صوت من لا صوت له وطن من لا وطن له

مقالات و تحليلات : قصة و شعر English Page Last Updated: Jul 11th, 2011 - 15:37:55


نـداء أطـفـال دارفـور/طلال دفع الله
Aug 23, 2008, 04:00

سودانيزاونلاين.كوم Sudaneseonline.com

ارسل الموضوع لصديق
 نسخة سهلة الطبع

نـداء أطـفـال دارفـور

طلال دفع الله

 

يا إيَّا .. يا مَمَّه

يا خاله .. يا أمَّه

إشتقنا لى لَمَّه؛

نلأب غُتانا أمان

في بيتنا ننجمَّ

ولى مدرسه الرَّجْأَ .

يا إيَّا .. توَّ الْمَي

ولاّ المدراس هَي ؟!

نقْروا الإلِم كِكَّيف

كان ناس كَتِل واقفين ؛

وبى بُنْدُق المليان ؟!

الرُّوه يِرُوه .. وبسيف

سيف الزُّلُم يَمِّي

في إيد أخوي قابيل

آدم أبونا نِسى

وياهو وَلْد أمِّي

يوم شال رِويهتي أخوي

ورويهتو ود أمِّي ،

وينو المدارس وين

في مأسْكَر النازهين ؟!

كان وقَّفوهو دُواس

وانطونا بس وخلاس

كنبه وقلم كرَّاس

زُتْ .. نبقى زي الناس

آفيه .. وكمان تَيْبين ؛

يا إيَّا ننتمَّ

لا خوفه هزَّتنا

في مشيه .. لا رجْأَ

والتِّينه هقَّتنا

بى إيدنا منزرْأَ ،

ما لُقمه جايانا

من برَّه منجدْأَ .

دايرين زمان يرْجأَ

لا أنَّه .. لا وجْأَ

نرجأْ هياتنا أمان ؛

نسره .. كمان نَرْأَ

ولى مأسكر الوجْأ

دُت تاني .. كَوْ رجْأ .

هُرقة شمِس أمِّي

وقرصة صقط صَقْأَ .

حتى الخريف بَمْشي

فوق من أُضام

أَمِّي

نهْشة أُضام ضَبْأَ .

وين رهمة أخوي إنسان

وككيف نكون اخوان

وبلدنا هو السودان

كان جُوْأَ كاتلانا

وكاتلاهم الشَّبْأَ ؟!

وجرن الدموع بشويش

كايسه الفرح شقيش

شافن هَداك عصفور

فارق جناحو الريش ،

سالن بحور وبحور

دمعات صغار دارفور ،

سألن قلوبنا سؤال

ليه الحنان مافيش ؟!

الأرمله .. الأيتام

آآه .. مرَّن الأيام

العام وراهو العام

صعبان علينا العيش .

يا رحمة الإنسان

ظاهر عيان وبيان

حالنا الطحينو دَريش    .

وين العِلِم والراي

وين غنية الطنبور

صفَّق معاها الناي ؟!

الخطوه قادها النور

ما ضلمة التهميش !!

يا أيها الإنسان

أسمع بكانا جديد

أسمع نِدانا الآن :

الكوكب الأرضي

جامعنا والأفكار

والمرجِع المرضي

الحكمه والأديان

جمعاً .. دعن للعدل

نحيا ونعيش اخوان

ما همَّ بيناتنا

تتباين الألوان

أو .. كل زول عبَّر

عنو الكلام بلسان

مش الوطن واحد

واصلو الجِنِس إنسان ؟!!



© Copyright by SudaneseOnline.com


ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى [email protected] كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام

أعلى الصفحة



الأخبار و الاراء المنشورة لا تعبر بالضرورة عن رأي الموقع