الأسلحة الكيميائية وحقيقة استخدامها في السودان في منتدى ميديكس للحوار
|
|
 شاعر الحزن النبيل وشاعر واقف براك....في إبداع آخر
|
موال على درب النخيل
عبد العال السيد
[email protected]
سنة التساب في قرية
في جوف الشمال
كانت بيوتها مشتتة
وكان الزمن لسع صبى
وكان الليالي عقاب شتا
وكانت رياح الليل تعربد
تمشى بينات النخيل
والضفة والموج في كتال
ومافي شي يجرح نعاس الليل
بلا حس الرواويس والمراكب
هاربة من برد الشمال
ونباح كلاب نص الليالي الصاحيات
والقمرة شالعه على التلال
وفانوس يبقبق من على شباك قديم
واطياف حريم
خايفات من الليل والسديم
والحان بتطلع من حلق وترا
على وش الفجر مبحوح بعد راح النديم
وهواكي بطلع من عبير نفس الشجر
من هدأت الليل البهيم
ومن سواليف السحر
ومن ترانيم البحر
يفرط عقد ايامى فى طبق النسيم
يا مهره من جوف الصحارى الكبرى
يم ديسا مهدل فى الكتوف
زى غيمه فى اخر الليالى
زحمة مكاتيب بينى ما بينك
قمر نايم على حضن الدوالى
موال على درب النخيل والريح
مغارب فى شتا البر الشمالى
موسم طلاقات للربيع ومدن مسوره بلآلى
واعراس يقج فيها الزغاريد والدلاليك
فى السحر مخنوقه تهبك كل ليله على التوالى
رمشك مظلات فى حمو الشمس المداريه
وعيونك طاقه للغنا والسحاب
نفسك نسيم ليل الخربف والقبلى
شايل فى الصعيد بعد اليباب
زولك حزين محقت سنين الغربه عمرو
وعده خلاهو الشباب
قاعد على قهوة محطات العمر
يحسب سنين عمره المضت من غير اياب
والليل مواكب حسره والشارع ضلام
لا همسه لا خطوات بتعبر لا كلام
غير نهنهات صوت البكا الموجوع
بتمرق من شبابيك البيوت آهات تؤثر فى العظام
بينى ما بينك ممالك من سراديب سيف وتفاحه وخيول
صيف مروح غيمه فى آخر الفصول
ناى حزين فاتح شبابيك حسره
للمندب على ريح السهول
طفله ترقص فى المدى المشحون بايقاع الطبول
غابه فى نص المدار وقمر على طاقة الافول
بينى ما بينك معانى وكلام قديم
يا عمرى ما سوو هو فى كتب الاغانى
وهواكى زى نار السلم
موقوده فى جوفى وحشاى
لهلابه والشتا اربعانى
بينى ما بينك مصير مسرجات الليل
ومركب فى رياح موسم مطير
صرخه فى الجبانه تسرح
فى حشا الليل الاخير
بينى ما بينك وطن
غابه للشوق والعصافير والشجن
ريح بتمرق من جدار الليل
تغربل زى طواحين الزمن
--------------------------------------------------------------------------------
(مدينة وضفة)
إنتي الحاسه براكي وعارفه
وكايسه معاي لى ضل مترامي
وين نتلاقى مدينه وضفه
وطلق البينا الواصل حامى
ومن وين أنا بفتح شرفه
منها يسطع قمر أحلامى
وتبقى الحاسه براكى وعارفه
يا اللازمتى الخطوة مشيتى
زهو الروح والزاد متباقص
لو أشرعتي الهوا أبوابو
كنتى عرفتى الشقا أسبابو
زول فى عيونك يعدى زمانو
وزمن الألفة اترامى سرابو
يا الغنيتي معاي لى غيمة
شدو الناس الراجيه هطولا
كم خليتي البال لى نجيمة
ضيها قاوم لحظة إفولا
وانا فى عيونك شوق متواصل
للأفراح الدانى وصولا
عز الشوق والهم والعاصفة
انتى الحيل راكزانى وواقفه
ووكت الليل الأرخى سدولو
تبقى عيونى بلاك ما شايفه
وما محتاج أكتبلك واشرح
انتى الحاسه براكى وعارفه
(مدني النخلي)
|
|
 
|
|
|
|
|
|
|
|
شاعر الحزن النبيل ... وواقف براك (Re: أبنوسة)
|
أختنا القادمة من الأفق البعيد ..يتدلي إبداعاً بائناً عند لحظة الوصول إلي ملتـقي طرق الإبداع..
عفواً فإن الحزن النبيل خطها بنان وخيال مبدعنا صلاح حاج سعيد .. اما واقف براك .. فهي بالطبع لصديقي المبدع مدني يوسف النخلي .. وهو في هذه اللحظات معي بالمنزل
تحية لك ..ولمدني ... ولصلاح في قلب الخرطوم ..وبطاالطبع .. التحية لصديقنا عبدالعال السيد في مدينة جده..ولعله لايزال يعيش في غربة ومطر..
واصلي يا أختاه .. أبنوسة .. وبالتوفيق
| |
|
|
|
|
|
|
|
|
|
Re: شاعر الحزن النبيل ... وواقف براك (Re: Abulbasha)
|
شكرا أخي صلاح الباشا
وأعتزر عن هذا الخطأ غير المقصود، ولصلاح حاج سعيد العتبى حتى يرضى، وعشت يا صلاح وأنت تنشر الإبداع هنا وهناك
وتحياتي لأخي مدني النخلي فتربطنا به صلة ومحبة المقيم فينا أبدا مصطفى وقد شالوا "معاً" الهم بالجملة
ولا أريد أن أفشي سري
وبالمناسبة إلتقيتك في أكثر من مناسبة سودانية بالدوحة
| |
|
|
|
|
|
|
|
|
|
أبنوسة .. والدوحة... مستودع الأسرار (Re: أبنوسة)
|
لا يا أبنوسة.... لا تخال كم أكون متضايقاً عندما أجد كل أعضاء هذا المنتدي يخفون أسماءهم الحقيقية...و في تقديري الشخصي أنها لامعني لها مطلقاً .. تلك الأسماء الوهمية ... فقد يكون الرجل متخفياً تحت لافتة إمرأة .. وقد تكون السيدة تختفي تحت عباءة رجل ... وقد تخفي إحداهن أو كلهن أسمائهن .. وكذلك الشباب من عنصر الذكور..
وهذا الإستايل لم يقنعني بعد .. ولم يبرر لنا أي واحد في البورد مسببات إخفاء الإسم أو العنصر..
عموماً.... ما علينا .. إن أخفوا أو أوضحوا .. كل المهم أن يكون الإبداع متدفقاً تحت كل لحظة .. كما أن كثرة الإطلاع العام أو المتخصص سيثري النقاشات والمداخلات في هذا البورد .. بل سيخرجه من رتابة الردود والمداخلات المتكرر..
عموماً .. نحن مستودع للأسرار يا أبنوسة ... وأسأل .. هل نحن نفشي السر أم نحتفظ بخصوصيات الناس..
ولك العتبي ... مع تحياتي
الباشا
| |
|
|
|
|
|
|
| |
أبنوسة
Abulbasha
ghariba
فيس بوك
تويتر
انستقرام
يوتيوب
بنتيريست