|
|
Last Updated: Jul 11th, 2011 - 15:37:55 |
رسالة عاجلة من( يو أرض الحجر) لأبنائها
تاليف /عباس حسن محمد علي طه – جزيرة صاي
يا ولادي ، كيف هالكم ، سكرفيجرو ، يا هليييلكم يا ولادي ، هسع أنتو آرفين أنا منو؟؟؟ أنا يو ارض الحجر ( يو كدنتو) أنا أمكم يا ولادي ، وبناتي أتيري و عمكا وجمي ومرشد وصرص وسمنة وسوركي ودويشاب وملك الناصر وأمبكول وتنقوري وسونقي وأكاشا وكولب وأكمي ومقفلنارتي آل عيسى وخالاتي حلفا وسكوت ومحس ودنقلا وبنت خالتي جزيرة صاي وحبوبتي ( يو نوبه) بنت الحضارة، يا ولادي أنا زعلانه هالس منكم عشان أنتو بقيتوا بعيديين عني ونسيتوني ونسيتوا أيام صباكم معاي و ليه كده يا ولادي ؟( الان بدأت يو كدينتو تبكي والدموع تبلل طرحتها وآآخ من جور الزمان) يا ولادي أنا ربيتكم بالموجود في وقت الضيق والزمن الصعب أكلنا الكابد والسرنقي والمكادا ولبستم الدمورية بس ربيتكم أحسن تربية وتعبت عشانكم شدييد من زمن عمدة صالح شلبي ومحمد عبد المجيد محمد نور وحسن عقلان ومحمد صالح خليل ومحمد عبد الرحمن وشهداء منجم الذهب، ويا حليل ولادي زمان، والشيخ سيد أحمد محمد حامد الشيخ محمد عثمان الشيخ محمد أحمد عثمان وإبراهيم أحمد عثمان وحج حسن عثمان عبد الرحمن ومحمد عبد الجابر العمده وماشاء الله واللهمصلى على النبي ، هسع أنتو بقيتوا دكتورين ومخندسين ومخامين ومدرسين وموظفين كبيرين وضباط بوليسيين ، أمالاكين أيه الفايدة يا ولادي؟ بقيتوا بعييدين مني كتيير وأنا ما شتفت أطفالكم الصغييريين الحلويين ويا هليلهم ، أنا خايفة لو ما تعلموا الرطانة وخايفة أنتو كمان نسيتوا الرطانة وهايفة رطانتي تروح مني ويا ولدي إبراهيم عبده محمد، كتير هيرك أنا سمعت أنت شاطر هالس في الأورتانة وبتعلم أطفالي الصغار، يا ولادي خليتوني براي ليه ليه ؟ ومشيتوا بعييد ليه؟ بالله عليكم الله ، أنا مش أهسن من لفة القبة ناس كلهم حرامية؟ أنا مش أحسن من حلة كوكو وأبو آدم والحج يوسف وأمبده؟؟ أنا مش أهسن من الهبيله والشواله وغبيرة ومنفوحة؟ ليه يا ولادي بعدما ربيتكم وتعبت عشانكم تنسوني؟ وما تجيبوا لي أطفالكم ولو مرة في السنة وفي الإجاسة؟؟ آآآهــ أنا كل ليلة أبكي عشان مشتاقة ليكم هالس أنتو ما عارفين حنية الأم ليكم ، أمبارح أنا سافرت لأختي حلفا الجديدة عشان أشوف ولادي، ومشيت عديتهم واحد واحد وقرية قرية عشان ما يضيعوا مني وعملت ليهم ترقيم من جديد قرية (20) و (16)و (24) و (26) و(19) وكيلو 14 ولسع أولادي بيعدوا كلهم. وسافرت كمان إلى الهرتوم لولدي كمال إبراهيم سالي ولما شافني بكى كتيير وأنا بكييت شديد هلاس معاهـ (آآهـ آآهـ) والحمد لله هو بقا كويس وأرح يسافر إلى مصر وأهان كلكم أدعوا ليه بالشفاء وأهان كلكم أقيفوا معاه وربنا يشفيه اللهم آمين يارب، يا ولادي ليه ما ترسل لي عربية بوكس عشان أسافر إلى أختي جزيرة صاي ويا هليل سيد تلول كان بيجيني على طول عشان هو عارف أنا خالتو وزمان يا ولادي أنا كنت أسافر مع ولدي مختارعلي عبد الله (جني الليل) كان بيحبني و يفسحني وأجلس معاهـ مقعد أمامي في اللوري والبوري تيرا ريرا ريرا وياحليلو و أيامو! ويا ولدي حمزه محمد صالح وعبد الله محمد عبده أكتبوا عن تاريخي وأنساب ولادي ، أنا بقيت كبيره ويمكن تاني ما أشوفكم وما أشوف اطفالكم الصغيرين، يا ولادي أناعايزاكم كلكم تكونوا بعض وتحبوا بعض زي ولادي زمان ويا هليل ولادي بوليس كبيرعقيد محمد علي عبد الجابر وعبد الله محمد عبده وامين دهب وسري جارون وعبد المجيد كنينه وحمزه محمد صالح وعبد الرحمن البشير وبوليس كبيرعقيد محمد صالحين محمد وصلاح وبكري محمد عثمان الشيخ والشفيع البشير ودكتوربكري مهمد سليمان محمد عثمان حداد والمحندس إبراهيم حسن عبيد وولدي صالح عكاشة كوقا وبدري محمد علي أوليكو وصالح قاسم سونقي وداؤد عثمان وحسن بوكسي وعبد العزيز غلاب وعثمان ديشاب وفتحي شلبي وأحمد دياب وعبد الغني صالح ومحمد صالح وإبراهيم دقنس وحسن ومهمد سالي وبكري سيد أحمد واحمد خيري علي واستاذ سيد محمد عمر وهسع أنا ضربت تلفون لولدي صلاح دهب فضل ومحمد أحمد عبده وفتحي خليل محامين كبييرين علشان يشوفوا ولادي شهداء المنجم ، وولدي ياسر عبد الفتاح دمو خفيف هلاس كل يوم بيقول شقشقة وأنا ما عارفه ماناتو شنو؟ ويا ولدي أمير محمد عثمان الشيخ إنتا وولدي عبد الغفورعثمان عبد الفتاح رسلوا لي حلاوة طحنية ومرقة دجاج وحجر بطارية وطرحة لون بني غامق وشبشب لون أصفر مع ولدي النذير جريس هو جاي في الإجازة وقول لولدي أستاذ/ دهب أحمد خيري يرسل شنط مدرسية ووسائل تعليمية وطباشير وقلم أرساس لأطفال مزارعيني أنا أصلاً عايشه بيهم وزرعوا فول وقمح وربوا بهايم وأنا رسلت بلح وترمس وأبري وغنماية لولادي ماهر محمد طه وعوض سالي وسيد علي آدم وجعفر محمد علي وأمين كمه وكلكم قسموا مع بعض، ويا حليل ولادي تاج السر محمد صالح ومحمد جمال أحمد وأ. عبد المنعم محمد علي ودكتورمحروص كتر هيرو عمل لي إنطرنخت أنا ما آرفه ماناتو شنو؟؟ وسلامي كتيير لولدي شوقي مختار وبكري صالح بشير وولدي محمد أحمد آدم في بورتسودان قالوا نسى الرطانة وبقا هدندوي وحسن ساده يا حليلو ويا ولدي سليم صالحين محمد رسل لي فيزة لون بمبي عشان احج السنة دي ويا ولدي ميرغني علي كرار مبروك! الغنماية حقتك ولدت تيمان واللبن ماشاء الله السنة كتيير بنعمل شاي أقوى من Nokia N-95 ويا ولادي كلكم تعالوا عندي ما تغيبوا عني كتييير أنا مشتاقة ليكم، تعالوا زي زماآآآن نقعد نتونس في رمضان ونشرب الأبرى بالليمون والموية من الزير( الفوكى) ولو أنتوا خايفين من القروش أنا يا يو كدينتو برسل ليكم قروش وهيراتي لسع كتييرة هالس، عندي فول وترمس ولبن ( سو) وأهم شي الصخة والعمر يا ولادي، الغربة والقروش الكتييرة بتجيب سكري وضغط ، أنا عايزاكم تجوا كلكم أنا في إنتظاركم وضربنا الجير والبوية في الحيطة والأبواب ورشينا الرمل في الحوش ( السمينتو ) وعملت ليكم المنين والشريك و عجوة أكندينه والأعراس السنة دي كتييرة ومرسله ليكم عجوة وابرى ومنين وشريك مع ولدي إبراهيم عبده محمد وأنا خايفة يقوم يبيعو عشان قبل كده قام باعو في أبو حمد ومع السلامه يا ولادي آيفيالوقو ، أهان ويدا ( الآن تبكي يو كدينتو والدموع تبلل طرحتها وكأنها كتبت رسالتها ووصيتها الأخيرة لأبنائها)
من ترف يو كدينتو
عباس حسن محمد علي طه - الإعلام الخارجي لجزيرة صاي
© Copyright by SudaneseOnline.com
ترحب سودانيزاونلاين بجميع الاراء الحرة و المقالات ,الاخبار و البيانات لنشرها فى هذه الصفحة.ويمكنك لزوارنا الكرام ارسالها الى bakriabubakr@cox.net كما نرجو ذكر الاسم الحقيقى و الكامل و مكان الاقامة مدة بقاء المقال فى هذه الصفحة 10 اعوام
أعلى الصفحة
الأخبار و الاراء المنشورة لا تعبر بالضرورة
عن رأي الموقع
