريكان واول سبتمبر ، قريت مرة انه من النساء من تطلب تعجيل الولادة قبل أول سبتمبر اذا كان تاريخ الوضع يقع في تاريخ متأخر وقريب (في حدود اسبوع وكدا) حتى لا يفقد وليدها سنة دراسية .
عموما بنتي هذه أدخلت المدرسة وسنها خمس ونصف ، كانت مجرد محاولة حيث كنا نفكر في ادخالها الروضة فإذا بالمدرسة تقبلها !! طبعا تربويا لا ينصح بدخول الطفل المدرسة في هذه السن المبكرة فهي من جهة تحرمه من اكمال مرحلة مهمة واشباع مرحلة الطفولة ومن ناحية اخرى تجبره للتعايش مع مجمتمع يكبره بنصف سنة .
لكين وين الاطفال ديل وزمان عندما كنا ننظر لطالب الثانوي على أنه انسان ناضج ويمكن بمظاهرات يقلبوا الحكومة .. كما قال سيدنا عمر (إنهم ولدوا لزمان غير زماننا) لذلك الصفات تختلف باختلاف المتطلبات .
| |
|
|
|
|
|
|
Re: الحصة تاريخ (Re: Ahlalawad)
|
أهل العوض الزمن اختلف وهسه الحبوبات في السودان بقى شكلهم أكتر شبابا من الأمهات والله حاجة جميلة جدا انه الواحد يكون عندو بنت أو ولد في الجامعة..الأم مما الطفل يدخل السنة الأولى وهي بتحلم باليوم اللي حيدخل فيه الجامعة..لما يقرب اليوم تقوم تضرب الجرسة؟؟؟ معقول بس!؟ بالنسبة لأول سبتمبر، اولا آسفة أنا قصدت لازم يكون مكمل الخمسة سنوات في تاريخ دخوله التمهيدي. أنا بعرف أسر أخروا أولادهم سنة لانهم بفضلوا أولادهم يكونوا أكثر نضجا لما يدخلوا المدرسة وبالذات الاولاد
الزول زاتو
ان شاء الله ربنا ينصر أخوك خلود وعزة الحلوة وفافا القيافة تعرف المغتربين المفلسين الببنو بيوتهم في 300 سنة وكمان يزيدوا فيها 9 طبعا اولا بيصبوا الساس ويقوموا العواميد بعدين يجوا بعد عشرين سنة يضيفوا حاجة..في خلال العشرين سنة دي بجوا جماعة من أهلنا النازحين يسكنوا في مشروع البيت ده ويعيشوا حياتهم كاملة غير منقوصة...أهو أنا وأهل العوض أخوي ده عاملين زي النازحين ديل...بنحب نعمر البوستات لأسيادها لحد ما يجوا يستلموها...عليك الله ما كتر خيرنا؟
| |
|
|
|
|
|
|
Re: فهم السؤال نصف الاجابه غدا الشهاده السودانيه (Re: bob)
|
الله يجازيك يابوب زكرتني بالبخره دي البخره بتاعت الفاضل سعيد هههههههههههه يكه كاشف بيها الامتحان وغيرو ليهو الاسئله ههههههههههه يكه انا بخراتي كانت كلها بتضرب مره يابوب في امتحان الجغرافيا كنت خاتي خريطه بي تحت الورقه وبرسم منها يعني بشف منها جه المراقب وقف جنبي وعاين شافني برسم طبعا ماشاف الورقه بي تحت قال لي والله ماشاء الله هههههههههههههههههه يكه قلت ليهو الله يبارك فيك
زاتو
____________
شاطر ياعيني شاطر
| |
|
|
|
|
|
|
Re: فهم السؤال نصف الاجابه غدا الشهاده السودانيه (Re: bob)
|
al sna khlas intahat.....walhi Allah youfeghom kolhom. 3ndana 3 momta7neen al sna di.....insha2allh al naja7 wa al galam al sa7 "as grandma says"... wa be monasbat dkhool al mdrasa fi 3mor sageer, i think it has negtive affects on the child, wa mojrebeen al 7aja di fi al osra...kol ma al zool ykoon wa3i bekoon a7san liho, wa fe3lan hena fi USA al zool betkhraj 18 years old, which they consider an adult..
| |
|
|
|
|
|
|
Re: فهم السؤال نصف الاجابه غدا الشهاده السودانيه (Re: Pearl)
|
رمانه صباح الخير شكرا ليك مافي مشكله والله البيت بيتكم اعملو فيهو الدايرنو مافي مشكله انا زاتي جني وجن اقعد براي عشان ما احس بالوحشه ههههههههههههههههيكه بيريل والله بعض الحالات نجحت في الدخول مبكرا بس تقريبا نسبه بسيطه زاتو
______________
حلوين حلاوه غالين غلاوه
| |
|
|
|
|
|
|
|