مغرود لي في اغنية شديييييييييد ...

تحياتي عاشقي اللحن والطرب

الليله من الصباح قمت وانا اردد اغنية الراحل احمد ربشة

شاقي روحك ليه هو الزعل بجدي ؟

الرجاء من تتوفر لدية الاغنية ان يتكرم بأنزالها
فعلا اغنية جميلة من مطرب جميل الله يرحمو

وشكر مقدما


تنقو

تنقو


انت في الاغنية ولا انا قيل ربشة لي حسي حي؟....جد والله..... غايتو نحن بقينا سودانين بالهواية

تنقو..
وأنا معاك يا خالد كايس الغنية دي..
وكمان في واحدة تانية كلمات بشري سليمان..

يا مواسم توهيني وشيلي من عيني أساها
ما عيوني بدون عيونك تايهة في سكة متاهة
رحم الله ربشة فقد كان مبدعا بحق

ويا ريت يا ريت ...

سجيمان..
كفارة والله..

يعني ياخالد ماتكون في غنية الا وانت منزلها /واذا ما نزلتها تكون ساكيها...ساسميك الولد الذي ذهبت عصافيرة خلف غنية ولم تعد ولاما كدي عمك تنقو

كدي ياعليا والله

بس ادعي معانا زول ينقذنا عشان ما تكون اتنين طايرة عصافيرنا




تنقو

أها رايك شنو يا عالية
لو قلت ليكي بجيبها..
أصبري لي بس..

وانا بدلك علي طريقها لكن توعدني انك ترسل لي الشريط كامل يا خالد

اها يا سيدي امسك في الصادق شيخ الدين قوي حتلقي عندو شريط كامل لي احمد ربشة شايفك الاسبوع الفات قابلتو يعني ممكن تلقاهو تاني . ومنتظرين برضو


تنقو

يا زول كان كده الشريط وصلك تب نوم قفا..
نحنا جيران وبينا مشوار ساعة ونص بالعربية.

انا غايتو لقيت دى

بيني مابين ربشه وعزيز خطاب واوبرلين أوهايو // مسافات الغياب

muntasir
يا سلام عليك شكرا كتير علي المساعدة ... هذا هو الموصلي
لا يبخل علينا بالفن والمعلومة ... زول مسكون بالابداع فعلا

منتصر احييك مرة اخري

تنقو

فعلا يا خالد الزول دا كان مبدع بحق

واتذكر مرة واحد من الاخوان نزل الاغنية دي في البورد قبل سنتين امكن

و منتظرين في محطات الطرب ننشد اللحن الاصيل

تنقو

سجيمان انت لكن فاضي من شيل الكراتين مع الباكستان

فعلا يا سجيمان الواحد بقي زي المنوم ما تصحي الا علي صوت
يذكرك بان هناك سنوات مرت

رحمة الله فلقد رحل في هدؤ

هي يا الهنا الغنيوة اشتغلت معاكم ولا الشى دا لحق خالد

الاغنية شغاله تمام

لقيت ليك الغنية يا تنقو
وكمان شريط كامل لي ربشة
بكرة بيصلني وبعد كده هي لك..

ويا عالية رايك شنو

العزيز ابا نحن اصحاب وجيران ياخي
والتملق دا كلو عشان الشريط اتخيل /والمشكلة حسي في الغنية المابية تشتغل وما حاقدر انوم لو ما سمعتها غايتو ربنا يسامحوا نصار وبوست عمك/

خمسة دقايق تسمعيها هنا قبل ماتنومي يا عالية

العزيز ابا
ان كل الامكنة المحتملة لاحتوائك تضيق..في حضرة شسوعك

تسلم يا ابا ياعطر المحبة

انفحني بيها اول شي وعطر البورد بي العزف المميز لي ربشة

وبعد كدا الشريط


شكر ماليهو حدود

تنقو

انا ذاتى معاكم/بالله ماتنسوا تجدعونا بى نسخه ولو على شكل linkيديكم العافيه ويخلى ليكم احساسكم العالى

بيني ما بينك
أحمد ربشة

يا بشري سليمان لك نسخة إن شاء الله من الشريط
رسل عنوانك .

أستاذنا العزيز بشرى سليمان
أسعد الله مساك بطيب المشاعر وعبق الاحاسيس

يامواسم
من أجمل ماسمعت ومن أروع ماتذوقته الفكره
كنت قد سمعتها ولاول مره من الفنان المبدع عادل الصديق ورعاها بدفء صوته وروعة الاداء
ثم صرت اترنم بها وسمعنى الاستاذ صلاح محمد الحسن فسجلها لى فى شريط مازلت احتفظ به مع أعمال أخرى له وترك لى حرية إختيار ما أشاء لغنائه وقال لى بأن مواسم كان يتغنى بها الفنان عبدو الصغير ولكنه ترك الغناء من غير رجعة وهى الان تبحث عن من يتغنى بها ولكن لكسلى وعدم جديتى وهى أكبر مصيبتى لم أوفق فى غناء أى من الاعمال ومازالت حبيسة دولاب الكاسيت الخاص بى..
أفيدنى استاذى الكريم بما ترى؟؟
إن ترغب فى سماعها بصوت الاستاذ صلاح محمد الحسن وهو ملحنها فسوف ارسلها للاخ خالد الحاج ليقوم بانزالها أو أبحث عن شريط للاخ عادل الصديق المتواجد بجده أو أى من الاخوه بجده سوف يمدك بتسجيل لهذه الاغنية الرائعة وللاسف النسخة التى اهداها لى الاخ عادل خرجت من خزانتى ولم تعد اليها منذ أن كنت بالسودان ..
دعنا استاذى الكريم نتفاكر فيها وفى الجديد الذى نتطلع اليه
أخوك من قدامى محاربين خريجى معهد الموسيقى| صوت

الاستاذ بشري .. ننساك كيف .. واكيد الخير حيعم علي الجميع

تسلم كتير وما حتقيف كتير

مشكور ياعزيز انعشت فينى ذاكرة كانت مدفونه ولو تكرمت بارسال نسخه يكون عملت جميل كبير،شكرا مره تانيه وتالته ورابعه والف

العيوووووووووووووون بترييييييد في البسييييييييمة منى
والله انت سعيد ياالبريييييييييييدك انا...

يا فرااايحي اللون...ما بدري من عمرك....


دايرين دي يا حلويييين ما في في شريطكم ده....

العم تنقو
أسعد الله يومك بالروائع والدرر
الاغنية موجودة والشريط ينادى عليك وربشة الله يرحمة كان جميل الاحساس دافى النغمات ورحل فى ذات الوقت الذى كنا نبحث عن أعماله لأنزالها فى البورد ..
وطلبت من الاخ حمزه سليمان أن يمدنى بتسجيل للفنان ربشه لأنه كان مقيما بالامارات ووصلنى التسجيل فى ذات الوقت الذى وافته المنية بلندن وأرسلت نسخه منه للاستاذ الموصلى والذى أنزل منه العمل المرفق للبوست الان وعمل اخر جميل ورائع..
عموما اليوم الاحد لابريد وغدا الاثنين سوف ارسل الشريط للاخ خالد وانت موعود بسماع ما تحب وتشتهى ونسخة سيمدك بها الاخ خالد ..
ودمت

عزيز العزيز

تسلم كتييييييير والله ما قصرت تب ..ومنتظرين البريد علي احر من الجمر . ... اقدر اهتمامك بهذا المبدع وبكل جميل ... ان الزهور تعشق الفراشات كما تعشقها الفراشات


تنقو

مانديلا ما ياها دي زاتها الفاتحين ليها البوست يا فرايجي اللون

اقيف في الصف برضو

و أنا أقول البوست مالو زاااهي كده..!؟!؟
وقفنا في الصف..
بس أتوصا لينا بال sound quality