عاد ما مقلبتني جنس مقلب وخليتني أمشي بهناك ولقيت ناس فلان وعلان البعرفهم ولمت فيني واحدة اسمها دلوعة أمها وقالت لينا إنت ما فلان بتاع السودان نت وقلت ليها آآآآآآآآآي ياهو ذاتو وتعرف ياأهل العوض دلوعة أمها أتقلبت لبانة وفقعت كلمة في عينك وما فهمت حاجة وقامت بعد شوية حزمت جينزها وطلعت من الحولية ديك وأنا طوالي طلعت بوراها وحلفت تاني محل شات ما أهوب عليهو ولو في إنجمينا ذاتها..ياخي أحمد ربك إنك ما قادر تدخل فيهو..دوشة
03-04-2002, 09:31 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
الاخ جاد - شكرا على الافادة .. في الحقيقة معاك (أهل العوض) مع تحياتي للأخ الخواض وكلكم في محل أسود العين . فعلا آخر مرة كنت هناك شفت كلام ما بشبه الناس اولاد الناس .. لكن نقول الانترنت بتجمع والناس كلها خلف هذه الاجهزة ليست متساوية ورك يوكي الجراب على العقاب
03-04-2002, 09:35 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
الأخ بناديها - الله يدينا عشرة من نوعك (أو خليها مليون) يا ظريف . انا كمان كنت اتمقلبت مرة . والحصل ان واحدة خشت معاي في ونسة وطلبت صورة مني ومن ابني واصرت على رقم تلفوني وتحت الاصرار اديتها التلفون ... تعرف الحصل شنو ؟؟ طلع ولد .. بس الحمد لله الونسة كانت مهذبة
03-04-2002, 09:44 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
ايوه ولحد الآن ماقادر ادخل - لكن القصة حصلت زمااااان . عموما انا الآن احس ببعض الراحة لأني لم أكن اول المغشوشين في الشات . رغم انها حادثة محزنة . لكن بكلامكم دا ما حا احاول ادخل الشات مرة تانية
والله احسن الما دخلت غايتو البهناك ديل ما بشبهو البي جاي ابدا انا دخلت مرة واحدة ولقيتو ببقبق زي لمبة النايلون وما فهمت منو اي حاجة الاخ بكري ابو بكر الشات بي هناك داير مراجعة كتيرة والله كلام ما مهذب وبعدين شكلو زاتو ما جميل ويقعد يولع ويطفئ زي اللمبة الحرقانة غايتو اديهو نظرة ومراجعة رومانسي
03-04-2002, 02:33 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
بس عاد الرد كان ملصق على باب أهل العوض ما على باب بيتنا ولا في شارع بيتنا..الليلة دي عندي إحساس كدي إني مستهدف ومقصود عديل كدي من كل رؤوس الدولة الرئيسة أدتني وش، الأديب كشر لي، الألفة محمر لي رغم إنو الجفا ما من طبعو..أها هسع دي أنا بسأل نفسي أقبل وين..ناس الشات ديلك لو أموت بحسرتي ما بعتب عليهم تاني..لو مشيت اشتكي لبكري خايف من الروسية..ما عندي وجيع إلا ست الكل السارا والمايسترو الصادق والهندسة فرانكلي..الله لي الليمون سقايتو علي
بناديها انت كمبيوتركم معلق فى السقف؟ ليه صورتك دى كدا؟ و الله الشات دا عجيب جدا و الاسماء ذاتها غريبة جدا لكن يا بناديها ما بسألك البوديك هناك شنو دى معمولة للاولاد و البنات يتعلموا فيها يشتموا شتائم بذيئة عا اصبر عند دوما
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ahlalawad
JAD
cutelady
banadieha
قرشـــو
فيس بوك
تويتر
انستقرام
يوتيوب
بنتيريست