|
Re: لا توجد طريقة أخرى للأسف!!!!!!!!!!! (Re: wadazza)
|
صديقى الوسيم ودعزه لكن كده بتجى يا غالى تتركنا ونحن فى حوجه لهمساتك وكلماتك قد اختلفت معاك انا فيما سبق لكننى كنت اكثر المتشبسين بيك لعلمى التام بانك انسان رائع وابن اصول وما صدقتنا باننا قد ضمنا رجوعك للبورد وكنا حنعمل المستحيل من اجل رجوعك مره اخره والحمد لله انك رجعت فيا ودعزه لاتحاول الخروج من البورد والمثل بيقول من اجل عين بتكرم مية عين ولو عندك مشكله مع بخاف بتنحل وحاولو حلوها بى صوره من الصور بس لاتكون على حساب الشباب هنا فا الكل محتاج ليراعك ارجو لاتخزل الشباب ونحن فى انتظارك على نار واحر من النار رجا لاتخزلنا ولك مودتى
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: waleed500)
|
الأخ الفاضل ود عزة, لك التحية والود , تابعت خلال فترة تواجدي بهذا البورد العديد من المواضيع التي خطها قلمك اعجبت كثيرا بالطرح الموضوعي , بالنقد الهادف , بالتناول الجاد لمواضيع تمس صميم حياتنا اليومية كسودانين بالمهجر أو بداخل السودان الحبيب وأحترمت فيك العديد من الأراء أخي الفاضل.... أناشدك بكل غالي لديك أن لاتحرمنا في هذا الملتقي الذي هو راحة لنا جميعا وخصوصا نحن المكتوون بنار الغربة أن لا تحرمنا من تواجدك الثر فيه وأن تتغاضي عما حدث وكن كبير النفس حليمها رغم احترامي الشديد لموقفك وكما ذكرت الأخت حليمة أي اساءة لواحدة منا نحن الاناث في هذا البورد هي اساءة لجميعنا ولكن يأخي لاتحكم وأنت غضبان ولا تعافبنا نحن رواد البورد بانسحابك منه
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: waleed500)
|
أخى الكريم ود عزة ليه يعنى كدة؟ كراعنا حارة ولا شنو؟ والله دخلتونا فى ضفورنا عديل ، يعنى نحن ندخل وانتو تطلعوا تسيبوها لينا ، طيب يااخى جاملونا اسبوع اسبوعين كان ماشهر شهرين أخى المحترم 000 طبعا انت ادرى باساسيات الخلاف وهوامشه وليك الحق تزعل لكن لو اى مكان حنخليه عشان فى زول زعلنا ولا بيضايقنا يبقى مالينا مكان مش فى البورد وبس انما فى الدنيا دى كلللها يقول الله تعالى فى سورة فصلت : ( ولا تستوى الحسنة ولا السئية ادفع بالتى هى احسن فاذا الذى بينك وبينه عداوة كأنه ولى حميم ومايلقاها الا الذين صبروا ومايلقاها الا ذو حظ عظيم ) صدق الله العظيم انا بت وعايشة فى وسط طلابى غريب ، فى بلد لايقيم دينا ولا يحترم عاداتنا وتعرضت لمضايقات تمس اعز ماتملكه الفتاة ، وكنت دائما اردد الايات دى وهى بدورها بتريحنى كثير ، وياريت انت كمان تدفع بالتى هى احسن ومن رائى التى هى احسن هنا تجاهلك واعراضك ، واحتسب نفسك فى عداد الصابرين واصحاب الحظ العظيم ، والبت الزعلوها دى جيبها لى وانا ابوسها فى رأسها ، وقول ليها خليك جدعة فى زمن فرض علينا نكون رجال دون ارادتنا وحقك وحقها على وعلى البقية المحتاجة ليك ، وليه تحرم المئات من مشاركاتك وطلاتك لمجرد مضايقة من شخص واحد واخيرا لا اخر التحية لكل الكتبوا ليك ، ودة ان دل انما يدل على مكانتك فى نفوسهم ، وحرصهم على بقاءك معنا واسمع الشاعر الاماراتى دكتور مانع العتيبة قال شنو نحن لا نجهل أن الشوك قد يجرح الأقدام فى كل دقيقة انما الغاية لن نبلغها طالما اقدامنا ظلت رقيقة 0000000000000
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
ود عزه الحبيب خليك كبير وخليك سيد فى عزة نفسك والكلام ده مرفوض جملة وتفصيلا وانت ما ساهل وانا شايف انك اكبر من كده بكتير وما ممكن عشان اختلافك مع شخص تقوم تحرمنا منك لالالالالالالا والف لا ارجوك تريس وخليك حليم كما عرفناك كما ارجو منك ان تدعو اختنا الحبيبه غزال مواصلة حضورها فى منتدى الشرفاء
رجائى ان تعيد النظر فى ما قلته
اخوك كولا
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
الى الصديق ود عزه
المحترم ..
يا أخى روق المنقه .. زى ما كنا نقول ..
كيف تترك منزلك وبيتك وانت من من اساساته .. وعمودا من أعمدته .. أبسط شيى تسأل الأجاويد .. زى ما علمونا كبايرنا .. واذا أخطأ انسان .. يلفت نظره .. ثم يقدم اعتذاه .. وان لم يفعل .. وان قصر ناس البورد .. بعدها يكون لك مطلق الحرية ..
طبعا أنا لم أقرأ شيئا وليس لدى أى فكره عما يجرى بين هذا الأخ أو تلك الأخت .. وانما أقول رأى من باب المعلومية ..
فكلنا أسرة واحدة يا أخى ولا يمكن بأى حال من الأحوال أن تترك المنتدى و لكل مشكلة ألف حل .. الواحد هنا جاى ينبسط ويحاول النسيان .. لا جاى تعكر مزاجك .. يا أخى كن حليما ..
أريد ردك بأسرع فرصة .. وابتسامتك المعهوده معه..
أخوك العجوز
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
اخوى ود عزه
تحيات 500 قدر اسم وليد
ياخى كدى روق المنقه .. واهدا ..وانت هنا لو فى واحد بيعكر مزاجك ..فهناك الف من محبيك .. واصلو الدنيا كده لازم تلقى فيها المشاكس.. اها تقوم تخلى ليهو البلد ؟ ما اعتقد انو ده الحل .. ياخى انساهو وماترد عليهو ..وكل من بالبورد بيعرف منو ود عزه .. وده اكيد من خلال كتاباتك ومشاركاتك فى كل المجالات .. فلو بينفع اعتزارى واعتزار جميع اهل البورد ( وعزرا لاهل البورد ) لك وللغزال العتبى حتى ترضو .. ولكم انحناءة الرجال حتى تغسل امطار رومانسى دواخلكم ..واها والله انحنا رقدنا واااااااطه عديل ..بس ماتفوت تخلينا .. ولو خليتنا فى البورد بتلقى زى ده فى كل مكان .. سوف تعتزل الدنيا يا ود امى عازه ..؟ ى من حقى اغنى اغنى لشعبى .. ومن حق الشعب عليا لا بى ايدك تمنع قلبى .. ولا قلبى كما بايديا علمنى اغنى .. الطين .. المطرقه والطوريه الناس الصابره سنين بالحال .. المادغريه القابضه الجمرا فى ايدا .. والجمره تلهلب حيه لا قادره الجمره تقيدا .. لا قادره تولع هى ود عزه بلاش تستعجل .. ود عزه شويه شويه
ود عزه .. شويه .. شويه
وكنا .. وكنا ياما عزاز ولحظات التلاقى .. لذاااذ
ود عزه
انت غيمه .. شديره .. خيمه انت جاهنا
يا تباشير ... يا بشاره
انت يا ضرعا تكرمش شان يرضعنى الجساره انت فى منفاى رفيق .. وفى حشا الاشواق حراره ويا هدى الناس الحيارى ويا ندى الفجر اليبلل صور عوينات كل ناس البورد
ود عزه .... ما تفوت تخلينا
ولك مع الود احترام
ديك الجن
| |
|
|
|
|
|
|
nooooooooooooooooooooooo (Re: wadazza)
|
الاخ المحترم ود عزة مساء الخير ،،لماذا يا اخي فأنت اكبرمن كل هذا ،، لماذا التراجع اعرف ان الموضوع حساس وفيه آهانة مش لغزال وحدها لنا جميعآ كنساء نخوض معكم في هذاالبورد ،، نضحك ونبكي معآ ،، فلا تحزن أخي وغزال والله لواستدعي الامر بجيها انا قريبة منكم ،، بجيها وبرضيها وهي لازم تكون قوية والبتقال كتير يا غزال لكن زي مابقولواهلنا العارف عزو مستريح والله في ...والله دي عين عديل كدةوسحروكم وسحروا البورد ويابكري شوف لينا بخور تيمان .... فرجاء ود عزة ورجاء غزال لا تتحامقوا انتو اكبر من كدة ولو انتي مشيتي يا غزال مافي بت حتقعد في البورد دا عليكــــــــــــم اللـــــــــــه مع حبي واحترامي لكم
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
الاخ العزيز جدا ...ود عزه.. تابعت مع معظم رواد هذا المنتدى وانتم احد اساتزته .,تلك السخافةالتى مارسها بخاف, ولكني ابدا ما كنت انتظر مثل ردة فعلك هذه,فهل كان هذا هو مقصد هذا البخاف,ان يصمت شوادى هذه الدوحه..هل فهمت ما اعنى..ملهم
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: بكرى ابوبكر)
|
ود عزة .... المرات الماضية قرار انسحابك من البورد لقضايا فكرية انا كنت احترمهاويمكن لو كنت في نفس موقفك كنت اخدت قرار شبيه ليه او علي حسب الشخصية..وكان بيخصك لشخصك ...لكن المرة دي أعلم تماما انو قرارك أتي بعد سلوك في البورد..وصدقني البمسك هنا وبمس غزال أو اي عضو ومعرفتي لكم من خلال الكتابة بيمسنا كلناكمساهمين في البورد . أدعوكم انت وغزال بكل جميل تحملونه في الدواخل من خير ان تعدلوا عن قراركم هذا. أدعو ود عزة الانسان الذي يحبه الناس هنا ان يتواصل مع محبيه وهذا سبب كافي. أعرف ان هذه ليست معاركك ولكن تعلم ان الانسان يقع في بعض الاحيان في مواقف لم يساهم في تكوين تفاصيلها.
تحياتي...
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: zico)
|
Wad Azza salam,this is what you wrote by your hand: انا شخصيا ما زعلان... وانا قاعد فى البورد ده مهما حصل نحن جلدا متعود على جر الشوك زى ما بقولو .. Please fulfill your promise and don`t mind this kind of creatures. As you fully aware there are some people were originally created to tease , bother the other and spoil their happiness and joviality.This man one day wrote( not only to you but all the Boardab) that you are unemployee and you have nothing to do.Please groget this kind of trash and mind what the real sudanese people here wrote to you and that is a real certificate of your humanity.On behalf of all Boardab ,I strongly apologize to you and our sister Gazal.lastly, I would like to remind you that the EnglisH saying says,AMAN CAN DO NO MORE THAN HE CAN.
| |
|
|
|
|
|
|
re: لا توجد طريقه اخرى للأسف (Re: wadazza)
|
تحياتى ود عزه
فعلا لك العذر ..... والله زعلت للكلام الكتبه يخاف واستخدامه الفاظ لا
يجب ات تكون بيننا نحن اسره البورد .... ولكن ما اظنه..انك اكبر من ان
تترك البورد لمثل هذا الموضوع الذى يعلم الجميع انك ما اخطئت فيه
وبعدين يا ود عزه انت اكثر واحد بكتب وبتحفنا بالأغانى الجميله كل صباح
معقول تسيب البورد تخليه لى منو..... الجميع بترجى فيك الا تترك البورد
ياود عزه كدى فكر فى الموضوع شويه......والله يهديك
غــــــــــــــدى
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
بتمنى انك تمشي بي سياسة النفس الطويل بالجد خسارة انو البورد يخسر زول بمكانك وزوقك وكفاية انك بتوصل ضيوفك وبتقوم معاهم باللازم وما تشتغل بالفارغة مع انو للصبر حدود ونتمنى انك ترجع عن قرارك لانك ح تسيب فراغ في نفوسنا
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
والله يابخاف عملتها شينه في حقك انت ويادعزه هكذا هي الحياه فما عهدناك تهرب من اقل مشكله -سوء تفاهم - والراجل بمسكوا من كلامه ده ما كلامك انا ما بسيب البورد اله يرضي عليك لا تحرمنا من وجودك لو انت بتعز الناس الفي البورد
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
الاخ العزيز ود عزة
تحية طيبة
والله انا ما عارف انو في مشكلة اصلا لكن ما اظن انك تخيب ظن الناس ديل كلهم وتمشي تخلي البورد فرجاءنا ان تبقي بيننا وزي ما بيقولو العترة بتصلح المشية للاخ بخاف
ومرة تانية اقول للاخ ودة عزة والاخت غزال رجاءنا ان تكونو في بيتكم وبين اخوانكم ولكم العتبى حتى ترضو
وما اظن ح تخلونا
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: BousH)
|
Gahazal oo Wadazzaa..wlahi ma 3arfa agoolikom shnoo ba3ad al kalam al katabaho al akhwan oo al akhwat, oo 3ashmna kolna kabeer inkom tafkeroo tani ya shabab.. PLEASE ana ma 3arfa al 7asel shnoo excatly laken barddo khalikom stronger than that.....3likom Allah fakeroo tani kade... oo Allah yjeeb al fiho al khair
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: Yaho_Zato)
|
سلام يا حلوين ..أنا شايف قبل شوية فى اعتذار إتنشر ، ومعنى كدة إنه المشكلة إتعالجت فى إطار أسرى " البورد " ، وإنه أسباب الإبتعاد عن البورد زالت .. عشان كدة ما عايز أقول حاجة غير إنه الروح الودية وروح الإحترام لازم تسود، وحقو دائما نتمسك بالمبدأ المعروف إختلاف الرأى لايفسد للود قضية يلاّ أنا ماعندى كلام تانى غير أوقّع وامشى
محبتى للجميع ... مارد
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: wadazza)
|
dear wed aaza i donot know and u don`t know but i feel u and i feel yr bain couse i want throw tht 1 day and i decide 2 leave SOL 4 ever. u can leave this pord but ask yrself this QS before u leave. 1- why u punish 1000 ppl in this chat couse of 1 bad person? 2- do u sure where u going there is no this knd of bad ppl(i believe there r always suck ppl like to bazer athers,love 2 make aproblem) 3- if u leave u make them winner and happy(why u give them this great chance? why u don`t fight back,why u don`t stop him so he can`t hurtanther 1 ? 4-if u believe u r doing the right thing don`t give up(if not 4 yr self but 4 the victim girl) 5- tkink 1000 times about what u want 2 do. what u want 2 do god bless u player
| |
|
|
|
|
|
|
Re: لا توجد طريقة أخرى للأسف!!!!!!!!!!! (Re: PLAYER)
|
ود عزه وغزال الناس بكوا عدييييييل كدا . خلاص اكتبوا وردو على حبايبكم ......... يا بخاف الاعتزار ما خوف بل شجاعه ... ارجوك اعتزر ...... وانا بعتزر ليك على كلامى الفات ... لو زعلك ...املنا فيك كبير
| |
|
|
|
|
|
|
يا اخوانا (Re: wadazza)
|
يا شباب ..انا والله شايف انو ..الاخ بخاف ما قال اي حاجه تستحق الهوووووووووجه دي كلها ود عزه عليك الله اطلع من الدور المسأله ببساطه كان ممكن تكون كالاتي ياخ انت بتكتب بي اسم غزال ليه؟؟؟ والله لانو انا بعد مرات بكون في بيتهم وبستخدم الكمبيوتر حقها بس كده.... لكن دروس ومواعظ...وخطب رنانه ونظريات .......!!!!!!!شنو هو !!!!!!؟؟ مصرين تفقعوا مرارتنا ..في الانترنت..عايزين تحكوها!!!!!!!!!!!؟؟؟
| |
|
|
|
|
|
|
ياهو زاتو (Re: wadazza)
|
والله نعم الكلام والمتكلم
يا زول والله عندي مكنة حلاقة سنينة تعال اخوش فيك والله بجيهك تب وما بنختلف
| |
|
|
|
|
|
|
ود الجيلي (Re: wadazza)
|
هاهاهاهاهاهااهاها شكرا يا ود الجيلي علي الدعوه الكريمه...لكن يا اخوي...اقول شنو بعدين لي ناس تاتي...وناني....!!!!!؟؟ شعري بالبربي فيهو بالجلي والكريم ..حلقو لي حلاق من الجيلي!!!!!!؟ ياااااااااااااااااي
| |
|
|
|
|
|
|
Mokarrar (Re: wadazza)
|
الاخوه الاعزاء انا شايف انو اخونا ..بخاف ..ما عمل حاجه كبيره!!! يعني في البدايه فعلا كانت ملاحظه عاديه ..انا شخصيا ..لاحظت الحكايه دي ..لكن اخونا بخاف سوداني اكتر مني ..يعني شمارو ازيد مني قام للتعترو سأل...المسأله كان ممكن تنتهي لو اخونا ود عزه اكتفي بالرد الاول...لكن هو طلع سوداني اكتر مننا الاتنين..وخشي في دور البطل ..والخاين طبعا بخاف...هاهاهاهاها..كلنا بنعمل كده ..وباقي السودانيين خشوا في الدور برضو...شئ مديده حاره ..وشئ حكيم الحله...وشئ البطله الجريحه وشئ الواعظ عبد المعطي!!!!!! لكن الذ حاجه في الموضوع انو الردود بقت كتيره ..يعني مسافة ما تقراها الغنيه تكون قربت تكمل...ده الذ مافي الموضوع... بالنسبه عن رأي الشخصي انا من الليله مع خدر ..وعماد براكه في تيم واحد هاهاهاهاهاهاهاهاهاهااه خداري...ممكن تقبلوا عضويتي ؟ بالنسبه لي موضوع الخواض الخواض مشي جاب التلج وجا هسي مشي يجيب العيش
| |
|
|
|
|
|
|
Re: Mokarrar (Re: Dafi)
|
salaaaaaaaaam wadazza i have not been ma3akom here for a long time lakin jeet o lgeet al donia maglooba and i dont know what's goin on but we hate to see you go so plzzzzzzzzzz stay
| |
|
|
|
|
|
|
|