|
|
 موقع الشاعرة أسماء الجنيد
|
بعاد...
اسماء صديق الطيب الجنيد
مسقط سلطنة عمان 28/2/2000
هجرة وغربة من زمناً بعيد وبعيد ....
لا صبحت ناس يمه .. ولا ناغمت ليك وليد ..
لا كملت يوم نومك بلا تتوقيت ولا تحديد ......
لا حضرت احزانهم ولا باركت ليك جديد....
لا شفت ضل الضحى ولا ساعة الهجيرغفيت. ..
فى شورتهم ما لقوك ولا لى ناقصتم تميت ...
لا رسلوك مرسال .ولا قضيت ليك غريض ....
لا صايحت لى جارك ولا صبحت ليك مريض ...
كم من فرح فاتك لا صفقت لا غنيت......
كم من زغرودة فرح لا بشرت لا تبيت ....
كم من مولود ولد . لا هنيت ولا سميت ....
لا حضرت ليك جرتق ولا فى الكشف ختيت ....
احزان كتير مرت بالع عبرتك لا بكيت ولا اتفشيت....
متحمل الغربه ولى الرجوع ما نويت ....
كم من اعياد مضت لا شفت زحمة سوق لا تظيم وترتيب بيت..
.لا حضرت تكبيره ولا مع الخلق صليت ....
لا عيدت لى اهلك و لا حتى العفو عفيت .....
لا فرحت ليك طفلا ولا بالفرح حسيت .....
آهات كتير محبوسه يا ربى شن سويت ..
يا الله الكريم ا رجع زى قبيل ما جيت ....
اعوض الماضى واتحكر فى نص البيت ..
والمستقبل الجاى اغنيه زى دوبيت...
|
|
 
|
|
|
|
Frankly
فيس بوك
تويتر
انستقرام
يوتيوب
بنتيريست