أنين

أحسك موج الفرح يهدر

 فوق شلال عمري البينضح بالعذاب..

أحسك زهرة الأمل المفرهدة

 في صحاري الشقي والهم واليباب..

أحسك نغمة في غني تربال

وفي مشاعر حلوه متمازجة

 بتتمايل وسط صفقات عديله وزين

وفي أيدينا خضاب..

أحسك منديل فال يمسح دموع محزون

 حياته  جحيم وخراب..

حلمه الموسد في عمق الجرح لقاه سراب..

عمره المدد فوق مساحة الزمن البيعاند

 لقاه تراب..

أحسك نغم الليل اليشُق صمت المسافة الطال..

يهدهد في مآسي الناس ويزرع في القلوب آمال..

أحسك لفحه من هواء النيل

 في بلاد الغربة والترحال..

حرف يأبي يتكلم..

 كلمة بتتعذب وتتألم..

دموع وأحزان وأفراح بتتازم..

حنين مكتوم علي جناح مرسال..

أحسك شئ  لا بيتوصف ولابتقال..

وأحسك جواب لألف سؤال..

معتصم كدكي- الخرطوم

[email protected]