|
|
 حبي الفقدتو بعد وفا
|
حُبي الفقدتو بعد وَفا **** عَكـَّر لي جَوِي بعد صِفا
وصِبحت سعادتي من المُحال
جَمري القديم ما كان كـَفى**** موقِد يَلهلِب وما انطفا
جَات تاني هَبَتو ريح منال
ريدنا الزمان مالو اختفى ***** مالا المودة بِقـَت جَفا
ريدًا انت عارفو حُلو وحَلال
البـِت دي وين كت شايفا ***** أو مَرَّة واحده مَصَادِفا
ياصح تقولو سمعنا قال
رُوحي المَشَحتـَفة عارِفا **** مالا السِّيرة بِقـَت تـَخَوِفا
شن دار يكون سببا غير الجمال
مسكيني فاقِدي عَواطِفا **** عَشمِاني فيك تـَوالفِا
راجاك تـَجُودلها بالوِصَال
قلبي العليل كايس الشـِّفا **** لو شِلتو في حُضنـَك دِفـَا
كان بالسعادة عِميري طال
قـَدَمِي العليك سَاسَق حِفا **** هو بَراهو حَالتو يَوَصِفا
يـَغـنِي البيشوفو عن السؤال
غالبني حالتي أصـنـِّفا **** وِشـِّي وقـَفـَايا بِقـَن قـَفـَا
وبقى جِسمي دايما في انتحال
|
|
 
|
|
|
|
yasiko
فيس بوك
تويتر
انستقرام
يوتيوب
بنتيريست