|
|
 تغريد ,ودعزه,الساره,مراد,الجيلانى وكل من سخر من زواج البشير
|
اولا تحياتى
الغاليه تغريد
لقد حذنتا كثيرا مما كتبيتهو ليلة البارحه عن السيد الرئيس ووصفتيهو بانه رجل عندو شوية عباطه حتى انك رددت مقطع الاخ ودعزه حكم البلد بى العباطه العديله لى وردتى للاخ ود عزه بان السيد الريس عندو حبة عباطه التقول بكر امه صدقينى خرجتا بسيارتى فى تلك الليله وكنت بفكر فى كلامك مما جعلنى اصدم سياره اخره واتسبب فى حادث مرورى والحمد لله جات سليمه.......... استغرب كثيرا معقول تغريد يكون رايها فى الرجل ده بى الصوره دى لدرجة انها تسى ليهو بى الصوره دى شى غريب والله
بعدين يا استازه تغريد انتى هنا غدوه للجميع وكونك تردى بى الصوره دى ده شى نحنو ما بنرضهو ليك وكثيرا فى حقك اتمنا فى المره القادمه تحاولى تفكرى قبل ما تردى على اى موضوع ايا كان لان اى رد منك بيكون محسوب عليك
وحاولى اقرى ما يكتبهو الاخ بكرى ابوبكر زالك الرائع
اذا كان كبير البيت للطبل ضاربا فلا تلم الصبيان فيه على الرقص
مع مودتى
الاخ ودعزه
كتبتا رابع الكيزان الثلاثه عديله لى
حكم الناس بى العباطه عديله لىخلا الشعب على البلاطه والخ... وترد بان البشير ليس بريسك
من هو رئيسك يا هذا اخاف يكون قرنق او منصور خالداو اى واحد من الملحدين سكان الفنادق اما انك شيوعى بس للاسف الشيوعيه انهدمتا حتى فى دارها قول لى بى ربك انت شنو لان البكتب متل كتابتك دى ما اظن يكون ليهو اصلا سودانى اساسا
الغالى مراد او نوبه ياخى حرام عليك والله
بتقول قاتلوهم حيث وجدتموهم حتى لو كانو متلصقين بستار الكعبه
ديل يا غالى ما يهود ديل مسلمين لو بتقصد اليهود على ما اعتقد مكانهم معروف احتشم يا رجل
دكتوره الساره يا خساره
توصفى البشير بى طيش العساكر
لو كان كذالك ما كان وصل لى ما وصل ليهو حاليا
اخونا الجيلانى بتقول للرئيس
ماذا يهمك من عذاب الناس من جوع الصغار واذمة الوطن الجريح
سبحان الله حاول ياخى اقراء تاريخ البشير ثم قول كلامك ده تانى
اخوانى
ان زواج الاخ الريئس بيعتبر شى شخصى جدا جدا وبعدين حتى لو هو شى عام ما مفروض الناس يتنقلو الحدث بى الصوره القبيحه دى هو عمل شنو سوال حاول اسالو لنفسك قبل ما تكتبى شى الرجل حاول احياء سنه بعينها ولو ده ما صاح كان بى امكانهو ان يتزوج اى بنت ودار الجعلين ممتليه بى الغزلان لكن فى دواخل الرجل اشياء اكبر مننا كلنا اتمنا ان اسمع كل خير عن السيد الريئس
لانو صار شى وطنى والشى الوطنى مفروض الانسان يحافظ عليهو ما يسى ليهو التقول اتزوج خطيبة احدكم
|
|
 
|
|
|
|
|
|
|
 Re: تغريد ,ودعزه,الساره,مراد,الجيلانى وكل من سخر من زواج البشير (Re: waleed500)
|
الاخ وليد بعد التحية والاحترام
ليس هناك من يدعيك باتهمام من يحكمهم البشير بالمجرمين هل هذا هو صوت لومك على من سميتهم بالذين يسخرون من زواج الريئس فليس هنالك سخريه بل شتم وهذا ينهينا عنه ديننا الاسلامي يا اخونا الماشئ تصلي المغرب وترجع نحن ولله الحمد يشهد لنا بحسن السير والسلوك كشعب وليس الشهاده للفرد الواحد فلذلك ماقام به الريئس ليس منافيا لتعاليم الدين الاسلامي او عاداتنا وتقاليدنا فهو عمل مشروع واتمني من الاخوه ضبط النفس فى مناقشة هذا الموضوع لانوا نحن ارقي من ان نسئ لبعضنا او يسئ اخر لنا وهولاء الذين سميتهم باسائهم يا اخ وليد فيهم من جاء علينا رئيسا ليس بانقلابا عسكريا او بتصويت ياخذ براي الاعضاء وانما جاء كما جاء بشار بن حافظ الاسد وهل هنالك احد سال كيف تكون علينا تغريد رئيسا وكيف كانت وكيف جاءت انما قرار انزله علينا من سميته بصاحب الرائ السديد والكلمة الا وهو بكري ابو بكر انزلها علينا رئيسا وكما انزل بقيه مجلس قيادة البورد وهل اجاب علينا سيادة المسئول الفني لماذا تغريد رئيسا علينا كما سال احد الاخوه منتقدا كيف جاءت رائسة السيد الرئيس البشير فى احدي ردوده على موضوع
واما موضوع الولاية حتي اذا كنت غير راضي عن من هم على ولايتك فهذا امر الله ويجب احترامه ولك الحق بان تكون معه او لا ولكن يجب ان يكون النقد باسلوب محترم ويجب ان تتفقد كلماتك قبل نشرها وهناك من قال لى انت قبل شويه ماكنت معانا الغير رايك شنو المساله ياود عزه موش مسالة معاكم ومامعاكم انا انسان لدي وجهة نظر اعبر عنها براي لك حرية الفهم انتفهما معاكم او لا لكن مابداخلى اكن كل الاحترام والتقدير لسيادة الرئيس وفى النهاية يا عزيزي هو بشر وليس نبي ولا ملك حتي لا يخطئ فهناك الاف الرؤساء العرب والاجانب يخطئون فى حق انفسهم وحق شعوبهم ولكن لا احد ينتقد كما تفعلون انتم وليس عيبا هذا وانما شئ رائع وعمل جميل ان ينتقد رائ الرئيس ليعود الى صوابه ياخي سيدنا عمر بن الخطاب اخطاء واصابت امراء كما قال واما موضوع زواجه ليس فى خطاء وانما فيه قدوة حسنه ةاحياء لسنة تكاد ان تنتهي فى زمننا هذا ولك الله ايها المناضل الفريق عمر البشير وليحسبه لك الله فى ميزان حسانتك وحاسبوا انفسكم قبل ان تحاسبوا
| |
|
|
|
|
|
|
|
|
|
Re: وليد500 (Re: wadazza)
|
الاخ ودعزه
لو انا فعلا بدور على اهميه ما ما كنت دورتا عليها ها هنا
ولو انا اسات الى البودر فانت وامثالك اساو لى شعب بى اكملهو
انا لا احمل شى دفين فى دواخلى بغيض انما احمل نفس وطنيا واتمنا انك تحمل لو القليل مما نحمل تجاه وطننا اى غبش دول الانتا منهم ما اعتقد زالك
| |
|
|
|
|
|
|
|
|
 Re: تغريد ,ودعزه,الساره,مراد,الجيلانى وكل من سخر من زواج البشير (Re: waleed500)
|
فى البداية أخ وليد التحية ليك يعنى حقيقة عملية زواج السيد الرئيس عمر البشير لو انت مسكت الموضوع ورسخ فى زهنك التحزب وما أدراك ما التحزب تجد الموضوع فيو وفيو لكن لو مسكت الموضوع من ناحية شرعية واسلامية فتجد البشير معاو حق لأن الشرع يحل للأنسان ان يزوج اربعة نساء فأنا بكون موقفى موقف محايد لك وللذين لم يأيدوا زواج البشيرويصفونه بالعباطة فكل بنوم على الصايد الذى يجد فيه راحته
فهل البشير نام على الصايد البريحو على حساب نفسو ؟ ام على حساب الآخرين ؟
كونك تحب البنية جريمة وكونك تغازل عيونا جريمة وكونك تمارس الجريمة جريمة
شجن
| |
|
|
|
|
|
|
|
|
|
Re: waleed (Re: wadazza)
|
كفــارة يا وليد ... إنشاء الله الحادث يكون بسيط
وما جاتك عوجه!!!؟
أما بخصوص عباطة السيد الرئيس... فلن أزيد عن ما قاله الاخ ود عزه
ولك تحياتي
| |
|
|
|
|
|
|
|
|
|
Re: waleed (Re: wadazza)
|
الغالى ودعزه
اذا افتخر الناس بحسن كلامهم افتخر انت بحسن صمتك
حبيبى كلامك ده كان ذمان انا بعذرك كتير لانو على ما يبدو لى انك طولتا من البلد حاول امشى البلد وشوف الحاصل شنو العالم هنالك اتغير واتغير الى الاحسن وصدقنى الكل اقتنع بى الداخل ناس الصادق والمرغنى كانو برددو نفس كلامك ده ولما جو البلد وشافو الحاصل سعدو كتير حاول امشى البلد وستفرح كما فرحو اهلك الكبار
| |
|
|
|
|
|
|
|
|
|
وليد تانى (Re: waleed500)
|
الأخ وليد
سلام
نحن يجب أن نمارس ديمقراطية ما من خلال هذا البورد الرائع الذى جمعنا...
فالشعب السودانى المعلم هو من يعلم الآخرين أدب الحوار
لكنك خرجت عن دائرة الحوار بهجوم لا مبرر له ...
الأخت تغريد
سلام
فعلاً أنت لم تزيدى عما قلته ...
لكننى أنا الحأزيد وأقولوأقول
((الليلة عبا وساير
فرس الرهان الخاسر))
تحياتى للمع والضد...فنحن هنا رأى ورأى آخر
ويحيا نضال شعبنا الباسل
| |
|
|
|
|
|
|
|
|
|
Re: وليد تانى (Re: wadazza)
|
اى ديمقراطيه التي تتكلم عنها ايها الاغبش كما وصفت نفسك
هل الديمقراطيه هي التي تبيح لك الكتابه من خلال هذا البورد فهل تجد خلفك صفا يهتفون بعد ارسالك لموضوعك الديمقراطيه التي كما ذكرت هل هي التي جاءت بتغريد رئيسا علينا فى البورد وقرشو الفه للبورد ويازول اديبا له ودكتور ساره مسئولا لشئون المراة وبقية اعضاء مجلس قيادة البورد اين الديمقراطيه التي تتكلم عنها وتريد ممارستها على البورد ومن المفترض ان يكون هذا البورد بمثابة السودان الصغير الذي نقدر ان نمارس فيها ديمقراطيه كامه فى حق الاختيار لمن يكون رئيسا علينا وان ننبذ فيه الانتقادات الغير هادفه ولكن للاسف حتي على هذا البورد ممارسة الديمقراطيه الا التي يسمح لك بها الباسورد بتاعك فى اضافه موضوع تعبر فيه عن ما بداخلك وليس لك حق التصويت الا فى من هو احسن فنان واتمني من الاخ الذي قام على اعداد هذا البورد ان ينظر فى هذا الكلام ولننتخب رئيسنا وليكن تغريد فهذا امر شوري ومثالا للديمقراطية التي نحلم بمعايشتها على ارض الواقع فى سوداننا الحبيب ياود عزه
| |
|
|
|
|
|
|
|
|
|
Re: وليد تانى (Re: 3bdo)
|
والله يا صديقى الغالى ما اظن يجى رائيس فى السودان الناس يقتنعو بيهو دول لا بعجبهم العجب ولا الصيام فى رجب
| |
|
|
|
|
|
|
|
|
 Re: وليد تانى (Re: 3bdo)
|
يا ود عزه عفيت منك شقيش ما تقبل
الزويل دا خباروا متنفخ كدي؟ يا وليد هوي اتفجخ في ارض الله دي حواء والده وبلش الانشتاحه دي نحن اسياد بلد نقوم ونقعد علي كيفنا ولا عندنا غرد في زعلك ولا صدمة عربيتك وانا اتحرق طق وانتوا اجماعه ما تسولو راس وقعر
| |
|
|
|
|
|
|
|
|
|
Re: kafara ya ustaz waleed (Re: waleed500)
|
Waleed..
Kaffara
I have two advices for u .. accept them as coming from ur sister:
1- Concentrate while u r driving
2-Think before u talk or write
Thank You!!
| |
|
|
|
|
|
|
|
|
|
Re: تغريد ,ودعزه,الساره,مراد,الجيلانى وكل من سخر من زواج البشير (Re: waleed500)
|
سلام وليد
دعنا نناقش الأمور بهدؤ وبدون إنفعال،وآسف إذا كنت سببت حادث العربية
يا أخي دي أمور عاديه بين البشر يتفق حولها الناس ويختلفوا،فالرئيس ـ مع تحفظي علي هذا اللقبـ ليس إلهآ ولسنا ملائكةفلا تغضب من كل من له رأي مخالف لرأيك
ثانيآ ، الرجل وزمرته جاءوا بالبندقية فما المانع أن يذهبوا بالبندقيةخاصة وهو القائل الراجل يجي يقلعها مننا
ثالثآ،أماعن حال البلد الإتصلح وأنحناماعرفين عنه حاجه فاحب أن أعرفك أني ولدت في السودان وبقيت فيه 45 عامآ ولم أغادره إلامن شهور فقط ولاأدري من أين عرفت إنو حال البلد إتصلح،ويبدو إنك تعرف أشياء جلها خطأ
رابعآ ،أما أن الناس لم ولن تتفق علي رئيس، فماالمانع في ذلك؟هذا شئ عادي و طبيعي يارجل ،الشيخ عاشور وهو عالم دين مصري وإمام أكبرمساجد مصر قال عن السادات لما كتب بعض صحافييه أن الناس مجمعون عليه رئيسآ بنسبة 100 في المائه أن رب العزة سبحانه وتعالي إذا استفتي عن نفسه في الأرض فلن ينال ذلك وأظنك توافقني علي ذلك ـ أقول ذلك وأنا قادم من صلاة الجمعة في بلاد القابض فيها علي دينه كالقبض علي الجمر ـ فكيف يتفق الناس علي بشر مثلهم وفي التاريخ الإسلامي نفسه اا يؤكد ذلك ودونك احدث بعد وفاة الرسول صلي الله عليه وسلم. يارجل الرئيس ـ أي رئيس ـليس مقدسآ فهو شخصيةعامه ومن قبل هذا الوضع فاليتحمل نتائجه،ولكن يبدو أن بعض دول الإغتراب غيرت مفهوم بعض الناس عن الرئاسة.
يبو أنك لا تعرف مدي الظلم الذي حاق بالعباد في السودان،يا عزيزي قتل الناس وعذبوا وانتهكت أعراضهم من واحد من أسوأ انظمة الحكم في تاريخ البشريةبدون ذنب سوي أنهم يرففضون الظلم ولا أظنك تجهل ذلك وكان عمرالبشير هذا رأس النظام الذي قام بذلك، فكيف لايكو مسئولآ كما تقول حتي بالمفهوم الإسلامي لمسئوليةالراعي عن رعيته
أما عننصيحتك لي بأن أحتشم فسامحك الله
| |
|
|
|
|
|
|
|
|
|
Re: تغريد ,ودعزه,الساره,مراد,الجيلانى وكل من سخر من زواج البشير (Re: Bakhaf)
|
هذا ردك يا واحشني
(اقتباس
من بوست آخر)
هوووووووي يا ود الناس مالك هس جبته ليك طعان ولعان هس نحن قلنا حاجه غير فرحانيين اكثر من العريس هاهاهاهاهاهاى
كان فى عرس ويوم السيرة طبعا العريس راكب قدام ويبشر وفي واحد قاعد فى الواطه وكان متزوج من كم سنه ومرتوا مكرهاهو ليك العيشه قام قال ليه ابشر لكن بتنزل ولا بتكون راكب كده بتشوف الشافوا ابراهيم ....وكمان زولنا ينادي بتعدد الزوجات وقع فيها زاتوا الله كريم عليهو
--------------------------------------------------------------------------------
واحشني
مالذي جرى الان ؟
الاخ وليد
لكل انسان حق التعبير في حدود الادب واحترام اراء الاخرين
ولكن اري انك تصنف من يخالفك الراء وتنعته بالشيوعية والاجرام
ويقيني ان الشيوعية ليست عيبا وان كنت لا عتقد فيها البتة فكيف تربطها بالاجرام
فلقد ذكرتني بيت الشعر الذي قاله حميد(واخشى ان لا تقول لي لماذا اقتبست من هذا الرجل) فهو
البوليس صاقع شيوعية
فاكر نفسو بنبز فيينا
ا يا بوليس امك مسكينة
ماهيتك كم
&&&&
قلي ماهيتك كم الان؟
اولا اطمئنك انني ضد الشيوعية وضد الاحزاب التي لا تجاري الحياة ولا تهتم بالسودان وشعبه وبكل قوة ضد الذين
يحكمون باسم الدين
والان نريد ان نعرف السودان الي تعيش فيه انت هل هو نفس الذي كنا فيه؟ وهل هو نفسه الذي نزوره كل سنة واقل من سنة؟
هل انت من الذين يتقاضون 250 الف واقل؟ ويسكنون بالايجار ويعيلون اسرة لاكثر من خمس افراد وفيهم طلاب؟
اعتقد انك لست منهم لانك قلت عملت حادث بعربتك
ارجو ان تركب عربتك وتمشي للعايشين في الهامش وتسالهم من كيف عايشين
بعد ذلك قل هل تحسن السودان ام لا؟
ولكن يكن تساولك عن عدم الحرية في البورد فهذا لا علاقة له بخرق دستور السودان من العساكر
(واعتقد لا يوجد وجه شبه
وتريد الجميع ان يتبعهم والا يكون قد خرج من الملة
يا اخي نريد ان نحيا احرار ونستخدم العقل الذي ميزنا الله به من الغير
ولكن من العبط وعدم احترام الاخرين ان لا نعطي الانسان حق التعبير والتفكير بل نريده الة موجهة
نامل ان ينصلح حالنا فالسودان للكل
| |
|
|
|
|
|
|
|
|
|
Re: ود العامل (Re: wadazza)
|
هذا يدافع عن البشير
وذاك عن تغريد
وأنا أقول كفى كفى
كل منكم ذو ألف لسان
وأظل أسأل ماذا تعني في خاطركم الإتهامات
ألفاظ قاتلة في رفق ، خالصة الكفين من الدم
أشياء تافهة هي بالجد يا أحبابي
وكل منكم يكفيه شرف بانه سوداني
| |
|
|
|
|
|
|
|
|
 Re: ود العامل (Re: EMU إيمو)
|
ود عزه عفيت منك شقيش ما تقبل
خبارو الزويل دا منفوخ كدي؟
يا وليد ما تنفشخ في بطن الواطه وتقصرها انشتاحه والله نحن اسياد بلد نقوم ونقعد عل كيفنا ولا عندنا غرد في الدبلوماسي لا ولده وحواء والده خلي صاقعنا دول دول اسمها ديل ما دول
ويقولون اذا كان صاحب البيت بالدف عازفا فشيمه اهل البيت كلهم الرقص
دحين فكنا منها سيره
| |
|
|
|
|
|
|
|
|
|
Re: ود العامل (Re: kundark)
|
الاخ ود عزه
اشوفك فقدت المنطق وصرتا تتكلم عن صورتى اكتر من الموضوع زاتو
واشوفك بتتكلم وبدافع عن تغريد ذات الثقافه العاليه ياخى لو عندها رد خليها تتكلم هى ما عندها لسان وبعدين اكون ود دبلومسى او خلافو ده ما الموضوع البنتكلم عنو انا بتكلم عن اساءتك انت ومن معك لو داير تتناقش فى السياسه اتناقش بعيد عن الاساءه ممكن تقول لى السيد الر ئيس ما عندو سياسه ممكن تقول لى هو غلطان هنا وهناك لكن كونك تنبزو ده شى ما برضهو ولا برضاهو اى سودانى بيحمل الجنسيه السودانيه وبيعتز بيها وانا لما وضعتا صورتى ما كان الهدف منها شهره او شى من كده الحمد لله انا مقتنع انا منو ... وقصة كونى اكون عايش فى برج عالى ده برضو بفضل ربى ما بفضلك انت موش كده ولا كيف
اتمنا ان يكون نقاشنا فى حدود ما نتكلم ما اساءت وكلام فارغ
| |
|
|
|
|
|
|
|
|
|
Re: ود العامل (Re: waleed500)
|
Waleed..
I'm not being sarcastic... I really think u should take a moment with urself before replying .. and remember: u r talking TO and ABOUT ppl not just names.. when we make fun of albashir we have all the right to do so.. and it happens everywhere, since u r in bilad al3am sam .... I guess u watch Letterman's shows and many other shows which make fun of Bush and Clinton.. as for Albashir, he didn't achieve anything for the country to make me respect him for , on the contrary he is driving us back every single day, I don't want to dig deep in politics this is not the right time nor the right place..
Plz go back and read what u wrote again and see how it feels if this was wrote to u ,, !!!!
there is a book named Getting the best of your anger .. u should read it .. it helped me not answering u when I was angry and it will help u for sure!!!
and of course u should say "a3oozu bellahe min alshaytan alrajeem"
| |
|
|
|
|
|
|
|
|
|
Re: ود العامل (Re: alsara)
|
الغاليه ساره
قد يكون البشير ما عمل شى ملموس الى الان بس قولى لى كيف يعمل
مادام البلد كلها كانت حروب فى حروب ينتهى من حرب يدخل فى حرب
عندك البترول ده انجاذ منقطع النظير هل يا ترى البترول كان غير موجود يوم كانو الاحزاب فى الحكم بل كان موجود وبنفس الكميه
صدقينى يا دكتوره الرجل بيستحق كل الاحترام...نعم هنالك البعض ما عجباهم سياسة البشير يحق ليهم ان لا يحترمو سياستهو ويحق ليهم ان يتكلمو فيها متل ما يحبو لكن يصلو لدرجة الشتائم ده شى غير مقبول ومن انسان مثقف بعتبرو شى غير منطقى
لكى الشكر دكتوره
| |
|
|
|
|
|
|
|
|
|
Re: ود العامل (Re: waleed500)
|
So, exactly what do you all think: is marriage a personal matter or not??
Does the president of a certain country need a permission from his people to get married?..
And waleed500, I agree with sarah, you need to pay attention when you are driving, what will albashir lose if you got hurt or lost your life la gadar Allah?
I believe everyone here believes that ALL and I repeat ALL has the right to say their opinions..and ofcourse respect each other while doing that. It will be good if we continue to help each other remember that always..so I give everyone the chance to remind me when I forget..in a respectful way ofcourse..
Thanks all.
| |
|
|
|
|
|
|
|
|
|
Re: ود العامل (Re: rummana)
|
اخت رمانه
بشكرك كتير انتى والاخت ساره وبوعدكم باننى سوف انتبه اثناء القياده
اما عن زواج البشير ما اظن انو اى انسان بيحتاج الى ازن فى قصه الزواج
ده شى شخصى واى انسان حر انو يتزوج دى ويترك دى بس فى حدود الشرع
خوالص تحياتى اخت رمانه
| |
|
|
|
|
|
|
|
|
|
Re: ود العامل (Re: waleed500)
|
تفتكر الدخل فيهو البشير المر دي ما حرب؟
دي حرب مش تعطل استخراج البترول والذهب دي تستعجل استخراج ارواح كثيرة
دا وكت العرس بالله اسالك ولشنو اعلانو ان كان عشان خاطر الايتام وربنا
هذه ورقة من اوراق المتاجرة وجعل الناس ينشغلون بها
وبلسانك تقول ما عمل حاجة وطيب داير ايه 13 سنة وهذه الحرب في اول خطابه ما قال ستقف خلال ستة اشهر!!!! هل هذه ستة اشهر
وهل البشيير استخرج البترول من مكتبو ما عملية كانت سايرة قبله وشاء القدر ان يخرج في عده ان لم يكن الامر مخطط اصلا للدعاية و الكسب السياسي
وهل يعني بوش اليوم افضل من نكسون
| |
|
|
|
|
|
|
|
|
|
Re: ود العامل (Re: waleed500)
|
الابن وليد لدى عدة اسئلة لك
1 كم عمرك؟
2 وهل اديت الخدمة الالزامية و اين قمت بها (هذا لو كان عمرك اكثر من 18 سنة)
3 هل ابوك الدبلوماسى من دبلوماسين قام من نومو ولقى كومو او بداها بكرة الشراب من سكرتير ثالث و بعده اترقى مش بدأ بسفير او وزير مفوض؟
كل هذه الاسئلة اجاباتها ستوقف الدوامة التى فى داخلى و بعدها ساقوم بالرد عليك لانه اذا عرف السبب بطل العجب
وساعدناك معا للخروج من الغيبوبة التى تصيب دائما من لف ملفهم
| |
|
|
|
|
|
|
|
|
|
وليد (Re: waleed500)
|
يا وليد 500
لغاية هنا وبس ....أرجو أن تقفل هذا الموضوع لأنه يبدو عليك أنك من كوكب آخر..
فانت هو من ابتدر الاساءات..
لذلك لن أرد عليك من الآن فصاعداًالى حين ان تهدأ ثورتك.وتعود بدون رفقة الهوس بالبشير والشرذمة الحاكمة..وتعود الى الرشد الشعبى السودانى وهو غير مؤتمركم الشعبى
مع السلامه
تحياتى
اخوك
ود عزة
| |
|
|
|
|
|
|
|
|
|
Re: وليد (Re: wadazza)
|
سلامات ود عزة
اتمني فعلا وليد يرجع لينا بدون الهوس الانقاذي الداير انقاذ وكمان اتمني انك انت ترجع لينا بدون الهوس ال .... ومافي داعي اوضح اكتر لأنه ما محتاجه بوستاتك بتوضح اتجاهك وعلشان ما نبدأ نقاش جديد في السياسة المرض دي
3bdo
| |
|
|
|
|
|
|
|
|
|
Re: وليد (Re: wadazza)
|
الاخ ودعزه
انا فعلا من كوكب اخر ما من الكوكب الانتا فيهو ده
نحنو من هنا من السودان اما شرزمة البشير الانتا بتقول عنها دى سوف تكون فوق راسك غصبا عنك احببت ام كرهت
ارك نسيت من البداء بى الاساءه للبشير انا............ لو كنت انا ما كان ضيعتا وقتى كلو معاك مانع للاساءه وبعدين ياخى انت شنو ... انت اساءة للبشير
والله لو عندى الحق فى الاساءة اكان اسمعتك كلام ما قد سمعتو من قبل لكن احتراما للمنبر ده بكتفى بى الصمت لانو المتلك الكلام ما بينفع معهو لسبب واحد بتكون غرقان فى وحل الغربه بتكون غرقان فى اشياء لا اود الغوص فيها ولعلمك انا بعرفك اكتر مما تعرف نفسك فليكن الطبق مستور ومحفوظ ولما وضعتا صورتى كانت مخصصه لك انت بى الذات وفكر تماما اتقابلنا وين ومتى
مع خوالص ودىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى
| |
|
|
|
|
|
|
|
|
|
Re: وليد (Re: waleed500)
|
إحتراماتي يا وليد
إلى الآن انا شايفه إنه ما في زول أساء ليك أي إساءة شخصيه
وانما الامر لم يتعدى حدود النقاش الديمقراطي الحر
من منطلق الرأي والرأي الآخر
فارجو من حضرتكم ان لا تخلطوا السمن بالعسل
وان تلتزموا حدود النقاش الحر دون أي إساءات شخصيه لأي من الاعضاء
ودمتم
| |
|
|
|
|
|
|
|
|
|
Re: وليد (Re: تغريـــد)
|
الاخت تغريـد ..سلامات
دي من بوست الاخ ود عزة لوليد :
:ود عزة كتب
وبعدين نشر الصور بالكامل كده فى البوست وعلى شبكة عالمية...أسمعوا نصيحتى
..
فيهو.
وأسمعواراى الفنان اللى قال ((صورتك الخايف عليها..
وأسألوا أولى الخبرة...
وبكرة لازم نشوف صورة سيارتك ودولاب هدومك كمان ..يا وليد
ده كلام محترم...الدولاب جابو شنو ؟
| |
|
|
|
|
|
|
|
|
|
Re: وليدThAt waS bY nOmEans aN unAccEpTaBle seT of pRiOritieS (Re: 3bdo)
|
الاخ وليد
هذه ورقتنا الى صناديق اقتراعكم..وقد قدمها بالنيابة عننا كادر الجبهة الاسلامية عبد القادر الكتيابى وهو رجل لا يشك أحد فى اسلاميته
على الطلاق مكاء صلاة اليمين عليك
وحج اليسار اليك.. نفاق
وأقطع حد ذراعى رهاناً
ستصبح ثم تراهم سماناً
وثم يشد عليك الوثاق
فتعرف أن المنابر سوق
وأن البضاعة أنت
وليس هناك امام
وليس هناك رفاق
ستعرف انى نصحت بقلبى
وانى قد صدقت على الطلاق
ولكن زى ما بيقول الرائع مصطفى ( والذى لحسن حظ عريسكم البشير أنه لم ينزل معه فى استفتاء لمحبة الناس لهم وللمقارنة بينهم والا كان ما سمعت بعرسو ذاتو!!)
تزعل من منو
وتزعل فى شنو
كل الناس صحاب
كل الناس قراب ..كل الناس أهل.. والماهم قراب قربهم العمل
والعمل الذى قربنا معكم هذه المنتديات الرائعة.. وروعتها هى ان كل يقول رأيه ويذهب مستريحاً لانه أسمع صوته بكامل حريته وقال رأيه البعتقد فيه بكامل قواه العقلية..ام انكم تريدوننا أيضاً أن نكتم أرائنا حتى فى هذه الساحات الديمقراطية البسيطة؟؟ لذلك لا تستطيع مهما كنت ،وكائناً من كان، أن تحجر على الاخرين وتغصبهم على الاتفاق مع طرحك الذى وصل بقياس العمر سن النضج والمحصلة صفراً كبيراً فى تعمير الوطن!!
هذه سنة الخلق يا عزيزى .. ونحن فى طرح هذا الموضوع العام (زواج رئيس جمهورية السودان البشير) لا تهمنا حياته الشخصية فى شئ وزى ما قال أحدهم انشاء الله يعرس خمسين ماهمانا!!لكن ما يهمنا فقط الشفافية حين يحكمنا وحين يدير زبانيته وحاشيته امور شعبنا ، والذى بحسب قناعتى المتواضعة لم يأت حتى يومنا هذا تنظيم سياسى فى قامته فكم من قوى سياسية خدعته بشعاراتها البراقة وخذلته حين تسنمت على ظهره!! فالعريس يا عزيزى هو راعينا والمسؤول الوحيد عنا نحن الثلاثين مليوناً أو تزيد ،امام الله ،وبحسب علمنا أنه قد اختار بكامل ارادته ان يقلبها فوق رؤوسنا فى ذلك اليوم وعلى حسب المعلومات التى ترشحت فيما بعد عن تدبير حزبه ،والذى كان يحتل المركز الثالث فى أخر تمرين ديمقراطى قبل الانقلاب ، على الاقل ، لم نسمع بذهاب مظاهرة واحدة لاحراش ميوم لتسيره للقصر الجمهورى!
فقط بنفس الشفافية التى سربت خبر الزواج الذى كان من السهل أن يتم تحت الطاولة بلا ضوضاء ولا ربة ، تماماً كغيره من امور ادارة شؤون الوطن، فنتمنى أن نسمع بنفس الشفافية تصريح من مدير مكتبه أو وزير طاقته عن أخبار وصفقات بترولنا المغيبة عننا قبل ان يسوقونا لاحتفالات الجيلى!!علماً بأن كل الشركات التى استثمرت فيه قد نشرت قوائمها المالية ونتائج أعمالها خلال سنتين كاملةً !! ونريد أن نسمع عن مفاوضات تقسيم الوطن لجبال نوبة وأماتونج وغيرها وأن يشاورونا فى مصائرنا خاصة الخطير منها فالاوربيون الكفرة شاوروا شعوبهم فى قرار توحيد العملة !!..وما ساقوهم كا القطيع ليبصموا..
بعدين أترانى أحتاج لاوضح لك أن فنون الادب ومن ضمنها اسلوب الغنا والكاراكاتير وغيره أساساً وسائل لنقد اساليب الحكم ؟ومنذ الازل نامت نواطير مصراً عن ثعالبها.. فمالكم طوالى لبستو الطاقية أتقول داير يناسبكم؟؟؟
أقوال مأثورة
الفرق بين المسلمين الاوائل ومسلمى الجبهة انهم دخلو الجنة هنا وحا يدخلوها هناك! .... أبو أمنة حامد
انتو أقعدو ضعفو لينا فى الاحاديث وسمنو فى روحكم.... واحد زهجان
| |
|
|
|
|
|
|
|
|
|
الي كل من سخر بزواج البشير واولهم رئس البورد (Re: waleed500)
|
عندما تغيب الحقيقة من واقعنا فأننا نتوه في طرقات الخيال ، نعيش على الأحلام نسرق أعمارنا بأنفسنا ، نضيع سنوات عمرنا هباء ، نظل نبحث عن ضوء شمعة الحقيقة بليل الخيال وسط رياح اليأس ، نتوه في دروب الضياع دون دليل ، نقف في محطة الأحلام ننتظر قطار الأمل لنذهب إلى مدن الحقيقة ، ندور في حلقة مفرغة لا أول لها و ليس لها آخر، نشاهد ما يدور حولنا دون أن نفهم ما يجري ، تتصارع بداخلنا كل القيم التي خلقت في نفوس البشر ، كل المبادئ كل الآراء كل الأفكار تتصارع بعقولنا ، فلا نستقر على رأي أو فكرة ، نحتار في دروب الحياة ... أي درب نسلكه لنصل إلى الحقيقة ... إلى السعادة … نظل نبحث عن ذاتنا ، عن وجودنا ، عن قيمتنا كبشر ، نبحث عن الحقيقة ، عن حقيقتنا التي نعيشها و الحقيقة الحقة ، و قيمتنا والحل لكل تلك الأفكار التي تعصف برؤوسنا و الخلاص من الضياع الذي نعيشه ، هو الإيمان بالله فمع الله نجد معناً لحياتنا ... و نجد أنفسنا ... وحقيقتنا التي لا تضيع
فابحثوا عن حقيقتكم ايها الجهلة فمن يكون البشير انما انسان خلقه الله سبحانه وتعالي له حق الحريات والتي يحق لاي انسان التمتع بها لا يحق عليكم محاسبته في الشئ بحساب انه رئس الجهورية ولماذا تنقضوه في زواجه وتكبتوا حريته وفي نفس الوقت تقولوا عنهم كبات حريه وفما هي الدمقراطية هل هي ان نمارس نحن حرياتنا وناخذ حقوقنا وغيرنا لا اكيد لا ليست معناً للحرية
سفاح ومابفهم خلاف لغة السلاح
بالدم بدا وبالدم حيشرق كل صباح
طائر عبر ليل المطر وقت الرياح
ماقلنا نحن ولا بنموت ولابتجهجهنا الجراح
ويحين بهيماتك وضياع الارزفيه غضباً تفوت
يا ايها الرئس لا يحق لك ان تكون رئيساً
دائماً
جيمو
| |
|
|
|
|
|
|
|
|
|
يا وليد (Re: waleed500)
|
يا وليد
هذه هو كلامك:
والله لو عندى الحق فى الاساءة اكان اسمعتك كلام ما قد سمعتو من قبل لكن احتراما للمنبر ده بكتفى بى الصمت لانو المتلك الكلام ما بينفع معهو لسبب واحد بتكون غرقان فى وحل الغربه بتكون غرقان فى اشياء لا اود الغوص فيها ولعلمك انا بعرفك اكتر مما تعرف نفسك فليكن الطبق مستور ومحفوظ ولما وضعتا صورتى كانت مخصصه لك انت بى الذات وفكر تماما اتقابلنا وين ومتى
((هذا هو كلامك لى يا وليد 500))
مثلك لايعرفنى ...لأسباب كثيرة ...وبطل حركات ...صورتى عشانك...وبعرفك...الخ
انت عايز توحى بى ايه...يعنى عايز مثلا أنا أقول الزول ده من أمن الجبهة..
وابدا الخوف والجرسة؟؟؟!!!!
لعلمك واكرر القلتو ليك أمس انو أنا ما بخاف من بشيرك ولا جميع أجهزتو ...مش عشان أنا اسه بعيد فى بلاد العم سام..عشان أنا جربت معتقلات الجبهة ...وتحقيقاتها
وما بقول انى دفعت ضريبة الوطن لأنو لسه الوطن حقو علينا كتيرويكفينى فخراً أننى سكنت زنازين النظام الغاشم وبانتظام فى الفترة من 1991
وأنا فى أولى ثانوى واستمرت الاعتقالات حتى تخرجت من الجامعة 1998
وأنا ياوليد ما طلعت من السودان الا سنة 200
وماعايز أدخل معاك فى متاهات ....
وأنا فى واحد من البوستات قلت ليك انك بعد نشرت صورتك عرفها أحد الأصدقاء ..
وقمت انت رددت نفس الحاجة فى ايحاء خبيث ..
وأنا لغاية أسه ملتزم بأدب الحوار الذى تعلمته..وأنت سادر فى اساءاتك.
المهم أنا أديتك حبة معلومات فترات الاعتقال روح أسأل بشيرك
وهو حيسأل أجهزتو ..يمكن يصلو لى نتيجة ويعرفونى
هو دا أصلو الفالحين فيهو...
أما اذا استمرت اساءاتك فسأعود الى جعليتى ((وأنا بالمناسبة جعلى قح ومن ربوع شندى )) زيادة فى المعلومات..
التى يجب أن تمررها لبشيرك وشرذمته
رغم اعترافى بسودان واحد دون تفرقة حسب ونسب..
أو قبلية أو طائفية أو..و..أو
ويا وليد والله وكتنا ما بيسمح كل يوم نرد عليك...
تحياتى
ود عزة
| |
|
|
|
|
|
|
|
|
|
Re: يا وليد (Re: wadazza)
|
يا ود عزه للعلم فقط
انا ليس لدى اى علاقه بى امن الجبهه
واى جبهه تلك التى بتتكلم عنها واى جعليين دول الببتكلم وبتنسب نفسك ليهم
الكل صار ينسب نفسو لدار الجعل تلك مصيبه اخره
مع احترامى
| |
|
|
|
|
|
|
|
|
|
Re: يا وليد (Re: wadazza)
|
العزيز ود عزة
لك التحايا
أنا أحد اعضاء البورد الجدد و لم تكن مساهماتي بالقدر الذي يعطيني الحق في المشاركة , إلا أنني آليت على نفسي أن أشارك في هذا الحوار الذي هالني فيه
حديث ذلك المدعو وليد500 و الذي عجبت لوجوده خارج الوطن في هذه الظروف فهو فيما يبدو بوقايمجد ساداته , فهل لكم أن تسألوه هل سينجب سيدكم من أرملة عضو عصابته أم أن العيب فيها هي أيضاً
فهذا الوليد ممن قال فيهم الإمام علي بن أبي طالب
ملعون من باع دنياه بآخرته
و ملعون ملعون من باع دنياه بآخرة غيره
فأعذرني إن قلت لك بأنك قد إنحدرت حينما رددت عليه فهو لا يستحق منك هذا العناء
مع إحترامي لك
| |
|
|
|
|
|
|
|
|
|
ليه كل الناس بتتكلم (Re: waleed500)
|
اكيد تغريد اذا كان رب البيت للطبل عازفاً فشيمة اهل البيت الرقص
اكيد كلامي واضح وما عاوز شرح
و أخيراً بعد كل هذه الآراء من هؤلاء الفلاسفة اللا اتجاه لهم سواء خالف تذكر انا بقول مافعله البشير ليست عيباً ولا عاراً وانما عين الحق واكد فيه انه خير غدوه يعني افضل من رئس البورد فزواج البشير سؤال فلن يجد اجابه الا من
من يحمل في صدره قلب
فدوري عن قلبك ايتها التغريد
وماهي الحرية واظنك من الذي يتوهمون بان البشير من كبات الحرية وفي نفس الوقت تمارسين الدكتاتورية علي ذاك الرجل
فعودي الي رشدك ايتها ..... وليست غير ذلك
دائماً
جيمو
| |
|
|
|
|
|
|
|
|
|
Re: ليه كل الناس بتتكلم (Re: gemo)
|
وما بتحيـّر بين الفوق .. وبين الناس التحتانية
إلاّ مغـيـّر .. ولاّ عقُوق .. ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا
وتبدى تغنى
غناوى البكرة .. الكم مسموعة
هسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ..
وتمحى ظلام الحاصل .. عنـّى
| |
|
|
|
|
|
|
|
|
|
Re: ليه كل الناس بتتكلم (Re: yasiko)
|
Dear Rummana,
الزواج أمر شخصي بحت لا يحق لأحد مهما كانت قرابته التدخل... هكذا نعلم جميعا و لا يختلف الأمر إن كان هذا الزواج بأولي أو بعاشره... حتى و إن خالف حدود الشرع فإنه يبقى بين العبد و ربه
لكن.... من هو الذي اختار أن يجعل زواج البشير أمر غير شخصي و له زيطة و هيلمانة تتناقله الصحف و أجهزة الإعلام؟؟ هو البشير نفسه و ليس نحن... و من الذي أدعى بأن زواجه من أرملة ليس الا إحياء لسنة النبي عليه أفضل الصلاة و التسليم؟؟ هو ذاك البشير نفسه و ليس نحن... و حيث أنه أراد إقحامنا نحن الشعب الذي يقاتل من أجل لقمة العيش في أمر زواجه الميمون هذا... فقد رأينا أن ندلو بدلونا ...و سخرنا.... نعم سخرنا منه و من إنجازه المزعوم هذا.... فهل كان يعتقد أن يزغرد الجوعى و يدق المرضى الدفوف إحتفاء به؟؟؟ ماالذي أجنيه أنا و غيري إن تزوج البشير سوى رئيس محنن بدماء العباد... مجرتق بدموع الغلابة المتعبين؟؟؟؟.... ما الذي يجنيه ذلك الطفل الذي يتربص به النسر من رئيس يزف الى أرملة؟؟؟؟ و هل إنتهت جميع مشاكلنا و لم يبق سوى أولئك الأرامل ؟؟؟؟أعجبني تعليق أحدهم" هو لما كان راجل مرة واحدة ما كان جايب خبر البلد.. خليك من راجل مرتين!!" فهل يقنعني أحدكم أن زيادة مسئولياته المنزلية بزوجة أخرى و 4 أطفال (حتى الآن) لن يؤثر البتة على تفرغه لخدمة الشعب؟؟
Gemo
فابحثوا عن حقيقتكم ايها الجهلة فمن يكون البشير انما انسان خلقه الله سبحانه وتعالي له حق الحريات والتي يحق لاي انسان التمتع بها لا يحق عليكم محاسبته في الشئ بحساب انه رئس الجهورية
جيمو... ليست لنا حقيقة ضائعة لنبحث عنها... و يقيني أننا لسنا بجهلة !!! و يحق لنا أن نحاسبه في نفسه الطالع و نازل ما دام يتنفس هواء بلادنا
إعتقدتك أكبر من ذاك بكثير !!!!!!!!!!!!!!!!!!!!
يا البتخادع حتى الله .. !!!
وين الشُّهرة .. المال ... والجاه ؟؟؟؟
وين السّطوة ..؟؟
الجّشَع .. ؟؟
القسوة .. ؟؟؟
اركزْ ..
اركِزْ
لا تجيب رَخْوَة
يا مِتلبّك في الأدران ..
الحجر الأسود ما هو البروة
وما ها مكاوى الكعبة تجيها ..
حين ينكَرْفَسْ توب التّقوى
ومافي خُرَط لي الجنّة تودِّي ..
لا في خُطط ممهورة برشوة
والمشروع الديني الخالِصْ ...
ما محتاج لدراسة جدوى
يا من قال يارب من قلبو ..
رد الخالق دائماً أيوة
اركز ..
اركز ..
لا تجيب رخوة
اركض ..
اركض ..
تالا اشجار العملة
واقصِفْ ..
اقصِفْ من اوراقها ..
يمكن تستر عورة شينك ...
وما سواهو زمانك جملة
اركز .. ..
اقوى ..
| |
|
|
|
|
|
|
|
|
|
Re: ليه كل الناس بتتكلم (Re: alsara)
|
التحية لك يالسارة و عبرك للذي يحمل هموم الدنيا
ولم يتزوج بواحدة حتي
ومر ثانية
يا مِتلبّك في الأدران
الحجر الأسود ما هو البروة
وما ها مكاوى الكعبة تجيها
حين ينكَرْفَسْ توب التّقوى
ومافي خُرَط لي الجنّة تودِّي
لا في خُطط ممهورة برشوة
والمشروع الديني الخالِصْ
ما محتاج لدراسة جدوى
| |
|
|
|
|
|
|
|
|
|
بمناسبة تعدد الزوجات والعالم يحتفل بيوم المرأة العالمى (Re: waleed500)
|
نقلا من المنتدى النوبى
في 8 مارس يوم المرأة العالمي تحية لنساء صواردة
نساء صواردة أقامن جمعية نسائية هنا في الخرطوم وهناك في القرية.. ووفرن الموارد لشراء البنطون، وقامن بادارته.. كدة الشغل ولا بلاش.. بدون ضجيج أو فهلوة نظرية.. والرجال مشغولين بالمناقشات للوصول إلى (كلمة سواء) لخدمة النوبة! مرفق كلمة عن تاريخ يوم المرأة العالمي نقلتها من درب الانتفاضة.. وكل سنة وانتم في حالة نقاش حول كيف نطور البلد ولكم تحياتي..
وهدية البشير للمرأة في عيدها
الزوجه الأولى اعتبرت زواج البشير الثاني (جهاد)!!
رغم أكوام المعلقين على خبر الزواج الثاني للبشير التي نشرت في (درب الانتفاضة) لفتت نظري خطابات النوبيين الغاضبة لأنها وضعت اللوم في مكانه الصحيح: تبرير السلوك الشهواني بادعاءات الأسلمة الناتج عن سياسات فرضتها حكومة البشير والتي أدت لإفقار لأهل السودان ماعدا 6% من الجماعات الحاكمة المميزة دون حسيب أو رقيب لأنها فوق القانون، كما أدى للنزوح للعاصمة وللخارج بالملايين، وكل ما يترتب على ذلك من تحولات اجتماعية في السلوك والاقتصاد الخ. فلا يجرؤ أحد على استنكار إقدام أهل النظام على الزواج الثاني بكثرة ملفتة والتي كانت في البداية منتشرة باسم تغيير التكوين العرقي في الاطراف وخصوصا الجنوب بزواج الشماليين؛ وبعد ذلك باسم تحصين زوجات من هلك في الحرب واسموهن نساء الشهداء؛ أو تفاديا لعنوسة النساء الشابات بسبب الحروب والهجرة.
غير أن موضوع الزواج المباح للرجال (مثنى وثلاث ورباع) أخذ ابعادا اجتماعية مختلفة خلال سنوات الانقاذ إذ جاراهم في تقبل مبدأ الزواج الثاني آخرون كثر بما المجتمع أصلا ذكوري يبيح للرجال ما لا يتقبله من النساء، فجميع هؤلاء لديهم ما يبرر سلوكهم وتفكيرهم.. فالواقع يقول أن أرقام الزواج في عمر العشرينات وبداية الثلاثينات ساءت بدرجة كبيرة في كل ارجاء الوطن تقريبا وارض النوبة غير مستثناه من هذا.
ففي حالة تأخير الشباب للزواج الأول التفسير السائد هو الأحوال وتكاليفها من سكن ومعيشية وتعليم وعلاج الخ. وفي حالة الزواج الثاني (بعد سنوات طويلة من الزواج الأول وانجاب الأطفال) تكون المبررات كلها عيوب ملقاة على عاتق الزوجة الأولى.. ويبرعون في وصف الشقاء الذي يعيشون فيه، وجفاف حياتهم وانعدام قدرة لدي الزوجة على فهمهم، ورغم رفقة السنوات الطوال قد يصل بهم الجور أحيانا درجة اتهامها بعدم الالتزام بالعفة والشرف السلوك القويم !! وأنهم وصلوا لطريق مسدود. وبما الرجال يصابون بالمراهقة الثانية من منتصف عمر الاربعين، يكون الرجل لديه قابلية متنامية لقبول مبدأ الزواج ثانية، متوهما ان في هذا الحل السحري لكل مشكلاتهم فيتحول شقاؤهم الى سعادة دائمة.. ولكن هيهات أن تحقق شهوات الجسد العابرة سعادة أبدية!!
أيها الرجال : تكرار الزواج ليس هو الحل.. خافوا الله في زوجاتكم المتحملين عمايلكم وحياتهم كلها مفعول به.. وتذكروا أن غيابكم وعبء الاسرة وتربية الأطفال في ظروف الوطن الحالية ليست نزهة.. وتعلموا القليل من صبرنا على كوارثكم في كل الجبهات.
سعاد ابراهيم أحمد
الخرطوم 6 مارس 2002
| |
|
|
|
|
|
|
|
|
|
Re: بمناسبة تعدد الزوجات والعالم يحتفل بيوم المرأة العالمى (Re: ايهاب)
|
ياخي انتو قايلين بتغوشو في منو
فينا ولا في ربنا
تعال احكي ليك جكايه المهندس الزراعي قاعد في الفاو هو واسرتو من سنين عايش حياه بسيطه بيت ابسط من بسيط في الفاو ساب الخرطوم وقعد في الفاو وكان سعيد بي حياتو البسيطه وما بملك غير غنمايتين و كم دجاجه برضو ناس جبهه السجم والرماد ما سابهو في حالو استتكترو عليهو بساطتوو سعادتو لحقوهو في الفاو و شالوهو من عملو قالو ليه للصالح العام
الراجل بعد داك تصدق عمل شنو عشان ياكل اولادو
تخيل انو عندو سنين دهب باعم عشان رغيف الخبز
الناس بتبيع في سنونا عشان تاكل تاكل اولاده و انتا تقول في كلامك دا
عليك الله اخجل انا مستغرب انتو بيجيكم نوم كيف حا تمشو من ربنا وين
الراجل دا انا قابلتو بي نفسي و وراني مكان سنونو الباعمانتو ممكن تكونو ايي حاجه بس اكييد ما بشر
| |
|
|
|
|
|
|
|
|
|
Re: بمناسبة تعدد الزوجات والعالم يحتفل بيوم المرأة العالمى (Re: ايهاب)
|
to MR Waleed500
مجموعة النائب الأول تتآمر لإقصاء الرئيس البشير خلال 9 أشهر فقط
في مكان آمن جداً ، وبعيداً عن الشبهات عقد الأصدقاء الثلاثة النائب الأول الأستاذ علي عثمان محمد طه و د. عوض أحمد الجاز ورجل الأمن صلاح قوش إجتماعاً خلال الأسبوع الماضي ، يهدف تقييم رحلة الرئيس عمر البشير إلى مصر .
تداول المجتمعون إحتمالات القرارات القادمة للرئيس البشير ، والذي أجتمع 4 ساعات متواصلة مع الرئيس المصري حسني مبارك في إجتماع مغلق لم يحضره أحد من معاوني الرئيس البشير ، وتم مناقشة ما تسرب من الإجتماع حول أن أمريكا قد فوضت مصراً للبدء في وضع إجراءات لترتيب أوضاع السودان وتوفيقها مع ما يجري في الشرق الأوسط .
وتم وضع موجهات محددة للرئيس البشير لتنفيذها وهي :-
1- إبعاد من تبقى من الإسلاميين في السلطة .
2- إستيعاب عسكريون قدامى أمثال عبد الماجد حامد خليل واللواء عمر أحمد الطيب
3- تكوين حكومة ذات صبغة علمانية وخالية من أي وجود للإسلاميين .
4- إلغاء الشريعة عملياً وأن يكون توجه الدولة علمانياً .
5- في مجال تنفيذ البنود أعلاه تلتزم مصر بترتيب إجراءات لوقف الحرب في جنوب السودان وتقديم دعم غير محدود لحكومة الرئيس البشير .
أما الإجتماع الثلاثي وبعد أن تداول النقاط أعلاه فقد قرر الآتي :-
1- الرئيس عمر البشير أصبح مهدداً أمنياً على المجموعة الحاكمة .
2- ضرورة التخلص من الرئيس عمر البشير في فترة أقصاها 9 أشهر .
بدون تعليق
player
| |
|
|
|
|
|
|
|
|
|
Re: تغريد ,ودعزه,الساره,مراد,الجيلانى وكل من سخر من زواج البشير (Re: OmDur)
|
الـــــواضح مافاضح لكن انتو ياكيزان بحرقكم الواضح الفاضح لنكم كلكم فضائح
التحية لكل المناضلين فى البورد وخارجه من اجل رفع الظلم والديكتاوتورية لكى ترفع راية الديمقراطية
الاخ وليد/
لكل انسان الحق فى ان يقول مايشاء وانتا هنا لست بربا اعلى حتى تحكم على ده شيوعى او ذلك كفار يعنى انتا وصلت درجة الكمال حتى اصبحت توصف هذا شيوعى وهذا كافر لكل انسان الحق فى ان يتبع الدين الذى يرده او الملة التى يختاره فانت ليس ربا اعلى
بــــــــــــــــــــوب
| |
|
|
|
|
|
|
|
|
|
Re: تغريد ,ودعزه,الساره,مراد,الجيلانى وكل من سخر من زواج البشير (Re: bob)
|
انت يا وليد الكوز ..!! امشي الامتحانات اخليك بتدافع عن الحكومة ارجع برضو
القاك بتدافع ..اقول ليك كلام اخوان ... ما في اي فكرة كاملة في هذا العالم ..كل
الافكار تقبل الاتفاق و الاختلاف و الامانة تقتضي ان ننتقد سياسة الحكومة اذا اخطات
و ان نمتدحها اذا اصابت و بيني و بينك حديث ابن الخطاب رضي اللة عنة
و اني اراك دائما مؤيدا و مهلالا حتي لزواج البشير اي منطق هذا
و ان كنت توافقني علي حديثي عن الافكار عدد لي 9 تسعة من اخطاء الحكومة
لم تجانب فيها الحكومة السودانية الصواب و انت انتقدت ذلك
تنبية
في هذا البورد ليس من الضرورة ان يقنع احدنا الاخر لكن من الضرورة ان يطرح
راية و يعطي الاخر فرصة التفكير منفردا.. و من ثم الاتفاق او الاختلاف
هذا يجنبنا مزالق الاساءة و يعودنا علي الديمقراطية التي من اهم شروط
صحتها احترام الاخر
و تحياتي
| |
|
|
|
|
|
|
| |
waleed500
bunbun
wa7shny
omar_ragab
Bakhaf
yasiko
EMU إيمو
rummana
sharnobi
ايهاب
PLAYER
bob
khider
فيس بوك
تويتر
انستقرام
يوتيوب
بنتيريست