لحن الخميس .... واحشني .. عركي

وطرحت قوس كمنجتي جسرا ببحر الليل
ثم هويت للقاع
متورم العينين تنبض عبر اسماعي
طبول العالم الهدار : لا تأسي لمن فاتو
فبعض مساكن تبقي وبعض مساكن تنأي
فتدنيها المسافات
تعلم وحدك التحديق نحو الشمس والمقل النحاسية
مرايا تخطف الأبصار لكن ليلنا الصاحي
وشرفتنا المسائية
علي عينيك ، فوق رموشك التعبي ستارات ستارات
يضوع بنفسج الرؤيا وتخضر النجيمات
بكل أناقة الدنيا
تمدك بالظلال الزرق بالنغم الذي يهتز في الريح
بدندنة الأراجيح
بساعات يظل الشعر يلهث في مراكضها ويطويها
ويسكب روحه فيها
ويحلب قلبه المطعون فوق دروبها العطشي ليرويها
* *

واهتف أيها المنثال كالأمطار أين زمان تلقانا
بساح الجمر نحرق في سبيلك سوسنات العمر
نضرع ثم تأبانا
لعلك يا عذاب الليل كنت تزورنا كرها
وترحل قبل أن تأتي
ونحن نمزق الأعصاب ، نسمع دمدمات الوحي
خلف ستائر الصمت
ونرقب ساحة الميلاد ، برق خلاصنا
المرصود بين الآه و الآه
تفرغ أيها المنقاد وجهك في دروب الأمس
كان الآمر الناهي
أنا المحروم من دنياك لما غامت الرؤيا
ولفتني المتاهات
سقيت الناس من قلبي ، حصاد العمر
ذوب عروقي الولهي .. بأكواب من النور
أقبل كل من القي علي الطرقات
من فرحي والثم أعين الدور
كمنجاتي التي ضاعت تردد صوتها
المخمور يهدر في بحار الليل ، يهدر كالنوافير .

مصطفي سند ـ الكمنجات الضائعة

لحن الخميس .. واحشني ..
الكلمات / التجاني الحاج موسي ..
التوزيع /.. يوسف الموصلي
الالحان والغناء /.. ابوعركي

ازيك يا خالد
شكرا كتير كتير ليك

عمنا تنقو يا لذيذ
تحية الشوق ..
تعرف أنا كنت عايز أستاذنك هذا الخميس عشان أنزل أغنية لي أبوعركي ..
لكن يظهر توارد خواطر عجيب بيني وبينك ..
شكراً كتيييييييييييييير ..

معتصم الحبيب ... كيفك ووين ايامك

القلوب شواهد يا معتصم .. انت تامر امر .. وتاني اتصل من يوم الثلاثاء تلقاني علي الوعد

لك الود ممتد

الاخت راوية العزيزة .. مرحبتين

الشكر ليك انتي ولي ذوق سمعك العالي

ايرادك لمقاطع من الكمنجات الضائعة لمصطفى سند,
كان موفقا جدا

فبالرغم من مواقف سند السياسية ,

فانه يظل واحدا من الشعراء المهمين والمؤثرين في حياتنا الثقافية

والابداعية

كل امنياتنا الطيبة لشاعرنا العظيم

المشاء

العزيز اسامة الخواض ...
اشكر حضورك ...
مصطفي سند وغيره من المبدعين .. تؤلمنا جدا مواقفهم .. ولكن تاريخهم يفرض علينا ان نعتبرها كبوه جواد ودائما ننتظر ان تنقشع الغيوم عنهم .

تحياتي

واحــــــــــــــشني،،

خالد إبتسامة بحجم حبك للو كنت ناكر للهوي،،

سوميتا

سوميتا .. يا طيبة اهلنا وينك مختفية ومحاربة البوردات ؟ يعني ما يجيبك الا عركي ؟
تسلمي للطلة

تنقو

مش لي حق أصحيك من النوم وإنتة بتخلي صباحنا كده؟ ... طعمو مختلف ... ولونو مختلف ...

تسلم يا جميل

نادر ياخي انت صحيني في اي وقت ...
مش قلت ليك قبل كدا دا لحننا كلنا
كان غلبك تتحملو اللحن دا براك انا بشيل معاك

دمت طروبا

واحشني ساي
عاد يا تنقو وين نشيلك وين نختك

لكن دي ما بتستحمل عديييييييل
يا علاء تمبس خت لي لنك الحفظ والحين
ما بقدر اصبر لمن تنقو يجيني انصاص الليالي ولا بكرة

شنو يا تمبس
نربط رأسنا لحدي السبت ولمن يحي تنقو
ترضاها لي ؟

داير اتجنصص عليك شوية يااماني

غايتو خميسات تنقو دي جايبا لي الهوا دائما معاك
وهو نائم ولا هاميهو شي

تاني ياماني خليهو يخت اللنك قبال الغنية .. يا مافي خميسات ولا حاجه


واحشني ياتنقو .. وواحشني عركي زاتواستلمي يااماني ..
Save@Pc

الجندرية
تمبس

يا رائعين ...

اتخيلو معاي كدا لاعب كورة عجوز زي وجاري من نص الميدان ومنفرد
وجاب قون ( القون دا لحن الخميس ) لكن بعد ما بجيب القون دا بكون خلاص نفسي اتقطع تاني ما بقدر احي الجمهور زاتو .. بأشر للمدرب وبقول ليهو غيرني ..

وتيب
يا تمبس ما انت البدل بتاع اخوك . ما تغير ياخ

تنقو يا جميل ،،
ما تعمل لينا حاجة تسميها لحن الصباح وتنزل لينا لحن رائع كل يوم ،،
طماعين مش ؟؟
أعتقد أن الجندرية يمكن أن تثني الاقتراح ..

اثني يا ود قاسم وما اثني ليه
انت قاليني بريد روحي
صااح ما بقدر ادخل النت بقيت الا خميس وجمعة
لكن بجي بجيهن مش بكونن قاعدات بلنكهن ؟

علاء
استلمنا
ما يسلم ليك عدو

ويا تنقو
اسمع وصية علاء
ولا ترا جنس الاجتياح دا لبوستاتك

السماح يا السمحين
لكن عركي لا يقاوم
وما فينا صبراً لحدي السبت

العزيز تنقو

لو تتخيل حجم الفرح البتدينا ليهو مع كل خميس

كل الود

شكرا يا حبيب

وبرضو بقول والله ليك وحشه انت كمان يا عم تنقو
ليك كل دافق السلام والشكر
تحياتى

لعزيز تنقو... نادر
والله واحشني مووووت تسلموا وتحياتي عبركم لبورداب الشرقية

نجضتنا ياخ

ود قاسم معليش

صورتك بتذكرني بالسبعينيات والخنفسة

وخاصة البوني ام

ارقد عافية

المشاء

العزيز عم تنقو ،

استمعت للاغنية بالحان ابوعركي قبل توزيع الموصلي وكنت لا اشبع من
سماعها


وها انا استمع اليها الان بعد التوزيع ،

بصراحة حسيت بان تجاوبي معها بعد التوزيع ضعف،

لا ادري ما السبب ؟


ايضا ادي ابو عركي هذه الاغنية بالعود وكان حاجة ما تخلص ،

ولك عظيم احترامي ومودتي

عند الساعة الثانية عشر ظهرا ينتهي اليوم المدرسي في تلك القرية المدينة التي احبها جيدا,نسرع الخطي نحو بيوتنا بعد ان نؤكد لحظات التلاقي في مساء هذا اليوم الجميل,والدي كان يعمل في المدينة التي تقرب الينا كان ياتي الينا كل يوم خميس نسبة لتعزر المواصلات ,يوجد بص واحد لحمل سكان المنطقة الي المدينة كنت انتظر هذا البص عند الساعة الثانية بعد الظهر عند كل خميس فرحا بلقاء والدي الذي يحفزنا ببعض ما تجود بة المدينة من اشياء اخري وبعض الجرائد حينها كنت مولعا بقراءتها.والدي لة راديو قديم قيل انة من اوائل الراديواهات في القرية ارتبطت بة كثيرا منذ صغري ولكني اجدني اكثر تعلقا بة في ذلك الخميس عندما تعلن الساعة الواحدة موعد برنامج (الحان )الذي يربط قلوب الملايين من الشباب .هذا هو لحن الخميس .

لم يبق شئ سوي الذاكرة
وللذاكرة ظل حالة لا ظل الا ظلها
تشكل منا
يسقط فينا
ظل منا والينا
ننعم فية بين الفينة والفينة

مجدي شبندر

سلامات عمك تنقو
والله ده احلى لحن لاحلى خميس
ولسه واحشــــــــــــــــــنى

يــاه يا تنقو

ختيت لينا ايدك في مكان الوجع ذاتو

بس هنا ويبقى الكلام (واحشـــــــــــني)

قال لها ( وحشتيني) أجابت بسرعة (لو وحشتك كنت جيت)

بالمناسبة انا مسجل الاغنية على شريط فيديو من برنامج محطة التلفزيون الاهلية (من زمن نميري)

وكانت ابداع في تقديمها حيث جلس الاستاذ ابو عركي على الارض يداعب اوتار العود ويغني بكل احاسيسه الجميلة

وفي مرة وكنت اعمل مع شاعرها في احد الصحف زمن الديقراطية الثالثة قرأ لي النص الكامل
وهو مختلف في بدايته عن الاغنية

يا ريت واحد من المهتمين يكتب النص كاملا للفائدة العامة

ويا تنقو بالله خلينا نودع عام 2004 ده بطريقتك دي وخلي كل الايام الباقية فيهو تكون خميس واهدينا عشرين لحن خميسي معتبر


تسلم يا تنقو


جمال

عمك يا رائع ..
لك التحية
أى حاجة منك حلوة ..
ولامن يكون عركى تكون أحلى ..
لكنى ما زلت أنتظر طلبى ..
ولا أوسط فلاتة الفلانى ..؟