منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 25-05-2018, 00:19 AM الصفحة الرئيسية

مكتبة الشاعرة اسماء الجنيد(soma)

*** ترتاره ***

نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
11-10-2004, 07:36 PM

soma

تاريخ التسجيل: 14-09-2002
مجموع المشاركات: 4120

للتواصل معنا

FaceBook
تويتر Twitter
YouTube


Re: *** ترتاره *** (Re: Ehab Eltayeb)


    المعز
    *****
    لك أيتها الفراشة
    ندى الحقول
    ورحيق الأزمنة الناضرة..
    ولك التحية
    أيتها الشاعرة القمر
    *************
    اخى الحنين معز الشاعر الشفيف .. ..
    الشاعره دى كلمه كبيره جدا على من شاعر زيك بقامة بلادى ..وانت تغمرنى بندى حقولك الرويانه بى كلامك الندى يا كثيف العباره.. كل هذا الجمال كان لى بمثابة غيمه ضهر رويانه مضلله كل الكون وشاره فرحها السحرى ..
    رحيق الازمنه !!!!! ما اروعك ايها المعز وانت تنثر حولنا عذب كلامك ودرر حروفك من يمك الصافى النقى ..
    التحايا النواضر لك تصابحك وتماسيك وتنشر البسمه حواليك
    والشكر ليك ملون بكل الوان الطيف ومعبق بكل رياحين الدنيا

    ****
    الشاعر الانسان اخوى منعم المرهف .
    حبابك يا ود الاهل . وحباب العروس الاميره الحنينه .
    تسلم على الطله يا جميل الدواخل .. وحقيقة افتقدنا تواجدك معنا عبر الجلسات الشعريه .. نتمنى العوده من جديد وبصحبة ست الحسن والجمال حرمكم المصون ..
    قلت لى داير بدر الدين شنا يجيك بالترتاره لوووووووول ..بدر الدين كرعينو زاتا ما ترتاره لوووول ما يقول سحرناه هسه .. ما شاء الله يا ود الانصارى .. لكن اكيد بتكون الترتاره رفيقتو زمان ..
    شكرا اخوى منعم عتيقه ومعتقه زى كلامك يا حنين .. تحياتى عبرك للعروسه والف مبروك من تانى ..

    *****
    ود رمليه وينك يا الحنين ..
    ود رمليه يا غيمه مرويه ..
    ولمة اهل فى ضل ضحاويه..
    وكوم فناجين وجبنه متكيه
    يديك العافيه يا ود القبيله
    حقيقه ذكريات جميله يا ود رمليه يا خوى .. حتى الما عاصرناه بنسمع بيه من الحبوبات الحنينات . وحكاويهن وحجاهن .. حتى الحجا فيه نوع من الخيال الممتع .. مش زى خيال التكنلوجيا المشاتره الايام دى ..
    هسه منو البحكى ليك عن الاشياء الجميله دى ؟ .. اكيد قدر الفى نسا بالترحال الكتير والسفر لبلاد العولمه .. بقينا معلمين الله من بعض جمال عاداتنا وتراثنا الجميل ..
    ساعدونا يا اخوة واخوات لننفض بعض الغبار عن تلك اللوحات الرائعه وعتيقه ..
    ود رمليه شكرا يا العشا جنائن رفاعه ونيلها وهمبريب عصريه من قدام ديم لطفى
    التحيه ليك قدر حنيتك ..
    ***

    توماااااااااا يا توماااااااا
    حبابك يمه وحباب الدريب اللينا جابك ..
    ليك وحشه والله ..
    والله انتى الحنينه يعلم الله
    وحنيتك باينه فى وشيك ونضميك يا تومتنا
    تسلمى كتير والشكر ليك آبرى رمضان باااااااااااااارد فى الجوف
    وكل سنه وانتى طيبه..

    *****
    اخوى خضر التحايا ليك والله برسلا من ترع الجنيد وجروفا ..
    تجيك فى مكانك وتروى الحداك والمعاك ...وانت فى البدايه وحتى النهايه
    كلما اجى متاوقه فى بوست لى.. او للاخوة والاخوات المشتركين فى البورد .. ولا حتى ليك انت زاتك .. اتوقع الفرح المشرور قبال اجى داخله .. بتقابلنى البشائر من طرف الشارع .. بعرفوا ده نضميك انت .. معطر الساحه وفارى جنحينو تياب وطرح معبقه بى سمح الطبع والاصاله الموروثه..
    تسلم اخوى خضر .. والشكر ليك دائما محكر فوق فى الاحداق متل ما انت دائما فوق بمعانيك الجميله ..
    التحايا ليك قدر فرحنا بيك .. تسلم يا اصيل ..

    ****

    طارق الاحمدى ..
    سلام...
    الرائعه المرهفه الشفيفه سوما
    حليل ترتار وقيره
    جري ولمة بطان فوق الدميره

    حليلك انت والله يا طارق الحنين ..
    الجواك الاشياء الحنينه والذكريات العطره
    حليل اهلنا الزمان وحليل عاداتنا السمحه ..
    كتير وكتير جدا من الالعاب السودانيه ..لا استطيع حصرها لكم
    فى هذه العجاله .. كل هذه الالعاب فيها ذكاء ملحوظ ورياضه ممتعه..
    موروثه من جدودنا بالفطره. اهلنا زمان مافى زول قال ليهم ولا فى زول وراهم ..
    حتى الحجاوى الحنينه بالنغمات البتهدىء مشاعر زول كبير .. مش طفل صغير..
    النغمات الحنينه دى بلحنوها بمحنتهم وكلامهم نابع من صفاتهم والبيئه الطيبه العايشينها فى زمن عدا وفات ..
    ربنا يمتعنا ولو بالقليل من طباعهم ويعمر قلوبنا بى بالمحبة لكى نقتدى بهم فى درب الحياة الوعر..
    خصوصا نحن فى الغربه المضلمه محتاجين ولو لبصيص من ضى جدودنا .. لنكون اهل وليس مجرد معارف بالجواز وانتماء لبلد واحد ..
    اخوى طارق المبدع الحنين تسلم على الطله البهيه .. اسعدت بوجودك معنا
    والشكر والتحايا ليك قدر لمة اهلنا السمحه فى كل مكان .. من خلاوى وذكر فى شهر رمضان ..وكل سنه اونت طيب ..
    ***
    اهياب الطيب ..
    عمى اخو ابوى لزم
    بس قلنا صغير يا عم ..صاح؟
    رمضان كريم وكل سنه وانت طيب تصوم وتفطر على خير وربنا يعيد علينا الشهر الفضيل بى خيره وبركته بالصحه والعافيه ..آمين يا رب..
    تسلم ايهاب على طلاتك المنوره دائما بقنديل كلامك الشايلو فى دربك طول الوقت..
    وتسلم على الباقات الجميله البتقدما فى كل مناسبه يا جميل الدواخل ..
    شكرا لا تتوقف لك اخى ايهاب
    والتحايا والامنيات دائما لك بكل خير وربنا يديك الف .. الف عافيه ..
    *******
    تسلموا اهلى الطيبين وكل سنه وانتو طيبين ورمضان كريم عليكم اجمعين ..





                   |Articles |News |مقالات |بيانات

العنوان الكاتب Date
*** ترتاره *** soma08-10-04, 09:46 PM
  Re: *** ترتاره *** samwal ebrahiem08-10-04, 10:01 PM
  Re: *** ترتاره *** MASSOUB08-10-04, 11:14 PM
    Re: *** ترتاره *** ابو جهينة08-10-04, 11:42 PM
      Re: *** ترتاره *** خضر عطا المنان09-10-04, 04:47 AM
        Re: *** ترتاره *** soma09-10-04, 10:55 AM
          Re: *** ترتاره *** محمد حسن العمدة09-10-04, 03:52 PM
  Re: *** ترتاره *** Kabar09-10-04, 04:07 PM
  Re: *** ترتاره *** MASSOUB09-10-04, 04:25 PM
    Re: *** ترتاره *** Dr. Moiz Bakhiet09-10-04, 04:50 PM
      Re: *** ترتاره *** عبد المنعم سيد احمد09-10-04, 05:12 PM
      Re: *** ترتاره *** ودرملية09-10-04, 05:16 PM
  Re: *** ترتاره *** توما09-10-04, 05:51 PM
    Re: *** ترتاره *** soma09-10-04, 08:38 PM
      Re: *** ترتاره *** خضر عطا المنان10-10-04, 00:05 AM
  Re: *** ترتاره *** Tarig Sidahmed10-10-04, 00:49 AM
    Re: *** ترتاره *** soma10-10-04, 06:49 PM
  Re: *** ترتاره *** Ehab Eltayeb10-10-04, 06:56 PM
    Re: *** ترتاره *** soma11-10-04, 07:36 PM
      Re: *** ترتاره *** زوربا12-10-04, 05:20 AM
        Re: *** ترتاره *** bamseka12-10-04, 05:54 AM
  Re: *** ترتاره *** لؤى17-10-04, 12:20 PM
  Re: *** ترتاره *** وحيد17-10-04, 01:48 PM
  Re: *** ترتاره *** بدرالدين شنا17-10-04, 11:05 PM
    Re: *** ترتاره *** خضر عطا المنان19-10-04, 07:28 AM
      Re: *** ترتاره *** soma19-10-04, 11:46 AM
        Re: *** ترتاره *** عوض الله الفولانى25-10-04, 05:48 AM
          Re: *** ترتاره *** soma26-10-04, 08:45 AM
  Re: *** ترتاره *** محمد الامين احمد26-10-04, 02:43 PM

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de