|
|
|
 Re: زعلانه ولا شنو الحصل (Re: omarmahdi)
|
الله لا جاب زعل يا عمر
يمكن يكون واحد من التلاته
إما الجواب ما وصل
او
ردت عليك وردها هو الما وصل
او
يمكن بس بتتقل عليك شويه
دلع يعني 
إنت طول بالك وهي أكيد .. أكيد حترد عليك
لانه الواضح إنك رقيق المشاعر ومرهف الاحساس
| |
 
|
|
|
|
|
|
|
 Re: زعلانه ولا شنو الحصل (Re: رومانسي)
|
رومانسي إزيك في الاول
عليك النبي لو عندك الاغنيه دي تنزلها .. ما تتخيل بتعمل فيني شنو
يا سلاااااااااام عليك يا ود اللمين
إتقطعت فيها والله
| |
|
|
|
|
|
|
|
|
|
Re: زعلانه ولا شنو الحصل (Re: رومانسي)
|
بسيطه يا رومانسي
وشكرا للبحث والاهتمام
يا عمر ... نحن قلنا نقعد معاك نونسك لحدي الرد ما يصلك لكن إنت فتحت لينا
ما مشكله يا زووول .. انا بصراحه مقدره الموقف الانت فيه .. بس برضو طول بالك
| |
|
|
|
|
|
|
|
|
 Re: زعلانه ولا شنو الحصل (Re: تغريـــد)
|
يا تغريدسلام التعليلين الاول والتاني مقبولين
لكن التقلة دي في شنو
بالله عليك الله الزمن دا في زول لاقي زول يرسل ليه
وكمان يقوم يدلع
ومالو رومانسي بيقول ليك يا حليلك
شلعك من الرئاسة ام ايه
| |
|
|
|
|
|
|
|
|
|
Re: زعلانه ولا شنو الحصل (Re: yasiko)
|
يا سيكو
أسألني انا من البنات تعرف ... تعال قرب علشان مافي زول يسمع
حتى لو بقى اول واحد يتقدم ليها .. ولو بقى آخر واحد هي لازم تتدلع
وتمارس كل حقوقها الانثويه ومن اهمها الدلع والدلال.. والرفض والتمنع
حأحكي لي حاجه ظريفه قريتها في المجله قبل كم يوم
عن السيده صفيه زغلول ... زوجة سعد زغلول
طبعا هو معروف بالحزم وراجل دغري جدا واحد + واحد أتنين
ففي يوم زواجها امها بتوصيها وقالت ليها لما يطلب منك تنزلي من العربيه علشان تدخلى البيت .. لازم ترفضي
حيكرر الطلب بعديها ممكن توافقي
فأل ما وصلوا البيت قال ليها .. اتفضلي .. طبعا على حسب الوصيه رفضت ... اخينا ماصدق .. فتح ليها وراح ماشي وسابها في العربيه
وهي شالت فستانها وقامت جاريه وراه
ههههاي .. تخيل إنت بس
 ))
يا رومانسي إنت قلت لي حليلي ليه ؟؟؟
صحي الشمار بحرق شديد
| |
|
|
|
|
|
|
|
|
|
Re: بتتعلم من الأيام (Re: wadazza)
|
معقوله يا ود عزه ... إنت تفتش عن الايام علشان تتعلم؟؟
دي الايام وبنات الايام المفروض يجروا عليك علشان يحتوا كل حروفك وكل المعاني الساميه الجواك
وكل رقة أحساسك
| |
|
|
|
|
|
|
|
|
|
Re: بتتعلم من الأيام (Re: yasiko)
|
هتفت تسأل : كيف أجعله يحبني؟
قلت لها:أحبيه اولا
قالت: فعلت
قلت:أفعلي ثانية
قالت:فعلت
قلت لها إذن ما عليك إلا ان تحبي نفسك
عن نفسي يا سيكو انا واثقه تماما انه اي فتاة ما لم يكن لديها الدافع لكي تتجمل
فلن تتجمل
وان لم يكن لديها الدافع ليكي تتانق
فلن تتانق
وإن لم يكن لديها الدافع لكي تهتم
فلن تهتم
هناك دعاة التحرر بإعتبار ان الرجل هو سبب التقيد وعدم الحريه
من وجهة نظري ارى ان الرجل هو كل الحريه
هو النافذه نحو عوالم إنسانية جديده
حتي لو لم اتحرك شبرا عن نطاق بيته .. فمروري بين احضانه ... وأكتشاف خبايا عالمه
ومشاكساتي وممارسة كل لعبي وجنوني وفنوني في دهاليز دنياة هي كل حريتي التي أرجوها
ولم لا وانا انثى ... خلقت من ضلعه
اما بخصوص إنها ضلع أعوج .. فبيني وبينك المقوله دي تنطبق على الاتنين .. المرأة والرجل
علشان كده بقى في تكامل ... وفي الاختيار لا بد من التوافق
يعني كل وحده تعرف لما هي تكون في حالة اعوجاج .. لابد ان يكون هو فستقيما .. والعكس
عندما تسيطر علية نزعة التمرد ويحاول يمارس بعض الاعوجاج لابد ان تكون هي في حالة أستقامه تامة لتعدل هذا الإعوجاج
من هنا دايما بقولوا أهم شئ في الارتباط .. مش الحب وغيره من المصطلحات
وإنما الاختيار ... والتوافق
وبعددددددددددددددين
يا شباب خليتونا كده نتكلم في السياسيه التركيبيه للبنية التحتيه
يا رب بس البوست ده ما يقع في إيده علشان ما يصدق نفسه ويعمل فيها ..
يا أرض ما فيك إلا انا
)))
بالمناسبه ... سمعت انه برضو الرجال عندهم نفس السلوك ده
ايه رأيكم
ToM & JeRrY ))
| |
|
|
|
|
|
|
|
|
|
Re: استمرى (Re: omarmahdi)
|
والله يا عمر ما عارفه أقول ليك شنو
الظاهر إنت قسيت عليها شويه
بعدين ما في وحده راسها قوي
بس إنت شوف المفتاح وين.. وأكيد حتكسب
يلا يا فرده قلبي معاك
Bakhaf
حاول مره أخرى
| |
|
|
|
|
|
|
|
|
|
Re: استمرى (Re: wadazza)
|
يا ود عزه الظاهر جواب عمر أخد أبعاد تانيه مهمة جدا وأساسية
وانا اتمنى انه الجواب يكون وصل
ويكونوا يا رب سعيدين ومستمتعين مع بعض
انا حأرجع اكلمك عن الدلال و التمنع ... الرغبة والرفض
بس أسي ماما بتناديني للغداء
إتفضلوا معانا يا شباب
منو فيكم بحب المحشي؟؟
إمممممم ريحته لذيذه خاااااالص
| |
|
|
|
|
|
|
|
|
|
Re: استمرى (Re: تغريـــد)
|
aha ya tagreed nihna tawalna balnaaa lakin lessa no respond (e-mail)
nagool 3la zey da shino???? Dallal
| |
|
|
|
|
|
|
|
|
|
زعلانة و لا شنو الحصل (Re: omarmahdi)
|
اخي العزيز..
بل راسك ياخوي باين البنية فكت بالحتة في سوق الله اكبر
الشاكوش حق و الحب عذاب....استغفر يا وليد الناس ....و حاول تنسي.....الذكرى المنسية
| |
|
|
|
|
|
|
|
|
|
حلوين حلاوة (Re: omarmahdi)
|
الي كل من اخز قلمه وتبرع بالد الي سلام
القصة ما قصة شاكوش بل ذي ما ذكر رومانسي دلع بنات
وماعندي صلعة زي صلعة بكري بستحمل الشاكوش
| |
|
|
|
|
|
|
|
|
|
Re: حلوين حلاوة (Re: omarmahdi)
|
ههههههيييييي
أخيرا ظهرت الحقيقه
ما قلت ليكم يا شباب انا أدرى بي بنات جنسي
يا سيكووووو
(((يا تغريدسلام التعليلين الاول والتاني مقبولين لكن التقلة دي في شنو)))
!!!!!
عرفت أسي انه الموضوع كله دلع وتقله بس
)))
حوااااااااء يا حواااااااء
إنت نور وزهور وعطور
وإنت يا آآآدم
خفة روح عصفور وإبداعات خيال
ربنا يسعدكم يا عمر وتستمتعوا بي بعض اكتر وأكتر
| |
|
|
|
|
|
|
|
|
|
بعيدا عن السياسة قريباًمنها (Re: omarmahdi)
|
فعلاً يا تغريد..
الثقة والتفاهم والتقارب الفكرى هى أساس كل علاقة ناجحة بين رجل وامرأة..وأى خلل فى اى من العوامل المذكورة..يجعل الخلافات مستمرةلكن لدى سؤال يؤرقنى منذ فترة طويلة
لماذا المرأة والسودانية بالذات لاتمتلك ذمام المبادرة..وهى على درجة كبيرة من الوعى والفكر ..لماذا هى على طول ..لو قلت ليهو كده راسو حيكبر..لو اتصلت عليهو حيتنفخ..لو أهديت ليهو وردة حيعمل فيها وحيد زمنو..لو ...لو..لووسؤال أكبر لماذ تكون العلاقات محكومة بالأهل والأقارب والصديقات والصديقات..طابور من المستشارين خلف علاقة كونها أثنان فقط..فهذا ينصح الرجل بعدم الانجراف تلك تنصح المرأة بالتقلة والمهلة ...الخ
ففى اعتقادى الشخصى أن العلاقات العاطفية فى مجتمعنا السودانى لاتنبض بجميع العناصر المفترض أن تكون
لإمرأة/وطن/ نخلة/برق
ولرجل يحلم بالاسراء من جسد الحبيبة الى أقاصى الروح..ولعل الانتقاص من قدر المرأة فى معظم سلوك مجتمعناله أثر فى عدم تشكيل أطراف وأعماق العلاقات
بما تشتهيه سفائننا..فهى التى لاتقطع الرأس وان كانت فأساً..وهى وهى..ومن الناحية الأخرى يقف المثل متبجحاً: ضل راجل ولا ضل حيطة..
المهم ياتغريد..الموضوع لازم يقتل بحثاً -كما يقال-
وكويس ..انتظار عمر الطول للرد فتح المواضيع دى
المهم ننتظر منك تناول هذه الأمور أمور حواااااااء!!
وممكن تستمرى فيها بالبوست ده أو تعملى بوست ثابت ومستمر بعنوان
--المرأة الوطن__..
ودا مجرد اقتراح..ولكم حق القبول أو الرفض..
..واستاذ الأيام لا يزال يحاضرنا ..فنستمع
وياعمر مهدى ..شكراً حزيناً
وانت تسأل حبيبتك: "زعلانة؟واللا شنو الحصل؟؟"
هى جاوبت :"شنو الحصل
تحياتى
ود عزة
| |
|
|
|
|
|
|
|
|
 انت قصدك يانها (Re: omarmahdi)
|
سلام يا ابوعمير
احبطك شوية
ما حيصل عارف ليه ؟؟
حبسوها ليها اسبوعين ؟؟ تفتكر حبسوها ليه؟؟
بعدين والله بقول ليك
انت سمعت بالنكته بتاعت الوليه الردت على راجلها وقالت ليه قاليك دق ساااكت
خايفها تنعكس فيك
الله يكدب الشينة
..
.
| |
|
|
|
|
|
|
|
|
 Re: مكواة وراديو ورسيفر الي تبلدينا (Re: omarmahdi)
|
ودعزة .. الموضوع مستفز جدا طبعا
وعنده زوايا كتيره خالص .. ما حنقدر إننا نجمل ونعمم
وعايز ايادي كتيره علشان التحليل ياخد اغلب الشكل السليم
طيب يا سيدي ... في إعتقادي انه أي سلوك بغض النظر عن كونه أنثوي او ذكوري
بيجي نتيجه لموروث حضاري ومعتقدات بيئيه وافكار تصحيحة
بمعنى انه الليله ما بقدر اربط الشبه بين الفتاة السودانيه
التي تربت وعاشت في الوطن السودان
والفتاة السودانيه التي عاشت وتربت في .. خلينا نقول في دوله خليجية
والفتاة السودانيه التي تربت وعاشت في اوروبا مثلا او أمريكا
حتى الشرائح دي تخضع لتقسيم داخلي كبير جدا.. بس خلينا نتكلم عن الشرائح دي إجمالا... ولو سنحت الفرصه ممكن نبدأ بالتقسيم الداخلي لكل فئه
اكيد كل وحده من ديل عندها ثقافه مختلفه ... وعندها مخزون من الافكار ومحصول كبير من التجارب .. سواء تجارب خاضتها هي او تجارب من الآخرين
بالتالي بينعكس ده على طريقة وأسلوب تناولها لشكل العلاقة بينها وبين الطرف الآخر ... ففي البت السودانيه أبا عن ام والتى لا تتوانى لحظه ان تخطوا قدما نحو المحبوب ... وتلفت نظره لو كان ما منتبه .. ولكل أنثى شريعتها
وبي كده ممكن نقول عن الفتاة الســـودانيه إنها إيجابية جدا ورفضت الانتظار
وفي البت السودانيه التى تبادر دائما .. دائما ولا تهدأ أبدا ما لم تردد علية انت الحبيب .. وانا بحبك .. وغيرها من المفردات التى تعتبرها الأخرى كلام ما في داعي ليه ... وانا رضيت بيه ليه .. مش خلاص عرف إني بحبو!!!؟
سمح شنو!!!؟؟ .. لازم اخوت راسه كل مره بالكلام الفاضي ده الماليه نكهة
وهي ما عارفه انه دي النكهة ذاتها والرحيق كله
الكلام ده هو المويه والسماد والهواء والشمس ووووو.... اصل الوجود ذاتو
في نفس الوقت ممكن تلقى البت التقليديه ... المنتظره العريس .. وتاكد تماما طالما بدأت مشوارها مع الطرف الآخر بكل هذه السلبية .. حيستمر المسلسل حتى الحلقه الاخيره والاعاده كمان بنفس السلبية
إلك
لانه عايزه أعرج يسارا ناحية القلب
وأسأل عن الرجل ... قصدي الزول
في محاولة برضو للأكتشاف والبحث والتنقيب
| |
|
|
|
|
|
|
|
|
|
Re: مكواة وراديو ورسيفر الي تبلدينا (Re: تغريـــد)
|
من منا لا يفرح اذا وجد الاهتمام والمبادرة بالحب ايا كنا رجلا او إمرأة وامر المبادرة بالاحاسيس يحكمها كثير في سوداننا من عادات وتقاليد تنظر للبوح بالمشاعر كانه من الامور التي لا يجب الافصاح عنها وذلك لا يقتصر علي البنت والولد بل حتي بيننا في الاسر مع اباءنا وامهاتنا واخوننا واخواتنا فانا اعتبر اننا كسودانين تربينا علي ان نخجل من مشاعرنا وحتي لولم يقصد الاهل ذلك .
هذا كان في زمان سابق ولكن الان الوضع مختلف تماما فالجامعات السودانية هي اكثر الاماكن التي يمكن ان تكون مثال جيد لهذا الموضوع فمن اليسير في الجامعات ان تري البنت تبوح بمشاعرها للولد والعكس . اما بالنسبة للامثلة التي ارتكزت عليها الاستاذة تغريد فاني اخالفها الرائ قليلا فالتقسيم الذي اعتمدته للمناطق الجغرافيا في نوع الثقافات غالبا غير واقعي فانا اطرح تقسيما اكثر تفصيلا في هذه المسالة وان كان كثير منكم سوف يعارضي الرائ كما اعتقد ولكن اعتمد نوع التقسيم بنظرة مجرة وهي تعتمد علي نوع الاسر وطريقة التربية فهناك الاسر المتشددة دينيا وهناك الاسر المتدينة وهناك الاسر المحافظة وهناك الاسر المعتدلة وهناك الاسر المتحررة ففي داخل السودان يكون لكل بنت وولد خلفيتةالتي جاء منها والتي تؤثر علي نظرته لهذا الامرومن اليسير ان نري ولداو بنت تربت وعاشت في اوروبا او امريكا وهي لا تصافح الرجال او تخطلط بهم حتي فما بالك ان تصارحهم بمشاعرها وايضا بالامكان رؤية مثل هذه البنت او هذا الولد في بقية المناطق الجغرافية التي اعتمدت اختنا تغريد في تقسيمها وايضا ينطبق هذا المثل علي بقية الامثلة الاخري من اقصي المتشددين الي نهاية المتحررين
الناظر الي اول الكلام يمكن ان يري بعض التناقض ولكن سقت المثال الاول عن الجامعات للاخ ود عزة فالواقع في السودان غير ما كان قديما
وجهة نظر موش
| |
|
|
|
|
|
|
| |
yasiko
wadazza
Bakhaf
ALZOLZATOO
فيس بوك
تويتر
انستقرام
يوتيوب
بنتيريست